དམིགས་བསལ་ཚོགས་ཚེན་ཐེངས་དང་པོ་བསྐོང་ཚོགས་གནང་རྒྱུ

Comments (3) on “དམིགས་བསལ་ཚོགས་ཚེན་ཐེངས་དང་པོ་བསྐོང་ཚོགས་གནང་རྒྱུ”

1. ཁ་ཉིན་༧གོས་ས་མཆོག་གིས་ལོ་འདིའི་ལོ་མཇུག་ཏུ་བོད་དོན་ཆེད་དམིགས་བསལ་གྲོས་བསྡུར་བྱེད་དགོས་པའི་བཀའ་གནང་བ་ནས་བཟུང་ང་རང་ཡང་བོད་མི་ཞིག་ཡིན་པའི་ཆ་ནས་དེའི་སྐོར་ལ་བསམ་བློ་མང་ཙམ་བཏང་བ་ཡིན། ངས་རང་ལ་འགན་ལྕི་མོ་ཞིག་ཡོད་པ་ཤེས་རུང་འགན་དེ་ཇི་ལྟར་ལེན་དགོས་མིན་ཁྱོན་ནས་ཤེས་མ་སོང་། བདུན་ཅུ་དོན་གྲངས་ནང་དུ་རང་བཙན་བློས་བཏང་ནས་ནོར་འཁྲུལ་ཤོར་བ་དེས་ལོ་ངོ་ཞེ་དགུ་འདི་ལྟ་ཟད་སོང་བ་རེད། དེའི་དུས་ཕར་ལ་དགོས་འདུན་འདྲ་བཏོན་ནས་རང་བཙན་བཞག་ཡོད་ན་ཡང་སྐད་ཆ་གཞན་ཞིག་རེད། དེ་ཡང་བྱུང་ཡོད་མ་རེད། ད་ཡང་དབུ་མའི་ལམ་གཡུག་ནས་རང་བཙན་ལ་འཇུས་ན་ག་འདྲ་ཡོད་དམ། དབུ་མའི་ལམ་གྱི་རེ་བ་ཆུང་ཆུང་འདི་འདྲར་ཡང་དུས་རབས་ཕྱེད་ཀ་མ་ཟིན་ཙམ་ལ་འགྲུབ་མ་ཐུབ་ན་རང་བཙན་ལ་ད་དུང་དེ་བས་ཀྱང་ཐག་རིང་བོ་ཡོད་པ་བཤད་མ་དགོས་པ་རེད། གལ་ཏེ་ད་ནས་རང་བཙན་ལ་ཡིན་ཟེར་ན་དེ་ལ་དཔག་པའི་གྲ་གྲིག་དང་དཀའ་ངལ་མང་བོར་གདོང་ལེན་བྱེད་ཐུབ་དགོས་པ་ཧ་ཅང་གལ་ཆེན་པོ་རེད། འདི་ལྟར་བསམས་ཡོང་དུས་ཕྱི་ལོགས་ནས་སྡོད་མཁན་གྱིས་ཁུངས་འཁྱོལ་རུང་གཞིས་ལུས་མི་མང་གིས་བསྲན་ཐུབ་ཨེ་ཡོང་འདོད་ནས་སེམས་འཁུར་ཡང་ཆེན་པོ་འདུག ད་གང་བྱས་རུང་བསམ་བློ་གཏོང་ས་གཉིས་གསུམ་ཞིག་མ་གཏོགས་ལྷག་ཡོད་མ་རེད་དྲན་གི། དཔེར་ན། རབ་གསལ་དང་འགྲན་ནག མགོན་པོ་སོགས་ནི་ཁ་བརྡ་དྲ་བའི་ནང་གི་བསམ་བློ་ཡོད་མཁན་གྲངས་རེད། གོང་གི་མི་རེ་ངོ་རེ་ལ་བསམ་བློ་མ་འདྲ་བ་རེ་འཁྱེར་ཡ་འདུག ད་ཡིན་ན་བོད་མི་ཐམས་ཅད་ཁ་ཙུམ་ནས་མ་བསྡད་པར་སྐད་ཆ་ཤོད་པའི་དུས་ལ་སླེབས་འདུག་པ་མ་ཟད་ཐབས་ཤེས་གང་ཡོད་འདོན་པའི་དུས་ལ་བབ་འདུག་དྲན་གི།

2. ཛ་དྲག་གི་ཚོགས་འདུ་ཞིག་འཚོགས་རྒྱུའི་ཁྱབ་བསྒྲགས་སྔོན་ཚུད་ནས་བྱས་པ་འདིར་ཕྱོགས་གཅིག་ནས་བསམ་བློ་བཏང་ན་འདི་ཆབ་སྲིད་ཅིག་རེད། སྐུ་ཚབ་ཐེངས་བརྒྱད་པ་ཕར་ཕྱིན་སྐབས་རྒྱ་ནག་གིས་ལན་ཡག་པོ་ཞིག་སྟེར་དགོས་པའི་ཉེན་བརྡ་ཞིག་བཏང་བ་མ་ཡིན་ནམ། གལ་སྲིད་རྒྱ་ནག་གིས་བཟང་ཕྱོགས་ཀྱི་རྣམ་འགྱུར་ཞིག་བསྟན་པ་ཡིན་ན་དབུ་མའི་ལམ་ལ་འགྱུར་བ་འགྲོ་མདོག་ཁ་པོ་མ་རེད། གལ་སྲིད་རྣམ་འགྱུར་སྡུག་ག་ཅིག་བསྟན་པ་ཡིན་ན། གཅིག་བྱས་ན་དབུ་མའི་ལམ་ལ་འགྱུར་བ་འགྲོ་མ་སྲིད་པ་མ་རེད། གལ་སྲིད་འགྱུར་བ་ཕྱིན་པ་ཡིན་ན། ལོ་དགའ་རབས་ཤིག་ལ་ཕྱི་ལོགས་སུ་ཟང་ངེ་ཟིང་ངེ་དེ་འདྲ་བྱས། ངོ་རྒོལ་འདྲ་མི་འདྲ་སྤེལ། ཟས་བཅད་ངོ་རྒོལ་དང་ཞི་བའི་གོམ་བགྲོད་དེ་འདྲ་བྱེད་ཀྱི་རེད། རྒྱ་ནག་གིས་དེ་ལ་སྣང་དོགས་བྱེད་ཀྱི་མ་རེད། གལ་སྲིད་བོད་ནང་དུ་ལངས་པ་ཡིན་ན་དེ་ལ་རྒྱ་ནག་ཞེད་ཀྱི་རེད་ལ་དེ་འདྲ་མ་བྱུང་བར་ཆུ་མ་ཡོང་སྔོན་ནས་རགས་རྒྱག་པར་འབད་ཀྱི་རེད། ཡང་དེ་འདྲའི་རྐྱེན་བྱས་རྒྱ་ནག་གིས་བཟང་ཕྱོགས་ཀྱི་རྣམ་འགྱུར་ཞིག་བསྟན་ན་ཡང་སྐྱར་དབུ་མའི་ལམ་ལ་འབབ་རྒྱུ་ཡིན་པ་རེད། མདོར་དེད་ན་ང་ཚོའི་རྩ་དོན་དེ་ཕྱོགས་གང་འདྲ་ཞིག་ལ་བསྒྱུར་མིན་དེ་རྒྱ་མིའི་ལག་པར་ཡོད་པ་རེད། མཐར་ཐུག་གི་སྐད་ཆ་བཤད་ས་དེ་རྒྱ་མི་ཆགས་བསྡད་ཡོད་པ་རེད། རྒྱ་སྤྱིའི་ཐོག་ནས་ང་ཚོར་རང་བཙན་ལེན་པར་ནུས་པ་འདོན་གྱི་རེད་དམ། ག་ཚོད་ཅིག་འདོན་གྱི་རེད།

3. ཕྱག་གཉིས་པས་གསུངས་པ་བཞིན་ང་ཚོའི་བཞི་བརྒྱ་ནད་ཀྱི་རྩ་བ་དེ་རྒྱ་ནག་ལ་ཐུག་ཡོད་པ་ཞིག་རེད། བཙན་བྱོལ་བོད་གཞུང་གིས་རྒྱ་གར་ལ་ཡང་བསྟུན་དགོས་ཀྱིན་འདུག རྒྱ་རི་བློ་གྲོས་པ་འདི་ལམ་དབུ་མའི་སྐོར་འགྲེལ་བཤད་རྒྱག་ཆེད་རྒྱ་ག་ཏུ་འགྲོ་གི་ཡོད་པ་རེད། ཁོས་སྐྱབས་མགོན་རིན་པོ་ཆེའི་དགོང་པ་གང་ཡིན་མིན་འགྲེལ་བཤད་གསལ་ཞིབ་བྱས་ཡོད་གྱི་རེད། རྒྱ་ནག་གི་ཕྱོགས་ནས་ཀྱང་ཏཱ་ལས་བཏོན་པའི་དབུ་མའི་ལམ་དེ་ང་ཚོར་གོ་བརྡ་གསལ་ཐག་ཆོད་འཕྲོད་བྱུང་ དེ་ནི་ཕྱེད་རང་བཙན་དང་རྣམ་པ་འགྱུར་བའི་རང་བཙན་རེད་འདུག་ཅེས་ཁྱབ་བསྒྲགས་བྱས་འདུག་ག དེའི་སྐོར་ལ་རྒྱ་རི་བློ་གྲོས་པ་འདིར་སྐྱོན་བརྗོད་བྱ་རྒྱུ་དེ་ཙམ་ཨེ་ཡོད། ཁོ་ལ་མཚོན་ན་ཉག་རོང་ཁོག་གི་ཚོ་དཔོན་ཆུང་ཆུང་ཞིག་གི་བུ་ཕྲུག་ཅིག་ལ་རྒྱལ་བ་རིན་པོ་མཉེས་ནས་ཡེ་ཤེས་དབྱིངས་དཔྱད་ཀྱིས་དམིགས་བསལ་སྐུ་ཚབ་ཏུ་བསྐོ་བཞག་བྱས་པ་ཞིག་ལས་ཁོ་རང་གིས་བཙན་ཤེད་ཀྱིས་གོ་ས་དེར་འཛེགས་སོང་བ་ཞིག་མ་རེད། གལ་སྲིད་དབུ་མའི་ལམ་གྱི་སྲིད་ཅུས་འདི་རྒས་ཡོལ་ལ་ཕེབས་སོང་ན་རྒྱ་རི་བློ་གྲོས་པ་འདི་རྒས་ཡོལ་ལ་མ་ཕེབས་རུང་ལས་ཡོལ་ལ་མི་ཕེབས་རང་ཕེབས་རེད། དེ་འདྲ་མིན་ན་ང་ཚོས་རྒྱ་བློ་གྲོས་པ་འདི་རྒས་ཡོལ་ལ་གཏོང་ཐུབ་ཀྱང་རྒྱ་མི་གུང་ཁྲན་གྱི་འཐབ་ཕྱོགས་གཅིག་གྱུར་འདི་རྒས་ཡོལ་གཏོང་མི་ཐུབ་པ་འདྲ་བས་སྒེར་ནད་རེ་སེལ་ཐུབ་མཁན་ཡོད་ན་མ་གཏོགས་སྤྱི་ནད་སེལ་རྒྱུར་ད་དུང་བསྐལ་ཆེན་གྲངས་མེད་དུ་མ་འགོར་གྱི་རེད་ཡ།