རྐ་སྲས་ནས།
འོད་སྣང་གི་ཆེད་དུ་འབར་ཟིན་བའི་མཆོད་མེ་དག་གི་སྡོང་ཟེ་ལ་ལྟ་བཞིན
མི་རིགས་འདི་ཁོ་ནའི་ཆེད་ཚེ་སྲོག་དོར་བའི་ཁྱེད་ཚོ་དྲན་བྱུང
ཁྱེད་ཚོ་ནི་སྔ་ས་ནས་ངེད་ཅག་དང་བྲལ་ཟིན་ན་ཡང
ཁྱེད་ཚོས་སྦར་པའི་ལ་རྒྱ་ཡི་ཆོད་སེམས་དང་རང་དབང་ལ་བཅངས་བའི་བརྩེ་དུང
མུན་ནག་ལ་རྒོལ་བའི་མེ་ཕུང་དེ་ནི་ས་ཡ་དྲུག་གི་སྙིང་ཁོང་ན་གཏན་དུ་གཟིམ་པ་མེད་པའི་མེ་ལྕེ་དེ་ཡིན
ཁྱེད་རྣམས་པ་དག་པའི་ཞིང་ནས་བདེ་བར་གཟིམ་རོགས
བཟོད་མི་ནུས་པའི་བརྙས་བཅོས་ཀྱི་ཕུང་པོ་དེ་དག ཁྱེད་ཚོས་མེ་ཕུང་གི་གཟུགས་སུ་བཞེངས་ཏེ
ཚེ་སྲོག་གིས་བདེན་པ་རུ་བརྡར་ནས་ཆེས་ཁུ་སུམ་གྱི་གནས་དེར་བཞུད་སོང
མི་ཞིག་ལ་མཚོན་ན་རང་དབང་ནི་ཡོད་ཚད་ཀྱི་ཡོད་ཚད་དང
འཛམ་གླིང་འདིར་མཚོན་ན་འང་དྲང་བདེན་ནི་ཆེས་མཐར་ཐུག་གི་སྙེགས་ཡུལ་དང
འཇིག་རྟེན་འདིར་མཚོན་ན་འང་ཐོབ་ཐང་ནི་ཚེ་སྲོག་གི་ཚེ་སྲོག་མ་ཡིན་ནམ
གྲང་ཤུར་ཤུར་གྱི་འཇིག་རྟེན་འདི་ནས་རང་དབང་ནི་ཚེ་སྲོག་དང
ཚེ་སྲོག་ནི་རང་དབང་གི་ཆེད་དུ་འབར་བཞིན་པ་མ་ཡིན་ནམ
འདི་ནི་ངེད་ཅག་ལ་མཚོན་ན་གདམ་གསེས་མེད་པའི་འཇུག་ཡུལ་གཅིག་པོ་དེ་མ་རེད་དམ་ཞེས་པའི་དྲི་རྟགས་ཤིག
ཧ་ཅང་ཚ་སྲེག་གིས་སྦར་བཞིན་ཕེབས་སོང
ཁྱེད་རྣམས་པ་དག་པའི་ཞིང་ནས་བདེ་བར་གཟིམ་རོགས
མི་རིགས་ལ་བཅངས་བའི་དུང་པ་དང་དྲང་བདེན་པ་ལ་དགའ་བའི་ཐུགས་སེམས་དེས
ཁྱེད་ཅག་ལ་གཏན་ནས་གཏན་དུ་བདེ་བ་ཐོབ་པར་ཤོག
ཁྱེད་ཅག་སྙིང་རྗེ་ལྷག་མཆོག་གི་སྲས་ཀྱི་ཐུ་བོར་འགྱུར་བར་སྨོན
ཁྱེད་རྣམས་པ་དག་པའི་ཞིང་ནས་བདེ་བར་གཟིམ་རོགས
སྨོན་ལམ་འདི་ངའིསེམས་གཏིང་ནས་བྲིས་པའི་མིག་ཆུས་སྙིང་གཏམ་ཡིན