—–ཨ་འདུས་སྐལ་བཟང་རྒྱ་མཚོ།
སྤྱིར་ལུམྦཱིནཱི་ནི་ལོ་རྒྱུས་སྟེང་རྒྱ་གར་གྱི་ས་ཁུལ་རྩོད་མེད་ཅིག་ཡིན་ནའང་། དུས་ཕྱིས་རྒྱ་གར་དབྱིན་ཇིས་དབང་བསྒྱུར་སྐབས་བལ་གཞུང་དང་ས་ཁུལ་བརྗེ་རིས་བྱས་ཏེ་ད་ཆ་བལ་ཡུལ་གཞུང་གི་འཛིན་སྐྱོང་འོག་ཡོད་པ་ཞིག་ཡིན། བོད་ཀྱི་ཆོས་བརྒྱུད་ཆེན་མོ་དག་གིས་ལོ་ལྟར་སྨོན་ལམ་ཆེན་མོ་འཚོགས་སྲོལ་ཡོད་པ་བཞིན། དཔལ་ལྡན་ས་སྐྱ་པ་ལ་མཚོན་ན། ད་བར་སྨོན་ལམ་ཆེན་མོ་འཚོགས་ཏེ་མི་ལོ་ཧྲིལ་པོ་ཉེར་བཞི་པ་དེ་ཆགས་ཡོད།
ཕྱི་ལོ་༢༠༡༥ ལོའི་ཕྱི་ཟླ་༡༢ པའི་ཚེས་༡༥ ཉིན་ནས་བཟུང་བདག་ཅག་གི་སྟོན་པ་སྐུ་འཁྲུངས་ཡུལ་གནས་མཆོག་ལུམྦཱིནཱིར་དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་ཐེངས་ཉེར་བཞི་པ་དངོས་སུ་དབུ་ཚུགས། ཚོགས་མགོན་དུ་དཔལ་ས་སྐྱའི་༧སྐྱབས་མགོན་༧གོང་མ་ཁྲི་ཆེན་ཞེ་གཅིག་པ་ཆེན་པོ་མཆོག་དང་། ༧སྐྱབས་མགོན་༧གོང་མ་རཏྣ་བཛྲ་རིན་པོ་ཆེ་མཆོག་གིས་གཙོས་པའི་ཕོ་བྲང་གཉིས་ཀྱི་འཁོན་གདུང་རྣམ་པ། ངོར་ཁྲི་བ་ཐར་རྩེ་མཁན་རིན་པོ་ཆེ། ས་ངོར་ཚར་གསུམ་གྱི་ཞབས་དྲུང་རྣམས་པ། གདན་ས་ཁག་གི་མཁན་པོ་བླ་སྤྲུལ་བརྒྱ་ལ་ཉེ་བ་དང་། གཞན་ཡང་རྒྱ་བལ་འབྲུག་གསུམ་ནས་ཕེབས་པའི་དགེ་འདུན་ཞལ་གྲངས་བཞི་སྟོང་ལ་ཉེ་བས་ཉིན་བཅུའི་རིང་འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་དང་། འཇམ་དཔལ་མཚན་བརྗོད་གཉིས་གྲངས་གསོགས་མཛད།
༡༧། ཉིན་ས་སྐྱ་སྨོན་ལམ་ཁོར་ཡུག་ལྷན་ཚོགས་དང་། ལུམྦིནཱི་ཡར་རྒྱས་ཚོགས་པ་མཉམ་འབྲེལ་གྱིས་ལུམྦིནཱིའི་ཁོར་ཡུག་སྔར་བས་ཀྱང་གཙང་མ་ཡོང་ཐབས་སུ་བྱ་འགུལ་སྤེལ། ཕྱི་ཚེས་ ༡༨ ཉིན་དམིགས་བསལ་དེ་སྔོན་ནས་གསོལ་འདེབས་ཞུས་པ་བཞིན་ཐེངས་སྨོན་ལམ་རྒྱུན་ལས་ཀྱི་ངོས་ནས་ད་ལྟའི་ཆར་དགུང་གྲངས་གྱ་བཞིར་ཕེབས་པ་ཕུན་ཚོགས་ཕོ་བྲང་གི་༧སྐྱབས་མགོན་༧གོང་མ་བདག་ཆེན་འཇིགས་བྲལ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་དང་། ཕྱི་ཚེས་༡༩ ཉིན་༧གོང་མ་རིན་པོ་ཆེ་མཆོག་གིས་ཧི་མ་ལ་ཡའི་མི་རིགས་གཙོ་བྱས་པའི་དད་ལྡན་སྟོང་ཕྲག་མང་པོར་གྲུབ་ཆེན་ཐང་སྟོང་རྒྱལ་པོ་ནས་བརྒྱུད་པའི་ཚེ་དབང་ལོ་བརྒྱ་མ་བསྩལ་གནང་མཛད།
ཕྱི་ཚེས་ ༢༡། ཉིན་༧སྐྱབས་མགོན་༧གོང་མ་རིན་པོ་ཆེ་མཆོག་ལ་བརྟན་བཞུགས་ཕུལ་བ་དགྱེས་བཞེས་དང་། ཕྱི་ཚེས་ ༢༤། ཉིན་ས་པཎ་བླ་མཆོད་དང་འབྲེལ་རྒྱ་གར་གྱི་མཁས་དབང་མུཤྲིར་མཆོག་གིས་བསྒྱུར་གནང་ཞིང་། ས་པཎ་རིག་གཞུང་ཉམས་ཞིབ་བསྟི་གནས་ཁང་གིས་དཔེ་སྐྲུན་གནང་བའི་ཆོས་རྗེ་ས་པཎ་གྱི་རང་རྣམ་ང་བརྒྱད་མ་རྩ་འགྲེལ་ཧིན་རྡུ་དང་། དབྱིན་ཇི། ལེགས་སྦྱར་བཅས་སྐད་ཡིག་གསུམ་དུ་འགྱུར་བ་དེ་ཉིད་༧སྐྱབས་མགོན་༧གོང་མ་རིན་པོ་ཆེ་མཆོག་གིས་དབུ་འབྱེད་དང་། ཕྱི་དྲོ་ཆོས་རྗེ་ས་པཎ་གྱི་བརྩམས་ཆོས་གྲགས་ཅན། སྡོམ་གསུམ་རབ་དབྱེ་དང་། ཚད་མ་རིགས་གཏེར་གཉིས་བརྗོད་གཞིར་བཟུང་སྟེ་དཔལ་ས་སྐྱའི་གདན་ས་ཁག་གི་སློབ་གཉེར་པ་ཚོས་རྟགས་གསལ་གྱི་མཆོད་སྤྲིན་ཕུལ།
ཕྱི་ཚེས་ ༢༥ ཉིན་དཔལ་ས་སྐྱའི་སྨོན་ལམ་ཚོགས་པས་གོ་སྒྲིག་འོག་ལོ་འདིའི་བལ་ཡུལ་གྱི་ས་ཡོམ་ཁྲོད་རྐྱེན་འདས་སུ་གྱུར་པ་དག་གི་ཆེད་༧སྐྱབས་མགོན་༧གོང་མ་རིན་པོ་ཆེ་ཡབ་སྲས་རྣམ་པ་དབུར་བཞུགས་ཐོག་ཀུན་རིག་བྱང་ཆོག་འཚོགས་གནང་མཛད་མཐར་ལོ་འདིའི་དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་བདེ་ལེགས་ངང་མཇུག་གྲུབ་ཡོད་དོ། །
ལུམ་བཱི་ནཱི་ནས་ཨ་འདུས་སྐལ་བཟང་རྒྱ་མཚོས།
བདག་ཆེན་རིན་པོ་ཆེ་དགུངས་གྲངས་གྱ་བདུན་དུ་ཕེབས་ཡོད་པ་རེད།
ལོ་གྱ་བདུན་ལ་སླེབས་ཡོད་ན་གང་ཡོད་དམ། ཀླུ་སྨྱོན་ཨ་་་་་་་་་
ཨ་འདུས་སྐལ་བཟང་རྒྱ་མཚོས།
སྤྱིར་ལུམྦཱིནཱི་ནི་ལོ་རྒྱུས་སྟེང་རྒྱ་གར་གྱི་ས་ཁུལ་རྩོད་མེད་ཅིག་ཡིན་ནའང་། དུས་ཕྱིས་རྒྱ་གར་དབྱིན་ཇིས་དབང་བསྒྱུར་སྐབས་བལ་གཞུང་དང་ས་ཁུལ་བརྗེ་རིས་བྱས་ཏེ་ད་ཆ་བལ་ཡུལ་གཞུང་གི་འཛིན་སྐྱོང་འོག་ཡོད་པ་ཞིག་ཡིན། ་་་་་་་་་
་་་་་ད་ལྟའི་ཆར་དགུང་གྲངས་གྱ་བཞིར་ཕེབས་པ་ཕུན་ཚོགས་ཕོ་བྲང་གི་༧སྐྱབས་མགོན་༧གོང་མ་བདག་ཆེན་འཇིགས་བྲལ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་་་་་་་
༨༤གསུངས་པ་ལ།
#1 ཀླུ་སྨྱོན། ་ལགས་ཀྱིས་སྤེལ་དོན།:
December 25th, 2015 at 1:02 pm
བདག་ཆེན་རིན་པོ་ཆེ་དགུངས་གྲངས་གྱ་༼༨༧༽བདུན་དུ་ཕེབས་ཡོད་པ་རེད།
ཏྲེ་ཧོར་པ་ལགས་སུ།
ནམ་མཁའ་འདི་འབག་གཙོག་ཤོར་བའི་སྤྱི་རྒྱ་རེད། །
ས་གཞི་འདི་རྫས་མ་སྙིགས་རོའི་བང་མཛོད་རེད། །
མི་ཚོགས་འདི་གདོན་གྱིས་ཟིན་པའི་ནད་པ་རེད། །
ལྷ་ཚོགས་རྣམས་ནད་པའི་རྒྱབ་ཀྱི་ནད་བདག་རེད། །
བླ་ཆེན་ཚོ་རང་རྒྱུད་བདག་གི་གཡོག་པོ་རེད། །
སྤྲུལ་སྐུ་ཚོ་སྒོར་གྱིས་བཞེངས་པའི་མཆོད་སྡོང་རེད། །
མི་དཔོན་དག་སྒེར་གྱི་སོ་ནམ་ལས་མི་རེད། །
ལས་བྱེད་ཚོ་མ་རྩ་གསོག་པའི་གླ་པ་རེད། །
བཀའ་ཤག་འདི་མི་སྒེར་ཞིག་གི་ཡིག་ཚང་རེད། །
བཀའ་བློན་ཚོ་མི་སྒེར་དེ་ཡི་ལག་གཡོག་རེད། །
མི་སྒེར་དེའི་བློ་དང་འཚམས་པའི་ལས་བྱས་ན། །
མི་བསད་ཀྱི་བཤན་པ་ཡིན་ཡང་མགོ་འཕང་མཐོ། །
གྲོས་ཚོགས་འདི་ཆོལ་ཁའི་འཐབ་འཛིང་བྱེད་ས་རེད། །
རྐུ་དམེ་དང་ཇག་གསུམ་འཛོམས་པའི་འདུས་མདོ་རེད། །
ཚོགས་གཙོ་འདི་ཕྱི་འཇམ་ནང་ལ་རྩུབ་པ་རེད། །
འཆམ་མཐུན་དང་ཆིག་སྒྲིལ་ཡོད་ཚད་གཏོར་མཁན་རེད། །
སྤྱི་ཚོགས་འདི་དད་དམ་འོག་གི་བྲན་གཡོག་རེད། །
ལོག་སྤྱོད་ཚོས་ཐག་སྣེ་གར་ནས་གར་འཐེན་རེད། །
དྲང་བདེན་འདི་རླུང་གསེབ་ཡོད་པའི་མར་མེ་རེད། །
བདེན་གཏམ་ནི་སྲོག་ལ་བསྡོས་པའི་གཞི་མ་རེད། །
འཐབ་རྩོད་འདི་རང་མགོ་རྡུང་བའི་ཐོ་བ་རེད། །
བོད་རིགས་ཚོ་དགྲ་རུ་ལྟ་བའི་འདུ་ཤེས་ཡོད། །
རྒྱ་རིགས་ཚོ་གཉེན་དུ་འཛིན་པའི་ལྟ་བ་རྙེད། །
དབུ་ལམ་འདིས་མདོ་དོན་རིགས་ལ་ཕན་ལེ་མིན། །
དུས་རབས་འདི་ལྟས་ངན་ཤར་བའི་སྔོན་བརྡ་རེད། །
མི་ངན་གྱིས་མི་བཟང་གནོན་པའི་དུས་ཚོད་རེད། །
རྒྱལ་འཚོང་བས་ཁ་ཕོ་སྒྲོག་པའི་སྐབས་དུས་རེད། །
རྒྱལ་གཅེས་པ་ཟུར་དུ་བུད་པའི་དུས་ངན་རེད། །
སྤུར་རྒྱལ་ལ་རང་བཙན་མེད་པར་ཤོད་དུས་རེད། །
བོད་པ་འདི་རང་བཙན་མིན་པར་བསྒྲགས་དུས་རེད། །
རྒྱ་དམར་འདི་མེས་རྒྱལ་ཡིན་པར་སྨྲ་དུས་རེད། །
མི་རིགས་འདིའི་ཡོད་ཚད་གཞན་ལ་བཙོང་དུས་རེད། །
རྒྱལ་འབངས་ཀྱི་ཁ་ཐག་རིང་དུ་ཆས་དུས་རེད། །
མི་རིགས་འདི་ཞིག་ཅིང་འཐོར་བའི་དུས་ཚོད་རེད། །
ཁ་བྲལ་གྱི་ལས་འགུལ་མགོ་མས་སྤེལ་དུས་རེད། །
རྒྱལ་གཅེས་ཀྱི་སེམས་པ་ཆུ་ལས་གྲང་དུས་རེད། །
ཤེས་མཐོང་གི་སྣང་ཚུལ་སྐྱོ་མོ་འདི་མཐོང་བས། །
ཡིད་མུག་གི་སྡུག་ཡུས་དབྱངས་སུ་གྱེར་བ་ཡིན། །
མི་རིགས་འདི་གསོན་པའི་རེ་ཐག་ཆད་པས་ན། །
སེམས་ཁོང་གི་སྡུག་གླུ་མི་ལེན་ཅི་ལ་སྲིད། །
མི་རིགས་འདི་འཆི་བས་ཉེན་པའི་དུས་བྱུང་ན། །
རྐྱེན་ཆག་གི་ལན་རྩ་འབངས་ལ་མི་འཁྲི་སྟེ། །
ཆེན་པོ་ཚོས་རང་བློ་ཁེར་གཅོད་ཁེར་སྡོམ་དེས། །
མི་རིགས་འདི་ལོག་པའི་ལམ་དུ་ཁྲིད་པས་ཡིན། །
ས་སྐྱའི་བསྟན་བདག་སྐུ་ཚེ་ཡུན་བརྟན་ཤོག །
ས་ཆོས་དད་མིའི་ཆོས་བསམ་འགྲུབ་པར་ཤོག །
བོད་རིགས་ཡོངས་རྫོགས་དད་པ་བརྟན་པ་དང་། །
མི་རིགས་ཕུལ་འབྱུང་བོད་རིགས་ཡར་རྒྱས་ཤོག །
་
ས་སྐྱ་པ་རྣམས་ས་ཆོས་སྤེལ་བར་ཤོག །
བཀའ་རྙིང་དགེ་གསུམ་རང་ཆོས་འཕེལ་བར་ཤོག །
་
གཞིས་སྡོད་བོད་མིས་རྒྱ་སྐད་ཤེས་པར་ཤོག །
བྱེས་སྡོད་བོད་མིས་ཨིན་སྐད་ཤེས་པར་ཤོག །
་
རང་བཙན་པ་རྣམས་དབུས་ལམ་བཞུགས་པར་ཤོག །
དབུ་ལམ་པ་རྣམས་རང་ལུགས་བརྟན་པར་ཤོག །
་