རྡ་སར་གནས་འཁོད་སེར་སྐྱ་མི་མང་ཐུན་མོང་ལ་གུས་ཞུ།
བོད་ནང་གི་གནས་སྟངས་ཉིན་རེ་ནས་ཉིན་རེར་ཛ་དྲག་ཏུ་འགྲོ་བཞིན་པའི་སྐབས་འདིར། རང་ཅག་བཙན་བྱོལ་མི་མང་སེར་སྐྱ་ཡོངས་ཀྱིས་སྔར་ལས་དབུ་མའི་ལམ་གྱིས་བོད་ཀྱི་རྩ་དོན་སྒྲུབ་ཕྱོགས་ཐད་དམིགས་བསལ་འགན་ཁྱེར་དགོས་ཀྱི་ཡོད་སྟབས་ཟླ་འདིའི་ཚེས ༡༢ ནས་ ༡༦ བར་དབུས་དབུ་མའི་ལམ་མི་མང་ལས་འགུལ་ཁང་གི་ཚོགས་ཆེན་དང་ཟབ་སྦྱོང་བཅས་དུས་རིམ་གཅིག་ཏུ་རྡ་ས་སྟོད་པ་སྐྱིད་སྡུག་ཚོགས་ཁང་དུ་ཚུགས་རྒྱུ་གཏན་འཁེལ་བྱུང་ཡོད།
དབུ་མའི་ལམ་གྱི་སྲིད་བྱུས་ལ་རྒྱལ་སྤྱིའི་གཞུང་སྒེར་ཚང་མས་དུས་མཐུན་གྱི་མཁས་མཛངས་འཕྲུལ་གསུམ་ལྡན་པར་ངོས་འཛིན་གནང་གིན་ཡོད་པ་ལྟར། དོན་དམ་རྒྱ་ནག་གཞུང་གིས་ཀྱང་དཀར་པོ་མཐོང་བཞིན་ནག་པོ་རེད་ཅེས་ཨུ་ཚུགས་རྒྱག་པ་མ་གཏོགས་དབུ་མའི་ལམ་གྱི་སྲིད་བྱུས་ལ་རྣམ་དཔྱོད་ཅན་གྱི་ལན་ཞིག་ཐེབས་མེད་ལ། འཛམ་གླིང་ནང་སྐད་གྲགས་ལྡན་པའི་ཉམ་ཞིབ་པ་དང་མཁས་པ་མང་པོས་རྒྱ་ནག་གཞུང་གིས་ཆེས་མི་འདོད་པ་དང་ཆེས་ཞེད་སྣང་སྐྱེད་ས། གཞན་དུའང་ཁྲིམས་དང་དངོས་ཡོད་གནས་ཚུལ། ཆབ་སྲིད་གང་གི་ཕྱོགས་ནས་ཀྱང་ཁ་གཏད་གཅོག་ཐུབ་ཀྱི་མེད་པ་ནི་བོད་མི་མང་གིས་གཏན་ལ་ཕབས་པའི་དབུ་མའི་ལམ་གྱི་སྲིད་བྱུས་རེད་ཅེས་བརྗོད་བཞིན་ཡོད་ལ། དོན་དངོས་ཀྱང་དེ་ལྟར་ཡིན་མོད། འོན་ཀྱང་རྒྱ་ནག་གཞུང་གིས་སྲིད་བྱུས་དེའི་རྒྱབ་ཏུ་ངན་བྱུས་ཤིག་ཡོད་ཚུལ་ལ་འུ་ཐུག་ཐབས་ཟད་ཀྱི་ཆིག་ལབ་རྒྱག་བཞིན་པ་རྒྱ་ཆེའི་མི་མང་གིས་མཁྱེན་གསལ་ལྟར། ད་ནི་མི་མང་རང་ངོས་ནས་༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་༽དེར་མཇུག་སྣོན་བྱ་རྒྱུ་དུས་ཀྱི་དགོས་མཁོ་གལ་ཆེར་ཐུག་འདུག་པས། བོད་ཕྱི་ནང་གཉིས་ཀྱི་མི་མང་རང་ངོས་ནས་རྒྱ་ནག་གཞུང་ལ་གོ་བརྡ་གསལ་བོ་མ་སྐུལ་དང་བླངས་སྒོས་སྤྲོད་དགོས་པ་མ་ཟད། དེའང་གྲུབ་འབྲས་ལྡན་པ་དང་འཚེ་མེད་ཞི་བ། རང་གཞན་གཉིས་ཕན་བཅས་ཀྱི་ལམ་ནས་སྤྲོད་དགོས་སྟབས། དེ་འདྲའི་གོ་བརྡ་སྤྲོད་ཕྱོགས་ཐད་མི་མང་རང་ངོས་ལ་བསམ་ཚུལ་ཅི་ཡོད་སྤུངས་སའི་སྡིངས་ཆ་བསྐྲུན་གྱི་ཡོད་པ་འདིར་ངེས་ཕེབས་ཡོང་བ་དང།
ཚོགས་ཆེན་གྱི་མཛད་སྒོར་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེའི་བཀའ་སློབ་དང་དྲི་བ་དྲིས་ལན་ཡོད་ཅིང། དེ་བཞིན་ཉིན་བསྟར་ཆགས་སུ་སྤྱི་འཐུས་ཚོགས་གཙོ་སོགས་ཀྱིས་བརྗོད་གཞི་འདྲ་མིན་ཐད་གསུང་བཤད་གནང་གི་ཡོད་ན་དེ་དོན་མི་མང་གིས་ཐུགས་ལ་མངའ་བཞེས་གནང་སྟེ། མི་མང་གང་ཡོང་ཚོགས་ཆེན་དུ་མཉམ་ཞུགས་གནང་སྐྱོང་ཡོང་བ་དང་དེ་བཞིན་ཟབ་སྦྱོང་དུ་ཞུགས་འདོད་ཡོད་པའི་དོ་སྣང་ཅན་རྣམས་ཀྱིས་གཤམ་འཁོད་ཁ་བྱང་ཐོག་མྱུར་ཏུ་འབྲེལ་བ་གནང་རོགས་ཞུ།
ཨིས་མལ་ཁ་བྱང། loveyoutibet@gmail.com/ midpath2008@gmail.com
ཁ་པར་ཨང་གྲངས། 9882533773 བཅས་སུ་འབྲེལ་བ་གནང་རོགས།
དབུས་དབུ་མའི་ལམ་མི་མང་ལས་འགུལ་ཁང་གིས།
༢༠༡༢། ༤། ༨། ཉིན།
མཐེ་བོང་ཀེར་བསྟན་ཡོད།
མཐེ་བོང་དཀེར་བསྟན་ཡོད།
ཐུགས་རྗེ་ཆེ། ཟབ་སྦྱོང་དང་ལས་འགུལ་སྤེལ་འཆར་ལ་རྗེས་སུ་ཡི་རངས་ཞུ་བཞིན་ཡོད།
གལ་ཆེའི་ཛ་དྲག་གི་དུས་ཚོད་འདི་འདྲའི་སྐབས་སུ་བཀའ་བློན་ཁྲི་པ་ལས་ཐོག་པ་སྐུ་ངོ་མ་ཚོགས་ཆེན་དབུ་འབྱེད་ཀྱི་མཛད་སྐོར་གདན་མ་དྲངས་པར་བཀའ་བློན་ཁྲི་ཟུར་གདན་
འདྲེན་ཞུ་དགོས་པའི་རྒྱབ་ལྗོངས་གང་ཡིན་ནམ་ལགས།
བཀའ་ཁྲི་ལས་ཐོག་པའི་ཆབ་སྲིད་ཀྱི་ལང་ཕྱོགས་གསལ་པོ་མེད་པ་ཡིན་ནམ། འུད་ཆེ་དྲགས་པ་ཡིན་ནམ།
འཇོན་ཐང་ཞན་པའི་རྐྱེན་གྱིས་ཡིན། ཡང་ན་སྐུ་སྒེར་འཁོན་དུ་བཟུང་ནས་ཁ་གཏད་གཅོག་བྱེད་ཡིན་།
ལན་གསལ་པོ་
དབུ་མ་དང་རང་བཙན་གང་ནས་ལངས་ཀྱང་གཅིག་མཚུངས་ཡིན་འདི་གཉིས་བར་ལ་འཐེན་ཁྱེར་མེད་པའི་རེ་བསྐུལ་ཞུ་འདོད་བྱུང་་་་་་་
དུས་ཚོས་འདིར་ང་ཚོས་ལས་འགུལ་འདྲ་མིན་སྤེལ་རྒྱུ་ནི་དམིགས་བསལ་གྱི་ང་ཚོའི་ལས་འགན་རེད་་་་་་་རྒྱབ་སྐྱོར་ཡོད་་་་་་་་་
དབུ་མེད་ལམ་ཟེར་བ་འདི་མོས་མཐུན་མེད་།ཡིནའང་ལོ་མང་སྔོན་ནས་གཏན་ལ་ཕབ་ཟིན་པའི་སྲིད་ཇུས་ཞིག་རེད་།ད་དེ་ལ་ཡང་བསྐྱར་ཁ་འདོན་འདོན་པ་ནང་བཞིན་བྱས་ན་ཕན་ལས་གནོད་ཆེ་།