ཀ་ཁའི་རྫི་བོ།
ཁྱོད་ཀྱི་མིག་གི་སྐད་ཆ་དེ་ནི་ལོ་དགུར་བསྙལ་བའི་ཆང་ལ་བཞིན།།
ང་ནི་ཡོངས་སུ་བཟི་བར་གྱུར་པས་ཐ་ན་རང་ཉིད་སུ་ཡིན་འཁྲུལ།།
ཤིན་ཏུ་གསང་བའི་མིག་གིས་འཚོས་འདི་ང་ལ་སེམས་པ་ཤོར་མིན་ན།།
ཁོ་བོའི་ལས་དོན་ཆུང་ཚགས་དག་ཀྱང་ཐབས་ཀྱིས་ལྐོག་ནས་ཅི་ལ་བསྒྲུབས།།
ཁྱོད་དང་མ་འཕྲད་སྐར་ཆ་རེ་ཡང་བརྟན་པོར་ཚུགས་པ་ཧ་ཅང་དཀའ།།
དངོས་སུ་ཐུག་ཚེ་ཡ་ཆུང་ཁོག་ན་སྙིང་གི་ལུ་གུ་དབང་མེད་ལྡིང་།།
དེ་ལྟ་ནའང་ལས་དབང་ལྷ་མོའི་ཕྲག་དོག་རླུང་འཚུབ་ལྡང་བ་དེས།།
གཅིག་གིས་གཅིག་ལ་དྲན་གདུང་ལྕི་མོ་ལོ་དང་ཟླ་བར་འཁུར་དགོས་ཐུག །
ཡག་པོ་འདུག་