ཤར་ཕྱོགས་ཁུག་རྟ།
བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་དང་བཅས་པའི་ཆོས་ཚོགས་སྟེང་དཔལ་རྒྱལ་བ་ཇོ་ནང་བ་འདི་བཞིན་ཆོས་བརྒྱུད་གཞན་ལྟར། རང་རྐང་ཚུགས་པའི་ཆོས་བརྒྱུད་ཆེན་པོ་ཞིག་ཡིན་པ་ཐག་གཅོད་གསལ་བོ་གནང་བ་བཞིན། སྤྱིར་ཆོས་བརྒྱུད་ཆེན་པོ་དང་རིས་མེད་ཆོས་ཚོགས་ཟེར་བ་ལྟ་བུ་དེང་སྤྱོད་སྒོ་ཆེ་བའི་ཐ་སྙད་ཁག་ཅིག་ལ་གསལ་འགྲེལ་དེ་ཙམ་བསྐྱོན་རྒྱུར་ལུང་རིག་གང་ནས་ཀྱང་ཡིད་ཆེས་འཕེར་བ་ཞིག་མེད་ཀྱང་། བོད་ཀྱི་བསྟན་བདག་བླ་ཆེན་རྣམ་པ་སྟེ་དོན་གྱི་བདག་པོ་ཚོས་རང་རྐྱ་འཕེར་བའི་ཆོས་བརྒྱུད་ཅིག་ཡིན་པར་ཚིགས་སུ་བཅད་པ་ནི་མཚུངས་ཟླ་བྲལ་བའི་ཐག་གཅོད་ཅིག་རེད།
མ་འོངས་བོད་ཀྱི་མདུན་ལམ་ནང་ཆོས་བརྒྱུད་ཀྱི་ཐོབ་ཐང་དང་འབྲེལ་བའི་གནད་དོན་ཅི་བྱུང་བཤད་ཚོད་མ་ཐིག་པ་ཞིག་ཡིན་ནའང་། ད་ལམ་ཞི་རྒོལ་བ་མགོ་དམངས་ཡོངས་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༣༧ པའི་ནང་གསེས་ཁ་བའི་ནང་། དཔལ་༧རྒྱལ་བ་ཇོ་ནང་པ་སྣོན་འཇུག་གིས་བཅའ་ཁྲིམས་བསྐྱར་བཅོས་ཀྱིས་ཁྲིམས་ཐོག་གི་ཐོབ་ཐང་འདྲ་མཉམ་དགོས་པའི་རེ་འདུན་བཏོན་པ་ནི་དོན་ལ་གནས་ཤིང་། མ་འགྲུབ་ན་མི་ཆོག་པ། སྔ་ཕྱི་མ་གཏོགས་འགྲུབ་ངེས་པའི་རེ་འདུན་ཞིག་ཀྱང་རེད།
འོན་ཀྱང་། དབུས་བོད་མིའི་སྒྲིག་འཛུགས་ཀྱི་འཛིན་སྐྱོང་དང་ཆབ་སྲིད། མི་མང་གི་བདེ་སྡུག་སོགས་ཐད་ཀར་གཞུང་གཞན་སྤྱི་མཚུངས་ལྟར། དཔལ་ལྡན་བཀའ་ཤག་ལྷན་རྒྱས་ཀྱི་ཐུགས་འགན་དང་་འབྲེལ་སྟབས། ཞི་རྒོལ་གྱི་གདོང་གཏོད་ས་དང་རེ་འདུན་ཞུ་ཡུལ་དཔལ་ལྡན་བཀའ་ཤག་ཡིན་སྟབས། གྲོས་ཚོགས་ནང་དཔལ་ལྡན་བཀའ་ཤག་བརྒྱུད་སྙན་སྒྲོན་ཐུབ་ན་ཕྱོགས་གང་ཅིར་དགེ་མཚན་ཆེ་ཤོས་སུ་མཐོང་ལ། མང་གཙོའི་འགྲོ་ལུགས་དང་མཐུན་པ་མ་ཟད། སྲིད་དོན་ཚོགས་པ་མེད་པའི་དབུས་བོད་མིའི་སྒྲིག་འཛུགས་ཀྱི་གྲོས་ཚོགས་ལམ་ལུགས་དང་ཡང་ཤིན་ཏུ་འོས་འཚམས་སུ་མཐོང་།
བཀའ་ཤག་རང་ངམ་ཡང་ན་བཀའ་ཤག་གིས་གྲོས་ཚོགས་སུ་སྙན་གསེང་ཞུས་པ་ལ་བརྟེན་ནས། གྲོས་ཚོགས་ནས་ཞིབ་འཇུག་ཚོགས་ཆུང་བཙུགས་ཏེ། ཆོས་བརྒྱུད་སྤྱི་མཚུངས་ཀྱི་ཐོབ་ཐང་སྤྲོད་དགོས་པའི་བདེན་ལུགས་ར་སྤྲད་པ་ཡིན་ན། ད་གཟོད། གྲོས་ཚོགས་ནང་རྒྱབ་སྐྱོར་མི་གནང་བའི་སྤྱི་འཐུས་རེ་རེའི་དམིགས་ཡུལ་ཅི་ཡིན་བོད་མི་མང་གིས་གསལ་བོར་ཤེས་རྟོགས་ཐུབ་ནུས་ཤིང་། སྐབས་དེ་མཚམས་བདེན་པ་ནུས་མེད་དུ་གཏོང་ན། རེ་འདུན་ལས་འགུལ་ཡང་བབ་གཟིགས་གནང་སྟེ་སྤེལ་རྒྱུ་ལས་ལམ་ཁ་གཞན་མ་གནང་བ་རེད།
ཞི་རྒོལ་སྐབས་༧དཔལ་ལྡན་ས་སྐྱ་བའི་སྤྱི་འཐུས་དགེ་བཤེས་ཀ་ཟི་ཚེ་རིང་པོ་ལགས་ལ་༧གོང་ས་མཆོག་དང་༧གོང་མ་རིན་པོ་ཆེའི་བཀའ་ཡིག་སྤྲོད་རྒྱུ་ལས། ༧གོང་མ་རིན་པོ་ཆེ་མཆོག་གི་བཀའ་ཡིག་གིས་ས་སྐྱའི་ངོ་ཚབ་མཚོན་གྱི་ཡོད་མེད་ཐད་སླར་ཡང་༧གོང་མ་རིན་པོ་ཆེར་གསེར་སྙན་སྒྲོན་འབུལ་གྱིས། ༧གོང་མ་རིན་པོ་ཆེའི་བཀའ་ཡིག་དང་སྐྱའི་སྤྱི་འཐུས་གཉིས་ཀྱི་དགོངས་ཚུལ་བར་མི་མཐུན་པ་དང་མཐུན་ས་བཙལ་འཚོལ་འཁྲུན་ཐག་གཅོད་དགོས་པ་དེ་སྐབས་སུ་བབས་པའི་འོས་འགན་གཙོ་བོར་མཐོང་བས། ད་ཐེངས་བཞུགས་མོལ་ཚོགས་འདུའི་དགོངས་དོན་ལ་བརྩི་བཀུར་བྱས་ཏེ་ཟས་བཅད་དང་ལས་འགུལ་ཉིས་ཀ་གནས་སྐབས་མཚམས་འཇོག་ཅི་ནས་ཀྱང་ཡོང་བ་ཞུ།
ཞོར་དུ་ཞུ་འདོད་པ་ཞིག་ནི། མ་འོངས་པར་སྐབས་ ༡༦ པའི་སྤྱི་འཐུས་ལྷན་ཚོགས་ནི་རིས་མེད་ཆོས་ཚོགས་སྟེང་བོད་ཀྱི་༧བསྟན་སྲིད་སྤྱི་ལ་དགོངས་བཞེས་ཀྱིས་ཐག་གཅོད་གནང་བའི་ལམ་སྟོན་དང། གྲོས་ཆོད་སྟེང་ཐེ་ཚོམ་མེད་པར་ཕེབས་ཐུབ་མཁན་ཞིག་ཡོང་ཐུབ་པའི་རེ་བ་དང་སྦྲགས། བཙན་བྱོལ་བོད་མི་ཚོར་དབུས་བོད་མིའི་སྒྲིག་འཛུགས་ཀྱི་བྱེད་ཕྱོགས་ལ་འདོད་པ་མ་ཁེངས་པའི་ཞི་རྒོལ་སོགས་སྤེལ་ཕྱོགས་ཐད། ༼ལས་འགུལ་སྤེལ་ཕྱོགས་ཀྱི་ཆོག་མཆན་སྒྲིག་གཞི་༽ཞིག་ཀྱང་ངེས་པར་བཟོ་དགོས་གལ་དུ་མཐོང་ལ། བོད་མིའི་གཞིས་ཆགས་དང་བོད་རིགས་ཚོགས་པ་སོགས་གང་དུ་རང་གཞུང་གི་བྱེད་ཕྱོགས་ལ་མ་འདོད་པའི་ལས་འགུལ་སྤེལ་སྐབས། ཐོག་མར་ངེས་པར་དུ་ས་གནས་དེའི་གཞིས་མགོ་དང་དོན་གཅོད་ལ་ཆོག་མཆན་ཞུས་ཏེ། ལས་འགུལ་སྤེལ་སའི་དུས་ཚོད་དང་དུས་ཡུན། ས་གནས་བཅས་པ་ཆོག་མཆན་བརྒྱུད་ཐོབ་དགོས་པ་ཞིག་མ་བཟོས་ན། མི་མང་ནང་གོ་བ་ལོག་པ་དང་། དངོས་དོན་མ་རྟོགས་པའི་བརྡབ་གསིག་ཀྱང་འགྲོ་ཉེན་འདུག་པ་ནི་ཟུར་ལྟོས་ལེབ་མཐོང་རེད་འདུག
༢༠༡༥། ༩། ༢༠། བྷེང་ལོར་བསྐྱོད་པའི་ལམ་བར་མེ་འཁོར་ནང་བྲེལ་སྟབས་ཀྱིས།།
འགན་མེད་འགན་འཁུར་དང་ཇུས་མེད་ཇུས་གཏོགས་མ་རེད་དམ་།ཧཧཧ
བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་དང་བཅས་པ་གསུང་བའི་ཚིག་གི་ངོ་གདོང་ལ་བལྟས་ན་གཡུང་དྲུང་བོན་ཆོས་དེ་བོད་ཀྱི་ཆོས་བརྒྱུད་ཁོངས་སུ་གཏོགས་ཀིན་མེད་པར་བསྟན་འདུག རྗེས་སུ་འདི་འདྲ་བཤད་མ་ཡོང་ཨ།
ཇོ་ནང་ཚང་གིས་ཤར་ཁུག་སྤྱི་འཐུས་ལ་བཀོད་རོགས་ཟེར་བ་ཟུར་ནས་བྱུང་བའི་གཏམ་རེད།།
ཤར་ཁུག་ལགས་ཐེངས་འདིར་ཇོ་ནང་ཆོས་རྒྱུད་ཀྱི་སྤྱི་འཐུས་ལྷན་ཚོགས་ལ་ངོ་རྒོལ་གྱི་གནད་དོན་ལ་སེམས་ཁུར་ཡོད་མདོག་མ་བྱེད་རང་བྱེད་རེད། རྒྱུ་མཚན་ནི་ཤར་ཁུག་ལགས་ལ་འོས་ཀྱི་རྒྱབ་སྐྱོར་དགོས་པས་སོ། སྐབས་འཚོལ་བ་ཟེར་བ་འདི་ལྟ་བུ་ལས་གཞན་བཙལ་ཡང་རྙེད་དུ་མེད། ད་དུང་ངོ་རྒོལ་བྱ་ས་བཀའ་ཤག་ཡིན་དགོས་ལབ་པ་འདི་ནི་ཁོང་གི་ལོ་ངོ་བཞིའི་རིང་མངོན་ལྐོག་ཅི་རིགས་ནས་གཞི་མེད་སྐྱོན་བརྗོད་བྱ་ས་དེ་ཡིན་པས། རང་ལ་རྒྱབ་སྐྱོར་ཞིག་བཙལ་ཐབས་ཀྱི་བསམ་པ་ཞིག་ཀྱང་ཞོར་ནས་བྱ་བཞིན་ཡོད་པ་ཕྱི་གསལ་ནང་གསལ་མ་རེད་དམ།
ཡང་དེ་རིང་ཤར་ཁུག་སློང་བ་ཞིག་རྫུས་ནས་བྷེང་ལོར་ལ་ཕེབས་སོང་།
ཇོ་ནང་པ་ལ་ཡང་དང་བླངས་ཆབ་སྲིད་སློབ་སྟོན་པ ཞིག་ཐོན་བྱུང་། བཀྲ་ཤིས་བདེ་ལེགས་ཞུ།
ཤར་ཁུག་ག་ཚོད་ཁྲབ་ཀྱང་མདོ་སྨད་སྤྱི་འཐུས་ལ་ཁག་སོང་ངོ་།
བཙན་བྱོལ་གཞུང་འདི་མང་གཙོའི་གཞུང་ཞིག་དང་མི་རྣམས་ཀྱིས་འདྲ་མཉམ་གྱིས་རང་དབང་ལོངས་སུ་སྤྱོད་ཀིན་ཡོད་པ་བསྒྲགས་དང་སྒྲོག་བཞིན་ཡོད་མོད། དོན་དངོས་ཐོག་ཕྱོགས་ཞེན་དང་རྙིང་ཞེན་གྱི་
དོང་རིང་ཞིག་ནང་ལྷུངས་ནས་ཡར་འབུད་ཐུབ་ཀྱི་མེད། འདིར་ཅིག་ལྟོས་དང་། བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་ཞེས་གཡུང་དྲུང་བོན་འདི་ལོགས་སུ་བཀར་ཡོད།
ཅིའི་ཕྱིར་བོད་ཀྱི་ཆོས་བརྒྱུད་ཆེན་པོ་ལྔ་ཞེས་མ་བརྗོད་པ་ཡིན་ནམ། ཡང་ན་ཇོ་ནང་ཆོས་བརྒྱུད་ཀྱང་ཁུངས་སུ་ཚུད་པ་བྱས་ནས་ཆོས་བརྒྱུད་ཆེན་པོ་དྲུག་ཅེས་མ་བརྗོད་དམ། བཙན་བྱོལ་ནང་བོད་པས་བོད་པ་ཚོར་འདྲ་མཉམ་དང་ཐོབ་ཐང་སྤྲོད་ཀི་མེད། དགྱ་རོ་ཚང་གིས་ང་ཚོར་ག་བ་སྤྲོད་ཀི་རེད།
ཆོས་བརྒྱུད་གང་ཞིག་ལ་ཨ་མདོ་བས་ཁྱབ་ན་ཨ་མདོ་བའི་མཐུས་མི་ལས་གཞན་མི་དགོས་ཏེ། ཨ་མདོ་རྔ་བ་བཞིན། ཇོ་ནང་བའི་ལས་འགུལ་བ་ལ་ཨ་མདོའི་བའི་ཁྱབ་བོ། མདོ་སྨད་ཆོལ་ཁར་ཇོ་ནང་བའི་རྐུབ་བགྱག་མེད་དོ། མདོ་སྨད་ཆོལ་ཁར་དམངས་གཙོ་ཡོད་དོ།
གྲྭ་པས་སྲིད་བསྐྱངས་ན། ཡོང་རྒྱུ་འདི་རེད། ཆོས་བརྒྱུད་གྲུབ་མཐའི་ཇུས་ཏོག་ཀྱང་མགོ་ནག་སྲིད་ཀྱི་གྲོས་ཚོགས་ནང་དུ་ཐག་གཅོད་བྱ་དགོས་འདུག མ་འོངས་པར་དགོན་སྡེའི་མཁན་པོ་བསྐོ་བཞག་དང་། བླ་སྤྲུལ་བཙལ་འཚོལ། དགོན་སྡེའི་བཅའ་ཡིག་སོགས་ཚང་མ་གྲོས་ཚོགས་ཀྱི་ལས་ཀ་ཆགས་ས་རེད། ད་རྒྱལ་བསྟན་ཁོག་ནས་རུལ་རྒྱུའི་སྔ་ལྟས་ནི་མིན་ལས་ཆེ།
བརྒྱ་བཤད་སྟོང་བཤད་ཀྱང་ཆོས་ལུགས་ཀྱི་སྤྱི་མཐུས་རྩ་བ་ནས་དགོས་ཀྱི་མི་འདུག། རྒྱ་དམར་མ་སླེབས་བར་དུ་ཆོས་ལུགས་ཀྱི་སྤྱི་མཐུས་གཅིག་ཀྱང་མེད་ཀྱང་། བོད་དུ་བསྟན་པའི་བྱ་བ་སྤེལ་མི་ཐུབ་པ་གོ་མ་མྱོང་།། ཆོས་ལུགས་དར་སྤེལ་ཆེན་པོ་ཕྱིན་ཡོད།། འོན་ཀྱང་མི་དམངས་ལ་དབང་ཆ་མེད་པར་མི་དམངས་གི་ཤེས་ཡོན་དང་། དཔལ་འབྱོར་སོགས་སྐུ་དྲག་འགའ་ཤས་ཀྱི་དབང་འཛིན་འོག་དར་སྤེལ་རྩ་བ་ནས་འགྲོ་ཐུབ་མེད། དེར་རྟེན་མི་མང་གི་བདེ་སྡུག་དང་། དཔལ་འབྱོར། ཆབ་སྲིད་སོགས་མི་གཅིག་གཉིས་ཀྱི་ལག་པ་མ་ཡིན་པར། མི་ཚང་མས་འགན་འཁུར་ལེན་དགོས་པའི་སྤྱི་མཐུས་ངེས་པར་དགོས་ངེས་ཡིན།། སྤྱི་མཐུས་ཞེས་པ་ནི་རྒྱལ་ཁབ་དང་མི་མང་གི་བདེ་སྡུག་དྲང་པོར་གནས་དགོས་པའི་འཇིག་རྟེན་པའི་སྲིད་ཀྱི་བྱ་བ་དགོས་ངེས་ཡིན།།
ཤར་ཕྱོགས་ཁུས་རྟས་རྩོམ་ཡག་པོ་ཞིག་བྲིས་འདུག་ཀྱང་། འགན་ཁུར་མེད་པའི་མཆན་བུ་བ་དག་མང་སོང་།