ཀོ་ལི་གྷ་གཞིས་ཆགས་གཞུང་པ་ཚེ་དབང་བསོད་ནམས།
ཀ་ཡེ་གསོན་དང་དྲ་རྒྱའི་དྲ་གྲོགས་ཚོ།།
ཁ་སྟོང་དོན་སྟོང་མིན་པའི་མཆན་ཞིག་ཞོག །
ག་ས་གང་ལ་འགན་མེད་ཇུས་གཏོགས་ཚོ།།
ང་ཚོ་དྲ་འབུ་འདྲ་བ་གང་ན་འདུག །
ཅ་ཅོ་མང་བའི་མཆན་བུ་འདེབས་པ་འདིར།།
ཆ་བཞག་མེད་པའི་མི་ཡིས་འཕྱ་སྨོད་མང་།
ཇ་ཞིང་དཀྱིལ་གྱི་ཇ་རོའི་སྙིགས་རོ་དང་།།
ཉ་ཤ་རུལ་བའི་དྲི་ངན་ཁྱབ་མི་ཉན།།
ཏ་བ་ཐ་དད་ཅན་གྱི་དྲ་འབུ་མང་།།
ཐ་སྙད་བརྡ་སྤྲོད་ཁ་དང་ལག་ཏུ་ཉར།།
ད་ར་འོ་མའི་བྲོ་བ་མི་ཤེས་མཁན།།
ན་ཆུང་མཛེེས་མ་འདྲ་བའི་དྲ་འབུ་ཚོ།།
པ་ངར་ཆེ་ནས་དྲ་རྒྱའི་སྒོ་ནང་འཛུལ།།
ཕ་རོལ་མགུ་བའི་མཆན་རྩོམ་འདི་ཡིན་མེད།།
བ་ཚ་ཡོད་པའི་ས་ལ་རྩ་མི་སྐྱེ།།
མ་རབས་ཚིག་གི་ཐ་སྙད་འཚོལ་མི་ཉན།།
ཙ་བ་རྩོམ་དང་མཆན་ལ་རང་དབང་རེད།།
ཚ་གྲང་ཚོར་བའི་དཔྱད་རྩོམ་བྲིས་ན་དགའ།།
ཛ་ཏི་བདག་ཉར་རླུང་ནད་སེལ་བའི་སྨན།།
ཝ་དང་་ཁྱི་སྤྱང་ཡིན་ཀྱང་སྨན་ངོ་འཕྲོད།།
ཞྭ་མོ་གྱོན་ན་མགོ་བོ་བདེ་བ་རེད།།
ཟ་མ་བཟོས་ན་སྒྱུ་ལུས་འཚོ་བ་རེད།།
འ་ཆད་འུ་ཐུག་མིན་པའི་དྲ་འབུ་ཚོ།།
ཡ་རབས་མ་རབས་ས་མཚམས་ཤེས་པ་བགྱིས།།
ར་ལ་ས་བཀལ་ར་ས་འཕྲུལ་སྣང་བཞེངས།།
ལ་ལུང་བགྲོད་ན་ཕ་ཡུལ་གངས་ལྗོངས་མཐོང་།།
ཤ་ཚ་ཅན་གྱི་དྲ་འབུའི་ཕ་ཡུལ་རེད།།
ས་ཆ་འདི་ནི་མི་ཡུལ་གཡར་བོ་རེད།།
ཧ་ལམ་རང་ཡུལ་ཡིན་ནོ་མ་བསམ་ཨ།།
ཨ་ཙ་བྱུང་ན་སྐད་ངན་རང་བཞིན་ཤོར།།
མུ་མཐུད་དུ་ཤུགས་རྒྱོབ
ཏ་༼ལྟ་༽བ་ཐ་དད་ཅན་གྱི་དྲ་འབུ་མང་།།
་
་
་
པ་༼དཔའ་༽ངར་ཆེ་ནས་དྲ་རྒྱའི་སྒོ་ནང་འཛུལ།།
མུ་མཐུད་དུ་(དུ)།ཤུགས་རྒྱོབ་་།ནས་ལས་འབྱུང་ཁུངས་དངོས་དང་འཕྲད་་།མུ་
མཐུད་ནས་ཤུགས་རྒྱོབ་།
ཀ་བཤད་དག་ཡིག་འབྲེལ་་བ་མེད་་ཡིག་ཕྱེད་གོ་བས་ཀློག་ན་ཤེས་་
མུ་མཐུད་༼དེ༽་ཤུགས་རྒྱོབས། ཇུས་གཏོགས་བྱེད་ན་བཅའ་སྟངས་དག་དགོས་བ་རེད། གོ་བ་ཡོད་ན་ཨ་མའི་བུ་རུ་རྩི། མི་གོ་ཟེར་ན་འདྲ་འབུ་མགོ་འཐོམ་བྱོས།། ཡང་ཡང་མཇལ་བའི་ལས་དབང་དགའ་བ་ལ། གཞུང་ལུགས་རྡོག་པོས་བརྫིས་ན་སྐྱོ་བ་ལ།།
ཀ་ཁ་སུམ་ཅུར་བཙན་པོ་དབང་ཡོད་བྱེད།
ཁ་ནས་ཐོན་ཚད་ལག་པས་མ་ཕྲིས་བར།།
ག་ས་གང་གི་ཀ་བཤད་རྐང་ཆག་རྣམས།།
ང་རང་གཅིག་པོས་བཅོས་ཚད་མ་ཡོད་དོ།