དེ་རིང་ང་ཡི་སྙན་ངག་པ་ཞིག་བཞུད་སོང་།

Comments (15) on “དེ་རིང་ང་ཡི་སྙན་ངག་པ་ཞིག་བཞུད་སོང་།”

1. སྙན་ངག་པ་ཞིག་རྗེས་སུ་དྲན་པ་ཡི་རངས་ཞུ།

2. རེད་ཡ། སྙན་ངག་ཟེར་བ་དེས་བསྟོད་པའི་ཟོལ་གྱིས་སྨད་པ་དང་། སྨད་པའི་ཟོལ་གྱིས་བསྟོད་པ་སོགས་གོང་འོག་བརྗེ་བརྒྱུར་སྣ་མིན་སྣ་ཚོགས་ཤིག་བྱེད་པ་ནི་དངོས་ཡོད་རེད། དེ་བཞིན་ད་ཐེངས་ཡང་སྙན་ངག་པ་ཁ་ཤས་ཇག་པ་དང་། འུག་པ། སྨྱོན་པ་སོགས་ཀྱི་གནས་སུ་བཞག་པ་འདི་དག་ཀྱང་དེའི་ཆ་ཤས་ཤིག་ཡིན་སྲིད། འོན་ཀྱང་ཇག་ཅི་ཞིག་རྒྱབ་པ་དང་། ཐན་སྐད་ཅི་ཞིག་བསྒྲགས་པ། སྨྱོ་གཏམ་ཅི་ཞིག་བཤད་པ་སོགས་མདོར་བསྡུས་ཤིག་འགོད་གནང་ཡོང་བར་རེ།།

3. འུ་ཚང་གི་སྙན་ངག་པ་གྲགས་ཅན་དོན་གྲུབ་རྒྱལ་དགུང་ལོ་ཆུང་དུས་ནས་སྐུ་གཤེགསསོང་། དེ་རིང་སྙན་ངག་པ་གཉའ་གོང་ལྷ་བྷེ་གཤེགས་པར་མྱ་ངན་གུས་འདུད་ཞུ

4. རེད་ཡ་སྙན་ངག་འམ་ཤེས་ཡོན་པ་ཞིག་འདི་ལྟར་བཞུད་སོང་བར་ཕངས་སེམས་ཚད་མེད་བྱུང་མྱ་ངན་དང་དྲན་གསོ་བྱ་འོས་ད་རུང་དཀའ་སྡུག་དང་གཉན་འཕྲང་གི་སྐབས་སུ་སྨྱུག་ཁའི་མདུང་རྩེ་སྤོབས་སེམས་ཀྱིས་བཏེགས་ཞིང་མནར་གཅོད་དང་སྡུག་སྦྱོང་དྲགས་པོས་ཉིན་མཚན་འཁྱོལ་དཀའ་བར་གནས་པའི་སྨྱུག་འཛིན་པ་གཉན་དང་ཐེའུ་རང་སོགས་ལ་ནམ་ཡང་དྲན་གསོ་བྱ་དགོས་སོ།།

5. ཁྱེད་ཉིད་ཀྱི་རྩོམ་པ་བོ་ཁོ་ཚོ་དང་ཉེ་བར་བཅར་འདོད་ཚེ། ཁོ་ཚོའི་བརྩམས་ཆོས་དང་ཉེ་བར་བཅར་རྒྱུ་ལས་གཞན་འགྲེལ་བཤད་ཅིག་མེད། སྐྱབས་ཆེན་གྱི་སེམས་ཀྱི་ཞིང་ཁམས་ཁ་ཤས་དང། རི་སྔོན་བླ་མ་ཐར་གྱི་སྟོང་བསམ་གྱི་སྒྲུབ་ཕུག འདས་པོ་སྙན་ངག་པ་ལྷ་བྷེའི་སྒྲུབ་ཕུག་དམར་བོ་སོགས་ལ་ཞིབ་ལྟ་བྱེད་པར་འཚལ།

6. རི་སྔོན་བླ་མ་ཐར་ཟེར་བས་སྙན་ངག་ནི་སྡུག་བསྔལ་མྱོང་བྱེད་ཅིག་དང་། སྙན་ངག་འབྲི་བ་ནི་དམྱལ་ཁམས་འགྲིམ་པ་དང་གཅིག་མཚུངས་སུ་ངོས་འཛིན་བྱེད་ཀྱི་ཡོད་ན་ཅིའི་ཕྱིར་སྙན་ངག་འབྲི་གི་ཡོད། སྙན་ངག་ཀྱང་མ་བྲིས། དམྱལ་ཁམས་ཀྱང་མ་འགྲིམ་ན་མི་ཆོག་གམ།

7. མ་གཞི་ནས་སྙན་ངག་བདམས་པ་དང་འཆི་བ་བདམས་པ་གཉིས་ངོ་བོ་གཅིག་ལ་ལྡོག་པ་ཐ་དད་ཡིན།

8. ཐང་ཆད་པའི་ལོ་ཟླ་ལ་འཐབ་པའི་གོ་རིམ།
   གཉའ་གོང་ལྷ་བྷེ

   ཁ་བ་དལ་གྱིས་བབས་བྱུང
   དེ་དུས ངའི་བྱང་ཁོག་སྟོད་ལ
   འཁྱག་འདར་ཞིག་རྒྱབ་བྱུང
   དྲན་ཚུལ་ཞིག་ལ
   ངའི་ལྕགས་ཐབ་ནང་གི་མེ་འཁྱག་སོང
   སློབ་མ་ཚོས་གྲང་འདར་རྒྱག་གིན་ཡོད་དམ
   ངས་དེ་དག་བསམ་བཞིན གཉིད་འདོད་ཀྱང
   མེ་ལྕེ་སྤར་མོ་གང་གི་འོད་སྣང་གིས
   ང་གཉིད་དུ་མ་བཅུག

   དཔྱིད་ཀ་སླེབས་བྱུང་ཞེས་པའི་སློབ་ཚན་དེ་ཁྲིད་དུས
   ང་ཚོར་དཔྱིད་ཀ་སླེབས་མི་འདུག
   མེ་ཏོག་འདེབས་འདོད་ཀྱི་སེམས་པ་དྲག་ཏུ་རྒོད་ནའང
   སྐྱེས་མི་སྐྱེས་ལ་སེམས་ཁྲལ་ཧ་ཅང་ཆེ

   དབྱར་གཞུང ཕ་ཡུལ་ལ་འགྲོ་འདོད་སྐྱེས
   གསེར་ཆེན་གསེར་ཆུང་ཁོག་ན
   མེ་ཏོག་གསེར་ཆེན་བཞད་ཡོད་མེད་ལ
   ང་བལྟ་རུ་འགྲོ་མ་ཐུབ

   རླུང་བུ་གཡུག་བྱུང
   ལོ་མ་སེར་པོ་རྣམས་རླུང་གིས་ཁུར་ཐལ
   ཁུར་སོང་བའི་ཤུལ་ན
   སྡོང་རྒན་དེ ཁེར་རྐྱང་གིས་འགྲེང་བ་ཆོས་ཉིད་རེད

   ྃམཆན། སྙན་ངག་འདི་ནི་འདས་པོ་སྙན་ངག་པ་ཁོང་གི་མི་ཚེའི་མཐའ་མའི་སྙན་ངག་ཡིན་ལ།འདི་ན་ཁོང་ཅི་འདྲའི་མྱ་ངན་དང་ཡིད་གདུང་གིས་མནར་ནས་ཡོད་པ་ཚོར་ཐུབ་ཨང་།

9. ད་ཅི་འདྲའི་ལྐུགས་པ་རྗེས་ལུས་པ་ཞིག སྙན་ངག་པ་དེ་གྲོངས་པ་དེ་སྙན་ངག་པ་དེའི་མིང་ཐོས་པ་ཐོག་དེ་ཆགས་སོང་།

10. བསང་ཆུ་འབྲུག་བྷེ་་་་་་་ཁྱེད་རང་སྙན་ངག་པ་གཉའ་གོང་ལྷ་བྷེ་ལགས་ཀྱི་སྙན་ངག༌ལ་དགའ་བ་ཐུགས་རྗེ་ཆེ་་་ཡིན་ནའང་ཁྱེད་voaགསར་འགྱུར་ནང་སྙན་ངག་པ་གཉའ་གོང་ལྷ་བྷེ་ལགས་ཁེར་རྐྱང་དང་དྭ་ཕྲུག་ཞིག་རེད་བཤད་འདུག དེ་གཏན་ནས་བདེན་པ་མ་རེད། གནས་ཚུལ་ཅི་ཞིག་བཤད་ན་གཟབ་གཟབ་བྱས། ང་སྙན་ངག་པ་ཁོ་རང་དང་སྡེ་བ་གཅིག་ཡིན། ཁོང་གི་ཨ་ཕའི་མིང་ལ་ཕུར་བ་ཟེར། ཨ་མའི་མིང་ལ་བཀྲ་ལོ་ཟེར་བ་རེད། ཁོང་ལ་སྤུན་མཆེད་བུ་གཉིས་དང་སྲིང་མོ་གཉིས་ཡོད། ཨ་ཕ་ཁོང་ཚོ་ལོ་ན་ཆུང་ཆུང་སྐབས་གྲོངས་པ་རེད། ཨ་མ་དང་སྤུན་མཆེད་གཉིས་དང་སྲིང་མོ་བཅས་རྨ་ཆུའི་ས་ཁུལ་ཞིག་ན་ཞོར་གླས་བྱས་ནས་འཚོ་བ་རོལ་བཞིན་ཡོད་པ་རེད། ཁོང་གི་ཨ་ཕ་ལགས་དང་ཨ་ཁུ་འཇིགས་མེད་གཉིས་སྤུན་མཆེད་རེད། ཨ་ཁུ་འཇིགས་མེད་ལགས་ནི་ཚང་མར་ཧ་ཅང་ཆ་རྒྱུས་ཆེ་བའི་ཆབ་སྲིད་བཙོན་པ་ཞིག་རེད་ལ། ཁོང་ནི་དགུ་བཅུ་གོ་གྲངས་ནང་ནས་རྒྱ་ནག་གི་བཙོན་འོག་ཏུ་བཅུག་ནས་ལོ་ངོ་བཅུ་བདུན་ཙམ་ཏུ་ཁྲིམས་ཐག་བཅད་ནས་ལྷ་སའི་གྲྭ་གཞི་བཙོན་ཁང་ནང་བཅུག་ཡོད་པ་རེད། ཁོང་དང་ང་ཚོ་སྡེ་བ་གཅིག་པ་རྡ་རམ་ས་ན་གཅིག་ཡོད། ལྷོ་ཕྱོགས་ན་ཨ་ཁུ་ཞིག་ཡོད། སིད་སི་ན་གཉིས་ཡོད། གང་ལྟར་ཁོང་རང་ཁེར་རྐྱང་དང་དྭ་ཕྲུག་མ་རེད། གཟབ་གཟབ་བྱས་ནས་ངོ་སྤྲོད་བྱེད་ན་ཧ་ཅང་བཟང་གི་་་་་་་ཁོ་རང་གི་ངོ་ཤེས་རྙིང་པའམ་གྲོགས་པོ་ཞིག་རྡ་རམ་ས་ན་ཡོད་རེད། སྙན་ངག་པ་ཁོང་གི་ཨ་ཞང་ལ་མཚོན་ན་རྒྱ་ནག་གི་འོག་ཏུ་མནར་གཅོད་གང་མང་བཞིན་ཡོད་པ་རེད། ཁོང་གི་རྨོ་རྨོ་ལགས་ཀྱི་མིང་ལ་མཁའ་འགྲོ་མཚོ་ཟེར། མོ་རང་ང་སྔོན་མ་ཕ་ཡུལ་ན་ཡོད་དུས་སྐུ་གྲོངས་སོང་། གང་ལྟར་ཁོང་དྭ་ཕྲུག་ཞིག་གཏན་ནས་མ་རེད།

11. དྲ་འབུ་རྒན་བྲག་ལགས། ཕྲན་ནི་འདས་པོ་སྙན་ངག་པ་གང་གི་སྙན་ངག་ལ་ངོ་མཚར་དང་ཡིད་སྨོན་སྐྱེས་མཁན་ཞིག་དང་། དུས་འདིར་ཡུལ་དུས་ཀྱིས་ཁོང་སྐུ་གཤེགས་པར་སེམས་གཏིང་ནས་མྱ་ངན་གུས་འདུད་ཞུ་མཁན་ཞིག་ལས།ཁོང་གི་ནང་མི་ཁྱིམ་རྒྱུད་སྐོར་ལ་དེ་ཙམ་ཤེས་དགོས་དོན་མེད་པ་བཞིན་རྒྱུས་མེེད་ཆ་མེད་ཡིན་མོ།འོན་ཀྱང་གནས་ཚུལ་དེ་ཙམ་ངས་བོད་ནང་ཡོད་དུས་སྣང་ལ་མ་ངེས་པའི་གོ་ཚོར་ཐོས་ཚོད་ཙམ་མདང་ནུབ་གློ་བུར་དྲན་པ་བཞིན་བཤད་པ་ལས། དེ་ལས་འདས་པོ་སྙན་ངག་པ་ཁོང་དང་ནང་མི་ཤུལ་ལུས་ལ་གདུང་སེམས་མཉམ་སྐྱེས་མེད་པར་བཤད་པ་མིན་པའི་དེའི་དོན་དགོངས་འཇག་འཚལ། གཞན་གང་ཉིད་ནས་ངའི་ནོར་འཁྲུལ་དེར་ཀ་ཁ་བཞིན་གསལ་སྟོན་བྱེད་པར་ཐུགས་རྗེ་ཆེ།

12. ལགས་སོ་་་་ཐུགས་རྗེ་ཆེ།

13. བསང་ཆུ་འབྲུག་བྷེ་ལགས་་་་་་་་ཁྱོད་ཁོང་ཁྲོ་ཟིག་ལངས་མི་ཉན་་་་་་སྤྱིར་བཏང་ང་ནི་ཅི་ཡང་མི་ཤེས་བའི་བླུན་རྒན་ཁ་ནག་ཞིག་ཡིན་་་་་ངས་ཁྱེད་ཅག་སྙན་ངག་པ་ཚང་མ་ལ་ཐུགས་རྗེ་ཆེ་དང་སེམས་བཏང་ནས་ཧ་ཅང་དགའ་བོ་ཡོད་་་་་འདི་ངོ་མ་ཡིན་་་་་་་་ཡིནའང་སྙན་ངག་པ་གཉའ་གོང་ལྷ་བྷེ་ལགས་ཁེར་རྐྱང་དང་དྭ་ཕྲུག་ཞིག་རེད་གོ་དུས་སེམས་པ་ཅིག་མ་སྐྱིད་ཐ་་་་་་རྒྱུ་མཚན་ནི་ཁོང་གི་ཕ་ལགས་ཆུང་དུས་ནས་གྲོངས་བ་དང་ཨ་མ་ལགས་ཀྱིས་ཁོང་གི་མིང་སྲིང་ལྔ་ཡི་ཆེད་དུ་དཀའ་ལས་དང་སྡུག་བསྔལ་གང་མང་ཞིག་བརྒྱབ་པ་རེད། ཁོང་གི་ཁྱིམ་ཚང་གི་ལོ་རྒྱུས་གསལ་བོ་ཞིག་ལ་ཉན་དུས་མི་སུ་ཡིན་རུང་མིག་ཆུ་མི་ཤོར་མཁན་ཕལ་ཆེར་ཡོད་ནི་མ་རེད་་་་་དེའི་སྟབས་དུས་ང་རང་གི་ཤེས་ཚོད་ཀྱིས་ཅིག་བཤད་པ་ཡིན། ཁོང་ཁྲོ་ཟིག་མི་ལངས་བར་མཁྱེན། ང་རང་གི་སེམས་གཏིང་ནས་ཁྱོད་ལ་ཐུགས་རྗེ་ཆེ་གྲངས་མེད་ཞུ་་་་་་རྒྱུ་མཚན་ནི་ཁོང་གི་ནང་མི་ལ་མཚོན་ན་འདི་ལྟར་བཤད་མཁན་དང་ཤེས་མཁན་དཀོན་པོ་རེད། ཐུགས་རྗེ་ཆེ་བསང་ཆུ་འབྲུག་བྷེ་ལགས་་་་་་་ངོ་མ་ཡིན་་་་་

14. ཕྱི་རྒྱལ་བའི་གསར་འགྱུར་ཡིན་ན་ཅུང་ཞིབ་ཚགས་པོ་ཡོད་པ་རེད། ང་ཚོའི་གསར་འགྱུར་ནི་ཁོང་གྲོངས་སོང་ལྟ་བུ་ལས་ཅང་མི་འདུག ཁོང་གྲོངས་རྐྱེན་ཅུང་ཞིབ་ཚགས་པོ་ཞིག་ཡོད་ན་ཁོང་གི་ལོ་རྒྱུས་ཡིག་ཚགས་འབྲི་བར་ཕན་གྱི་རེད།

15. ཁོང་ན་ནས་གྲོངས་པ་རེད་དམ་འགྲིམ་འགྲུལ་ཆག་སྒོ་དང་གཞན་གྱིས་བསམ་གཟས་ནས་བཀྲོངས་པ་རེད། ཁོང་ན་ནས་གྲོངས་པ་ཡིན་ན་མ་གྲོངས་སྔོན་ན་བ་དང་འཆི་བའི་སྐོར་སྙན་ངག་རེ་ཟུང་བྲིས་ཡོད་སྲིད་པས། དེ་ཚོ་རྩད་གཅོད་གཏོང་རྒྱུ་གལ་ཆེན་པོ་རེད།