གྲགས་པ་ནས།
༄ ༅།།དེ་རིང་གི་ཉིན་མོ་འདི་ནི་རང་ཅག་བོད་མི་ཡོངས་ཀྱི་བླ་ན་མེད་པའི་མགོན་ སྐྱབས་མཚུངས་ཟླ་མ་མཆིས་པ། འཇིག་རྟེན་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག ༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་༧༦ལ་ཕེབས་པའི་སྐུའི་ འཁྲུངས་སྐར་དུས་ཆེན་འཛམ་གླིང་ཡུལ་གྲུ་གང་སར་སྲུང་རྩི་བྱེད་ཀྱིན་ཡོད་ཀྱང། འདི་ག་བལ་ཡུལ་ནང་ལ་མཚོན་ན་རྒྱ་ནག་དམར་པོའི་ཕྱོགས་ཁག་གིས་ངན་གཡོ་བཤམས་ནས། དཔལ་འབྱོར་གྱི་སྟོབས་ཤུགས་ཞེན་པའི་བལ་ཡུལ་རྒྱལ་ཁབ་ལ་དངོས་ཤུགས་བརྒྱུད་གསུམ་ ནས་གནོན་ཤུགས་སྤྲད་དེ། ས་གནས་བོད་རིགས་མང་ཚོགས་ལ་བལ་ཡུལ་གཞུང་གིས་ནུས་པ་གང་ཡོད་ཀྱིས་བོད་མིས་མཛད་ སྒོ་ཆེ་ཕྲ་གང་ཞིག་གོ་སྒྲིག་བྱེད་དགོས་ཀྱང་དེ་ལ་བཀག་འགོག་དང་སུན་གཙེར་ཤུགས་ ཆེ་བྱས་དང་བྱེད་མུས་རེད། དེ་རིང་ཡང་བལ་ཡུལ་བོད་མིའི་སྤྱི་ཁྱབ་འབྲེལ་མཐུད་པ་འཕྲིན་ལས་བླ་མ་སོགས་ས་ གནས་ཀྱི་མཛད་གཙོ་རྣམ་པས་ཆོག་མཆན་ཞུས་ཀྱང་ཆོག་མཆན་སྤྲད་མེད། འོན་ཀྱང་འཕགས་ཤིང་རྣམ་རྒྱལ་སློབ་གྲྭའི་ནང་། བལ་ཡུལ་རྒྱལ་ས་དང་འཕགས་ཤིང་ས་གནས་ཀྱི་བོད་མིས། 
༧གོང་ས་མཆོག་གི་སྐུའི་འཁྲུངས་སྐར་མཛད་སྒོ་གོ་སྒྲིག་ཞུས་ཡོད་ཀྱང་། བལ་ཡུལ་ཉེན་རྟོག་པས་ཁ་སང་ཕྱི་ཚེས་༥ཉིན་ནས་དགོན་སྡེ་ཁག་དང་སློབ་གྲྭའི་རྒྱ་ སྒོ་བཀག་ནས་བསྡད་ཡོད་ཅིང་། དེ་རིང་ཡང་བོད་མི་རྣམས་མཛད་སྒོར་ཕེབས་སའི་སྲང་ལམ་གང་སར་ཉེན་རྟོག་པ་བཀྲམ་ འདུག་ཅིང་། ལྷག་པར་དུ་འཕགས་ཤིང་རྣམ་རྒྱལ་སློབ་གྲྭའི་རྒྱ་སྒོ་ཡོངས་སུ་བཀག་ནས་བོད་མི་ རྣམས་མཛད་སྒོར་མ་བཏང་བར་མི་མང་འུ་ཐུག་ནས་སློབ་གྲྭའི་ལྕགས་རའི་ཁ་ནས་མཆོང་ སྟེ་ཁག་ཅིག་ནང་དུ་སླེབ་ཀྱང་། རིམ་གྱིས་སློབ་གྲྭའི་ལྕགས་རའི་སྟེང་ནས་ནང་དུ་འགྲོ་མཁན་གྱི་བོད་བ་དེ་ཚོ་ཉེན་ རྟོག་པས་བཀག་ནས་བར་སྐབས་ཤིག་གཅིག་ཀྱང་ནང་དུ་མི་ཐར་བ་བྱས་ནས་སྲུང་བྱ་ནན་པོ་ བྱས་སོང་། ད་དུང་སློབ་གྲྭའི་ཕྱི་ནས་ནང་དུ་མཛད་སྒོར་འགྲོ་མཁན་གྱི་མི་མང་ཁྲོད་ནས་མི་ གྲངས་ཁ་ཤས་ཀྱང་བལ་ཡུལ་ཉེན་རྟོག་པས་འཛིན་བཟུང་བྱས་འདུག གནད་དོན་འདིའི་ཐོག་ནས་ཤེས་རྟོགས་བྱུང་བ་ནི། བལ་ཡུལ་ནང་གི་འགྲོ་བ་མིའི་ཐོབ་ཐང་དང་མཉམ་འབྲེལ་རྒྱལ་ཚོགས་ཀྱི་ནུས་པ་ཡང་ཇེ་ ཞེན་དུ་གྱུར་འདུག་པ་མཐོང་ཐུབ། དེ་སྔོན་ཡིན་ན་མཉམ་འབྲེལ་རྒྱལ་ཚོགས་དང་འགྲོ་མ་མིའི་ཐོབ་ཐང་ཚོགས་པ་དེ་ཚོ་ མཐོང་དུས་བལ་ཡུལ་ནང་ཉེན་རྟོག་པས་ཅུང་ཏོག་འཛེམ་བྱེད་ཀྱང་ད་ཆ་དེ་ཚོ་ཡོད་ཀྱང་ སྣང་མེད་ལྟ་བུ་རེད། གང་ལྟར་དམ་དྲག་དང་བཀག་འགོག་ཁྲོད་ནས་སུན་སྣང་དང་བློ་ཁ་མ་ཁེངས་པའི་བོད་མི་ ཉུང་ཤས་ཤིག་གིས་༧གོང་ས་མཆོག་གི་སྐུའི་འཁྲུངས་སྐར་དུས་ཆེན་སྲུང་རྩི་བྱས་ སོང་།
ལུས་པོ་ཇི་ལྟར་བཀག་ཀྱང་བོད་མི་དང་༧གོང་ས་ཆེན་པོའི་བར་གྱི་དད་པ་དང་དམ་ཚིག་འགོག་ཐབས་ནམ་ཡང་མེད།
གྲགས་པ་ལགས་༧གོང་ས་མཆོག་གི་སྐུའི་འཁྲུངས་སྐར་ཞེས་པ་དེ་རང་ཉིད་ཀྱི་ནུས་ཚོད་ཀྱི་ཐོག་ནས་སྲུང་བརྩི་བྱས་ན་ཆོག རྒྱ་ནག་དམར་ཕྱོགས་ཚང་གི་རྒྱུག་ཁྱུ་ཚོས་དུས་ནམ་ཡིན་རུང་བཀག་འགོག་བྱེད་ཀྱི་རེད་དེ་ལ་བློ་ཕམ་དགོས་ནི་མ་རེད་དེ་འདྲ་མ་བྱས་ན་ཁོང་ཚོས་ལྟོ་རག་ནི་མ་རེད་སྤྱིར་བོད་མི་ཚོ་དཔའ་འཛངས་སྙིང་སྟོབས་ལྡན་པ་ཞིག་ཡིན་ཤེས་གསལ་རེད་ཐུགས་རྗེ་ཆེ་ད་དུང་བོད་མི་རིགས་འདི་མ་བརྗེད་རོགས་ཞུ་རྒྱུ་ཡིན།
རེད་གྲགས་པ་ལགས་ངོ་མ་རེད་ཡིན་ཡང་རྒྱལ་ཁབ་སྐྱོ་བོ་ཅི་འདྲ་ཡིན་རུང་རྒྱལ་ཁབ་ཞིག་རེད། དེ་གཙོ་བོ་མ་རེད་དེ་འདྲ་བཀག་འགོག་བྱེད་པ་དེ་རྒྱ་ནག་དམར་གཞུང་གི་ངན་སྐུར་ལས་བྱུང་པ་ཞིག་ཡིན་པ་ཤེས་གསལ་རེད། བོད་མི་ཟེར་པ་འདི་ལས་ལ་བརྩོན་ཞིག་སྙིང་སྟོབས་ལྡན་པ་ཞིག་ཡིན་ཞེས་ཡབ་མེས་ཚོས་ངག་རྒྱུད་དུ་ཡོད་པ་ལྟར་བཟོད་སྲད་སྙིང་སྟོབས་བྱེད་ཀྱི་གལ་ཆེན་མ་ཡིན་ནམ། དེ་མཚུངས་བཀའ་ཁྲི་གསར་པ་ཞིག་ཕེབས་ཡོད་པ་རེད་དེ་སོང་ཙང་ཁོང་གི་ངེས་པར་བལ་ཡུལ་དུ་ཡོད་པའི་བོད་མི་ཚོས་གནས་སྟངས་ལ་གཟིགས་ཞིབ་གནང་རྒྱུ་ཡིན་པ་བརྗོད་མེད་རེད་དེ་འདྲ་ཡིན་དུས་བལ་ཡུལ་དུ་གནས་པའི་བོད་མི་ཚོའི་གནས་སྟངས་ཅེ་ལེགས་སུ་འགྲོ་བའི་རེད་འདུག་ཡོད།
རེད་ང་ཚོས་ངག་རྒྱུན་ཙམ་ཞིག་ལ་བརྟེན་དགོས་པ་མ་རེད་གང་ཡིན་ཟེར་ན་བཙན་པོ་རིམ་བྱོན་ནས་བཟུང་ད་བར་གླེང་རིན་ཡོད་པ་ཙམ་རེད་མ་གཏོག་ངག་རྒྱུན་ཙམ་རེད་དྲན་གྱི་མི་འདུག གང་ཡིན་ཟེར་ན་བོད་མི་རིགས་ཀྱི་ལོ་རྒྱུས་སོགས་ལ་གང་ཙལ་ལྟ་ཁུར་བྱས་པ་ཡིན་འོན་ཀྱང་བཙན་པོ་རིམ་བྱོན་གྱི་སྐབས་སུ་བོད་མིའི་ལོ་རྒྱུས་ལ་ཕྱི་མིག་ཞིག་ལྟས་ཚོད་ཡིན་ན་རིན་ཐང་འདུག་བསམ་པ་དྲན་སོང་དེ་ངག་རྒྱུན་ཙམ་ཞིག་མ་ཡིན་དྲན་སོང་། དེ་མཚུངས་ཁྱེད་ཀྱི་གསུང་པ་བཞིན་ལས་རྒྱུ་འབྲས་ཟེར་པ་ཁས་ལེན་ན་སྔོན་བསགས་ཀྱི་ལས་ཀྱི་རྣམ་པར་སྨིན་པ་རེད་ཟེར་ན་དེ་ལ་གནས་ལུགས་འདུག་བསམ་བྱུང་། སྤྱིར་དུས་རབས་གཉེར་གཅིག་པ་འདི་འཛམ་གླིང་གང་ཡིན་རུང་དྲང་བདེན་དང་འཚེ་བ་མེད་པའི་ཐོག་ནས་གནད་དོན་སེར་དགོད་གསུང་གི་ཡོད་པ་ལས་བོད་མི་ཚོ་ལ་སྙིང་སྟོབས་མ་ཡོད་པར་ད་བར་ལྷག་སོང་པ་ཞིག་མ་རེད་གང་ལྟར་དྲང་བདེན་དང་འཚེ་བ་མེད་ཐབ་ལམ་ཞིག་གི་ཐོག་ནས་དཀའ་ངལ་སེལ་ཐུབ་བྱེད་དགོས་གསུང་གི་ཡོད་པ་མ་ཡིན་ནམ། དེ་ངས་བོད་མི་ཚོས་སྙིང་སྟོབས་ཤིག་གི་མ་ནུས་པ་ལ་དངོས་འཛིན་བྱེད་ཀྱི་མེད་དེ་འདྲ་རེ་དྲན་མཁན་ཡོད་ན་ངའི་དེ་ནོར་བ་ལ་དངོས་འཛིན་གྱི་ཡིན།
གྲགས་པ་ལགས། ཁྱེད་ཀྱིས་བོད་མི་རིགས་ཀྱི་ལོ་རྒྱུས་ལ་བལྟས་ཡོད་པའི་རེ་བ་ཆེ། འོན་ཀྱང་བོད་མི་བསམ་ཤེས་ཞིག་ཡིན་པར་མ་ཟད་རྩོམ་ཡིག་འབྲི་མཁན་ཞིག་དང་དཔྱད་བརྗོད་གནང་མཁན་ཞིག་རེད་དོན་ངོ་མ་བོད་ཀྱི་ལོ་རྒྱུས་ལ་ལྟ་ཚུལ་དེ་འདྲ་ཞིག་ཡིན་ན་དེ་ལ་རིན་ཐང་འདུག་གམ། སྤྱིར་མི་སུ་ཞིག་ཡིན་རུང་རང་ཉིད་ལ་ལྟ་ཚུལ་རེ་ཡོད་ན་ཐང་ཁྱེད་ཀྱི་བོད་ཀྱི་ལོ་རྒྱུས་ཟེར་པ་དེ་ལྷ་སྒྲུང་གི་ཕྲ་རྒྱན་བཏབ་པ་ཞིག་རེད་ཟེར་པ་དོན་དངོས་དང་མི་མཐུན་རྒྱུ་མཚན་གང་ཞེ་ན་བོད་བཙན་པོའི་སྐབས་ནས་བཟུང་སྟེ་བོད་སུར་བུའི་དུས་སྐབས་དང་དེ་ནས་དགའ་ལྡན་ཕོ་བྲང་བར་སོགས་རིམ་བཞིན་གཟིགས་དང་དོན་དམ་གྱི་ཐོག་ནས་དེ་ལྷ་སྒྲུང་གི་ནམ་པ་ཞིག་མེད་པར་མ་ཟད་རིན་ཐང་ཡོད་པའི་ལོ་རྒྱུས་དང་ཁུང་སྐྱེལ་ཐུབ་པའི་ལོ་རྒྱུས་ཡིན་པ་གསལ་བོ་རེད། མ་ཟད་དུས་རབས་གཉེར་གཅིག་པ་འདི་སྟོབས་ཆེན་རྒྱལ་ཁབ་ཞིག་གི་སྟོབས་ཆུང་ལ་དྲག་གནོན་བྱེད་ཀྱི་རེད་ཟེར་པ་ཡང་ནོར་པ་རེད་གང་ཡིན་ཟེར་ན་ད་ལྟའི་དུས་རབས་འདི་འཛམ་གླིང་ཆ་མཐུན་དུས་རབས་ཞིག་བཟོ་དགོས་ཟེར་གྱི་ཡོད་དུས་སྟོབས་གང་ཆེ་དང་དྲག་ཤུགས་གང་ཆེ་བྱེས་ས་ཞིག་གང་ན་ཡོད། དེ་མཚུངས་བོད་ལ་སྙིང་སྟོབས་མེད་གི་ཡོད་ན་བོད་ཀྱི་རང་བཙན་ཤོར་མི་འཇུག་ས་རེད་ཟེར་པ་དང་དེ་འདྲ་སྟོབས་ཡོད་ན་རྒྱ་གར་ནང་བཞིང་རང་བཙན་ཚུར་ལེན་དགོས་ཚུལ་སོགས་གསུང་པ་དེ་བདེན་པ་མ་རེད། འོན་ཀྱང་རྒྱ་གར་ལྟ་བུ་ལ་མཚོན་ན་རང་བཙན་ཤོར་ནས་ལས་སླ་བོར་རང་བཙན་ཚུར་ལོན་ཡོད་པ་མ་རེད་མི་མང་འཁྲི་ཕྲག་མང་པོས་ཚེ་སྲོག་ཤོར་ནས་ཚུལ་བླང་པ་ཞིག་རེད། མ་ཟད་རང་བཙན་ཤོར་ནས་ལོ་ཉེས་བརྒྱའི་རིང་རང་བཙན་ལོན་ཡོད་པ་མ་རེད་དེ་འདྲ་ཡིན་ན་བོད་ཀྱི་རང་བཙན་ཤོར་ནས་ལོ་ལྔ་བཅུ་ལྷག་ཞིག་ལས་འགྲོ་གི་མེད་པ་རེད་དེ་འདྲ་ཡིན་དུས་བློ་ཕམ་བྱེད་དགོས་པ་ཞིག་མ་རེད། དེའི་སྙིང་སྟོབས་མེད་པ་སོགས་མཚོན་གྱི་མ་རེད་ལ་ནུས་བ་མེད་པ་དེ་བས་ཀྱང་མཚོན་མི་ཐུབ་ད་དུང་ཁྱེད་ཀྱི་འདོད་ཚུལ་ལྟར་ན་བོད་མི་ཚོས་ལྷག་བསམ་དང་ཀུན་སྤྱོད་ཤེས་ཡོན་སོགས་ཅེ་གཞན་དུ་འགྲོ་གི་ཡོད་པའི་གནས་ཚུལ་བརྗོད་འདུག་དེ་ཡང་དྲང་མོ་མ་རེད་དཔེ་ན་སྔོན་ཆད་བོད་མི་ཚོའི་གཞན་གྱི་རིག་གཞུང་ཤེས་མཁན་གང་ཙམ་ཞིག་ཡོད་ད་སྐབས་དུས་རབས་གཉེར་གཅིག་པའི་ཤེས་ཡོན་སོགས་ཤེས་མཁན་གང་ཙམ་འདུག་དེའི་ཁྱེད་ལ་ར་སྤྲོད་གསལ་བོ་བྱས་འདུག་བསམ་བྱུང་། མཐའ་དོན་ཁྱེད་ཀྱིས་ལྷག་བསམ་དང་སྙིང་སྟོབས་སྐྱེད་ནས་བོད་མི་རིགས་ཀྱི་ལོ་རྒྱུས་ལ་ཕྱི་འདའ་རྒྱག་རྒྱུ་ངའི་རེ་བ་ཡིན།
གྲགས་པ་ལགས། དོན་དམ་གྱི་བསམ་ཚུལ་ཞིག་བཤད་འདུག་ཡིན་ཡང་ངའི་དེ་ཁས་ལེན་ཐུབ་ཀྱི་མི་འདུག་རྒྱུ་མཚན་གང་ཡིན་ཟེར་ན་བོད་བཙན་པོའི་སྐབས་ནས་བཟུང་སྟེ་ད་བར་བོད་ཀྱི་ལོ་རྒྱུས་ལ་ཕྱི་མིག་ཞིག་བལྟས་ན་དེ་གླེང་རིན་ཡོད་པ་ཞིག་དང་གནས་ལུགས་ཡོད་པ་ཞིག་མཐོང་གི་ཡོད་པ་ལས་དེ་ལྷ་སྒྲུང་ལྟ་བུ་ཞིག་ཏུ་དངོས་འཛིན་ཐུབ་ཀྱི་མི་འདུག་ཅིག་བྱས་ན་དེ་གཞེན་ཁོག་གི་ཡིན་སྲིད་གང་ལྟར་འུ་གཉིས་ཀྱི་བོད་ཀྱི་གནས་བབ་གླེང་གི་ཡོད་པ་འདྲ་ན་ཡང་ལོ་རྒྱུས་ལ་ལྟ་ཚུལ་མི་འདྲ་དེ་གཙོ་བོ་མ་རེད། གང་ལྟར་གནས་ལུགས་ཡོད་མེད་ཇི་ལྟར་ཡང་རང་ཉིད་ཀྱི་རིན་ཐང་གི་ལྟ་ཚུལ་རེ་ཡོད་ཆོག་དེ་ནི་གླེང་དགོས་པ་ཞིག་དང་གླེང་འོས་པ་ཞིག་ཡིན། བོད་ཀྱི་ལོ་རྒྱུས་ཀྱི་གནས་བབ་ལ་ལྟས་ན་དེ་ནི་དོན་དམ་སྔོན་ཆད་བཙན་པོ་རིམ་བྱོན་གྱི་སྐབས་ནས་བཟུང་ད་བར་གླེང་དགོས་པ་ལས་དེ་ལས་དང་རྐྱེན་ཟེར་པ་ཞིག་གི་ཐོག་ནས་ལྟས་ན་དེ་གླེང་རིན་ཡོད་པ་མ་རེད་བསམ། དེ་མཚུངས་སུ་སྲོང་བཙན་ཡར་སྔོན་བཙན་པོ་དེ་ཚོ་ལ་བང་སོང་མེད་པ་གཅིག་བུའི་ལྷ་སྒྲུང་ལྟར་རེད་ཟེར་ན་དངོས་ཡོད་ཅིག་ཡིན་ནམ་ད་སྔོན་གྱི་ལོ་རྒྱུས་སོགས་གླེང་མི་དགོས་པ་བྱས་བོད་གཞུང་དགའ་ལྡན་ཕོ་བྲང་ནས་བཟུང་ད་བར་ཕྱི་མིག་ཞིག་བལྟས་ཚེ་གླེང་རིན་ཡོད་དྲན་གྱི་ཡོད་གང་ཡིན་ཟེར་ན་བོད་ཀྱི་གནས་བབ་ལ་སྤག་ནས་རང་ནུས་གང་ཡོད་ཀྱི་བདེན་དོན་གྱི་ཆེད་དུ་བརྩོད་བྱས་པ་རེད། ནུས་པ་ཐོན་མིན་ཇི་ལྟར་ཡང་སྒྲུབ་འོས་པ་མང་པོ་ཞིག་སྒྲུབ་པ་རེད་མ་ཟད་༧གོང་ས་བཅུ་གསུམ་ཆེན་པོ་མཆོག་གི་བོད་ཀྱི་བདེན་དོན་ཆེད་བྱས་རྗེས་བཞག་ཡོད་པ་རེད་དུས་ནས་དུས་སུ་བོད་ཀྱི་ཆོས་སྲིད་གང་གི་ཐོན་ནས་ཡིན་རུང་གླེང་རིན་ཡོད་པ་ཞིག་མ་ཡིན་ནམ། བོད་བཙན་པོ་སྐབས་ཀྱི་གནས་སྟངས་ཞིག་གླེང་ན་ངག་རྒྱུན་ལྟར་ན་སུམ་གཉིས་ས་ཡི་དབང་དུ་བསྡུས་ཚུལ་སོགས་གླེང་གི་ཡོད་དེ་གླེང་མི་དགོས་པ་བྱུས་༧གོས་ས་བཅུ་གསུམ་པ་ཆེན་པོ་མཆོག་གི་སྐབས་བོད་ཀྱི་མངའ་ཐང་རྒྱ་སྐྱེད་གང་འདྲ་ཞིག་བྱས་པ་ཡིན་མིན་སོགས་བསམ་བློ་བཏང་ན་གསལ་བོ་རེད། གང་ལྟར་བོད་མི་རིགས་ཟེར་པ་འདི་ལོ་རྒྱུས་ཀྱི་ཐོག་ནས་ལྟས་ན་རེད་དངོས་ཡོད་གནས་ཚུལ་གྱི་ཐོག་ནས་ལྟས་ན་དེ་ནི་ལས་ལ་བརྩོན་ཞིག་དཔའ་ངར་ལྡན་པ་ཞིག་རེད་བསམ་པ་དེ་འགྱུར་མི་ཐུབ་པ་ཞིག་རེད་ཅི་བྱས་ན་དེ་རྨོངས་བློ་ལ་ཤར་སྟངས་ཞིག་ཡིན་ན་ཐང་། སྐུ་ཉིད་ཀྱི་བསམ་ཚུལ་བརྗོད་པ་རྣམ་བདེན་པ་མི་འདུག་ཟེར་པ་མིན་འོན་ཀྱང་ཕྲན་ལ་མཚོན་ན་དུང་ཞེན་དང་རིགས་ཞེན་གྱིས་འདི་ལྟར་གླེང་པ་ཡིན་ན་ཐང་དོན་དམ་དེ་འདྲ་ཞིག་དྲན་བྱུང་དེ་རང་ཉིད་ཀྱི་ལྟ་ཚུལ་བཤད་པ་ལས་ཁྱེད་ལ་དགག་པ་བྱས་པ་མིན་ཁྱེད་ཀྱི་ཡེ་ཤེས་ཀྱི་གཟིགས་པ་ཡིན་དུས་རྒྱུ་མཚན་ཡོད་ཀྱི་རེད། གཙོ་བོ་དུས་རབས་ཀྱི་འགྱུར་འགྲོས་དང་བསྟུན་ནས་བོད་དོན་བརྩོད་དགོས་པ་གལ་ཆེན་རེད་ད་ལྟའི་བར་༧གོང་ས་མཆོག་གི་ཐུགས་དགོངས་བཞིན་འཚེ་མེད་ཞི་བའི་ཐོག་ནས་རྩ་དོན་སྒྲུབ་དགོས་པ་རེད་དྲན་བྱུང་། མཇུག་མཐར་ཁྱེད་ཀྱི་དགོངས་ཚུལ་གསུང་པ་བཀའ་དྲིན་ཆེ་ཞུ།