ཚེ་བརྟན་འགྱུར་མེད།
༈ དེང་སང་སྤྱི་ཚོགས་དྲ་ལམ་གྱི་བརྒྱུད་རིམ་ལས་སྤྱི་སྒེར་གནས་ཚུལ་མང་དག་ཅིག་ཁྱབ་སྤེལ་སླ་པའི་ངང་གནང་ཐབས་ཡོད། དྲ་ལམ་དག་སྤྱི་སྨན་བསམ་བཟང་ངང་བདེ་ལེགས་སུ་སྤྱོད་པའང་དེ་མིན་དགོས་གལ་ཆེ་མིན་སྤྱི་ཚོགས་དཀྲུག་ཆེད་གཡོ་རྒྱུ་ཕྲ་མའི་རྒྱུར་ཡང་སྤྱོད་མཁན་ཡོད། དེ་བཞིན་དགོས་པ་ཆེ་ནའང་དགག་བྱ་གཙོ་བའི་གནས་གཉིས་སུ་མ་ཞིབ་པའམ་ཡང་ན་གནས་དོན་གྱིས་ཕན་ནུས་དགོས་དོན་ལས་སྤྱི་ཚོགས་སུ་ཞབས་འདེགས་ཕུལ་བ་ལས་མ་ཕུལ་ན་དགེ་གནས་སུ་དམ་དོན་དགོངས་བཞེས་མེད་པའི་གནས་ཀྱང་ཡོང་སྲིད། དེར་སོང་མི་མང་པོ་ཞིག་ནས་སྤྱི་ཚོགས་དྲ་ལམ་ལས་ཕན་ལས་གནོད་ཆེ་སྤེལ་པའི་བསམ་ཚུལ་གྱིས་དྲ་ལམ་དག་གཡོ་མཁན་ཡང་མི་ཉུང་བ་ཡོད་པ་མཁྱེན་གསལ་ཆེ།
ང་རང་དྲ་ལམ་འགའ་རེར་བལྟ་ཉན་ཞུ་ཡི་ཡོད་པ་ནས་གནས་འདིར་དགོས་པ་ཆེ་ནའང་དགག་བྱ་གཙོ་བའི་བསམ་འཚོར་བྱུང་སོང་སྟབས་གསན་འདེབས་ཞིག་ཞུ་འདོད་བྱུང་། གཅིག་བྱས་ན་ང་ནོར་སྲིད་། དགོས་པ་ལས་དགག་བྱ་གཙོ་བའི་གནས་ངའི་བསམ་འཚོར་བྱུང་བ་ནི། བླ་མའམ་དགེ་བཤེས་ལགས་གང་ཡིན་ཧ་མ་གོ་ཡང་སངས་རྒྱས་ཀྱི་ན་བཟའམ། བོད་བརྒྱུད་ནང་པའི་ན་བཟའ་མཆོད་མཁན་གྱི་དགེ་འདུན་པ་ཞིག་ཡིན་འདུག་པ་ནས་རྒྱ་གར་ཨོ་ཌིཤ་ཁུལ་ནང་པའི་བསྟན་པ་དར་ཚུལ་གྱིས་གནས་བཤད་གནང་མཁན་ཞིག་དྲ་ལམ་དུ་མཇལ་རྒྱུ་འདུག ཁོང་གི་དགོས་གནད་དེ་ནང་པའི་གནས་གལ་ཆེ་ཞིག་ནང་པ་མང་པོས་མ་ཤེས་པར་ལུས་པ་ཤེས་མཇལ་ཆེད་ཡིན་ངེས་སྲིད་པ་དགའ་སྒོམ་ཞུ་འོས་ཀྱང་། དེའི་ཞོར་དུ་དགོས་གནད་ཆེར་མེད་པའི་ནང་བསྟན་སྣུབ་པའི་ཧིན་དྷུ་སྤྱིར་སྨད་སྨོས་འདི་འདྲ་རང་མ་གསུང་ན་བསམ་པའི་ཚིག་དམར་འདིར་འགོད་འདོད་མེད་པ་འགའ་བེད་སྤྱོད་ཞུས་པ་དེ་དགག་བྱ་གཙོ་བའི་གནས་དེ་ཡིན། འདས་པའོ་ལོ་རྒྱུས་ལ་གསོམ་ནས་ཕྱི་བྱུང་དེ་ལྟར་མ་ཡོང་བ་རང་གཞན་གཉིས་ཀྱི་ལག་ལེན་འཁེལ་ཐབས་ཞུ་རྒྱུ་དེ་ལོ་རྒྱུས་ཀྱི་ཕན་ཡོན་རེད། གཉིས་སུ་ཧིན་དྷུས་ཐན་དེ་ང་ཚོའི་གནས་ཚང་རེད། རྒྱ་གར་དང་བོད་མིའི་མཐུན་བསྒྲིལ་དམ་གཙང་དེ་བོད་མིར་དགོས་གནད་ཆེ་བའི་ནོར་བུ་ཞིག་རེད་ལ་ཆུ་མ་ཐོན་གོང་ཟམ་པའི་དཔེ་དེ་ང་ཚོ་བོད་མིའི་རང་གཤིས་མ་རེད། གསུམ་དུ་རྒྱ་གར་དང་བོད་པའི་མཐུན་ལམ་དཀྲུག་ཆེད་བཀའ་མོལ་དེ་ལྟ་བུ་རྒྱ་དམར་གྱིས་བེད་སྤྱོད་རྒྱུའི་ལག་ཆ་ཞིག་ཏུའང་གྱུར་སྲིད་པའི་དམ་གཟབ་གནང་གལ་ཅེས་དགོས་པ་ཆེ་ཡང་དགག་བྱ་གཙོ་བའི་གསན་འདེབས་སུ།།