ཕྱི་ཚེས་༡༠་ཉིན་བལ་ཡུལ་དམག་གིས་ཞི་བའི་འཐབ་རྩོད་པ་མ་བུ་གསུམ་བཀག་འགོག་གིས་དཀའ་ངལ་མང་པོ་ཞིག་སྤྲད་དེ་ཨ་མ་ལྡོམ་པོ་སྐྱིད་ཀྱི་གཟུགས་པོ་ནད་པ་ཆགས། ཕྱི་ཚེས་༡༡་ཉིན་རྒྱ་གར་གྱི་གྲོང་ཁྱེར་གྷོ་ར་པུར་དུ་ཡོང་སྟེ་ཕྱི་ཚེས་༡༢་ཉིན་ཨ་མ་སྨན་ཁང་དུ་བསྟན་དེ་སྨན་བཅོས་བྱས། ཕྱི་ཚེས་༡༣་ཉིན་གྱི་ཕྱི་དྲོ་ཚེ་བརྟན་རྡོ་རྗེ་ཨ་མའི་རྩར་བཅར་ཏེ་ཨ་མ་དང་སྤུན་ཆུང་མ་གཉིས་ཕྱིར་འཐེན་བྱེད་དགོས་པའི་བསམ་ཚུལ་བཏོན། ཨ་མ་ལྡོམ་པོ་སྐྱིད་ཀྱིས་ཨུ་ཚུགས་མཐར་སྐྱེལ་བྱས་ཏེ་རང་ཉིད་ཚེ་རྡོར་དང་ལྷན་དུ་འགྲོ་རྒྱུའི་དམ་བཅའ་བྱས། ལྷ་མོ་སྐྱིད་ཀྱིས་ཀྱང་ཕྱིར་འཐེན་མི་བྱེད་པའི་སེམས་ཐག་བཅད། ཕྱི་ཚེས་༡༤་ཉིན་གྱི་དགོང་མོའི་ཆུ་ཚོད་༢།༣༠་སྟེང་ཚེ་རྡོར་གྱིས་སུ་གཅིག་ལ་མ་བཤད་པ་མ་ཟད། ཅ་དངོས་དང་གྱོན་གོས་རིགས་གཅིག་ཀྱང་མ་འཁྱེར་བར་གསང་འཇབ་ཀྱིས་བལ་ཡུལ་ཕྱོགས་སུ་ཐོན། ཞོགས་པའི་ཆུ་ཚོད་༦་པའི་སྟེང་ཚེ་རྡོར་གྱི་ཅ་དངོས་ཁག་ཅིག་སྐྱེལ་ཆེད་རོགས་བྱེད་གཉིས་བལ་ཡུལ་གྱི་སོ་ན་ལེ་ས་མཚམས་སུ་སོང་། ལམ་བར་ནས་རླངས་འཁོར་ལ་བརྡབས་སྐྱོན་ཤུགས་ཆེན་བྱུང་འདུག་ནའང་མི་ལ་གནོད་སྐྱོན་མ་བྱུང་། ཆུ་ཚོད་༩།༣༠་སྟེང་ལྡི་ལི་ནས་རྟ་མགྲིན་གྱིས་ཁ་པར་འབྱོར་ཏེ་ཚེ་བརྟན་རྡོ་རྗེ་ལིམ་བི་ནེ་ཕྱོགས་སུ་བསྐྱོད་བཞིན་པ་དང་། ཚེ་བརྟན་རྡོ་རྗེས་”རོགས་བྱེད་གཉིས་ལ་ཨ་མ་དང་ནུ་མོར་བདག་གཅེས་གནང་དགོས་”པའི་སྐད་བསྐུར་གནང་འདུག གནས་ཚུལ་དེ་གོ་བས་རོགས་བྱེད་གཉིས་ཀྱིས་ལིམ་བི་ནེ་ཕྱོགས་སུ་རླངས་འཁོར་གྱིས་རྗེས་འདེད་བྱས་མོད།
ཁོང་ནི་སྔར་ནས་བལ་ཡུལ་ས་ཁོངས་སུ་འཛུལ་ཟིན་པར་བརྟེན་རྗེས་མ་ཟིན། རྗེས་འདེད་པ་གཉིས་ཀྱིས་ཚེ་རྡོར་ལགས་སུ་སྤྲོད་རྒྱུའི་ཅ་དངོས་དེ་ཙམ་གྱིས་རྩ་ཆེན་པོ་ཞིག་མེད་ནའང་། ཨ་མ་ལྡོམ་པོ་སྐྱིད་ཀྱིས་མིག་ཆུ་དང་ལྷན་དུ་ཁ་བཏགས་ཤིག་བསྐུར་ཏེ། “ངའི་བུ་ཡི་བསམ་དོན་འགྲུབ་པར་ཤོག ་ཅེས་ཨ་མའི་སྨོན་ལམ་རྒྱག་གིན་འདུག་ཟེར་ནས་ཤོད”ཟེར་བའི་བརྡ་འཕྲིན་དེ་སྤྲོད་མ་ཐུབ་ཕ་ཆེས་བློ་ཕམ་གྱི་རང་བཞིན་དུ་གྱུར། ཨ་མ་ལྡོམ་པོ་སྐྱིད་དང་སྲིང་ཆུང་མ་ལྷ་མོ་སྐྱིད་གཉིས་ཀྱིས་དེ་རིང་སྡོད་གནས་སུ་ཟས་བཅད་ངོ་རྒོལ་བྱེད་བཞིན་ཡོད་པ་དང་། ཕྱི་ཚེས་༡༥་ཉིན་ཚོགས་སྐྱིད་ཁག་བཅུ་གཅིག་དང་མི་མང་གི་རེ་འདུན་བཞིན་མ་བུ་གཉིས་ལྡི་ལི་ཕྱོགས་སུ་བསྐྱོད་འཆར་ཡོད་འདུག་པ་བཅས་ཀྱི་གསར་གནས་སུ།
གསར་གནས་འདྲེན་ཁུངསཿ http://www.facebook.com/mogru.tenpa
བུ་རྒོད་པོ་སྟག་མཆོང་མཆོང་བྱས་ཡོད་པ་འདྲ།་ངར་གི བགེགས་བར་ཆད་མེད་པར་སྨོན
དྲ་གནས་འདི་བརྒྱུད་དེ་ཨ་མ་ལྡོམ་པོ་སྐྱིད་དང་
སྲས་མོ་ལྷ་མོ་སྐྱིད་གཉིས་ལ་
གདུང་སེམས་མཉམ་བསྐྱེད་བྱེད།
ཨ་མའི་བུ། སྟག་གི་སྔ་མར་མི་འཇུས་རེད་མ་གཏོགས་གཏོང་གི་མི་འདུག་ཀི་ དམ་བཅའ་བརྟན་པོ་བཞག་འདུག་ གོང་གི་ལི་རྒྱུས་འདི་དག་ཐོས་ཡོང་དུས་ ཨ་མ་སྡོམ་པོ་སྐྱིད་མ་བུ་གསུམ་གྱིས་མྱངས་སོང་། མི་རིགས་སིག་གི་གཟི་བརྗིད་ཀྱི་ཆེད་དུ་ དཔའ་བོ་མང་བོའི་དམ་བཅའ་ཆེད་ ངོ་མ་དཔའ་བོ་ཆེད་ཚོའི་དམ་བཅའ་བརྟན་པོ་དེ་ལ་ཡི་རངས་ཞུ་
དགོངས་དག་ མི་འཇུས་ཞེས་པ་མ་འཇུས་དང་། ལི་རྒྱུས་ཟེར་པ་ལོ་རྒྱུས་དང་ མི་རིགས་སིག་གི་ཞེས་པ་ཤིག་གི་དཔའ་བོ་ཆེད་ཚོའི་ ཟེར་པ་དཔའ་བོ་ཁྱེད་ཚོའི་ ནོར་བཅོས་ཡོང་པར་ཞུ།
མི་རིགས་ཤིག་སླད་དུ་ཁྱིམ་ཚང་གཅིག་གིས་དཀའ་ལས་མང་ཙམ་བསྐྱོན་སོང་། བུ་རྒོད་པོ། ཇི་སྲིད་འཚོ་བའི་བར་དུ་དེ་སྲིད་དུ་་་་་་་
སྦྲ་དཔལ་ལྡན་ལགས་ཀྱིས་གསལ་བཤད་མ་བྱས་ཀྱང་ངས་སྔ་ས་ནས་སྐུ་ཉིད་ཀྱིས་གསུང་གི་དོན་ཧ་གོ་སོང་ཧ་ཧ་ཧ་ཀུ་རེ་ཡིན་ནོར་བ་ནི་ཡར་རྒྱས་ཀྱི་གཞི་རྩ་ཡིན་པ་ཧ་གོ་བ་བྱོས།
བལ་དམག་སྡུག་རྩུབ་ཅན་གྱིས་རྒྱལ་ཞེན་པ་འདིའི་སྐུ་སྲོག་ལ་ཉེན་ཁ་བཟོ་ངེས་པས་ཅིས་ཀྱང་ང་ཚོས་སྲུང་སྐྱོབ་བྱེད་ཐབས་ལྟ་དགོས། མ་དང་བུ་མོ་གཉིས་ཚོགས་སྡེ་ཁག་དང་གཞུང་དམངས་ཚང་མས་ལྟ་སྐྱོང་གནང་དགོས། དེ་དང་ཆབ་གཅིག་ཁོང་གི་ཤ་ནས་ཆད་པའི་ཕྲུ་གུ་གཉིས་ཀྱི་མདུན་ལམ་ལ་འགན་སྲུང་གང་ཐུབ་ལྟ་དགོས། གལ་སྲིད་བོད་རིགས་ལྟ་བུ་ཁོའི་མཉམ་དུ་འགྲོ་མི་ཐུབ་འདྲ་བྱུང་ན་བལ་པོའི་མི་སེར་གླས་ཏེ་ཁོའི་གནས་སྟངས་རྒྱུས་ལོན་ཐབས་བྱེད་དགོས། གང་ལྟར་རྒྱལ་ཞེན་པ་འདི་བོར་བརླག་མ་སོང་བའི་ཐབས་ཤེས་གང་ཐུབ་གནང་དགོས། གལ་སྲིད་བོར་བརླག་ཏུ་སོང་ན་ས་ཕྱོགས་གང་དུ་འཚོལ། ཚུལ་ཇི་ལྟར་འཚོལ། ཁ་མཆུ་སུ་ལ་རྒྱག ཆུ་མ་ཡོང་གོང་ནས་རྐ། རྐྱེན་མ་ཡོང་གོང་ནས་རིམ་གྲོ་ཟེར་བ་ལྟར་ཅིས་ཀྱང་གྲ་སྒྲིག་གང་ལེགས་གནང་རོགས།
ཐུགས་རྗེ་ཆེ། ཐུགས་རྗེ་ཆེ། ཕྱིར་ལ་ཕེབས་སུ་ཞུ།
སྙིང་ཁུང་གི་བུ་དཔའ་རྒོད་ཞིག་ཡིན་པས་དགའ་བ་སྒོམ་རོགས།
“ངའི་བུ་ཡི་བསམ་དོན་འགྲུབ་པར་ཤོག ་ཅེས་ཨ་མའི་སྨོན་ལམ་རྒྱག་གིན་འདུག་ཟེར་ནས་ཤོད” སྐད་ཆ ་ འདི་ཐོས་པ་ན། མིག་ཆུ་ཞིག་རང་དབང་མེད་པར་འཐོར། ངས་ཁྱེད་མ་བུ་གསུམ་ལ་སྙིང་ནས་གུས་འདུད་ཞུ།