གསར་འགོད་པ་རྡོ་རྗེ་ཚེ་རིང་གིས།
རྩོམ་པ་པོ་གངས་དཀར་རྒྱལ་སྲས་ལགས་ནི་བོད་མདོ་སྨད་ཕྱོགས་ཀྱི་འབྲོག་ཐང་ཞིག་ནས་སྐྱེས་ཤིང་ཆུང་དུས་ནས་སློབ་གྲྭ་ཆེ་འབྲིང་ཆུང་གསུམ་རིམ་བརྒྱུད་ཀྱིས་རང་ཉིད་ཀྱི་འདུན་པར་འོད་སྟོང་བསྐྲུན། སྤྱི་ལོ་༢༠༠༠ལོར་འདི་ག་རྒྱ་གར་དུ་འབྱོར་ནས་དབྱིན་ཇི་ཡི་གེར་བག་ཆགས་མི་དམན་པ་བཞག་པ་མ་ཟད་༢༠༠༥ལོར་སྙན་ངག་དེབ་༼ང་དང་སྤྱི་ཚོགས་ཀྱི་སྟོང་ཆ་༽དང་བསྒྱུར་དེབ་༼རཱོ་པེན་སན་ཁུ་རོ་སི Robinsoun Crusoe༽ཞེས་པའི་དེབ་གཉིས་སྤྱི་ཚོགས་སུ་བཀྲམས་ཤིང་དེབ་རྗེས་མར་དགའ་བསུ་བླ་ལྷག་ཐོབ། ད་ལན་ཡང་ཁོ་བོ་རང་གི་ས་མཐའི་འཚོ་བའི་དཀའ་སྡུག་ལ་ཡོད་ཚད་ལ་གདུང་བ་སྐམ་པོ་གཏད་ནས་མེད་པ་ནས་ཡོད་དང་ཡོད་པ་ནས་འཐུས་ཚང་གི་ཕྱོགས་སུ་རང་ཉིད་ཀྱི་སེམས་བུ་འགྲེང་པའི་ཚུལ་གྱིས་བརྩམས་སྒྲུང་དེབ་༼སྣང་ལ་མ་ངེས་པའི་བརྩེ་དུང་༽དང་སྙན་ངག་དེབ་༼སྐྱ་རེངས་དམར་པོ༽བསྒྱུར་དེབ་༼སྤྱང་གྲུང་ལྡན་པའི་ཨ་ཁུ་སྟོན་པ་དང་འཇིགས་སུ་རུང་བའི་རྐང་རྗེས་༽གཉིས་ བཅས་ཁྱོན་དེབ་ཆུང་གསར་བ་བཞི་བོ་འདི་རིགས་མཐུན་ན་ཟླ་ཡོད་ཚད་ལ་བཀྲ་ཤིས་པའི་ཁ་དར་ཡུག་ཅིག་གི་དོད་དུ་ཕུལ་བ་ལགས་ན་རྒྱ་ཆེའི་མི་མང་དག་གིས་དེ་བཞིན་ཡིད་འཇགས་དང་རྒྱབ་སྐྱོར་ཡོང་བའི་རེ་བ་ང་རང་ངོས་ནས་ཞུས་པ་ལགས་སོ།།
འཚམ་འདྲི་དང་བཅས་སྙིང་ཐག་པ་ནས་དགའ་བསུ་ཡོད། ནམ་ཞིག་ཀློག་པའི་གོ་སྐལ་ཐོབ་པར་རེ་བ་ཡང་བྱེད་ཀྱི་ཡོད།
རྗེས་སུ་ཡི་རང་དང་བཀྲ་ཤིས་རྟེན་འབྲེལ་ཞུ་རྒྱུ་ཡིན། དེབ་ཚང་མ་ཁོམ་པ་ཡོད་དུས་ཡོད་དུས་ཀློག་རྒྱུ་ཡིན། རྩེ་སྐར་གྱིས།
རྩོམ་པ་པོར་འཚམས་འདྲི་ཡོད།
སེམས་ཤུགས་མ་ཆག་པར་མུ་མཐུད་རོ་བཅུད་ཕུན་སུམ་ཚོགས་པའི་དེབ་གང་མང་འབྲི་རོགས།
རྩོམ་པ་པོ་རྙིང་པ་མང་པོ་ཞིག་གོ་རྒྱུ་ཚོར་རྒྱུ་མི་འདུག
ཕལ་ཆེར་ཡིད་ཐང་ཆད་པ་འདྲ།
དེའི་རྒྱུ་མཚན་གཙོ་བོ་གང་ཞིག་ཡིན་ནམ།
དྲྭ་གྲོགས་དག་གིས་དེའི་སྐོར་བགྲོ་གླེང་གནང་ན། གང་འདྲ་འདུག་གམ།
དེ་ནི་བོད་ཡིག་གི་རིན་ཐང་ལ་སྣང་ཆུང་དང་རྩོམ་པ་པོ་ལ་རྩི་འཇོག་མེད་པ་མ་ཟད། དེ་དག་གི་སེམས་ལ་རྨ་འབྱིན་མཁན་མང་བའི་སྤྱི་ཚོགས་འདིའི་ཁྲོད་དུ་རྩོམ་པ་རྣམས་སེམས་ཤུགས་ཆགས་ནས་རིམ་གྱིས་ཡལ་འགྲོ་བཞིན་ཡོད་འདྲ། བསྟོད་སྨད་གང་བྱས་ཀྱང་སེམས་ཤུགས་ལ་ཉམས་པ་མེད་པར་རྟག་ཏུ་བརྟན་པ། བོད་ཡིག་ལ་ཡིད་ཆེས་དང་རེ་བས་ཁེངས་པའི་ཨ་ཁུ་ཀླུ་སྨྱོན་ལགས་གཅིག་པུ་རེད
རྩོམ་པ་པོ་གངས་དཀར་རྒྱལ་སྲས་ལགས་ལ་བླ་ན་མེད་པའི་བསྔགས་བརྗོད་དང་འབྲེལ། སླད་མར་མུས་མཐུད་ཉམས་པ་མེད་པའི་སེམས་ཤུགས་ཀྱིས་གྲོགས་སུ་སྦྲན་ཏེ་རྩོམ་དེབ་གང་མང་སྤེལ་གནང་བར་ཞུ
རྟེན་འབྲེལ་ཞུ། ཀློག་འདུན་ཧ་ཅང་ཆེ།
ལགས་སོ། རྣམ་པ་ལྷན་རྒྱས་ནས་གཟིགས་པར་བཀའ་དྲིན་ཆེ་་་་