༄༅།། རིས་སུ་མ་ཆད་པའི་གཞུང་ལུགས་རབ་འབྱམས་སྨྲ་བའི་མཁས་པའི་དབང་པོ་དང་འབྲེལ་ཡོད་ཡོངས་ཀྱི་དྲུང་དུ།
ཀིརྟིའི་དགེ་རྩ་ཚོགས་པ་དང་ཀིརྟིའི་བྱེས་པ་གྲྭ་ཚང་ཐུན་མོང་ནས་གོ་སྒྲིག་གིས། ༸རྗེའི་གསུང་དྲང་ངེས་ལེགས་བཤད་སྙིང་པོའི་དཀའ་གནད་ལ་ཆོས་བརྒྱུད་དང་སེར་སྐྱ་ཕོ་མོ་རིས་མེད་ཀྱི་མཁས་པའི་བགྲོ་གླེང་ཆེན་མོ་ཐེངས་དང་པོ། གནས་མཆོག་རྡོ་རྗེ་གདན་དུ་ཕྱི་ཟླ་ ༡༢ ཚེས་ ༢༤ ནས་ཉིན་གསུམ་རིང་འཚོགས་གཏན་ཁེལ་བའི་གསལ་བསྒྲགས་ཞུས་ཟིན་དེ་ལྟར་ཡང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཕྱི་ལོ་ ༢༠༡༩ ཟླ་ ༡ ནང་གི་རྡོ་རྗེ་གདན་གྱི་གསུང་ཆོས་རྣམས་འདི་ལོའི་ཕྱི་ཟླ་ ༡༢ པའི་ནང་སྔ་བསྣུར་གྱིས་གྲུབ་གནང་དགོས་པས། དྲང་ངེས་ལེགས་བཤད་སྙིང་པོའི་བགྲོ་གླེང་དེ་ཕྱི་ཟླ་ ༡༢ ཚེས་ ༡༩ ནས་དབུ་འཛུགས་དགོས་ཞེས་ཕྱི་ཟླ་ ༡༠ ཚེས་ ༢༣ ཉིན་དཔལ་ལྡན་དགའ་ལྡན་ཕོ་བྲང་ཡིག་ཚང་ནས་བཀའ་ཕེབས་པར་བརྟེན། སྔོན་མའི་དུས་ཚེས་དེ་ལ་འགྱུར་བ་ཕྲན་བུ་བཏང་སྟེ། ཕྱི་ཟླ་ ༡༢ ཚེས་ ༡༩ ནས་ ༢༡ བར་དྲང་ངེས་ལེགས་བཤད་སྙིང་པོའི་བགྲོ་གླེང་ཆེན་མོ་འདི་བཞིན་སྔོན་འཆར་ལྟར་༸གོང་ས་༸སྐྱབས་མགོན་ཆེན་པོ་མཆོག་ཚོགས་མགོན་དུ་ཆིབས་བསྒྱུར་དང་བཅས་ཆོས་བརྒྱུད་རིས་སུ་མ་ཆད་པའི་མཁས་པའི་དབང་པོ་རྣམས་གདན་འཛོམས་ཏེ་འཚོགས་གཏན་ཁེལ་ཡོད་པ་ལགས་ན། དུས་ལྟར་ཕེབས་གནང་ཡོང་བ་ཞུ། ཀིརྟིའི་དགེ་རྩ་ཚོགས་པ་དང་ཀིརྟིའི་བྱེས་པ་གྲྭ་ཚང་ཐུན་མོང་གི་བགྲོ་གླེང་གོ་སྒྲིག་ཚོགས་ཆུང་ནས།
ཕྱི་ལོ་ ༢༠༡༨ ཟླ་ ༡༠ ཚེས་ ༢༥ ལ་ཕུལ།
https://www.facebook.com/photo.php?fbid=1975384815888435&set=a.136297663130502&type=3&theater
ལྷ་བབ་དུས་ཆེན། མ་ཡུམ་གྱི་དུས་དྲན་དུ་བརྩི་མི་ཐུབ་བམ། ལགས།
https://www.facebook.com/photo.php?fbid=2105707666147345&set=pcb.2105708179480627&type=3&theater