(བསེ་རུ།)
དྲ་གྲོགས་ཚོ།
ང་ཚོས་འགུལ་སྐྱོད་བྱེད་དགོས། ཡར་ལངས་དགོས། ད་དུང་འགྲོ་དགོས། བསམ་བཞིན་དུ་ཡིག་ནོར་འདོར་གྱིན་འགྲོ་དགོས། བག་འཁུམ་མི་ཉན། འགྲོ་དགོས། སྐད་ཡིག་གི་ཚེ་སྲོག་གི་སླད་དུ། མི་རིགས་ཀྱི་བདེན་དོན་ཞིག་གི་ཆེད་དུ། ཇི་སྲིད་འདོད་དོན་མ་འགྲུབ་པ་དེ་སྲིད་དུ་འགྲོ་དགོས།
སྙིང་སྟོབས་དང་། སེམས་ཤུགས། ལྷག་བསམ། དཔྱོད་ཤེས་སོགས་ཡོད་པའི་ཐོག་ནས་འགྲོ་དགོས།།
དྲ་གྲོགས་ཚོ།
ཁོ་བོར་གཤེ་ཡང་རུང་། སྨད་ཀྱང་ཆོག བརྡུང་ན་ཡང་རུང་། བསད་ན་ཡང་འོས། ངས་ཡོད་ཚད་བདེན་དོན་ཞིག་གི་ཆེད་དུ་བཟོད་ནུས།
ཡིག་ནོར་ནི་ནམ་ཡང་ང་ཚོའི་སྐད་ཡིག་གི་དགྲ་བོ་ངོ་མ་དེ་རེད་ལ།
སྨྱུག་ཐོགས་པ་རང་ཉིད་ཀྱི་ཚེ་སྲོག་འཕྲོག་< WBR>བྱེད་ཅིག་ཀྱང་རེད། མདོར་ན་མིའི་རིགས་ཀྱི་བླ་སྲོག་ལ་འཇབ་རྒོལ་བྱེད་མཁན་ཞིག་ཀྱང་རེད། དེའི་ཕྱིར་ཡིག་ནོར་ནི་འཇིག་རྟེན་འདིའི་གཤེད་མ་ཞིག་རེད་ཅེས་ཁོ་བོས་གླེང་།།
དྲ་གྲོགས་ཚོ།
ང་ཚོས་ཉེན་ཁའི་རང་བཞིན་གླེང་གིན། དེ་ལས་ལྡོག་ཐབས་ལ་དོ་སྣང་བྱེད་ཀྱིན་སོང་ན།
ནམ་ཞིག་ང་ཚོས་ཡིག་ནོར་གྱི་རྒྱུན་འདི་འགོག་ཐུབ། ང་ཚོས་རང་ཉིད་ཀྱིས་རང་ཉིད་ལ་ཞུ་དག་གཏོང་གིན། ང་ཚོས་རང་ཉིད་ཀྱི་སྐད་ཡིག་ཡར་རྒྱས་གཏོང་གིན། ཡིག་ནོར་གྱི་དགྲ་བོ་དེ་ཉོན་མོངས་དུག་གསུམ་དུ་བལྟ་མི་རུང་། ཡིག་ནོར་གྱི་དགྲ་བོ་དེ་དག་གཞོམ་པར་ངེས་པར་དུ་འཚང་ཡང་རྒྱ་མི་དགོས། དེའི་ཕྱིར་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་དགོས་ཞེས་དེ་བས་འདིར་གླེང་གིན་མེད།།
དྲ་གྲོགས་ཚོ།
ཚང་མར་རྣམ་དཔྱོད་ཀྱི་རྩལ་རེ་ཡོད་པ་བདེན་ན། མི་རིགས་ཀྱི་སྐད་ཡིག་ལ་བཅངས་པའི་བརྩེ་བ་རྣལ་མ་ཞིག་ཡོད་པ་བདེན་ན། བོད་མི་རིགས་ལ་བཅངས་པའི་ལ་རྒྱ་ངོ་མ་ཞིག་ཡོད་པ་བདེན་ན། རང་ཉིད་ཀྱིས་གང་བྲིས་པའི་རྩོམ་རིགས་དང་མཆན་བུ། བསམ་འཆར་ཁག་གི་ནང་ཡིག་ནོར་གྱི་སྲིན་འབུས་མ་ཁྱབ་པ་ཞིག་ཅིས་ནས་ཀྱང་གནང་རོགས།།
དྲ་གྲོགས་ཚོ།
ཡིག་ནོར་ནི་བསམ་བཞིན་དུ་འབྲི་མཁན་ཞིག་གླིང་འདི་ན་མེད་སྲིད་ཀྱང་། མ་བརྟག་མ་དཔྱད་པ་དང་། འགན་ཁུར་གྱི་བསམ་བློ་མེད་པ། ཁ་ནས་གང་ཐོན་འབྲི་བ། ཚིག་མཛོད་དང་དག་ཡིག་ཁག་དང་ཁ་ཐག་རིང་དྲགས་པ། བརྡ་སྤྲོད་གཞུང་ལུགས་ལ་སྦྱངས་པ་དམན་པའམ་མ་བསྟུན་པ། སྐད་ཡིག་གི་གཞི་རྩའི་རྨང་གཞི་མེད་པ། རང་རང་གི་ལུང་ཚན་བྱེ་བྲག་པའི་སྐད་ལ་བསྟུན་ཆེ་དྲགས་པ་སོགས་མདོར་ན། ཡིག་ནོར་ཡོང་རྐྱེན་འདི་དག་ཙམ་མ་ཟད་ད་དུང་གཞན་དང་གཞན་ཡོད་ངེས་པས། དྲ་གྲོགས་ཚོས་ཡིག་ནོར་ཡོང་རྐྱེན་གང་དང་གང་ཡོད་འདིར་གསུངས་རོགས།
དྲ་གྲོགས་ཚོ།
གོང་བཀོད་འདི་དག་ནི་ཁོ་བོས་མཚམས་མཚམས་སུ་ཡིག་ནོར་དང་འབྲེལ་བའི་མཆན་བུ་ཁག་ཅིག་དྲ་གྲོགས་ཁག་ཅིག་ལ་ལན་འདེབས་དང་རེ་སྐུལ་གྱི་ཚུལ་དུ་བཏབ་པ་ཁག་ཡིན་ལ། དེ་རིང་སླར་ཡང་བསྐྱར་ཀློག་ཅིག་བྱས་ཏེ། དེར་ཁ་སྣོན་དང་བཟོ་བཅོས་ཅུང་ཙམ་བྱས་ཏེ་དྲ་ངོས་འདིར་ཡིག་ནོར་དང་འབྲེལ་བའི་སྐོར་ཀློག་པ་པོ་ཚོར་དགོངས་ཚུལ་ཅི་ཡོད་རྟོགས་སླད་ཟིན་བྲིས་ཀྱི་ཚུལ་དུ་བཅོས་ཡོད།།
དྲ་གྲོགས་ཚོ།
ཕེབས་དང་། ང་ཚོས་ཡིག་ནོར་ཟེར་ན་ཅི་ཞིག་དང་། དེ་ཇི་ལྟར་མེད་པར་བཟོ་བ། ཅིའི་ཕྱིར་མེད་པར་བཟོ་བ་སོགས་མནོ་བསམ་རེ་གཏོང་གིན་གནས་འདི་ནས་རང་རང་གི་དགོངས་ཚུལ་རེ་གསུངས་པར་ཕེབས་དང་། བསེ་རུས་ཁྱེད་རྣམས་ལ་སེམས་ཀྱི་ལྷ་དར་དཀར་པོ་རེ་བཏེགས་ཏེ་གནས་འདི་ན་ཕེབས་བསུ་ཞུས་ཏེ་གནས་ཡོད། དྲ་གྲོགས་ཚོ་ཕེབས་དང་། །
རིགས་ཞེན་དྲི་མེད་སེམས་ཀྱི་ཁ་བཏགས་ཞིག །
དབྱམས་གསལ་སྦྱོར་བའི་མགྲོན་དུ་ཕེབས་རྣམས་ལ། །
བསེ་རུའི་རྭ་ལྟར་རིན་བྲལ་ཚིག་གི་ཕྲེང་། །
འདི་ན་སྤེལ་བ་སྙིང་ནས་བསྔགས་པའི་ཡུལ། །
འོན་ཀྱང་།
དྲ་ཐོག་གི་ཡིག་ནོར་གཏན་འགོག་བྱ་དགོས་ན་དྲ་ཐོག་ནས་དྲག་ཆས་ཉེན་རྟོག་པ་འགའ་སྐོར་གཡེང་བྱ་དགོས།
རྩེད་མོ་དང་སྦྲགས།
ཚིག་མཛོད་དང་དག་ཡིག་ནང་གི་ཡིག་ནོར་དེ་ཚོ།
བཞེད་པ་མི་མཐུན་པའི་དུས་གསུམ་གྱི་རྣམ་གཞག་དེ་ཚོ།
ཡི་གེའི་ནང་འབྲི་རྒྱུན་མེད་པའི་ཁ་སྐད་དེ་ཚོ།
ག་འདྲ་བྱས་འབྲི་དགོས་པ་རེད།
བོད་ཡིག་འབྲི་སྦྱོངས་བྱེད་མཁན་ལེའུ་དང་པོ་བ་དེ་ཚོ་གཏན་འགོག་བྱེད་གི་ཡིན་ག་རེ་བྱེད་གི་ཡིན།
ཡིག་ནོར་ཡིག་ནོར་ཟེ་ནས་ཡི་གེ་འབྲི་སྤྱོད་སྤེལ་གསུམ་བྱེད་པའི་ལམ་ཁ་མ་འགག་པ་ཞིག་ཇི་ལྟར་བྱེད་དགོས་པ་རེད།
ལུང་ཁུག་གི་ཁ་སྐད་དེ་ཚོ་སྤྱི་སྐད་ནང་ཇི་ལྟར་ལེན་དགོས་པ་རེད།
ད་རུང་དྲི་བ་མང་པོ་མང་པོ་ཞིག་ཡོད་དེ་ཆང་ཁམ་གང་དང་མཉམ་མར་ལྐོག་སེ་མིད་གི་ཡིན།
ལྷག་བསམ་ཡངས་པའི་དག་ཡིག་མཁན་པོ་བསེ་རུ་ལགས་བོད་ཀྱི་སྐད་ཡིག་ཐོག་འགན་ཆེན་པོ་ཁུར་བ་ཐུགས་རྗེ་ཆེ།་་་་་་་་་་འོན་ཀྱང་མཁན་པོ་རང་ཉིད་ནས་གཟབ་དགོས་པའི་ཡུལ་ཡོད་པས་དགོངས་འཇགས་འཚལ།
དཔེར་ན།་་་་་གོང་བཀོད་འདི་དག་ནི་ཞེས་བྲིས་འདུག་མོད་གོང་དུ་བཀོད་ཟིན་པ་དེ་ལ་བོད་ཀྱི་བརྡ་སྤྲོད་གཞུང་ལུགས་ལྟར་ན་འདི་སྒྲ་མི་འཇུག་རིང་བ་ཡིན་པས་དེ་སྒྲ་སྦྱོར་དགོས།
གནད་འདིའི་རིགས་ལ་དག་ཡིག་ཀློག་པ་དང་ཕྲད་ཀྱི་སྦྱོར་ཚུལ་ངེས་པ་ཙམ་གྱིས་ཕན་ཐོགས་དཀའ་བས་མཁན་པོ་ཉིད་ནས་ཀྱང་གཟབ་ན་བཟང་གི།
དག་ཡིག་ཟེར་ནོ་འདི་བྲིས་ན་ཡོང་བ་ལས་མ་བྲིས་པ་ལོ་མང་སོང་ན་རང་བཞིན་གྱིས་མེད་པར་གྱུར་འགྲོ་བ་ཞིག་རེད།་་་་་་་་་