གནས་ཚུལ་མཁོ་འདོན་པ་རྐྱང་ཕྲུག
བོད་མདོ་སྨད་རྔ་བ་ཀིརྟི་དགོན་གྲོང་དང་། ཁམས་རྟའུ་ཉ་འཚོ་དགོན་པ་སོགས་ནས་རྒྱལ་གཅེས་དཔའ་བོ་རྣམས་ཀྱིས་གཅེས་པའི་ལུས་སྲོག་ལུས་སྲོགས་ལོངས་སྤྱོད་དང་བཅས་པ་བློས་བཏང་ནས་བོད་བསྟན་སྲིད་མི་རིགས་ཀྱི་ཆེད་དུ་རང་གི་སྐུ་ལུས་མེར་སྒྲོན་ནས། དགྲ་བོ་རྒྱ་དམར་ལ་ངོ་རྒོལ་གྱི་ལས་འགུལ་སྤེལ་བའི་ཁྲོད། འདས་གྲོངས་སུ་གྱུར་པ་དང་། རྒྱ་དམར་གྱི་བཙོན་འོག་ཏུ་དཀའ་སྡུག་ཚད་ལས་རྒལ་མྱོང་བཞིན་པ་ཁོང་ཚོའི་ཆེད་དུ་དམིགས་ཏེ། བལ་ཡུལ་ནང་གི་མདོ་སྨད་སྐྱིད་སྡུག་ཚོགས་པས་གོ་སྒྲིག་བྱས་པའི་མཎི་སྨོན་ལམ་གཞི་རྒྱ་ཆེ་བ་ཞིག་དེ་རིང་ཕྱི་ཚེས་༡༥ཉིན་ཚོགས་ཡོད་ཅིང་། དེ་ལ་བལ་ཡུལ་ནང་གི་ས་དགེ་བཀའ་རྙིང་གི་དགོན་སྡེ་ཁག་ནས་དགེ་འདུན་པ་དང་བཙུན་མ། དེ་བཞིན་མི་སྐྱ་སོགས་མི་གྲངས་དྲུག་བརྒྱ་ལྷག་གིས་བོད་ནང་གི་དཔའ་བོ་རྣམ་པར་གདུང་སེམས་མཉམ་བསྐྱེད་དང་། རྒྱབ་སྐྱོར་གྱི་རྣམ་པའི་ཐོག་ནས་ཆོས་ཕྱོགས་ཀྱི་མ་ཎི་སྨོན་ལམ་གཞི་རྒྱ་ཆེ་བ་ཞིག་ཚོགས་སོང་།
རྐྱང་ཕྲུག་ལགས་ཀྱི་གསུང་པ་ལྟར་བོད་མི་ཚང་མིས་མྱ་ངན་བྱས་ནས་སྨོན་ལམ་དེ་འདྲ་ཚོགས་ཐུབ་པ་ཧ་ཀྱང་ཡག་པོ་རེད་མ་ཟད་བལ་ཡུལ་དུ་བོད་མི་ཚོ་ལ་རང་དབང་མེད་ན་ཡང་དེ་འདྲ་གནང་ཐུབ་པ་ཧ་ཀྱང་ཡག་པོ་མཐོང་སོང་དེ་འདྲ་གནང་པ་ཡིན་ན་ང་ཚོ་བོད་མི་ཚོ་ལ་རེ་བ་ཡོད་པ་འདྲ་དྲན་སོང་ཐུགས་རྗེ་ཆེ།