ངམ་རིང་ཡོན་ཏན་རྒྱ་མཚོས།
སྲིད་སྤྱི་གཉིས་ཀྱི་དངོས་གཞིའི་འོས་བསྡུ་སླེབས་ལ་ཉེ་བའི་སྐབས་འདིར་ངས་རྒྱ་ཆེའི་དབུས་གཙང་དམ་པ་ཆོས་ཀྱི་ཆོལ་ཁའི་མི་མང་རྣམས་ལ་འབུམ་རམས་པ་རིག་འཛིན་ལྷུན་གྲུབ་ལགས་ལ་ད་རེས་དབུས་གཙང་
དམ་པ་ཆོས་ཀྱི་ཆོལ་ཁའི་སྤྱི་འཐུས་ལ་འོས་འཕང་རྒྱུའི་རེ་སྐུལ་དང་སྦྲགས་ཁོང་དབུས་གཙང་སྤྱི་འཐུས་སུ་འོས་པའི་རྒྱུ་མཚན་འགའ་ཞིག་རིམ་པས་བརྗོད་པར་འདོད།
རིག་འཛིན་ལྷུན་གྲུབ་ལགས་ནི་བོད་གཙང་སྟོད་ལྷ་ངམ་ཕུན་གསུམ་གྱི་ཡ་གྱལ་ངམ་རིང་ནང་སྐུ་འཁྲུངས་ཏེ་འཚར་ལོངས་བྱུང་བས་བོད་ནང་གི་གནད་དོན་མི་ཉུང་བ་ཞིག་རང་མྱོང་ཚོར་རྟོགས་ཐུབ་ཀྱི་ཡོད་ལ། ཕྱིས་སུ་བཙན་བྱོལ་དུ་ཕེབས་ནས་ཕྱི་ནང་གི་ཤེས་རིག་ལ་འབད་བརྩོན་
ལྷོད་མེད་གནང་སྟེ་འབུམ་རམས་པའི་ཡོན་ཚད་བཞེས་པ་ཙམ་ཟད།འདས་པའི་ལོ་ཤས་ནང་རང་རེའི་སྤྱི་ཚོགས་ཀྱི་ཚོགས་སྡེ་སྣ་ཚོགས་ནང་སློབ་ཞོར་དུ་ཕྱག་ལས་གནང་བའི་རྒྱུད་རིམ་ཁྲོད།བོད་མི་རིགས་ཀྱི་འཐབ་བརྩོད་ཀྱི་གནད་དོན་དང་།ལྷག་པར་དུ་ཁོང་དབུ་མའི་ལམ་གྱི་དབུས་རྒྱུན་གནང་མུར་སོང་། དབུ་མའི་ལམ་གྱི་སྲིད་བྱུས་ཀྱི་ཐོག་མའི་བྱུང་རིམ། བར་གྱི་འཕེལ་རིམ་དང་མཐའ་མའི་གྲུབ་འབྲས་ཅི་བྱུང་ཐད་མཁྱེན་རྒྱ་ཆེ་བ་མ་ཟད།དབུ་མའི་ལམ་གྱི་སྲིདབྱུས་ཀྱི་འོག་ནས་བྱུང་པའི་བོད་རྒྱའི་འབྲེལ་མོལ་སྐོར་ལ་རྒྱུས་མངའ་ཟབ་ཅིང་།ལྷག་པར་དུ་ཟམ་གདོང་རིན་པོ་ཆེའི་བཀའ་ཤག་སྐབས་བཙན་བྱོལ་གཞུང་དང་རྒྱ་གཞུང་བར་གྱི་ཡིག་འབྲེལ་སྐོར་ལའང་དཔྱད་བསྡུར་གཏམ་བཤད་ཀྱང་གནང་མྱོང་ཡོད་པས་ཁོང་ནི་དབུ་མའི་ལམ་གྱི་སྲིད་བྱུས་ལ་ངེས་ཤེས་ཐོབ་ནས་ཤར་སྐྱོད་བྱེད་མཁན་གྱི་འོས་མི་ཚད་ལྡན་ཞིག་ཡིན།
ཕྱོགས་གཞན་ཞིག་ནས་ཁོང་གིས་ལོ་རྒྱུས་ཀྱི་བྱུང་རབས་གཞི་རྩར་བཟུང་སྟེ།རང་བཙན་གྱི་ལམ་བུ་ནི་ཡང་
དག་གི་འདམ་ང་ཞིག་ཡིན་མིན་ལ་མ་ལྟོས་པར་རང་བཙན་ནི་བོད་མི་རིགས་ཀྱི་ཐོབ་ཐང་ཡིན་པར་ངོས་
འཛིན་གསལ་རྟོགས་ཀྱིས།དབུ་མའི་ལམ་གྱི་སྲིད་བྱུས་དང་རང་བཙན་འཐབ་བརྩོད་གཉིས་ཕན་ཚུན་གཅིག་
ཕན་གཅིག་གྲོགས་སུ་འགྱུར་མིན་ཇི་ལྟར་ཡང་།འགལ་སྡུའི་ཁྲོད་ན་གཞི་མཐུན་ཡོད་ཟེར་བའི་བརྗོད་དོན་རྩ་བར་བཟུང་སྟེ།དེ་གཉིས་ཀྱི་འགལ་བའི་རང་བཞིན་ལས་མཐུན་པའི་གནས་ལུགས་ལ་གཙིགས་ཆེར་འཛིན་མཁན་ཞིག་ཡིན་ཞིང་ཁོང་གི་དགོངས་ཕྱོགས་དེའི་ཐོག་ནས་ང་ཚོས་རྟོགས་ཐུབ་པ་ནི།གཅིག་བསྒྲིལ་ནི་
སྟོབས་ཤུགས་དང་།འགལ་བ་ནི་ཕམ་ཁ་ཡིན་ཟེར་བའི་ལེགས་བཤད་དེ་རྩ་ཆེར་འཛིན་བཞིན་ཡོད་པ་དེ་རེད།
མི་རིགས་ཤིག་གི་རང་དབང་དང་།འཚོ་གནས་འཐབ་བརྩོད་ཀྱི་དམིགས་ཡུལ་ནི་ཉིན་ཤག་ཕྲུག་གཅིག་ལ་མངོན་དུ་འགྱུར་བའི་གནད་དོན་ཞིག་མིན་པ་ནི་ང་ཚོའི་མིག་མདུན་གྱི་རྒྱ་གར་དང་རང་དབང་འཐབ་བརྩོད་ལས་རྣམ་པར་རྒྱལ་བའི་རྒྱལ་ཁབ་རྣམས་ཀྱི་ལོ་རྒྱུས་ལ་གཟིགས་ཚེ་གསལ་པོར་རྟོགས་པ་བཞིན།རང་རེ་བོད་རྒྱ་གཉིས་ཀྱི་གནད་དོན་ཡང་རིག་འཛིན་ལྷུན་གྲུབ་ལགས་ཀྱིས་གསུངས་པ་བཞིན་“མི་ཐོག་གཅིག་གི་འཐབ་བརྩོད་མིན་པར།མི་རབས་གཅིག་གི་འཐབ་བརྩོད་”ཡིན་སྟབས།ཕུགས་རྒྱང་རིང་བའི་འཐབ་རྩོད་ཀྱི་འཆར་གཞི་དང་།མི་རིགས་འཚོ་གནས་ཀྱི་ལམ་བུ་འཚོལ་དགོས་སྟབས།ད་ལྟའི་རང་རེའི་སྤྱི་ཚོགས་ཁྲོད་ཆབ་སྲིད་དབུ་ཁྲིད་ཕུགས་བསམ་ཡོད་ལ།འཆར་སྣང་ལྡན་པ།གཏིང་ཚུགས་པའི་མི་རིགས་ཀྱི་ལེགས་བྱང་གིས་ཕྱུགས་ཤིང་།ལ་རྒྱ་ལྡན་པའི་གཞོན་སྐྱེས་ཤེས་ལྡན་དགོས་རྒྱུ་ནི་མི་རབས་གཅིག་གི་འཐབ་བརྩོད་རྒྱུན་བསྲིངས་པའི་ཐབས་ལམ་མཆོག་ཏུ་འགྱུར་བ་ཞིག་ཡིན་སྟབས།དབུས་གཙང་རྒྱ་ཆེའི་མི་མང་གིས་ཁོང་ལ་ད་རེས་འོས་ཤོག་འཕེན་ཐུབ་ཚེ།ཁོང་ནི་སྐབས་ད་རེས་དང་རྗེས་མའི་དབུས་གཙང་སྤྱི་འཐུས་དང་།ཕྱིས་འབྱུང་བོད་ཕྱི་ནང་གཉིས་ཀྱིས་བཀུར་བར་འོས་པའི་མིང་དོན་མཚུངས་པའི་སྲིད་སྐྱོང་ཡང་ཚད་ལྡན་ཞིག་ཆགས་པའི་དབུ་འཁྱུད་ཡིན་སྟབས།ད་རེས་དབུས་གཙང་རྒྱ་ཆེའི་མི་མང་གིས་ཁོང་ལ་རྒྱབ་སྐྱོར་ཚད་མཐོར་གནང་རྒྱུའི་རེ་འདུན་གྲུངས་མེད་ཞུ།
དབུས་གཙང་རྒྱལ་གཅེས་མི་མང་གི་ངོས་ནས་སྤྱི་འཐུས་གདམ་ཁ་མ་ནོར་བ་གནང་རྒྱུ་ནི་གལ་ཆེན་ནང་གི་དོན་ཆེན་ཞིག་ཏུ་སྣང་། རྒྱུ་མཚན་ནི་སྤྱི་པའི་སྡིང་ཆ་སྒེར་གྱི་འཁོན་ལན་སའི་བསློགས་སར་བེད་སྤྱོད་གཏོང་མཁན་ད་ལྟའི་སྤྱི་འཐུས་ཚོགས་གཙོའི་མིང་ཅན་པདྨ་འབྱུང་གནས་དང་། ཚོགས་གཞོན་ཡེ་ཤེས་ཕུན་ཚོགས་གཉིས་ཀྱི་རྗེས་འབྲང་མགོ་མ་ཚོས་པར་ཀླད་པ་ལྡག་མཁན་གྱི་སྤྱི་འཐུས་ཟླ་བ་ཚེ་རིང་། དོན་གྲུབ་བཀྲ་ཤིས། ལྷ་རྒྱ་རི་རྣམ་རྒྱལ་སྒྲོལ་དཀར། བསྟན་འཛིན་འཇམ་དབྱངས་བཅས་གོང་འཁོད་སྤྱི་འཐུས་ག་དྲུག་པོས་དབུས་གཙང་རྒྱལ་གཅེས་མི་མང་གི་རེ་བ་བཅོལ་བ་ལས་ལྡོག་སྟེ། བོད་མིའི་སྒྲིག་འཛུགས་ཀྱི་ཡང་དག་པའི་དམངས་གཙོའི་སྒྲོམ་གཞི་རྨངས་ནས་གཏོར་བཤིགས་བཏང་སོང་། དེས་ན་དབུས་གཙང་རྒྱལ་མི་མང་གི་ངོས་ནས་རྒྱལ་བའི་ལམ་སྟོན་ཐོག་ཤར་བསྐྱོ་འགྲོ་ཐུབ་མཁན་གྱི་སྐྱེ་བོ་འབུམ་རམས་པ་རིག་འཛིན་ལྷུན་ལྟ་བུའི་རྒན་གཞོན་བར་གསུམ་གྱི་ཁྲོད་ནས་ཤེས་ལྗོན་ལྷག་གསུམ་ལྡན་པའི་མི་སྣ་ཤ་སྟག་འདེམས་སྒྲུག་གནང་རྒྱུའི་དུས་ལ་བབ་པའི་འོས་འགན་ཞིག་ཏུ་སྣང་། མཐའ་དོན་རང་ཅག་འགྲོ་བ་ཡོངས་ཀྱི་བླ་ན་མེད་པའི་དབུ་ཁྲིད་སྤྱི་ནིར་༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་བསྐལ་བརྒྱར་བརྟན་ཅིང་ཐུགས་ཀྱི་བཞེད་དགོངས་ལྷུན་གྱི་འགྲུབ་པའི་སྨོན་འདུན་དང་བཅས་བཀྲ་ཤིས་པར་གྱུར་ཅིག
དབུས་གཙང་རྒྱལ་གཅེས་མི་མང་ཡོངས་ལ་བསྐྱར་ནན་ཞུ་རྒྱུར་གོང་སྨོས་སྤྱི་འཐུས་མིང་ཅན་དྲུག་པོར་ཕྱི་ལོ་༢༠༢༡ ཕྱི་ཟླ་༤ ཕྱི་ཚེས་༡༡ ཉིན་མི་མང་གི་ངོས་ནས་ཁོང་ཚོར་ཉེས་ཆད་རེད་ངེས་པར་དུ་གཏོང་དགོས་པ་ཡིན། དེ་ནི་འོས་ཤོག་མི་བླུག་རྒྱུ་དེ་རེད་ཚང་མས་སེམས་ལ་ངེས་པ་གནོང་དགོས་བདེན་པའི་རྒྱབ་ལངས་མ་བཟོད་པར་སྡུག་སྐད་རྒྱག་ཏུ་སླེབ་ཡོད།
ཚིག་གསུམ་དག་བཅོས་བྱས་ཏེ་བསྐྱར་ནས་བསྐུར་གྱི་ཡོད།
དབུས་གཙང་རྒྱལ་གཅེས་མི་མང་གི་ངོས་ནས་སྤྱི་འཐུས་གདམ་ཁ་མ་ནོར་བ་གནང་རྒྱུ་ནི་གལ་ཆེན་ནང་གི་དོན་ཆེན་ཞིག་ཏུ་སྣང་། རྒྱུ་མཚན་ནི་སྤྱི་པའི་སྡིང་ཆ་སྒེར་གྱི་འཁོན་ལན་བསློགས་སར་བེད་སྤྱོད་གཏོང་མཁན་ད་ལྟའི་སྤྱི་འཐུས་ཚོགས་གཙོའི་མིང་ཅན་པདྨ་འབྱུང་གནས་དང་། ཚོགས་གཞོན་ཡེ་ཤེས་ཕུན་ཚོགས་གཉིས་ཀྱི་རྗེས་འབྲང་མགོ་མ་ཚོས་པར་ཀླད་པ་ལྡག་མཁན་གྱི་སྤྱི་འཐུས་ཟླ་བ་ཚེ་རིང་། དོན་གྲུབ་བཀྲ་ཤིས། ལྷ་རྒྱ་རི་རྣམ་རྒྱལ་སྒྲོལ་དཀར། བསྟན་འཛིན་འཇམ་དབྱངས་བཅས་གོང་འཁོད་སྤྱི་འཐུས་དྲུག་པོས་དབུས་གཙང་རྒྱལ་གཅེས་མི་མང་གི་རེ་བ་བཅོལ་བ་ལས་ལྡོག་སྟེ། བོད་མིའི་སྒྲིག་འཛུགས་ཀྱི་ཡང་དག་པའི་དམངས་གཙོའི་སྒྲོམ་གཞི་རྨངས་ནས་གཏོར་བཤིགས་བཏང་སོང་། དེས་ན་དབུས་གཙང་རྒྱལ་མི་མང་གི་ངོས་ནས་རྒྱལ་བའི་ལམ་སྟོན་ཐོག་ཤར་བསྐྱོད་འགྲོ་ཐུབ་མཁན་གྱི་སྐྱེ་བོ་འབུམ་རམས་པ་རིག་འཛིན་ལྷུན་ལྟ་བུའི་རྒན་གཞོན་བར་གསུམ་གྱི་ཁྲོད་ནས་ཤེས་ལྗོན་ལྷག་གསུམ་ལྡན་པའི་མི་སྣ་ཤ་སྟག་འདེམས་སྒྲུག་གནང་རྒྱུའི་དུས་ལ་བབ་པའི་འོས་འགན་ཞིག་ཏུ་སྣང་། མཐའ་དོན་རང་ཅག་འགྲོ་བ་ཡོངས་ཀྱི་བླ་ན་མེད་པའི་དབུ་ཁྲིད་སྤྱི་ནིར་༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་བསྐལ་བརྒྱར་བརྟན་ཅིང་ཐུགས་ཀྱི་བཞེད་དགོངས་ལྷུན་གྱི་འགྲུབ་པའི་སྨོན་འདུན་དང་བཅས་བཀྲ་ཤིས་པར་གྱུར་ཅིག
དབུས་གཙང་རྒྱལ་གཅེས་མི་མང་ཡོངས་ལ་བསྐྱར་ནན་ཞུ་རྒྱུར་གོང་སྨོས་སྤྱི་འཐུས་མིང་ཅན་དྲུག་པོར་ཕྱི་ལོ་༢༠༢༡ ཕྱི་ཟླ་༤ ཕྱི་ཚེས་༡༡ ཉིན་མི་མང་གི་ངོས་ནས་ཁོང་ཚོར་ཉེས་ཆད་རེད་ངེས་པར་དུ་གཏོང་དགོས་པ་ཡིན། དེ་ནི་འོས་ཤོག་མི་བླུག་རྒྱུ་དེ་རེད་ཚང་མས་སེམས་ལ་ངེས་པ་གནོང་དགོས་བཅས་བདེན་པའི་རྒྱབ་ལངས་མ་བཟོད་པར་སྡུག་སྐད་རྒྱག་ཏུ་སླེབ་ཡོད།