དུར་བྱང་།
ནམ་ནམ་ཞར་ཞར་དུ་དགྲ་བོའི་རྒྱ་གཞུང་གིས་བོད་པ་ཁ་བྲལ་བ་ཇག་ཚོགས་སྐོར་ཞིག་བཙན་བྱོལ་དུ་འབྱོར་ཡོད་ཅེས་གང་སར་སྒྲོག་བཞིན་པ་ཁྱོད་གསལ་ཆ་ཡོད་ལ་ང་ཡང་ངེས་ཆ་ཡོད། དེའི་ནང་དུ་འཛམ་གླིང་ཞི་བདེའི་དེད་དཔོན་༧གོང་ས་མཆོག་གཙོས་ཆོས་རྒྱུད་ཁག་གི་བླ་ཆེན་རྣམ་པ་དང་། བོད་སྡེ་བ་གཞུང་གི་སྐུ་དྲག་མི་དྲག་རྣམ་པ། ཨ་འབྲུག་མགོན་པོ་བཀྲ་ཤིས་ཀྱིས་དབུ་ཁྲིད་པའི་ཆུ་བཞི་སྒང་དྲུག་གི་དཔའ་རྒོད་ཚོ་འདུས་ཡོད།
དགེ་རྒན་ཆེན་མོ་ཐུབ་བསྟན་ཕུན་ཚོགས་ཀྱིས་ངྷ་རམ་ས་ལ་ནི་རྐུན་མ་དང་ཁྲམ་པའི་ཕ་ཁྱིམ་ལྟ་བུ་ཞིག་གྱུར་ཡོད་ཅེས་པའི་ནང་དུ་གོང་འཁོད་མི་སྣ་དེ་དག་འདུའམ།
མ་གཞི་རང་མྱི་རང་གིས་ཁྱད་གསོད་བྱས་ན་ང་ཚོར་མ་འོངས་པར་རེ་བ་ཡོད་སྲིད་དམ། རྒྱ་གཞུང་གི་བོད་རྩ་མེད་དུ་གཏོང་བའི་སྲིད་ཇུས་གཏིང་རིང་དེ་དག་ལ་རྒྱུས་ལོན་ཏིལ་ཙམ་ཡང་མ་བྱས་པར་བྱུང་རྒྱལ་དུ་སྨྲ་བ་དེ་ཡིས་འཕྲལ་ཕུགས་གང་ཞིག་ལ་རྔོ་ཐོགས་སམ། བྲང་ཁར་ལག་པ་བཞག་ནས་འདང་ཞིབ་མོ་ཞིག་བརྒྱབ་ན་ག་འདྲ་འདུག་གམ། ཁྱེད་ནི་མྱི་ཆེན་ཟེར་བའི་གྲས་སུ་གཏོགས་པ་མ་ཡིན་ནམ།
བཙན་བྱོལ་དུ་བོད་པ་ཆིག་འབུམ་ཡས་མས་ཤིག་ལས་མེད། དེའི་ནང་ནས་བརྒྱ་ཆའི་ཉི་ཤུ་མི་རབས་རྒན་པ་སྟེ་~གོང་ས་མཆོག་དང་ལྷན་དུ་བཙན་བྱོལ་དུ་འབྱོར་བའི་ཆེས་མཐོའི་དཔོན་རིགས་སྐུ་དྲག་དང་སྐུ་སྲུང་དམག་མི་ཚོ་རེད། དེའི་ནང་དུ་རྐུན་མ་དང་ཁྲམ་པ་ག་ཚོད་ཡོད་དམ།
བརྒྱ་ཆའི་ཉི་ཤུ་གོང་འཁོད་དེ་དག་གི་རྒྱུད་པ་དང་དེའི་རྒྱུད་པ་སོགས་ད་ལྟའི་སྲིད་སྐྱོང་ལས་ཐོགས་པ་བློ་བཟང་སེང་གེ་དང་སྤེན་པ་ཚེ་རིང་སོགས་བོད་ནང་མིག་གིས་མཐོང་མ་མྱོང་བའི་མ་རབས་གསར་བ་ཚོ་རེད། དེའི་ནང་དུ་རྐུན་མ་དང་ཁྲམ་པ་ག་ཚོད་ཡོད་དམ།
བརྒྱ་ཆའི་ཉི་ཤུ་བསླབ་པ་སློབ་གཉེར་ལ་ཤ་ཟད་རུས་ལ་གཏུག་པའི་བླ་མ་དང་སྤྲུལ་སྐུ། དགེ་འདུན་པ་དང་བཙུན་མ་ཚོ་རེད། དེའི་ནང་དུ་རྐུན་མ་དང་ཁྲམ་པ་ག་ཚོད་ཡོད་དམ།
བརྒྱ་ཆའི་བཅུ 1989 ལོ་དང་ 2008 སོགས་སུ་བསྟུད་མར་དགྲ་བོའི་བཙན་མནོན་ལ་མགོ་མ་སྒུར་བར་ངོ་རྒོལ་དང་བསྒྲགས་གཏམ་སོགས་སྤེལ་ཏེ་རང་དབང་དང་ཐོབ་ཐང་རྩོད་ལེན་བྱེད་མཁན་གྱི་དཔའ་རྒོད་ཚོ་རེད། དེའི་ནང་དུ་རྐུན་མ་དང་ཁྲམ་པ་ག་ཚོད་ཡོད་དམ།
བརྒྱ་ཆའི་སུམ་ཅུ་ཡས་མས་ཤིག་~གོང་ས་མཆོག་གི་གསེར་ཞལ་མཐོང་བ་དོན་ལྡན་ལ་ཐེངས་གཅིག་མཇལ་སྐལ་ཨེ་ཡོད་སྙམ་པ་དང་། རང་དབང་གི་སློབ་གཉེར་ཚད་ལྡན་ཞིག་བྱ་ཨེ་ཐུབ་སྙམ་པ་སོགས་དམིགས་ཡུལ་སྣ་མང་གི་སྒོ་ནས་བཙན་བྱོལ་ལ་འབྱོར་བ་ཤ་སྟག་རེད། ཁྱོད་ཀྱིས་བཤད་པའི་རྐུན་མ་དང་ཁྲམ་པ་སོགས་སྡེ་ཚན་འདིའི་ནང་དུ་ཡོད་པ་རེད་དམ།
སྐད་ཆ་དྲང་མོ་ཤོད། ཁྱེད་ཀྱི་གཉེན་ཉེ་དང་སློབ་གྲོགས། ཡུལ་མི་ཚོའི་ནང་དུ་རྒྱ་གར་ལ་འགྲོ་མྱོང་བ་དང་། ད་ལྟ་རྒྱ་གར་དུ་ཡོད་པ་ག་ཚོད་ཡོད། དེའི་ནང་ན་རྐུན་མ་དང་ཁྲམ་པ་འདྲ་ཨེ་ཡོད།
ཡང་ན། རྒྱ་གར་དུ་ཡོད་པའི་བོད་མི་ཚོའི་ནང་དུ། ཁྱེད་ཀྱིས་ངོ་ཤེས་པ་དང་གྲོགས་པོ་བརྒྱུད་ནས་གོ་ཐོས་བྱུང་བའི་རྐུན་མ་དང་ཁྲམ་པ་ག་ཚོད་འདུག་གམ། མཛུབ་མོས་ནོན་དང་གྲངས་རྩིས་རྒྱག་ཐུབ་བམ།
འོ་རེད། དེང་སང་བོད་ཁམས་ན་རྐུན་མ་དང་ཁྲམ་པས་སྟོང་བའི་ས་གནས་འདྲ་ཨེ་ཡོད། ག་ཚོད་ཡོད་དམ། རྫོང་དང་ཡུལ་ཚོ་སྡེ་མིང་སོགས་ཤོད་དང་། མ་གཞི་སྐུ་ཉིད་ཀྱི་ཕ་ཡུལ་ན་རྐུན་མ་དང་ཁྲམ་པ་གཅིག་ཀྱང་མེད་པ་ཡིན་ནམ། ངོ་སོ་བསྟོད།གལ་ཏེ། རེ་ཟུང་ཡོད་སྲིད་ན་ཁྱེད་ཚོའི་ཕ་ཡུལ་ཡང་རྐུན་མ་དང་ཁྲམ་པའི་ཕ་ཁྱིམ་དུ་གྱུར་བ་མིན་ནམ། དེ་ནི་དགེ་རྒན་ཆེན་མོ་ཁྱེད་ཀྱི་རིགས་ལམ་རེད། གཏན་ཚིགས་རེད། སྤྱི་སྡོམ་རེད།
བོད་ཀྱི་རྒྱལ་ས་གཉིས་པ་གནས་མཆོག་ངྷརམཤཱལ་ནའང་རྐུན་མ་དང་ཁྲམ་པ་ཡོད་ཆོག་མོད། བྱེ་བྲག་གིས་སྤྱི་ལ་སྡོམ་རྒྱག་པ་ནི་དགེ་རྒན་ཆེན་མོ་ཚོའི་སློབ་ཁྲིད་ཀྱི་ཉམས་མྱོང་ཡིན་སྲིད་པ་ལས། སྤྱི་འགྲོས་དང་མཐུན་ལ་ཡོངས་ཁྱབ་ཀྱིས་ཁས་འཆེ་བ་ཞིག་གང་ནས་ཡིན།
རྒྱ་གཞུང་གིས་བོད་ཕྱི་ནང་བར་ལ་འགལ་ཟླ་བཟོས་ཏེ་ནུས་ཤུགས་ཉམས་མུས་སུ་བཏང་དང་གཏོང་བཞིན་པ་ཡིན། དེ་ནི་ཞེས་ཅེན་ཕེན་གྱིས་བོད་ཐོག་བཟུང་བའི་སྲིད་ཇུས་རེད། དབུ་མ་དང་རང་བཙན་བར་ལའང་གཏོར་བཤིག་བཏང་དང་གཏོང་བཞིན་པ་རེད། དེའང་ཞེས་ཅེན་ཕེན་གྱིས་བོད་ཐོག་བཟུང་བའི་སྲིད་ཇུས་རེད། རྒྱ་གཞུང་གིས་གང་ན་གོ་སྐབས་ཡོད་ན་དེ་ལ་ལག་པ་འཇུས་ཏེ་གོ་སྐབས་དམ་འཛིན་བྱེད་པ་ཡིན། དགེ་རྒན་ཆེན་མོ། ཁྱེད་དེའི་ཕྱོགས་སུ་གཏོགས་ལ་རིགས་སུ་མཐུན་པ་ཡིན་སྲིད་ན་ངལ་བ་འབྲས་མེད་ཡིན་པ་ཁོ་བོས་དེ་སྔ་ནས་ཤེས་ཡོད། གལ་ཏེ། མི་སྒེར་གྱི་ཆགས་སྡང་མངོན་དུ་གྱུར་བ་དང་མ་སྨིན་པའི་བསམ་གཞིག་གིས་བསླུ་བྲིད་ཐེབས་པ་ཡིན་ན་མཛུབ་མོས་རི་སྟོན་གྱི་ཚུལ་དུ་སྤྲིངས་པའི་ཁ་བརྡ་ཐུང་ཐུང་འདི་ལ་གསན་མཛོད་ཞུ།
20117.5.31
རྒྱ་གཞུང་གིས་མངོན་སུམ་འཛེམས་མེད་སྒོས་བོད་མི་རིགས་རིག་གཞུང་དང་བཅས་པ་རྩ་མེད་དུ་གཏོང་གི་ཡོད། འོན་ཀྱང་། ཐུབ་ཕུན་དང་ཐུབ་ཕུན་ཚོ་ནི་རང་ཉིད་ལ་གོ་ས་མཐོ་བོ་དང་འཚོ་བ་ཕུན་ཚོགས་བྱུང་ན། གློ་སྙིང་བྲང་གསུམ་ཚིམས་ནས་འདུག་རྒྱུ་རེད། འཇམ་དཔལ་རྒྱ་མཚོ་དང་ཨ་ལགས་དོར་ཞི་ལྟར། རང་གི་མི་རིགས་དང་ཆོས་རིག་གི་ཕྱིར་དུ་ཁ་གཅིག་གྲགས་ན་ཅིས་མ་ཆོག་གམ།
༄༅། ཀྲུང་དབྱངས་མི་རིགས་སློབ་གྲའི་དགེ་རྒན་བོད་རིགས་ཐུབ་བསྟན་ཕུན་ཚོགས་
ནས་བཙན་བྱོལ་བར་རྐུན་མ་དང། ཇག་ཚོགས་སྐོར་ཞིག་སོགས་དགེ་རྒན་གྱི་ཤེས་ཡོན་གང་ཡང་མེད་པའི་ཚིག་བརྗོད་འདི་ནི་
ཁོང་རང་གི་བརྗོད་བཞག་པ་ཞིག་ལ་ངས་ངོས་འཛིན་བྱེད་ཀྱི་མེད། འདི་ནི་རྒྱ་དམར་པོས་བཟོས་ནས་
ཁོ་པར་བྲིས་བཅུག་པ་ཞིག་ཡིན་པ་ཤུགས་ཀྱི་ཤེས་པ་ཞིག་རེད། ཁོ་ལ་ཁག་མེད། ད་བར་ལ་རྒྱ་དམར་དཔོན་རིགས་ཚོས་སྡུག་པ་མ་གཏོགས་་་་ཚིག་ཡག་ག་བཤད་རྒྱུའི་ཤེས་ཡོན་
གཏན་ནས་སྦྱང་མེད་པར་བསམ།
རྐུན་མ་། ཇག་ཚོགས། ཁྲ་མ་གསུམ་རྒྱ་དམར་པོས་བོད་ལ་ལག་བསྟར་བྱས་ཡོད་པ་རེད།
བོད་མིར་སྐྱག་རྫུན་ཤ་སྟག་བཤད་དེ་བཙན་གནོན་འབའ་ཞིག་བཏང།
བོད་ཀྱི་རིན་ཆེན་གཏེར་ཁ་རྣམས་བཏོན་ནས་རྒྱ་ནག་ལ་འཁྱེར་།
བོད་ཀྱི་སེམས་ཀྱི་བླ་སྲོག་ཆོས་དང་རིག་གཞུང་རྩ་མེད་བཏང་དང་གཏོང་བཞིན་པ་འདི་
འཛམ་གླིང་གི་ཤེས་ལྡན་པ་རྣམས་ནས་གསལ་པོ་མཁྱེན་བཞིན་པ་རེད།
མདོར་བསྡུས་ཏེ་བཤད་ན། རྒྱ་ནག་དམར་པོ་ནི།་་་་
༄༅། ཆོས་མེད་སྐྱག་རྫུན་རིག་པའི་གནས་ལ་མཁས།།
དྲང་མིན་ཁྲིམས་བརྒལ་བོད་མིར་བཙན་གནོན་བཏང།།
མི་ཡིན་བྱམས་བརྩེའི་སེམས་པ་མེད་པ་སྐྱོ།།
ནམ་ཞིག་རྒྱ་དེ་དྲང་པོའི་ལམ་ལ་འཇུག།
མི་ལུས་རིན་ཆེན་གསེར་ལས་དཀོན།། རྒྱ་དམར་མི་ལུས་ཁྱི་ལས་སྡུག་།
ང་ཕོད་དང། ཐུབ་ཕུན་ཨེ་་་་་་་་་་་་
ཧཧཧཧ། མོའུ་ཚེ་ཏུང་ལ་བསྟོད་གླུ་ལེན་མཁན་དེ་ཡག་པོ་རེད།
༄༅། རྒྱལ་སྲས་ཆེན་པོ་ཞི་བ་ལྷས།
སྔོན་བྱས་མ་བྱུང་པ་ཡང་འདིར་བརྗོད་མེད།། སྡེབ་སྦྱོར་མཁས་པའང་བདག་ལ་ཡོད་མ་ཡིན།།
ཞེས་གསུངས་སོ།།
ལ་དང་ལུང་པ་རྒས་རུང། གཙང་ཆུ་སྔོན་མོ་རྒས་མེད།
ལམ་དང་ལུགས་སྲོལ་སྒྱུར་ཡང། སྐད་དང་ཡི་གེ་བསྒྱུར་མེད།
གངས་ཅན་བོད་པའི་བསམ་དོན་། རྒྱལ་ཁམས་བསྐོར་ནས་འགྲུབ་ཡོང།
རང་དབང་མེད་ན་གཞན་དབང་རེད་།
གཞན་དབང་མེད་ན་རང་དབང་རེད་།
རང་དབང་འོག་གིས་གཏམ་བརྗོད་དང་།
གཞན་དབང་འོག་གི་གཏམ་བརྗོད་གཉིས་།
མ་ནོར་ངོས་འཛིན་མཁས་པའི་བློ་།
གྲེ་འགྱུར་དབྱངས་ཅན་གཞས་པ་དང་།།རྣམ་དཔྱོད་རྩལ་ཅན་མཁས་པ་ཡིས།།རང་དབང་མེད་ཀྱང་རང་དབང་བཞིན།། ལྷག་པའི་ཆོས་རིག་བསྟོད་བསྔགས་བྱས།།མཁས་པ་ཐུབ་ཕུན་ཅན་དག་ནས།། རྒྱ་རིགས་མི་ལས་ལྷག་ཙམ་གྱིས།།ཊུང་ཤི་མོའུ་ལ་བསྟོད་གླུ་ཕུལ།།བོད་མི་ལས་དབང་འདིར་སྐྱོ་བ།།