ཅོག་མྱི།
ཁོ་བོས་བཙན་བྱོལ་བོད་མིའི་རྩ་ཁྲིམས་ལ་ཞིབ་ལྟ་བྱེད་དུས། བོད་མིའི་རྩ་ཁྲིམས་ཀྱི་ནང་དུ་སྔོན་བཙན་པོའི་སྐབས་སུ་བཟོས་བའི་ཁོད་སོ་དྲུག་ལས་མཆེད་པའི་ཁྲིམས་ཆེན་བདུན་དང་། དུས་ཕྱིས་ཀྱི་ཕག་གྲུ་རིན་སྤུངས་དང་གཙང་རྒྱལ་བཀའ་བརྒྱུད་དང་དགའ་ལྡན་ཕོ་བྲང་ནས་རྒྱུན་བསྐྱངས་པའི་ཞལ་ལྕེའི་བཅུ་ལྷག་གི་དྲི་མ་ཙམ་ཡང་མི་འདུག་པའི་ཚོར་སྣང་བྱིན།
རྩ་ཁྲིམས་ནི་རྒྱལ་ཁབ་ཅིག་གི་མི་སེར་གྱི་སྙིང་སྟོབས་མཚོན་པ་དང་རྒྱལ་ཁབ་དེའི་ཁྲིམས་ལུགས་ལོ་རྒྱུས་ཀྱི་རྒྱུན་དང་སྙིང་ཐིག་ལྟ་བུར་གྱུར་ཡོད་ཅིང་། རྒྱལ་ཁབ་ཤོར་ནའང་རྒྱལ་ཁབ་དེའི་རྩ་ཁྲིམས་ཀྱི་དགོངས་དོན་མ་ཤོར་བར་གནས་ཐུབ་ན་མི་རིགས་དེའི་སྲོལ་རྒྱུན་བསམ་བློ་དང་ཆབ་སྲིད་བསྐྱར་གསོའི་ཐད་ལ་རེ་བ་ཡོད་ལ། མི་རིགས་དང་རྒྱལ་ཁབ་དེའི་རང་གཤིས་དང་གསོན་རྩའང་དེ་ལ་ཐུག་ཡོད། དཔེར་ན་དཔའ་བོ་སྟག་གི་ཞལ་ལྕེ་ལྟ་བུའོ། 
དགའ་ལྡན་ཕོ་བྲང་གི་ཞལ་ལྕེ་བཅུ་གསུམ་གྱི་ནང་ནས་སོག་པོའི་སྲིད་དབང་ལ་དངངས་ཤིང་ཞེད་དེ་དཔའ་བོ་སྟག་དང་སྡར་མ་ལྦའི་ཞལ་ལྕེ་དགོས་མེད་ལ་བཏང་བའི་དབང་གིས། ང་ཚོའི་མི་རིགས་འདིའི་རྒྱུད་ལ་བྲན་གཤིས་ཕོག་པའི་ལེ་ལན་གྱིས་ང་ཚོ་སོག་པོ་དང་མན་ཇུའི་བཙན་དབང་འོག་ནས་ལོ་བརྒྱ་ཕྲག་ཁ་ཤས་ལ་བསྡད་དགོས་བྱུང་བ་མ་ཟད། མཐའ་མར་རྒྱ་ཡི་འོག་ཏུའང་ཚུད་ནས་ད་ལྟ་འུ་ཐུག་ནས་ལམ་དབུ་མ་རྩོད་དགོས་པའི་ཚད་ལ་ལྷུང་།
བཙན་པོ་ནས་ཕག་རིན་དང་གཙང་བ་ཀརྨ་བསྟན་སྐྱོང་བར་དུ་རྒྱུན་བསྐྱངས་བའི་དཔའ་བོ་སྟག་གི་ཞལ་ལྕེ་ཡིས་སྤུར་རྒྱལ་བོད་ཀྱི་མངའ་ཐང་རྒྱ་བསྐྱེད་དང་ཆོས་སྲིད་བཙན་ས་ཟིན་པའི་ཐད་ལ་བྱས་བཞག་གཞལ་ཏུ་མེད་པ་བཞག་ཡོད་ལ། བོད་མི་རིགས་འདིའང་ཧོར་སོག་ལྟ་བུའི་དཔའ་བོའི་མི་རིགས་སུ་ཚུད་ཐུབ་པའི་བསམ་བློའི་བྱེད་རྐྱེན་ཏུའང་གྱུར་མྱོང་། དེ་ཕྱིར་ང་ཚོས་དགའ་ལྡན་ཕོ་བྲང་གིས་མེད་པར་བཟོས་པའི་དཔའ་བོ་སྟག་གི་ཞལ་ལྕེ་དེ་ང་ཚོ་བཙན་བྱོལ་བའི་རྩ་ཁྲིམས་ཀྱི་ནང་དུ་གདན་འདྲེན་བྱས་ཏེ་བོད་མི་རིགས་ཀྱི་བག་ལ་ཉལ་བའི་དཔའ་བོའི་དྲན་ཤེས་དེ་གསོ་དགོས། དེ་ལྟར་བགྱིས་ན་ང་ཚོས་མི་རིགས་འདིའི་ཆེས་རིན་ཐང་ལྡན་པའི་སྟོབས་ཤུགས་དེ་བེད་བསྐྱེད་ནས་ང་ཚོའི་བོར་ཟིན་པའི་རྒྱལ་ཁབ་དང་རང་དབང་སོར་ཆུད་བྱེད་ཐུབ།
བཙན་བྱོལ་བོད་མིའི་བཅའ་ཁྲིམས་རེད་།
རྩ་ཁྲིམས་མ་རེད་།
རྒྱལ་ཁབ་གཅིག་གི་ནང་ཁྲིམས་གཉིས་འགྲོ་ས་མེད་པ་ནས་བཙན་བྱོལ་བོད་མིའི་བཅའ་ཁྲིམས་བཟོས་པ་རེད་།
བཙན་བྱོལ་བོད་མིའི་བཅའ་ཁྲིམས་དེའི་ནང་མེད་ན་མེད་ཐབས་མེད་པ་ཞིག་ཡོད་པ་དེ་སྒེར་གཅོད་པ་ཚུལ་བློའི་དབང་ཐང་རྒྱ་སྐྱེད་ཀྱི་ལག་ཆ་ཡིན་པའི་དགེ་བཅུ་རྫུན་མའི་ཁྲིམས་གསར་དེ་རེད། དགེ་བཅུ་རྫུན་མའི་ཁྲིམས་དེ་བཙན་བྱོལ་བོད་མིའི་བཅའ་ཁྲིམས་ནང་གསར་འཇུག་བྱས་ཏེ། བཙན་བྱོལ་ནང་གི་བུ་ཆ་ཚང་གྲྭ་བ་དང་། དགེ་བསྙེན་བཟོས། བུ་མོ་ཚང་མ་ཨ་ནེ་དང་། དགེ་བསྙེན་མ་བཟོས་བཞག་ན་དེས་ང་ཚོ་ལ་ཚང་མ་འགྲིགས་སོང་བ་རེད། དེར་བརྟེན་བོད་མི་མང་སྤྱི་འཐུས་ལྷན་ཚོགས་ཀྱིས་བཅའ་ཁྲིམས་ནང་དགེ་བཅུ་རྫུན་མའི་ཁྲིམས་གསར་དེ་ངེས་པར་གསར་འཇུག་དགོས་ངེས་རེད། ཧཧཧཧཧཧཧཧ
ཇུང་ཏོག ཁྲིམས་ལུགས་མི་ཤེས་ན་ཅིག་ཅིག་མུག་མུག་བཤད་གིན་མ་འདུག རྒྱལ་ཁབ་གཅིག་གི་ནང་ན་ཁྲིམས་གཉིས་ཅིའི་ཕྱིར་ཡོད་མ་ཆོག་པ་རེད། ཨ་རི་རྒྱལ་ཁབ་གཅིག་པོ་ནང་ན་རྩ་ཁྲིམས་ལྔ་ཅུ་ལྷག་ཡོད་པ་དེར་ཁྱེད་ཀྱིས་འགྲེལ་བཤད་ཇི་ལྟར་རྒྱག་རྒྱུ་ཡིན། བུ་ངན་ན་བཅའ་ཁྲིམས་དང་རྩ་ཁྲིམས་ལ་མཚན་ཉིད་དང་་སྒྲ་བཤད་ཅིག་བཞོག
ཕག་རིན་དང་གཙང་བ་ཀརྨ་བསྟན་སྐྱོང་སྐབས་ཀྱི་དཔའ་བོ་སྟག་གི་ཞལ་ལྕེས་ནང་འཁྲུགས་རེ་བྱས་ནས་སྡོད་རྒྱུ་ལས་མངའ་ཐང་རྒྱ་བསྐྱེད་གཏན་ནས་ཐུབ་མེད། །
གང་ལྟར་ད་ལྟ་དང་བསྡུར་ན་ཡག་རབ་འདུག་ཨ།
བོད་སྲིད་བོད་ཀྱིས་བསྐྱང་། དབུ་ལམ་གྱི་ཆེད་ཏུ་རྒྱ་ནག་ལ་ཞུ་བ་འཐེན་མི་དགོས། དེ་འདྲའི་སྲིད་དབང་ཟིན་ཐུབ་པའི་སྟག་ཤར་དག་གི་བྱས་རྗེས་མིན་ན་ཅི་ཡིན།
བདེན་པ་རེད། རང་ས་རང་བདག་གི་སྐབས་རེད།