དཔལ་ས་སྐྱ་གོང་མ་མཆོག་ལ་བཀའ་དྲིན་རྗེས་དྲན་གྱི་གཟེངས་རྟགས་ཕུལ་བ།

Comments (32) on “དཔལ་ས་སྐྱ་གོང་མ་མཆོག་ལ་བཀའ་དྲིན་རྗེས་དྲན་གྱི་གཟེངས་རྟགས་ཕུལ་བ།”

1. གུས་པས་སྐྱབས་སུ་མཆིའོ།

2. མི་གསོན་པ་མཆོག་གིས་ངལ་དུབ་ལྷུར་ལེན་གྱིས་བོད་ཀྱི་བླ་ཆེན་རྣམས་ཀྱི་ཨ་རིར་མཛད་འཕྲིན་བསྐྱངས་པའི་གནས་ཚུལ་འགོད་པ་འདི་དག་བོད་ཀྱི་དམིགས་རྒྱན་དུ་ཆེའོ
   ་
   མ་འོང་པའི། ཞེས་དང་། སྙན་སེང་། འདི་དག་ལ་བོད་ཀྱི་མཁས་པས་བཀོལ་བ་ལྟར་ཞུས་དག་ཐུབ་ན་རབ་དང་། མ་ཐུབ་ཚེ། ཀློག་པ་པོ་རྣམས་ལས་འགའ་རེས་ལན་གསལ་འབྲི་གྲོགས་མཛད་ན། བོད་ཡིག་ཡར་རྒྱས་འབྱུང་བར་ཕན་ནོ།

3. ས་སྐྱ་༸གོང་མ་རིན་པོ་ཆེས།
   ༧སྤྱི་ནོར་གོང་ས་སྐྱབས་མགོན་ཆེན་པོ་ཁོང་ནི་བོད་ཆོས་སྲིད་གཉིས་ཀྱི་དབུ་ཁྲིད་བཀའ་དྲིན་བླ་ན་མེད་པ་ཞིག་ཡིན་པར་མ་ཟད་ང་རང་སྒེར་ངོས་ནས་ཆུང་དུས་ནས་མདོ་སྔགས་ཀྱི་གསུང་ཆོས་མང་པོ་ཞུས་ཏེ་རྩ་བའི་བླ་མ་གལ་ཆེ་ཤོས་ཤིག་ཡིན་སྟབས། བླ་མའི་བཀའ་བསྒྲུབ་རྒྱུ་ནི་སྤྱི་ནང་པ་སངས་རྒྱས་པ་དང་ཁྱད་པར་གསང་སྔགས་རྡོ་རྗེ་ཐེག་པའི་ནང་དུ་དངོས་གྲུབ་ཐམས་ཅད་ཀྱི་རྩ་བ་དེ་བླ་མ་ཡིན་པར་གསུངས་ཡོད་སྟབས་བླ་མའི་བཀའ་བསྒྲུབ་རྒྱུ་དེ་གལ་ཆེ་ཤོས་ཆགས་ཡོད་དུས་ང་རང་ངོས་ནས་དེ་བཞིན་ཞུ་བཞིན་ཡོད་ལ་ཞུ་རྒྱུའང་ཡིན།

4. གོང་མ་རིན་པོ་ཆེ་དེ་དེ་བཞིན་ནོ། བོད་ཤི་གསོན་གཉིས་ཀྱི་སོ་མཚམ་ལ་། བོད་པའི་ཕྱི་ཡི་ལྕག་རི་ནང་གི་ནོར་བུ་། འཛམ་བུ་གླིང་འདིར་བོད་པའི་མཚོན་རྟགས་གཅིག་པུ་རྒྱལ་བ་ཡིད་བཞིན་ནོར་བུ་མཆོག་ལ་ཅི་གསུངས་བཀའ་བསྒྲུབས་དང་། མཐའ་ཅིག་ཏུ་རྒྱབ་སྐྱོར་གནང་བ་ནི་བཀའ་དྲིན་ཆེ་ལ་། བོད་སྤྱི་ལ་ཡང་ཕན་ཐོག་ཆེ། དཔལ་རྒྱལ་བ་ཀརྨ་པ་སོགས་བོད་ཀྱི་བླ་ཆེན་མི་ཆེན་ཡོངས་ནས་། དོལ་འདྲེ་བཀགའགོག་དང། ཁྱི་རྒན་རྒྱ་དམར་ལ་ཡང་དམིགས་ཕུག་པའི་དགག་པ་རྒྱག་གལ་ཆེ། དོལ་འདྲེ་ཚོགས་པས་ངོ་རྒོལ་བྱེད་མི་ཡོང་ངམ། རྒྱ་རོས་ཡུལ་དེ་དག་དེ་འགྲོ་རྒྱུ་visa བཀག་སྡོམ་བྱེད་མི་ཡིང་ངམ་སྙམ་པའི་ཞེ་སྣང་དེ་སྦྱང་རིང་དུ་དོལ་བར་བྱའོ། གོང་མ་རིན་པོ་ཆེ་མཁྱེན་ནོ། དཔལ་རྒྱལ་བ་ཀརྨ་པ་མཁྱེན་ནོ། དགའ་ལྡན་ཁྲི་རིན་པོ་ཆེ་མཁྱེན་ནོ། སྙིང་མའི་ཁྲི་འཛིན་རིན་པོ་ཆེ་མཁྱེན་ནོ། བོན་པོ་མཁྱེན་ནོ་།

5. ཚེ་དཔག་མེད་ཀྱི་གཟུངས་སྔགས།
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།

6. ཐུགས་བསྐྱེད་འཇུག་པ་ཟབ་མོས་རྒྱ་བོད་ཧོར། །
   རིགས་གསུམ་མགོན་པོའི་རྣམ་འཕྲུལ་ཕྲིན་ལས་ཀྱིས། །
   ས་ཆེན་ཁྱོན་དུ་མཁྱེན་བརྩེ་ནུས་གསུམ་རྒྱས། །
   ༧གོང་མ་འཁོན་གདུང་ཚེ་ལྷར་ཞབས་བརྟན་ཤོག །
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།
   ཨོྃ་ ཨ་མཱ་ ར་ཎི་ ཛི་ བནྟཱི་ཡེ་ སྭཱ་ཧཱ།
   དགེ་བ་འདི་ཡིས་མྱུར་དུ་བདག །
   ༸གོང་མ་འཁོན་གདུང་གྲུབ་གྱུར་ནས། །
   འགྲོ་བ་གཅིག་ཀྱང་མ་ལུས་པ། །
   ཁྱོད་ཀྱི་ས་ལ་འགོད་པར་ཤོག །

7. ཤར་པ་ལགས་་་་་བོན་པོ་མཁྱེན་ནོ་ཟེར་ན་ཅི་ཞིག་རེད། མི་ལ་མིང་གི་བུས་་རྫ་མ་ལུང་གི་འཇུས་ཟེར་བའི་དཔེ་ལྟར་མཚན་ཆ་ཚང་ཅིག་འབྲི་རོགས་གནང་།

8. བཀྲ་ཡེ་བདེན། མི་ལ་མིང་དང། མཚོན་ལ་ཡུ་བ་་་་ཟེར་བ་རེད་

9. འོ་ལགས་སོ། སྟོན་པ་གཤེན་རབ་མཁྱེན་ནོ།

10. “མ་འོང་པའི། ཞེས་དང་། སྙན་སེང་། འདི་དག་ལ་བོད་ཀྱི་མཁས་པས་བཀོལ་བ་ལྟར་ཞུས་དག་ཐུབ་ན་རབ་དང་། མ་ཐུབ་ཚེ། ཀློག་པ་པོ་རྣམས་ལས་འགའ་རེས་ལན་གསལ་འབྲི་གྲོགས་མཛད་ན། བོད་ཡིག་ཡར་རྒྱས་འབྱུང་བར་ཕན་ནོ།”
    མ་འོང་པའི། ཞེས་པར་ས་འཇུག་ས་ཆད་པ་དམིགས་ཀྱིས་བྲིས་པ་མ་ཡིན་པས་སྐྱོན་མེད། སྙན་སེང་། ཞེས་པ་རྐང་བཙུགས་ཏེ་བྲིས་པ་དེ་བོད་ཀྱི་མཁས་པས་བྲིས་པའི་དཔེ་ཆ་ཡོངས་ན་ཡོད་པར་མ་ཟད་དེ་དག་ལ་གཞིར་མཛད་པའི་དག་ཡིག་ཟ་མ་ཏོག་སོགས་ན། སྙན་གསན་ཞེས་བཀོད། དེ་ཡང་བོད་སྐད་ང་རོ་དག་ལ་གཞུང་དང་མཐུན་པར་སྦྱངས་པ་མེད་པས་ཨ་ཡིག་ཨེ་ཡིག་དང་ཨེ་ཡིག་ཨ་ཡིག་ཏུ་གྱུར་པ་གཞུང་དཔེ་དག་ན་ཡང་མང་དུ་མཆིས་སོ།
    ་
    རབ་ཀྱི་གཟེངས་བསྟོད་སུས་ཀྱང་བཞེས་མེད་པར་ལུས་སོ།

11. ཡོད། ཅེས་པ་དེ་མེད་པར་མ་ཟད། ཅེས་ཞུས་དག་བྱས་སོ།

12. རྒན་ལ་དྭགས་ལགས། བོད་ཡིག་ལ་ཡིག་གེ་ཕྱེད་ཡོད་དམ། བ་ཕྱེད་ཝ་ཞེས་པ་ལ་ཁུང་ཡོད་དམ། བོད་ཡིག་ལ་རྐྱེན་འབྱིན་ཚུལ་ཡོད་དམ། སྲོག་ཞུགས་ཡིག་གེ་ཡོད་དམ། བཀའ་དྲིན་ཆེ།

13. ༄། །དཔལ་ས་སྐྱ་༧གོང་མ་རིན་པོ་ཆེ་ལ་མཆོག་ལ་ཆེ་བསྟོད་ཕུལ་བར་བཀྲ་ཤིས་བདེ་ལེགས་ཞུ། །
    ཤིན་ཏུ་འོས་པའི་གཟེངས་བསྟོད་ལ། །ཐལ་མོ་སྦྱར་ཏེ་ཡི་རང་ཞུ། །
    གང་གི་སྐུ་ཚེ་ཞབས་བརྟན་ཅིང་། །འཔྲིན་ལས་ཕྱོགས་བརྒྱར་རྒྱས་པར་ཤོག ། དྲི་མེད་པས། །

14. ཤར་པ་ལེགས།
    ཉིད་ཀྱི་དྲི་བས་བདག་ལ་བློ་གྲོས་གསར་པ་ཞིག་བྱུང་། “བ་ཕྱེད་ཝ་ཞེས་པ་ལ་ཁུང་ཡོད་དམ།” ཞེས་པ་དེ་ཝ་ཕྱེད་བ། ཞེས་པ་ཡིན་དགོས། དེ་ཡང་། ཝའི་སྟེང་གི་ལ་ལྟ་བུ་དེ་མེད་པར་སོང་ནས། བ ཞེས་པ་དེ་ཉིད་པ་སྡེའི་བ་ཡིག་མ་ཡིན་དགོས་པ་གསལ་པོར་ཆགས། དཔེར་ན། སྡེ་པ་བཞི་པའི་བ་ནི། བ་གམ། བ་གླང་། བ་ལང་། བ་མོ། བག་མ། བག་ཡོད་ལ་སོགས་པ་མང་དུ་ཡོད་དོ། ཝ་ཕྱེད་ཀྱི་བ་ནི། འོང་བ། དགའ་བ། ན་བ། བདེ་བ། འགྲོ་བ། ཞེས་པ་ལྟ་བུའོ།
    “བོད་ཡིག་ལ་རྐྱེན་འབྱིན་ཚུལ་ཡོད་དམ།” དྲི་བ་འདི་གནད་ཆེ་བ་ཞིག་པས་རེ་ཞིག་ལེགས་པར་བསམ་བློ་གཏང་དགོས་པ་ཡིན་འདུག “སྲོག་ཞུགས་ཡིག་གེ་ཡོད་དམ།” ཞེས་པ་ལ།
    དངུལ་ཆུ་དབྱངས་ཅན་གྲུབ་པའི་རྡོ་རྗེས། རྟགས་འཇུག་དཀའ་གནད་གསལ་བའི་མེ་ལོང་ན།
    ་
    སྤྱིར་ན་དབྱངས་མོ་གསལ་བྱེད་ཕོ།
    ཞེས་དང་།
    མོ་ཡིག་དབྱངས་དང་མི་ལྡན་ན།
    ཕོ་ཡིག་གསལ་བྱེད་བརྗོད་མི་ནུས། །
    ་
    ཞེས་གསུངས་པ་ལྟར། ས་ཞེས་པར་ཨ་ཡིག་ས་དབྱངས་མེད་ཀྱི་སྲོག་ལྟ་བུར་ཞུགས་ནས། ས་ ཞེས་ཆགས། དེ་བཞིན་དུ། ཅི། ཆུ། མེ། ལོ། ཞེས་པ་ལྟ་བུ་ཡོད་པས། བོད་སྐད་ལ་དབྱངས་ལྔ་ཡོད་དགོས་ཏེ།
    ་
    དེའི་ཕྱིར་དབྱངས་ལྔར་བཞེད་པ་བདེ།
    ཞེས་གསུངས་སོ།
    ་
    ཡི་གེའི་དག་ཆ་ནོར་བྲིས་དག་སེལ་བར་མཛོད། བཀའ་དྲིན་ཆེའོ།

15. བཀའ་དྲིན་ཆེ་རྒན་ལ་དྭགས་ལགས། ཝ་ཕྱེད་བ། ཀ ཕྱེ་ཀ་དང་ དེ་་བཞིན་གསལ་བྱེད་སུམ་བཅུ་ལ་ཕྱེད་ཀ་ཡོད་དམ། གེ་གུ་་ ི་ུ་ེ་ ོ་འདི་བཞི་ཡིག་གེ་ཡིན་ནམ། གོང་ས་མཆོག་ལ་ཕྱག་འཚལ་ལོ་ ཞེས་པ་བཞི་པ་དགོས་ཆེད་ཡིན་ནམ། མིང་ཚིགས་གཉིས་ཀྱི་རྩོམ་གཞིའི་སྐད་མདངས་ལ་ཡིག་གེ་ལབ་ན། ཡིག་གེ་དང་ཡིག་གཟུགས་ལ་ཁྱེད་པར་འབྱེད་དགོས་སམ་། བོད་དང་བྷོ་ཀྲ་ tibet ཞེས་པ་འདི་ཚོ་ལ་སྒྲ་བཤད་ཡོད་དམ། རྒན་ལགས་བཀའ་དྲིན་ཆེ།

16. ཤར་པ་་མཆོག་ལ།
    ངས་ཉེ་དུས་ཀོ་རི་དང་། ལ་ཨོས་དང་། བངྒ་ལ་དང་། ལངྐཱ་བཅས་ཀྱི་སློབ་ཕྲུག་རྣམས་ལ་བོད་ཡིག་སློབ་པ་ན། འབྲེལ་སྒྲའི་སྐབས་རྗེས་འཇུག་བ་ལ་ཀྱི་ཐོབ་པའི་དཔེར་བརྗོད་བྲིས་ཤིག ཅེས་པ་ན། འགའ་ཞིག་ཀྱིས་བ་ཀྱི་བྲིས་པ་ན། བདག་གིས་དེ་དག་ལ་ཁྱེད་ཅག་གིས་ལེགས་པར་མ་མཉན་པའམ་མ་རྟོགས་པའི་སྐྱོན་ཡིན་པ་གཅིག་དང་། སྐྱོན་གཉིས་པ་ནི། སྔོན་འཇུག་དང་། རྗེས་འཇུག་གི་ཡི་གེ་དག་ལ་དབྱངས་མེད་པས། མིང་གཞིའི་ཡི་གེ་ཨ་སྲོག་ཏུ་ཡོད་པ་དང་མེད་པ་གཉིས་ལ་ཁྱད་པར་མེད་པར་བཟོས་པས་ཁྱེད་ཅག་ལ་ཁག་མི་འདུག་ཅེས་སྨྲས། དེ་ཡང་དཔེར་ན། གཅིག་ཅེས་པར་ག་ཡིག་སྔོན་འཇུག་དང་རྗེས་འཇུག་གཉིས་ཀར་ཡོད་པ་དང་། དགག་པ་ཞེས་པ་ན་ཡོད་པའི་མིང་གཞིའི་ག་དང་རྗེས་འཇུག་གི་ག་གསུམ་ཀ་ལ་ཡིག་གཟུགས་འདྲ་བ་ཡོད་པས་གོ་འཐོམས་པའི་གནས་སུ་མཐོང་།
    “གསལ་བྱེད་སུམ་བཅུ་ལ་ཕྱེད་ཀ་ཡོད་དམ།” དབྱངས་སྲོག་ཏུ་མེད་པའི་གསལ་བྱེད་ཉེར་དགུ་དེ་དག་ཕྱེད་ཀ་ཡིན་དགོས། “གེ་གུ་་ ི་ུ་ེ་ ོ་འདི་བཞི་ཡིག་གེ་ཡིན་ནམ།” ་ ི་ུ་ེ་ ོ་འདི་དག་སྒྲ་གདངས་ཀྱི་དབང་དུ་བྱས་ན། ཡི་གེ་ཡིན་དགོས་། གོང་ས་མཆོག་ལ་ཕྱག་འཚལ་ལོ་ ཞེས་པ་བཞི་པ་དགོས་ཆེད་ཡིན་ནམ། ལེགས་སྦྱར་བརྡ་སྤྲོད་ལ་རྣམ་དབྱེ་གཉིས་པ་དང་བཞི་པ་གཉིས་གཟུགས་མི་འདྲ་ཡོད་ཀྱང་། བོད་སྐད་ལ་དེ་གཉིས་གང་ཡིན་ཀྱང་། གཟུགས་ལ་ཁྱད་པར་མེད་པས་རྩད་གཅོད་མི་དགོས།
    མིང་ཚིགས་གཉིས་ཀྱི་རྩོམ་གཞིའི་སྐད་མདངས་ལ་ཡིག་གེ་ལབ་ན། ཡིག་གེ་དང་ཡིག་གཟུགས་ལ་ཁྱེད་པར་འབྱེད་དགོས་སམ་། བོད་དང་བྷོ་ཀྲ་ tibet ཞེས་པ་འདི་ཚོ་ལ་སྒྲ་བཤད་ཡོད་དམ།
    ་
    ཕྱེ་ཀ་དང་། ཁྱེད་པར། སྐད་མདངས། བྷོ་ཀྲ། དང་པོ་འདི་དག་ལ་ཞུས་དག་དགོས། དེའི་རྗེས་སུ་ལན་རྒྱབ་ཆོག་པ།

17. བཀའ་དྲིན་ཆེ་རྒན་ལ་དྭགས་། རྟགས་འཇུག་གི་རྟགས་མཚུངས་འདྲེན་ཚུལ་དང། ཡང་བརྗོད་བདེ་འདྲེན་པ་ཞེས་པ་ཞིག་འདུག་པས། བོད་ཡིག་ལ་ས་མཚམས་སམ་ལམ་ལུགས་མེད་པ་འདྲ་པོ་མཐོང་ན་། རྒན་ལགས་ནས་རྟགས་མཚུངས་འདྲེན་ཚུལ་དང་བརྗོད་བདེ་འདྲེན་པའི་དབར་བོད་ཡིག་དེ་ལམ་ལུགས་དང་། རྟགས་འཇུགས་དེ་བརྗོད་བདེ་འདྲེན་པས་མི་གཞི་གཏོར་ཞིག་གསུངས་རོག། བརྗོད་བདེ་ནི་གང་ཟག་སོ་སོའི་གོམ་གཤེས་ལ་རག་པས་། ཨམ་མདོ་དང། ཁམ་སྐད་ དབུས་སྐད་སོགས་ལ་སོ་སོའོ་བརྗོད་བདེ་མིན་སྣ་ཚོགས་ཞིག་ཡོད་པ་མྱོང་བས་གྲུབ་ན་གུས་པ་ནི་སུམ་རྟགས་དད་ལོག་འདྲ་པོའི་ལོག་རྟོག་འདི་གསལ་རོག།

18. བརྗོད་བདེ་འདྲེན་པས་གཞི་མི་གཏོར་བ་ཞེས་བཅོས་རོག།

19. སུམ་རྟགས་དྲིས་ལན་བཟང་བས་ཀུན་ལ་ཕན།

20. ངའི་ཞེ་འདོད་དངོས་མ་ནི། མཁས་པས་བཀོལ་བའི་དཔེ་ཆ་དག་པ་རྣམས་ལ་བལྟས་ཏེ། ཤེས་དགོས། དཔེར་ན། སྦྱར་བ་ལྟ་བུ་ལ་མཚོན་ན། ངའི་ལུང་སྐད་དུ། སྦྱར་པ་ཞེས་བཀོལ།
    སྦྱོར། སྦྱར། སྦྱར། སྦྱོར། ད་ལྟ་འདས་མ་འོངས་སྐུལ་ཚིག་བཅས་རིམ་བཞིན་ཡིན། དེ་ཡང་། སྦྱོར། ཞེས་པ་ད་ལྟ་བ་ད་ཡང་འཇུག་མེད། སྐུལ་ཚིག་ལ་ཡོད། དེ་བཞིན་དུ། སྦྱར། འདས་པ་ལ་ད་ཡང་འཇུག་ཡོད། མ་འོངས་པ་ལ་མེད། “ཕོ་ཡིས་ཕོ་ཡི་མིང་མཐའ་དྲང་།” ཞེས་པ་ལྟར་ངའི་ཕལ་སྐད་ཀྱི་སྦྱར་པ། ཞེས་པ་འཐད་པ་ཡོད་ཀྱང་། མཁས་པའི་གསུང་ཐམས་ཅད་ན་བ་ཡོད། དཔེར་ན། “ཡུལ་གངས་ཅན་གྱི་མཐར་སྐྱེས་པའི་སྙན་དངགས་མཁན་ཤར་ཙོང་ཁ་པ་བློ་བཟང་གྲགས་པའི་དཔལ་གྱིས། ཀུན་ཏུ་བཟང་པའི་ནགས་ཁྲོད་དུ་ཕྱིན་པའི་ཚེ་སྦྱར་བའི་ཡི་གེ་པ་ནི་མདོ་སྟོད་སྐྱེས་པའི་བཙུན་པ་སྡེ་སྣོད་འཛིན་པ་གྲགས་པ་བློ་གྲོས་སོ། །” དེས་ན་བརྗོད་བདེ་འདྲེན་པ་མང་པོ་དཔེ་ཆ་དག་ལ་བལྟས་ཏེ། སྦྱང་དགོས་པ་མང་ངོ་། གོང་གསལ་མ་དག་པའི་མིང་ཚིག་ཀུན་ལ་ཞུས་དག་གི་རེ་བ་ཡོད། ཞུས་དག་མ་འབྱུང་ཚེ་བདག་རང་གིས་འབད་ངེས་ལགས་སོ།
    ་
    བདག་ལ་འབྲེལ་བ་ཆེན་པོ་ཡོད།

21. རྒན་ལ་དྭགས་ལགས། བཀའ་དྲིན་ཆེ། བྷོ་ཀྲ་དང། བོད་། tibet. ཞེས་པའི་འབྱུང་ཁུང་དང་། ལེགས་སྦྱར་སྐད་ནང་ལ་བྷོ་ཀྲའི་གོ་དོན་ལ་སྐོམ་པ་ཆུ་འདོད་བཞིན་ཡིན་ལགས། ཁྱེད་ནས་བོད་པའི་སྐད་ཡིག་སོགས་གཅེས་སྤྲད་ཆེན་པོར་གནང་ཤིན་ཏུ་ནས་དགའ་ཚུལ་དང་རྗེས་སུ་ཡིད་རུང་བཀའ་དྲིན་ཆེ་ཞེས་ལན་བརྒྱར་ཞུ

22. ཨ་རི་པ་གོལ་སྟིན་གྱིས་མཛད་པའི་བོད་ཨིན་ཚིག་མཛོད་ན།
    གདངས་ (dan) 1. tone, pitch 1 སྐད་གདངས་
    Lowandhightone. 2.tune,melody 1″གཞས་གདངས་སྙན་པོ་ A song with a pleasant melody.
    ཞེས་དང་།
    མདངས་(dan) comI’ (daq) complexion, appearance 1 ཞལ་མདངས་ Facial complexion. 2. radiance, brightness, luster, shine, glow; vi.—Si^’ to fade (colors/ luster/ complexion) II a g * r ^ O T A radiant smile, n ཉི་མའི་མདངས་ The glow of sunlight.

    ཕྱེ་ཀ་དང་། ཁྱེད་པར། སྐད་མདངས། བྷོ་ཀྲ། འདི་དག་ལ་ཞུས་དག་རིམ་བཞིན། ཕྱེད་ཀ་དང་། ཁྱད་པར། སྐད་གདངས། བྷོ་ཊ། ཞེས་དགོས་སོ་སྙམ། ཁོ་བོའི་རྣམ་དཔྱོད་ལྟར་ན། བོད། ཅེས་པ་འབོད་པ་ཞེས་པ་ལས་འཕྲོས་སོ། སྙམ་མོ། དེ་ཡང་བོད་གཞུང་གང་ན་ཡོད། དེ་་ལ་བོད་ཟེར། ང་གཙང་ན་ཡོད་དུས་དབུས་གཙང་གཉིས་ལ་བོད་ཟེར། དེང་ཡང་། ལྷ་བླ་མ་བྱང་ཆུབ་འོད་ཀྱི་དུས་ལ་མངའ་རིས་ལ་བོད་ཟེར་རོ་སྙམ། དིང་སང་ཇི་ལྟར་རྩི་རྒྱུས་མེད། མངའ་རིས། ཨ་མདོ། ཁམས་སོགས་བོད་ཆེན་པོའི་ཁུངས་སུ་ཡོད་ཀྱང་། ཡུལ་དེ་དག་ནས་འོངས་པའི་མི་རྣམས་ལ་མངའ་རིས་པ། ཨ་མདོ་བ། ཁམས་པ་ཟེར་བ་མ་གཏོགས་བོད་པ་མི་ཟེར། དེ་ཡང་འབངས་ནང་ཕར་ཚུར་མི་མཐུན་པ་ན། བོད་གཞུང་ལ་བོས་པའམ་སྙན་ཞུ་འབུལ་དགོས་པས། འབོད་པ་ལས་བོད་ཅེས་བྱུང་བར་སེམས་སོ།
    འབོད བོས། འབོད། བོད། ཅེས་རིམ་བཞིན་ད་ལྟ་འདས་་མ་འོངས་སྐུལ་ཚིག་ལ་བཅས་ལ་འཐད་ལྡན་གྱི་འགག་པ་ཡོད་ན། ཤར་པ་ལེགས་སོགས་ཀྱིས་རྒྱབ་པར་མཛོད་ཅིག

23. བོད་ནི། འབོད་དང་བོས་ལས་མིན་པར། བོན་ལས་བོད་ཅེས་མིང་ཆགས་པ། དཔེར་ན། བཙད་པོ་ལས་བཙན་མོ་སོགས་རྗེས་འཇུག་ན་ད་གཉིས་སྐབས་འགར་བརྗེ་བ་བཞིན་ནོ།།

24. དིང་གི་བོད་སྐད་འདི། དེང་རབས་དང་མཐུན་ཡར་རྒྱས་གསར་སྣན་དགོས་ན། བོད་སྐད་འདི་རྟགས་མཚུངས་དང་། ཕྲད་གཞན་དབང་ཅན་གྱིས་དབང་དུ་མ་སོང་བར། ཕྲད་ཉུང་ལ་མིང་ཚོག་མང་པོ་བཅོས་པ་ལ་འབད་དགོས་པ་གལ་ཆེ་བ་མཐོང་ངོ་།།

25. ག་ལེ་ལེར། ལ་དོན་ལ། ལ་གཅིག་གིས་གོད་ཆོད་ཐུབ་པ་དང་། བྱེད་སྒྲ་ལ། ཀྱིས་གཅིག་གིས་དང་། འབྲེལ་སྒྲ་ལ། གི་གཅིག་གིས་དོན་དག་ཚང་བ་བཟོ་ཐུབ་པ་ངལ་བརྩོན་ཐུབ་ན་མི་ལེགས་སམ། ལགས། ཧཧིཧོཧོ།། །།

26. དཔྱོད་ལྡན་ཀརྡོའི་བཤད་པ་ལེགས་མོད། དེ་ལ་སྔོན་ཆད་སྐུ་གཤེགས་སོག་མདའ་ཚན་པ་མགོན་པོ་ཚེ་རིང་གིང་བཤད་མྱོང་། རྒན་ལ་དྭགས་པ་དང་རྩོད་པ་ཡུན་རིང་གནང་མྱོང་། མདོར་ན་ད་ལྟའི་བོད་ཡིག་ཅུང་ཟད་ཡག་པོ་ཤེས་མཁན་ཚོས་དུས་རབས་བརྒྱད་པའི་སྐབས་ཀྱི་ཡི་གེའི་དོན་གོ་ཞིང་ཀློག་ཐུབ་པ་འདི་རེད། བཟོ་བཅོས་རྒྱག་རྒྱུ་མང་ན་སྔོན་གྱི་མཁས་པའི་གསུངས་མི་ཤེས་པའི་གོ་སྐབས་ཤིག་སླེབས་མི་སྲིད་པ་མ་རེད། །དེའི་ཆེད་དུ་གཡང་འབོད་གནང་མཁན་དེང་དུས་ཆེས་མང་བས་སོ། །

27. བོད་དང་བོན་གཉིས་སྔར་གཅིག་པར་འདོད། དིང་སང་འདོད་པའི་ཆོས་ལུགས་ཀྱི་དོན་མ་ཡིན་པར་བོན་ནམ་བོད་ཅེས་པ་ཁྲིམས་སྐྱོང་མཁན་གྱི་གཞུང་ལ་འདོད་དགོས། ས་དང་ད་ཡིག་རྗེས་འཇུག་རྣམས་རྗེས་འཇུག་ན་རུ་གྱུར་པ་མང་པོ་ཡོད་ངེས་བློ་གྲོས་སྤྱན་མངའ་རྣམས་ཀྱིས་འཚོལ་གྲོགས་མཛད་ན། བོད་སྐད་ལ་ཕན་ནོ།

28. རྩེད། རྩེན་གཉིས་དོན་གཅིག་མ་ཡིན་ནམ།

29. ད་དྲག་གསུམ་ནང་ནས་ད་བཞགན་ཡང་། དོན་ལ་མཁོ་བས་ད་དུང་མི་ཤེས་པ་མེད་པ་ལྟར། མ་འོངས་པ་ལ། ཕྲད་གཞན་དབང་ཅན་དང་། རྟགས་མཚུངས་དེ་ཚོ། ཉམས་མི་སྲིད་པ་རེད།
    འོནད་ཀྱང་། བོད་ཡིག་དེ། བདེ་མོ་སླ་མོ་གཅིག་ལ་བཅོས་ས་་མཐོང་བཞིན་དུ་དུས་སུ་མ་བཅོས་ན། རྒྱ་གར་གྱི་ལེགས་སྦྱར་སྐད་བཞིན་ཛམ་གླིང་འདི་ནས་མེད་པར་འགྱུར་མི་སྲིད་པ་མ་རེད་དོ།།

30. ཁ་སྐད་བྲིས་མ་གསར་གཏོད་ཅན་ཞིག་དང་། མཁས་པའི་འབྲི་སྟངས་རྙིང་ལུགས་གཉིས་དུས་གཅིག་ཏུ་འབྱུང་བའམ། འོངས་མི་སྲིད་པ་མ་རེད་སྙམ་ལགས།

31. བོད་ཡིག་སླ་མོར་བཅོས་པ་དང་། བོད་ཡིག་བོད་སྐད་ཀྱི་སུམ་རྟགས་རྩ་གཏོར་གཏོང་བ་གཉིས་གཅིག་ཏུ་འཁྲུལ་མི་རིགས་སོ།།

32. སྔར་གྱི་ལྷ་སའི་ཁ་སྐད་དང་། དིང་གི་དྷ་སའི་བོད་སྐད་གཉིས་ཀྱི་བར་དུ་གསར་བཅོས་སྙིང་རྗེ་བོ་ཞིག་གཏོང་ས་ཡོད་ས་རེད་སྙམ་མོ།། འདི་ནི་རེ་འདུན་དང་། བསམ་འཆར་ཙམ་མོ།། །།