དུར་བདག
ཞེ་སའི་གདངས་དང་རྣམ་འགྱུར་སྟོན་སྟངས་མེད་ན།།
ཞེ་སྡང་བསྐུང་ནས་བསླུ་བྲིད་གཏོང་སྟངས་མེད་ན།།
ཞེ་འཁོན་ཉམས་ཀྱིས་ཨག་སྐད་འདོན་སྟངས་མེད་ན།།
ཞེ་མཐུན་བོད་ལ་ཞབས་ཞུ་དཀོན་ཚོད་འདུག་གོ།
སྐུ་ངོ་ཚོན་པོར་ལགས་སོ་ཞུ་སྟངས་ནོར་ན།།
ལྕམ་མོ་སྤྱར་མར་ཡ་ལན་སྟེར་སྟངས་འཕྱུག་ན།།
སྲས་དང་སྲས་མོར་འབོད་པའི་གུས་ཚིག་སྟོང་ན།།
སྐུ་དྲག་སྒོ་མདུན་བརྒྱུད་ནས་འཇབ་སའང་མེད་དོ།།
སྤྲུལ་མིང་ཅན་ཚོར་དད་པའི་གུས་ཕྱག་མེད་ན།།
གྲྭ་བཙུན་རིགས་ལ་བཀུར་བསྟི་ཐལ་སྦྱོར་མེད་ན།།
སྒར་དང་དགོན་པ་ཀུན་པོར་བསྐོར་བ་མེད་ན།།
ལས་འབྲས་ཇི་ལྟར་བརྩིས་ཀྱང་འཚོ་ས་དབེན་ནོ།།
བརྩེ་བའི་གྲོགས་པོར་དངུལ་གྱི་ལག་རྟགས་མེད་ན།།
སྒེག་པའི་གྲོགས་མོར་གསེར་གྱི་དྲན་རྟེན་མེད་ན།།
བས་མཐའི་མི་ལ་རྒྱས་པོའི་མགྲོན་ཁ་མེད་ན།།
གོ་ལ་ཟླུམ་པོའི་སྟེང་ན་འཁོར་སའང་མི་འདུག།།
ཕྱི་རྒྱལ་ཁག་ཏུ་གཉེན་སྒྲིག་རྫུན་མ་མེད་ན།།
ཕྱི་གླིང་རྒན་མོའི་བྷ་ག་ལྡག་སྟངས་མེད་ན།།
ཕྱི་ལ་འཕུར་བར་ནང་མིས་རྒྱབ་དཔུང་མེད་ན།།
ཕྱི་ཚུལ་ཙམ་ལས་བོད་དུ་ལོག་མཁན་མང་ངོ་།།
༢༠༡༡ ༧ ༣༠ཉིན། རྡ་སའི་(གྲོགས་པོ་ཟ་ཁང་)ནས།
ཞེ་འཁོན་ཉམས་ཀྱིས་ཨག་སྐད་འདོན་སྟངས་མེད་ན།།
ཞེ་མཐུན་བོད་ལ་ཞབས་ཞུ་དཀོན་ཚོད་འདུག་གོ།
འདི་ལ་ཁོ་བོས་༡༩༩༠ མདོ་སྨད་པ་གཞོན་ནུ་རྣམས་ཀྱིས་བོད་ཀྱི་སྐད་ལ་ཞབས་ཏོག་བླ་མེད་མཛད་པ་ལ་དགའ་བསུ་དང་། དེ་དང་མཉམ་དུ། བོད་སྐད་ལེགས་པ་འབྱུང་ཕྱིར་སྐྱོན་ཡོད་པ་དག་འདོན་དགོས་པ་འདུག ཅེས་པ་ལྟར་བདག་གི་དམ་བཅའ་འགྱུར་བ་མེད་པར་ཨ་བླ་རྡོ་བིས་ཤེས་རབ་རྒྱ་མཚོ་དང་། བོད་སྐད་རིག་གཞུང་ཐུགས་གཅེས་པ་བླ་ན་མེད་པ་ཡོད་པ་དགེ་འདུན་ཆོས་འཕེལ་སོགས་མདོ་སྨད་པ་མཁས་དབང་རྣམས་ཀྱི་ལྗགས་རྩོམ་ཀྱི་ཚིག་དོན་དག་བོད་སྐད་ལ་ཤིན་ཏུ་ནས་ཕན་པ་དག་ཨ་མདོ་བློ་གཞོན་ནུ་རྣམས་ཀྱིས་གཅེས་པས་བསྐྱང་བར་མཛོད་ཅེས་ཞུ་བ་ལགས་སོ།།
དུར་བདག་ལགས།
རྩོམ་སྙན་སྙན་ཞིག་བྲིས་འདུག
ལ་དྭགས་པ་རྒན་འཇམ་དཔལ་ལགས་ཀྱིས་བསླབ་བྱ་གནང་བ་འདི་ཁྱེད་རང་ཚོས་སྙིང་ལ་ཆོངས།
རྩོམ་གྱི་ཁ་བྱང་ལའང་ཡིག་ནོར་གྱི་ནད་ཀྱིས་ཐེབས་འདུག་པར་ཞུས་དག་ལེགས་པོ་ཞིག་ཐོངས།