དོན་དངོས་སུ་ཋམ་(Trump)སུ་ཡིན་ནམ། (༣)

བཞག་ལྡོམ་ལྗང་ལོ།

ཋམ་ནི་རྒྱ་ནག་དང་ཚོང་འབྲེལ་ཟབ་མོ་ཡོད་པ།

དང་པོ། སྤྱི་ལོ་༡༠༡༦ ལོ་ཨ་རིའི་སྲིད་འཛིན་འོས་འདེམས་སྐབས། ཋམ་གྱིས་རྒྱ་ནག་ནི་གཡོ་རྒྱུ་སྣ་ཚོགས་ཅན་དང་། དྲ་སྟེང་གི་ཇག་པ་རེད་ཅེས་དང་། ངས་རྒྱ་ནག་ལ་དཔལ་འབྱོར་ཀྱི་ཉེས་ཆད་གཅོད་རྒྱུ་ཡིན་སོགས་བཤད་སྐབས། ང་རང་ཡང་བོད་པ་ཞིག་ཡིན་པའི་ཆ་ནས་སེམས་སུ། གཅིག་བྱས་ན་ཁོས་བོད་དོན་དང་འགྲོ་བ་མིའི་ཐོབ་ཐང་སོགས་ཡར་རྒྱས་གཏོང་ཐབས་ལ་ཅུང་ཙམ་འབད་ངེས་རེད་སྙམ་སྟེ་དགའ་བ་སྐྱེས་མྱོང་མོད། འོན་ཀྱང། ཁོས་ལོ་ངོ་བཞི་མ་ཟིན་ཙམ་ལ་ཨ་རིའི་སྲིད་འཛིན་བྱས་པའི་བརྒྱུད་རིམ་ལ་ཕྱིར་མིག་ཅིག་བལྟས་པ་ཡིན་ན། བོད་དོན་དང་འགྲོ་བ་མའི་ཐོབ་ཐང་མ་དགོས་སྤྱང་གྲུང་ལྡན་པའི་སྒོ་ནས་ཨ་རི་བ་ཚོ་ལ་ཕན་པའི་ལས་དོན་གང་ཡང་རྒྱའི་ཕྱོགས་ནས་བྱེད་ཐུབ་མེད། ལྷག་པར་དེ་རིང་ཁས་ལེན་པ་ཡིན་ན་སང་ཉིན་འགྱུར་འགྲོ་བའི་མི་བརྟན་པའི་ཆབ་སྲིད་ཀྱི་ལངས་ཕྱོགས་དེ་དང་། ནོར་འཁྲུལ་ཅན་ཀྱི་ཚོང་འབྲེལ་བྱེད་སྟངས་དེའི་རྐྱེན་གྱིས་ཨ་རིའི་ཞིང་བ་ཚོར་དཔལ་འབྱོར་གྱོང་གུན་རག་པ་དང་། རྒྱ་ནག་ནས་ཨ་རིར་ནང་འདྲེན་བྱས་པའི་ཚོང་རྫས་རིན་གོང་ཡར་འཕར་ཡོད། ད་དུང་ཋམ་གྱིས་བཤན་ན། རྒྱའི་སྲིད་འཛིན་ཤིན་ཅིང་པིན་Xi Jinping ནི་ཁོོའི་བློས་ཐུབ་ཀྱི་གྲོགས་པོ་ཞིག་ཡིན་པ་དང་། ཧོང་གོང་ལ་རྒྱ་ཡིས་དྲག་གནོན་བྱེད་པ་དང་། ཡི་གུར་བ་ཚོ་ངལ་རྩོལ་བཙོན་རར་ཁྲིད་པ་སོགས་ནི་རྒྱའི་གཞུང་གི་བདེ་འཇགས་ཆེད་དགོས་ངེས་ཅན་ཞིག་རེད་ཟེར་བ་ཡང་གསར་འགྱུར་བརྒྱུད་ལམ་དུ་ཐོན་ཡོད།

གང་ལྟར་ཉེ་ཆར་རྒྱའི་ནད་ཡམས་Covid-19ཀྱིས་ཨ་རི་བ་གྲངས་ལས་འདས་པའི་ཚེ་སྲོག་འཕྲོག་པ་དང་ལས་དཀའ་ཤོར་ཡང། ཋམ་ལ་དེའི་བསྐོར་སེལ་བའི་དོན་སྣང་དེ་ཙམ་མེད་ལ་ཐབས་ལམ་ཀྱང་མེད་པ་བརྟེན། ཨ་རི་བ་ཚོ་ཉིན་རེ་ནས་ཉིན་རེ་ཁོ་ལ་སུན་མཁན་མང་ནས་མང་དུ་འགྲོ་བཞིན་ཡོད་པ་དང་ཆབས་ཅིག། ཨ་རིའི་སྲིད་འཛིན་འོས་བསྡུར་སླེབས་ཀྱི་ཡོད་པ་དང་གཉིས་ཀྱིས། ཡང་བསྐྱར་ཋམ་གྱིས་གོ་སྐབས་ནམ་བྱུང་ལ་ཚིག་མཛོད་ནང་གི་ཚིག་ངན་ཡོད་ཚད་རྒྱའི་སྟེང་ལ་བེད་སྤྱོད་བྱེད་ཀྱིན་ཡོད། ཡིན་ཡང་དེ་ནི་ཁོའི་ཆབ་སྲིད་ཀྱི་དགོས་མཁོ་ཁོ་ནར་ལས་དོན་དངོས་སུ་ཁོ་ནི་ས་ཁང་ (Real estate career) གི་ཚོང་ཉེར་མཁན་ཞིག་ཡིན་པས། ཁོའི་ཁང་པ་བཟོ་བསྐྲུན་བྱ་བྱེད་ཀྱི་ལྕགས་རིགས་དང་རྒྱུ་ཆ་གཞན་སོགས་མང་ཆེ་བ་ནི་ཨ་རི་ནས་བཟོས་པ་མ་ཡིན་པར་རྒྱ་ནག་ནས་ཉོས་ཡོད་པ་འདི་ན་གསལ་བོ་བཤད་ཀྱི་འདུག: https://aflcio.org/2016/10/12/six-facts-donald-trumps-use-chinese-steel

ཧ་ཅང་ཉེ་བའི་ཆར་ཨ་རིའི་CNN གྱིས་༢༠༢༠/༧/༢༡/ གསར་འགྱུར་སྤེལ་བའི་ནང་ཐམ་གྱིས་ཁ་ནས་རྒྱ་ནག་ལ་ཁ་རྫིག་གཏམ་བཤད་པ་ལས་ལྐོག་ནས་རང་ཉིད་ཀྱི་ཆེད་དུ་ཁོའི་ཚོང་ལས་ཁང་གིས་རྒྱ་ནག་ནས་གྲངས་ལས་འདུས་ཚོང་ཟོག་ཉོ་བཞིན་ཡོད་པ་བཤད་འདུག་པས་དྲ་ཚིགས་འདི་རེད།: https://www.cnn.com/2020/07/21/politics/trump-org-china-imports/index.html

གཉིས་པ། ཨ་རིའི་ཁྲིམས་ལུགས་ལྟར་ན་ཨ་རི་བ་སུ་ཞིག་ལ་མི་མང་གི་གཞུང་ངམ་ཨ་རིའི་སྲིད་གཞུང་ནས་བྱ་བ་ཐོབ་རྗེས། ཨ་རིའི་རྩ་ཁྲིམས་ཀྱི་དགོངས་དོན་ལྟར་གོ་གནས་དེ་མི་མང་གི་ཆེད་དུ་འབད་དགོས་བ་ལས། སྒེར་དོན་དུ་བེད་སྤྱོད་ལོག་པ་བྱེད་པ་ཡིན་ན་ཁྲིམས་འགལ་ཡིན་མོད། འོན་ཀྱང། ཋམ་ལ་ཨ་རིའི་སྲིད་འཛིན་ཀྱི་གོ་ས་ཐོབ་པའི་ཉིན་ནས་ཁོའི་ནང་མི་དང་། གྲོགས་པོ་ཚོས་སྲིད་འཛིན་ཀྱི་དབང་ཆ་བེད་སྤྱོད་བྱས་ཏེ་གོ་སྐབས་ནམ་བྱུང་ལ་སྒེར་དོན་འགྲུབ་ཐབས་བྱེད་ཀྱི་ཡོད། དེའི་ཕྱིར། ཋམ་གྱི་བུ་མོ་Ivanka Trump ཨལྦཁའ་ཋམ་གྱིས་མོ་ལ་ཕོ་བྲང་དཀར་པོའི་ནང་ན་ཡོད་པའི་གོ་ས་བེད་སྤྱོད་བྱས་ནས་རྒྱ་ནག་གཞུང་ལ་ངོ་ལྐོག་གཉིས་ནས་འབྲེལ་བ་བྱེད་ཀྱི་ཡོད་པ་བརྟེན། ཉེ་བའི་ཆར་རྒྱ་ནག་གཞུང་ནས་མོའི་གྱོན་ཆས་བཟོ་ཚོང་ཁང་ལ། དེབ་གསར་བ་དང་། ཁྱིམ་གྱི་གཡོ་བྱེད་གསར་བ། ཉལ་ཆས་གསར་བ་སོགས་སུ་ཚོང་རྟགས་trademarks གསར་བ་བདུན་ཙམ་སྒོ་འབྱེད་ཆོག་པ་བྱས་འདུག། གལ་སྲིད་དེའི་བསྐོར་ཤེས་འདོད་ན་འདི་ལ་ལྟོས: https://www.nytimes.com/2018/05/28/business/ivanka-trump-china-trademarks.htmltrademarks.html

གསུམ་པ་། ཋམ་གྱི་བུ་མོའི་ཁྱོ་ག་Jared Kushner རྒྱརནཁོཤོནར་ནི་ཡང་ཋམ་ལྟར་ས་ཁང་གི་ཚོང་ལས་New York ནེའུ་ཡོག་དང་ NewJersey ནེའུ་ལྗར་སེ་བཅས་ན་གཉེར་གྱི་ཡོད་ལ། ཨ་རའི་དྲ་སྟེང་བརྙན་འཕྲིན་ཁང་NETFLEX ལས་Documentary དངོས་ཡོད་བརྙན་འཕྲིན་Dirty Money ཞེས་བའི་ནང་དུ་Kushner ཁཤོནར་གྱི་ཁང་པ་བླས་བའི་མི་དག་ལ་དགོས་མེད་ཀྱིས་སྡིག་སྨོད་བྱེད་པ་དང་། གལ་སྲིད་ཁང་པའི་ཆུ་གློག་སོགས་སུ་སྐྱོན་བྱུང་ན་གནད་དོན་འདྲ་མིན་ལ་ཁ་གཡར་ནས་བཟོ་བཅོས་མི་བྱེད་པ། མི་རེ་འགར་Kushner ཁོཤོརནེ་ཁང་བ་དང་འབྲེལ་བ་མེད་ཀྱང་དེ་སྔོན་ཁྱེད་ཚོའི་ཁང་གླ་མ་སྤྲད་པས། ད་ལྟ་ཁང་ལ་སྤྲོད་དགོས་ཚུལ་དང་མ་སྤྲད་ན་ཁྲིམས་ཁང་ལ་གྱོད་གཏུག་གི་ཡིན་ཞེས་འཇིགས་སྣང་སྐུལ་བ་སོགས་མི་ཁ་ཤས་ཀྱིས་ཉམ་མྱོང་དངོས་སུ་བཤད་ཀྱི་འདུག

གང་ལྟར་Kushnerཁོཤོརནེ་དང་། ཁོའི་ནང་མིས་ཁོ་ལ་ཡོད་པའི་ཕོ་བྲང་དཀར་པོའི་གོ་ས་བེད་སྤྱོད་བྱས་ཏེ་རྒྱ་ནག་ནས་Kushner Company ཚོང་ལས་ཁང་གསར་བཟོ་བྱས་ཤིང། རྒྱ་ནག་པ་གང་མང་ཞིག་ལ་ཨ་རིའི་EB-5 program ཞེས་བའི་visa ལས་སླ་བོ་བཟོ་ཐབས་བྱས་ནས་ཨ་རི་ན་རང་གི་ཁང་བ་གླ་རུ་འཇུག་གི་ཡོད་པ་དེ་དག། ཨ་རིའི་་Washington ན་ཡོད་པའི་མི་མང་ཀུན་སྤྱོད་འགན་འཁུར་ཁང་གི་དབུ་འཛིན་ Noah Bookbinder ཀྱིས་Kushner བྱེད་སྟངས་དེ་དག་ཧ་ཅང་ནོར་འཕྲུལ་ཅན་དང་ཁྲིམས་ལ་གུས་ཞབས་མ་བྱེད་པ་རེད་ཅེས་སྐྱོན་བརྗོད་བྱས་འདུག། དེའི་བསྐོར་རྒྱས་བ་ཤེས་འདོད་ན་འདི་ན་འདུག:https://www.npr.org/sections/thetwo-way/2017/05/07/527282482/kushner-companies-pitch-to-chinese-investors-raises-conflict-of-interest-questio