—————-༜ཁྲོ་གཏུམ།
བོད་ལོ་གསར་བ་ཕག་ལོ་ཡིན་པའི་དུས་ཀྱི་དན་རྟགས།།
གནམ་ལོ་ཡག་པོ་དབྱར་གཞུང་ཡིན་པའི་གནམ་གཤིས་དྲོ་བོ།།
ཨོ་གླིང་ཡུལ་འདི་ཤར་ནུབ་མཚམས་ན་དབྱར་དགུན་མེད་ས།།
ང་དང་བོད་པའི་མི་རབས་དུ་མས་ས་ཕྱོགས་འདི་རུ།།
བོད་ལོ་གསར་བ་བསུ་སྟངས་དེ་ཡག་བོད་ཀྱི་ཁྱད་ཆོས།། བོད་སྐད་རྣལ་མ་བཤད་སྟངས་དེ་ཡག་གླུ་དང་གར་རོལ།།
གནམ་གཤིས་དབྱར་གཞུང་ལྗང་མདོག་ལྭ་བ་གང་སར་བཀབ་པ།།
རྒྱང་རིང་ཕ་མ་ཨ་ཁུ་སྤུན་མཆེད་སྐད་འཕྲིན་ཁྲོད་དུ་འཚང་ཁ་རྒོད་པ།།
ཕ་ཡུལ་ཕྱོགས་ཀྱི་ཤ་ཉེ་གྲོགས་པོས་བརྡ་འཕྲིན་ནང་དུ་མཚམས་འདྲི་མོལ་བ།།
དེ་ལན་མཚམས་འདྲི་མྱུར་མོར་ཞུ་ཞོར་མཁྲིས་ཀྱི་ནང་མིར་ཁ་བརྡ་གློད་པ།།
ཨེ་མ་དུས་རབས་སྔར་དང་མི་འདྲ་ཤར་ནུབ་ཀུན་གྱི་གྲོགས་པོ་མཐོང་བ།།
ཧ་ཧ་ཧ་དགོད་སྒྲའི་ཁང་སྐད་ལ་རྒྱག་ཀུར་རེ་རྩེད་མོས་བརྡ་རྟགས་འགག་ལ།།
ཁ་སང་དེ་རིང་བྲེལ་བྲེལ་འཚུབ་འཚུབ་བརྡ་རྟགས་ཁྲོད་དུ་ངལ་དུབ་ཆེ་རུང་།།
ལོ་ཡི་འཁོར་མོ་གཅིག་ལ་འཁྱིལ་བའི་རིགས་འདིའི་སྤྲོ་བོ་གནང་སྟངས་ཤིག།
གཞིས་བྱེས་བོད་མའི་བར་དུ་མཆེད་པའི་དྲ་ལམ་སྐད་ཆ་མྱུར་མོ་དག།
བཀྲ་ཤིས་གནམ་ལོ་གསར་བ་ཚེས་པའི་རྩེད་རྒོད་གོ་ལའི་ཁྱོན་ལ་དར།།
༢༠༡༩ ཟླ་ ༠༢ ཚེས་ ༠༧ ལ།