སྐྱོ་བྲག་དགའ་དབང་།
ང་ཚོ་མིའི་འགྲོ་བས་ཉམས་ཞིབ་བྱས་པའི་གྲུབ་འབྲས་ཉེར་མཁོའི་ལོངས་སྤྱོད་མང་པོ་ཞིག་ལ་ལོངས་སྤྱོད་ཀྱིན་ཡོད་པའི་ཆ་ཤས། ཚན་རིག་གི་གསར་གཏོད་དུ་བསྙད་པ་དིང་དུས་ཀྱི་འཕྲུལ་ཆས་གློག་ཀླད་སོགས་ཀྱི་བརྒྱུད་ནས་བེད་སྤྱོད་བྱེད་པ་དྲ་ལམ་(network) འདི་ཐོག་མར་དམག་དོན་སོགས་སུ་མཁྱུད་སྤྱད་བྱས་ཤིང་། རིམ་པས་སྤྱི་ཚོགས་སུ་ཁྱབ་གདལ་ཕྱིན་པ་ལ་སྤྱི་སྒེར་མང་པོས་ཐུན་མོང་དང་ཐུན་མོང་མིན་པའི་སྒོ་ནས་ལོངས་སུ་སྤྱད་ཡོད།
ད་ནི་ཐུན་མིན་ལྐོག་ཉར་བྱས་པ་དག་ཀྱང་ཕན་ཚུན་རྐུ་ཁྱེར་བྱེད་བཞིན་ཡོད་པའི་དཔེ་མཚོན་ནི། ཨ་མི་རི་ཀའི་སྤྱི་སྒེར་གྱི་གསང་བ་མང་པོ་ཞིག་རྒྱ་ནག་གི་གཞུང་སྒེར་མང་པོས་རྐུ་ཁྱེར་བྱས་པ་དང་། ཡུ་རོབ་སོགས་འཛམ་གླིང་གི་གཞུང་སྒེར་མང་པོའི་གསང་བ་དག་ཨ་མི་རི་ཀའི་གཞུང་སྒེར་གྱིས་རྐུ་ཁྱེར་བྱེད་ཀྱིན་ཡོད་པའི་རྐུབ་རྡོལ་བཞིན་པ་འདི་ཚོ་རེད།
གཞི་རྩའི་དྲ་ལམ་འདི་མུར་བཞག་སྟེ་སྲུང་སྐྱོབས་ཀྱི་ཐབས་དང་ཁྲིམས་གཞི་ཇི་འདྲ་ཞིག་ལག་ལེན་དུ་བསྟར་གྱིན་ཡོད་རབས་བཤད་ནའང་དོན་དངོས་ལ་བྱེད་ཐུབ་ཀྱི་མེད་པ་ནི་གསལ་པོ་ཆགས་པ་ཡིན་ཕྱིར། ང་ཚོའི་དུས་རབས་ཀྱི་སྤྱི་ཚོགས་འདི་ནི་ཕྱི་གསལ་ནང་གསལ་གྱི་སྤྱི་ཚོགས་སུ་གྱུར་ཟིན་ཡོད། གལ་ཏེ་མ་འོངས་པར་སྤྱི་སྒེར་གྱི་གནད་དོན་དག་གསང་ཉར་བྱ་ཐུབ་པ་ཞིག་བྱ་དགོས་ཀྱི་ཡོད་ན་ད་ལྟར་བེད་སྤྱོད་བྱེད་བཞིན་པའི་དྲ་ལམ་འདི་བོར་ཏེ་ཐབས་ལམ་གསར་པ་ཞིག་མ་ཚོལ་རང་ཚོལ་ཡིན་ཕྱིར། ཤེས་འབྱོར་ཡོད་པའི་གཞུང་སྒེར་ཚོས་འཚོལ་གྱིན་ཡོད་ངེས་རེད་ལ་འཐོབ་ཀྱིའང་རེད།
ཁྱི་འཛིང་བགོས་ན། སྤྲང་པོའི་ལྷ། ཞེས་པའི་དཔེ་བཞིན། ང་ཚོ་མི་དམངས་དཀྱུས་མ་རྣམས་ལ་ད་ལྟའི་དྲ་ལམ་འདི་ལས་སླ་བོས་བེད་སྤྱོད་བྱེད་ཆོག་པའི་གུ་ཡངས་ཤིག་ཡོང་ངེས་པ་ཡིན་ཕྱིར་དིང་གི་ལོ་དུས་འདི་ནི་དྲ་ལམ་འགྱུར་བ་ཕྱིན་པའི་དུས་མཚམས་ཤིག་ཏུ་ངོས་འཛིན་བྱ་ཆོག་པ་ཡིན་ནོ། །
གསང་བའི་གནས་ཚུལ་གང་ཡིན་མི་ཤེས་ཏེ། མི་བུ་ཚང་མ་དེ་ནང་ལ་མགོ་འཐོམས་ནས་མ་འོངས་པར་མིའི་སྐད་ཕལ་ཆེར་བཤད་མི་ཤེས་པ་རེད་རྒྱུ་ཉེན་ཁ་འདུག།
ང་ལ་ནི་གསང་དགོས་པ་དང་རྐུ་ལ་ཤོར་དྭོགས་ཀྱི་རྒྱུ་ཆ་གང་ཡང་མེད། བླ་མ་སྤྲུལ་སྐུ་རྒྱུ་ཆེན་དེའི་རིགས་གཟབ་ནན་གནང་ན་མ་གཏོགས་ཕྱི་ནང་གསང་གསུམ་གྱི་མཛད་པ་ཐམས་ཅད་ཀྱི་རྐུབ་བརྡོལ་ཉེན་ཡོད་ས་རེད།
ཁྱེད་ཅག་གི་བཀོད་པའི་རྩོམ་རིགས་དང་ཁ་བརྡ་རེ་རེས་མི་མང་པོ་ཞིག་ལ་གོ་རྟོགས་གསར་ཞིག་དང་བསམ་བློ་གསར་བ་རེ་བསྐྲུན་གྱིན་པས་གུས་པའི་ཁྱེད་རྣམས་ལ་སླད་མ་འདྲེས་པའི་བཀའ་དྲིན་ཆེ་ཞུའོ།