འབའ་སྲས།
མཐོན་པོ་རི་ལ་ཆགས་པའི་ཁ་བ་དཀར་པོ།།
མཐོ་སྒང་བོད་པ་ཚང་གི་ཚེ་སྲོག་ཡིན་ཟེར།།
ཁ་བ་དཀར་པོ་དེ་རིང་ཉི་མས་བཞུས་སོང་།།
སང་ཉིན་བོད་པའི་ཚེ་སྲོག་སུ་ཡིས་བསྲིངས་སམ།།
དམའ་བའི་སྤང་ན་བཞད་པའི་མེ་ཏོག་དམར་པོ།།
སྨན་ལྗོངས་བོད་པ་ཚང་གི་འཛུམ་མདངས་ཡིན་ཟེར།།
མེ་ཏོག་འདབ་མ་དེ་རིང་སད་ཀྱིས་བཅོམ་སོང་།།
སང་ཉིན་བོད་པའི་འཛུམ་མདངས་སུ་ཡིས་གསོ་འམ།།
མཐོན་པོའི་སྒང་ལ་བཙུགས་པའི་དར་ལྕོག་དཀར་པོ།།
སྒང་བ་བོད་པ་ཚང་གི་རླུང་རྟ་ཡིན་ཟེར།།
དར་ལྕེ་ཕྲ་མོ་དེ་རིང་རླུང་གིས་བཅད་སོང་།།
སང་ཉིན་བོད་པའི་རླུང་རྟ་སུ་ཡིས་སྤར་རམ།།
རྒྱ་རྫོང་ནགས་ན་གྲགས་པའི་ཁུ་བྱུག་གྲེ་འགྱུར་།།
གངས་ཅན་བོད་པ་ཚང་གི་གླུ་སྐད་ཡིན་ཟེར།།
ཁུ་བྱུག་དེ་རིང་ནགས་ནས་གཞན་ལ་འཕུར་སོང་།།
སང་ཉིན་བོད་པའི་གླུ་སྐད་སུ་ཡིས་བསྒྲོགས་སམ།།
རྫ་ཆུ་བསིལ་མ་འབབ་པའི་ཆུ་རྒྱུན་རིང་མོ།།
ཁ་བ་བོད་པ་ཚང་གི་ཕུགས་འདུན་ཡིན་ཟེར།།
རྫ་ཆུ་བསིལ་མ་དེ་རིང་འཁྱག་པས་བསྡམས་སོང་།།
སང་ཉིན་བོད་པའི་ཕུགས་འདུན་སུ་ལ་གཏོད་དམ།།
རང་ལུས་མེ་རུ་བསྒྲོན་པའི་དཔའ་བོ་དཔའ་མོ།།
གངས་ཅན་བཙན་པོ་ཚང་གི་འབོད་སྒྲ་ཡིན་ཟེར།།
དཔའ་བོ་དཔའ་མོ་དེ་རིང་འདི་ལྟར་ཆས་སོང་།།
སང་ཉིན་བོད་པའི་འབོད་སྒྲ་སུ་ཡིས་སྒྲོག་གམ།།
དགུང་ན་ཤར་བའི་ཉི་མ་ཟླ་བ་སྐར་མ།།
མ་ཎི་བོད་པ་ཚང་གི་སྐྱབས་མགོན་ཡིན་ཟེར།།
ཉི་ཟླ་སྐར་གསུམ་དེ་རིང་ཞལ་མཇལ་མ་ཐུབ།།
སང་ཉིན་སུ་ཡིས་མཇལ་འཛོམས་རམ་འདེགས་ཐུབ་བམ།།
ལོ་གསར་ལ། སྙན་ངག་འདི་འདྲ་ཞིག་ཀློག་རྒྱུ་བྱུང་བར་སེམས་ལ་དགའ་བ་དང་སྐྱོ་བ་གཉིས་ཀ་བྱུང་།
སྙན་ངག་འདི་ཀློག་སྤྲོ་བས་སེམས་དགའ། དོན་དག་དེ་སྙིང་ལ་ཟུག་པས་སེམས་སྐྱོ།
འཇར་པན་གྱི་ས་ཁེ་ཕོར་བ་གང་དང་ཁྱད་པར་མ་བྱུང་། བཀའ་དྲིན་ཆེ་ལོ།
འོ་ད་ཡིན་ཇོ་རེད་ཁྱོད་གཟོ་སྡེ་དགེ་རྒན་ར་ཡིན་ནེ་ཟེར་གི ཕ་རིས་སི་གི་ཡེ་ལས་བྱེད་ར་ཡིན་ནི་ཟེར་གི
ང་འདྲ་ཐ་ར་ཅིག་ཤེས་ནི་ར། སྡེ་ཚང་མས་བྲིས་ནོ་ཡག་གི་ཟེར་གོ་གི་མོ་ད་ངས་ར་ཡག་གི་ཟེར་ཀོ་ནི་ཡིན་རྒྱུ་རེད་པ།
ཧེ་ཧེ་ཧེ་ང་འདྲ་ཟིག་གི་ཐ་ར་ཅིག་ཤེས་ནི་ར། སྡེ་ར་འཛི་ན་མ་ཀླུ་སྨྱོན་ཚང་གི་ར་འཇར་པན་གྱི་ཟ་མ་
འདྲ་ཟིག་རེད་ཟེར་ཀོ་གི་མོ། ཡེ་བོད་ཀྱི་ཟ་མ་འདྲ་ཟིག་བྲིས་ན་ཡག་གི་ཡོད་ས་མ་རེད་ར་འཛི་ན་མ་མཁྱེན
དམངས་ཁྲོད་ཀྱི་ངག་ཐོག་རྩོམ་ཡིག་ལྟ་བུའི་དཔེ་འཇོག་སྒོ་ནས་སྙན་ངག་ལེགས་པོ་འཁྱོངས་འདུག་པས་དགའ་ཡོད།
དེ་ནས་རྩོམ་ཡིག་འདིའི་མགོ་ནས་མཇུག་བར་ཞིབ་བཀླགས་ཟིན། མགོ་ནས་མཇུག་རྫོགས་ལ་ཉེ་བའི་སྐབས་ཀྱི་ཚིགས་རྐང་དག་ནི་ང་ལ་མཚོན་ན་ཚིག་དོན་གཉིས་ཐད་ནས་བློར་འབབ་ཀི
རྒན་ལགས་བདེ་མོ། ལོ་གསར་བའི་ནང་དུ་འདི་ལྟ་བུའི་སྙན་རྩོམ་གང་མང་ཀློག་པ་པོ་དག་གི་སྤྱན་ལམ་དུ་བསྟར་རོགས་ཞུ།
རྣམ་པ་ཚོས་ལེགས་བསྟོད་ཀྱི་ཚིག་རེ་གནང་བ་ཡིད་ལ་བཟུང་ནས་མུ་མཐུད་འབད་བརྩོན་བྱ་ངེས་ཡིན་ལགས།
རྩོམ་ཡིག་ཡག་པོ་འཁྱོངས་འདུག འོན་ཀྱང་ལོ་གསར་ལ་མེད་མུག་གི་སྐད་ཆ་འདི་འདྲ་གླེང་དུས་ཅུང་སེམས་སྐྱོ། དེས་ན། ད་ལྟའི་རྩོམ་ཡིག་རྟེན་འབྲེལ་གྱི་ཚབ་ཏུ་སེམས་ཤུགས་འཕར་བྱེད་ཀྱི་རྩོམ་ཞིག་འབྲི་ན་གང་འདྲ་འདུག