རླུང་དམར།
དམག་རྩེད་ལྟ་བུའི་འཇིགས་སྣང་གི་འཁྲབ་སྟོན་བགྲང་བྱའི་རྨི་ལམ་ལ་འཐོར་ཏེ་ཡོད
ངོ་སྲུང་གི་ཆེད་དུ་དཔང་བཙུགས་པའི་བླ་རྐང་ཞིག་ཡིན་ནམ
ལོ་རྒྱུས་ཀྱི་མཁར་རྫོང་ནི་བཙན་འཐབ་ཀྱི་གློག་ཞགས་ཙམ་ཞིག་རེད
ཁྱོས་མུན་ནག་ལ་བསྡུ་གསོག་མི་ཐུབ་པའི་ང་ཚོའི་ཤེས་རབ་ཀྱི་གསར་བརྗེ་མཚར་པོ་ཞིག
དེའང རང་དབང་གི་བླ་འབོད་འདི་ཆར་རྡུལ་གྱིས་ཁེངས་པའི་འཁྱག་གྲང་ཞིག་ཡིན་ནམ
སྐྱོ་ངལ་གྱིས་བསླུ་བའི་དགའ་བ་རྫོགས་མེད་དེ་གང་ནས་ངུ་ཤོམ་སློང་གིན་འདུག
བདེན་པའི་མགོ་བོ་ཐོ་བས་བརྡུང་བའི་ཁྲག་ནང་གི་དུག་ཆུ་དམར་པོ
ང་ཚོའི་བདེ་སྡུག་གི་ལྗང་མདོག་ལ་ཚ་འདེད་ཀྱི་བློ་འགྱོད་མང་པོ་བྱས་སོང
ཚོར་འགྲོས་ཀྱི་རྟ་ཕོའི་གཤོག་སྒྲ་གནམ་སར་འགེངས་བའི་དུས་ཀྱི་མེ་དཔུང་ཞིག་ཡོད་ནའང
ང་ཚོའི་གཏམ་ལྕེའི་དབུགས་རྒྱུ་ལ་ངལ་དུབ་ཀྱི་ལྕགས་གཟེར་གདབ་ཀྱིན་གདའ
སེམས་ལ་སེམས་ཀྱི་དད་ཆོས་མེད་པའི་སྙིང་གི་ཚ་གདུང་དེ་སུས་ཁྱེར་ཡོང་གིན་འདུག
ནམ་ཚ་འདི་ཅིས་ཀྱང་འཐོར་འཐོར་རུབ་རུབ་ཞིག་ཡིན་པ་རེད
དེ་དུས ངོ་སྲུང་གི་དཔོན་པོ་ཞིག་ང་ཚོ་ཡོད་དགོས་པ་ཞིག་མིན་པར་འཐུས་ཏེ་ཡོད
དགའ་སྐྱོ་ལའང་ངོ་སྲུང་དཀར་ནག་གི་འཕྲུལ་སྣང་བཙན་པོ་ཞིག་མེད་
ད་ལྟའི་དགེ་སྡིག་གི་ཚུལ་འཆོས་ཀྱི་རིག་ཁྲམ་པ་མང་པོས་མང་པོ་ཞིག་བརླག་གིན་འདུག
དེའི་ནང་སྙིང་གི་རྨང་ནས་མཆོངས་བའི་བག་ཆགས་རྙིང་ཧྲུལ་ཞིག
ང་ཚོར་ཐོབ་ནས་སྨྲེང་བ་འདོན་པ་ནི་ངོ་སྲུང་གི་ཆེད་དུ་ཡིན་མི་སྲིད་པ་རེད
མཚན་ནག་པོའི་མངལ་ནས་སྐྱེས་པའི་ཉིན་མོ་དཀར་པོ་འདིའང
ང་ཚོས་ནམ་ཡང་བདེན་པའི་ལོངས་སྤྱོད་ལ་བཀུར་རྟེན་བླ་མེད་བགྱི་བཞིན་པ་དེ་ཡིན
2018-11-4ཉིན།
ལྷད་མེད་བརྕེ་དུང་་་གི་ ( མཛའ་གཞས་ཞིག་)
༄༅། བོུས།
དུང་སེམས་མཚོ་ལས་ཟབ་པའི་། སྙིང་གྲོགས་སེམས་ཀྱི་མཛའ་བོ།
འགྱུར་མེ་སེམས་ཀྱི་དམ་བཅའ། ཁྱེད་ཀྱི་སྙིང་ལ་ཡོད་དམ།
བུས།
ཚེ་སྔོན་ལས་ཀྱི་འབྲེལ་བའི། དམར་ཆུང་སེམས་ཀྱི་མཛའ་གྲོགས།
ལྷད་མེད་སྙིང་གཏམ་གཙང་མ་། བརྗེད་མེད་སེམས་ལ་བཞག་ཡོད།