དབུ་མའི་ལམ་དང་རང་བཙན་བར་གྱི་ངོས་འཛིན་ལ་དཔྱད་པའི་གཏམ།

གཞུང་པ་ཚེ་དབང་བསོད་ནམས།

དེང་སྐབས་བཙན་བྱོལ་སྤྱི་ཚོགས་ཆུང་ཆུང་འདིའི་ནང་དབུ་མའི་ལམ་དང་རང་བཙན་བར་གྱི་ངོས་འཛིན་ལ་ཚིག་སྐམ་སྟོང་བཤད་ལ་འགན་འཁུར་ནས་འབྲེལ་བཤད་རིང་ཙམ་འཐུང་ཙམ་རེ་རྒྱག་མཁན་གྱི་ཚོགས་པ་སྒྲིག་འཛུགས་དང་མི་སྒེར་སོགས་མཁས་པ་མང་པོ་སྐྱེད་སྲིངས་བྱེད་བཞིན་པ་ནི་བོད་མི་རིགས་ལ་བསམ་ན་དགའ་བསུ་ཞུ་འོས་པ་ལས་ནམ་ཡང་ངོ་རྒོལ་བྱ་མི་ཉན་པ་ནི་བོད་ཀྱི་རྩ་དོན་ལ་དེ་སྔ་དང་མི་འདྲ་བར་མི་མང་ནས་དོ་སྣང་དང་འགན་འཁུར་ཆེ་རུ་ལེན་བཞིན་པ་ནི་སྤགས་ལ་དགོས་པ་སྤགས་ཁུ་དང་སྤགས་ཁུ་ལ་དགོས་རྒྱུ་གདར་ར་ཟེར་བའི་དཔེ་ལྟར་སོ་སོའི་རྒྱལ་ཁབ་ཀྱི་བདག་དབང་སོ་སོ་རང་ཉིད་ལ་ཡོད་པ་ལྟར་བོད་རྒྱལ་ཁབ་དང་བོད་མི་རིགས་ཀྱི་རྩ་དོན་སྒྲུབས་ཐབས་སུ་ཆབ་སྲིད་ཀྱི་ལྟ་བ་དང་ལང་ཕྱོགས་མང་པོ་བརྒྱུད་དགོས་པ་ནི་མང་གཙོ་དང་རང་དབང་འདྲ་མཉམ་ཟེར་བའི་ཁ་གཡང་ཆེན་པོའི་གཏམ་དེ་ནས་ངོ་འཕྲོད་ཐུབ་པ་དང་ལྟ་སྒྲུབ་གཅིག་ལ་རེ་བ་བཅོལ་ནས་འགན་འཁུར་ནས་རྒྱལ་ཁབ་ཀྱི་རང་བཙན་དང་མི་རིགས་ཀྱི་རང་དབང་དེ་གཉིས་དུས་གཅིག་ལ་འགྲུབ་རྒྱུ་ནི་ཉིན་མོའི་སྐར་མ་ཙམ་ལས་མ་འདས། ང་ཚོའི་རྩ་དོན་དེ་ང་ཚོའི་བསྒྲུབ་དགོས་པ་ལས་གཞན་ལ་རེ་བ་བཅོལ་ནས་ནམ་ཡང་འགྲུབ་མི་ཐུབ་ལ་དགྲ་ལ་ཞུ་བ་ཕུལ་ནས་དེ་བས་ཀྱང་འཐོབ་མི་སྲིད་ ང་ཚོའི་རྩ་དོན་འགྲུབ་ཐུབ་པ་ལ་ང་ཚོར་འགྱུར་ལྡོག་མེད་་པའི་ཆོད་སེམས་དང་ལྷག་བསམ་གྱི་འགན་འཁུར་དམ་གཙང་གི་ཆིག་སྒྲིལ་རྒྵད་ནས་འགོ་འཇུག་ཡོད་པའི་སྒྲིག་འཛུགས་ཀྱི་ཐོག་ནས་ཁྲིམས་དང་སྒྲིག་གཞི་ལ་འགན་འཁུར་ནས་འགྲོ་དགོས་པ་ལས་ཕྱོགས་གཏོགས་དང་འགོ་འདྲེན་ལ་སྐྱབས་བཅོལ་ནས་མིང་དང་སྒོ་གནས་གཞན་ཟེར་རྗེས་འབྲང་བྱས་འབྲེལ་བཤད་རིང་ཙམ་ཐུང་ཙམ་རྒྱག་ཐུབ་པ་ཙམ་གྱི་ང་ཚོའི་རྩ་དོན་ནམ་ཡང་སྒྲུབ་མི་ཐུབ་ན་སངས་རྒྱས་ཀྱིས་ཆོས་གསུང་སྐབས་མདོ་བསྔགས་གཉིས་བཟུང་དུ་སྦྲེལ་ནས་གསུང་འདུག་ལ་ཕོ་མོ་གཉིས་འདུས་ནས་བུ་ཕྲུག་སྐྱེས་འཕེལ་བྱེད་བཞིན་པ་དང་དྲོད་ཤེར་གཉིས་འཛོམས་ནས་ས་ལ་འབྲས་བུ་སྨིན་པ་དང་ལག་གཉིས་ཀྱིས་དགའ་བསུ་དང་ཕྱག་རྒྱ་བཅོས་དགོས་པ་དང་མང་གཙོའི་སྲིད་གཞུང་ཞིག་ལ་ཆ་མཚོན་ན་ཡང་གཞུང་འཛིན་ཚོགས་པ་དང་ཕྱོགས་འགལ་ཚོགས་པ་གཉིས་ནས་གཞུང་འཛིན་དགོས་པ་དང་མི་འགྲོ་སའི་ལམ་ལ་ཆ་མཚོན་ན་གཞུང་ལམ་དང་མགྱོགས་ལམ་བསྐོར་ལམ་སོགས་ཡོད་ལ་འཕྲུལ་ཆས་ལ་ཆ་མཚོན་ན་ཡང་གནམ་གྲུ་དང་སྣུམ་འཁོར་མེ་འཁོར་སོགས་ཡོད་པ་ལྟར་ཆོས་སྲིད་ཀྱི་བྱ་བ་ག་འདྲ་ཞིག་བསྒྲུབ་དགོས་ནའང་འདམས་ང་མེད་པར་ལྟ་སྒྲུབ་གཅིག་དང་ལམ་གཅིག་་གི་བརྒྱུད་ནས་ནམ་ཡང་འགྲུབ་མི་ཐུབ་པ་ནས་ང་ཚོ་བོད་རྒྱལ་ཁབ་དང་བོད་མི་རིགས་ཀྱི་རྩ་དོན་བསྒྲུབ་པ་ལ་དབུ་མའི་ལམ་དང་རང་བཙན་གཉིས་མགོ་དང་མཇིངས་པ་ལྟར་ནམ་ཡང་ཁ་བྲལ་ཐབས་མེད་པའི་བོད་དོན་བདེན་མཐའ་གསལ་ཐབས་སུ་ཐབས་ལམ་ངོ་མ་དེ་ཡིན་པ་ནས་རྒྱལ་ཁབ་ཞིག་གསོན་པོར་འཛམ་གླིང་རྒྱལ་སྤྱིའི་མཉམ་འཚོ་དགོས་ན་རང་བཙན་ལས་གཞན་དུ་ཁ་ཕྱོགས་ས་མེད་པ་དང་བོད་མི་རིགས་ལ་འཕྲད་པའི་དཀའ་ངལ་གསེལ་རྒྱུའི་ཐབས་ལམ་བཟང་བཤོས་དེ་དབུ་མའི་ལམ་ཡིན་པ་(གོང་ས་མཆོག་ནས་སྤྱི་འཐུས་གྲོས་ཚོགས་སྐབས་བཅུ་བཞི་པའི་ཚོོགས་དུས་དགུ་པར་ཕེབས་པའི་གསུང་འཕྲིན་རིན་པོ་ཆེའི་ནང་འདི་ལྟར་ ( སེ་ཏྲས་སི་སྦག་གི་གྲོས་འཆར་ལ་རྒྱ་གཞུང་གི་བསམ་ཞིབ་གོ་བསྡུར་བྱེད་ཐབས་མེད་པའི་ཚིག་ཐག་གཙང་གཅོད་བྱུང་བར་བརྟེན་རང་བཞིན་ནུས་མེད་དུ་གྱུར་ ཕྱི་ལོ་ཉི་སྟོང་གཉིས་ནས་འབྲེལ་མོལ་བསྐྱར་མཐུད་བྱས་པ་ནས་བཟུང་བོད་མི་རིགས་ཡོངས་ཀྱི་འབྱུང་འགྱུར་གྱི་གནས་བབ་ཁོ་ན་བརྗོད་གཞིར་བཟུང་སྟེ་གླེང་མོལ་བྱས་འབྲས་སུ་རྒྱ་གཞུང་གི་ལངས་ཕྱོགས་ལ་བསམ་ཞིབ་ཀྱིས་རང་ཕྱོགས་ནས་མཁྲེགས་བཟུང་མ་བྱས་པར་དངོས་དོན་དང་བསྟུན་ཏེ་གུ་བཤང་གང་ཐུབ་བྱས་ཚུལ་ལོ་དུས་སོ་སོའི་གསུམ་དུས་གསུང་འཕྲིན་སོགས་སུ་གསལ་བཤད་བྱས་ཡོད་པ་བཞིན་འབྲེལ་མོལ་ཐེངས་བརྒྱད་པའི་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་རང་སྐྱོང་བཅའ་ཁྲིམས་ཀྱི་ཆ་རྐྱེན་འོག་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ལག་ལྟར་ཡོང་ཐབས་ཀྱི་བསམ་འཆར་ཡིག་ཆ་ཞིག་སྤྲད་ཡོད་ཅིང་དེ་ལ་རྒྱ་ཕྱོགས་ནས་འཁྱོགས་བཤད་བྱས་པ་རྣམས་གསེད་དཀྲོལ་སླད་འདི་ལོ་འབྲེལ་མོལ་དགུ་པའི་སྐབས་འགྲེལ་བརྗོད་ཅིག་སྤྲད་པ་བཅས་ཡིག་ཆ་དེ་དག་ད་ཆ་མང་ཚོགས་ཀྱི་མིག་ལམ་དུ་གྱུར་ཟིན་)
ཅེས་གསལ་བ་ནས་མི་མང་གི་འགི་འཁྲིད་མཁན་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་སྒྲིག་འཛུགས་དང་མི་སྒེར་ཟུར་གནས་མཁས་དབང་སོགས་ནས་དབུ་མའི་དང་རང་བཙན་བར་འབྲེད་བཤད་རིང་ཙམ་ཐུང་ཙམ་རྒྱབ་ནས་ཞི་བའི་མི་མང་མགོ་སྙོགས་ནང་དུས་ཚོད་བཏང་ནས་སྡོད་མ་དགོས་པའི་འབོད་བསྐུལ་འདི་བཞིན་བཙན་བྱོལ་བོད་མིའི་བཅའ་ཁྲིམས་དོན་ཚན་བཅུ་གསུམ་ནང་དུ་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་གླེང་པ་འདིའི་ཀྱང་དབུ་མའི་ལམ་དང་རང་བཙན་བར་གྱི་རྣམ་དཱོགས་སེལ་ནས་བོད་དོན་བདེན་མཐའ་མྱུར་དུ་གསལ་ཐུབ་པ་ལ་རང་དབུ་གཉིས་ཉི་མ་མེ་གྲོགས་དང་ཆར་པ་ཆུ་གྲོགས་ཐུབ་པའ་ིཡིད་ཆེས་དང་བཅས་།

ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།