ནང་ནས་བཙིར། ཕྱི་ནས་རུལ།

Comments (19) on “ནང་ནས་བཙིར། ཕྱི་ནས་རུལ།”

1. སྐད་ཆ་དམར་དམར་ཤོད། སེམས་པ་གཙང་མ་ཡིན་ན་ད་གཟོད་དོན་དག་ཞིག་འཁྱོངས་ཀི་རེད།

2. ༈ བུ་ཁྱོད་ཀྱིས་སྐད་ཆར་རྒྱབ་སྐྱོར་ཡོད་ལ་གསལ་འདེབས་ཡང་ཡོད། དང་པོ་རྒྱབ་སྐྱོར་བྱས་དོན་ནི། བོད་མི་རིགས་འདི་ཡི་སྲོག་རྩ་ངོ་མ་ནི་བོད་ཡིག་དང་དེའི་སྟེང་བསྐྲུན་པའི་ཡིག་ཚོགས་དེ་དག་ཡིན་ལ། དེ་ལྟ་བུའི་ཚེ་སྲོག་འདི་འཚོ་དགོས་ན་བོད་ཀྱི་སྐད་ཡིག་འདི་ངེས་པར་དུ་གནས་དགོས་ཤིང་། དེ་ཙམ་དུ་མ་ཚད་༧རྒྱལ་བའི་བཀའ་འགྱུར་རིན་པོ་ཆེས་དབུས་ནང་དོན་རིགས་པའི་དཔེ་ཚོགས་རྣམས་ཀྱང་སྐད་ཡིག་འདིའི་སྟེང་ཡོད་པ་དེ་སྐད་ཡིག་གཞན་གྱི་སྟེང་མེད་པ་ནི་དེང་སང་མངོན་འགྱུར་ཡིན་པས་རྒྱུ་མཚན་དང་།
   གསལ་འདེབས་ནི། ཁྱེད་ཀྱིས་བཀའ་མོལ་ནང་གཞི་བྱེས་གཉིས་བར་འགལ་ཟླ་ལྟ་བུའི་བསམ་ཚུལ་དང་། རྒྱུ་མཚན་མེད་པའི་ལུང་ཁག་གཅིག་ཀྱང་བགྲངས་གནང་འདུག་པས་དེ་ལྟ་བུའི་རིགས་མི་གནང་བའི་འབོད་སྐུལ་ཞུ་རྒྱུ་ཡིན། གང་ལགས་ཤེ་ན། ད་ནས་བཟུང་སྐྱེ་བ་འདིའི་ཚེ་ཡི་འདུས་བྱས་མ་སྟོང་བར་བོད་པའི་སྤྱི་ཚོགས་ཤིག་གི་ནང་གནས་དགོས་སྟབས་རང་རེ་བོད་པ་ཡོད་དོ་ཅོག་གཅིག་སྒྲིལ་གྱི་ནུས་པ་འདོན་རྒྱུ་དེ་རྒྱུ་མཚན་གཙོ་བོ་ཡིན་པས་དེ་དོན་ཐུགས་ལ་བཞག་རོགས།

3. བོད་ཀྱི་སྐད་ཡིག་གི་ཐད་ལ་བོད་ཕྱི་ནང་གཉིས་ཀྱི་སེམས་ཚོར་ལ་ཆེ་ཆུང་ཡོད་པ་ནི་དངོས་ཡོད་རེད་། གོང་གི་རྩོམ་ཡིག་དེས་ས་ཕྱར་ན་རྡོ་ཕྱིར་ལ་བསྟན་འདུག། བོད་ཀྱི་སྐད་ཡིག་སྲུང་སྐྱོབས་ཀྱི་ཐདལ་་བོད་ཕྱི་ནང་གཉིས་ཀྱི་ལགས་ལེན་འགལ་ཟླ་རེད་། མི་འདོད་ན་ཡང་དངོས་ཡོད་ཡིན་པས་། མི་འདོད་བཞིན་དུ་ཁས་ལེན་དགོས་པ་ཞིག་རེད་།

4. བཙན་བྱོལ་ནང་གི་བོད་ཡིག་གི་གནས་བབ་ལ་གཞིགས་ན། བཙན་བྱོལ་དུ་ཡོང་ཉིན་ནས་ཐོག་མའི་འཆར་གཞི་ནོར། བར་གྱི་གོམ་སྟབས་ནོར། མཐའ་མའི་གྲུབ་འབྲས་ཀྱང་ནོར་ཡོད་པ་རེད།

5. ཕྲན་ནས་བོད་ནང་གི་མཁས་དབང་མཁྱེན་རབ་དབང་ཕྱུག་མཆོག་གི་གསུང་བཤད་འདི་སྒྲ་འཛིན་འཁོར་ཐག་ནས་སྒྲ་སྐད་ཡིག་ཐོག་ཏུ་ཕབ་པ་ཞིག་ཡིན་པས་ངས་མཆན་གྱི་ཚུལ་དུ་དུམ་བུ་གསུམ་པ་འདི་འདོན་སྤེལ་ཞུ་རྒྱུ་ཡིན་ན་དྲ་གྲོགས་རྣམ་པས་ལྗགས་ཀློག་གནང་བ་ཞུ། ཐུགས་ཕན་གསོ་བའི་རེ་བ་ཡོད། བཀྲིས་བདེ་ལེགས།
   མཁས་དབང་མཆོག་གི་གསུང་བཤད་དུམ་བུ་གསུམ་པ་དབུ་འཛུགས་ཞུ་རྒྱུ།
   སྔོན་ཆད་ང་རང་ཚོའི་སྤྱི་ཚོགས་རྙིང་པའི་དུས་སུ་ཡིན་ན། མི་རིགས་རང་གི་ཆེད་དུ་བསམ་བློ་གཏོང་མཁན་ཟེར་ཡག་དང༌། གཏོང་དགོས་ཀྱི་རེད་ཅེས་བཤད་མཁན་ཞིག་གོ་མ་མྱོང༌། ང་རང་གི་ཡིན་ནའང་གོ་མ་མྱོང༌། མི་རིགས་ཀྱི་དོན་དག་ལ་བསམ་བློ་གཏོང་དགོས་ཀྱི་རེད་ཟེར་མཁན་ཞིག་བྱུང་མ་མྱོང་ལ། རང་གི་ཡང་མི་རིགས་ཀྱི་དོན་དག་ཟེར་ཡག་དེ་ག་འདྲ་གཅིག་ཡིན་དང༌། དེ་འདྲའི་བསམ་བློ་བཏང་མ་མྱོང༌། དེ་འདྲ་ཡིན་ཙང༌། ད་ལྟ་ང་རང་ཚོའི་སྤྱི་ཚོགས་གསར་པ་རེད། ང་ཚོ་བོད་ཀྱི་མི་རིགས་ཡིན་ནའང་འདྲ། བོད་ཀྱི་རིགས་གནས་ཡིན་ནའང་འདྲ། ས་གཞི་ཆེན་པོ་འདིའི་ཐོག་ལ་ཡུན་རིང་པོའི་བར་དུ་གནས་ཐུབ་དང༌། མི་ཐུབ་ཀྱི་ཡར་འགྲོ་མར་འགྲོ་ཡི་ས་མཚམས་རྟ་ཁ་སྲབ་ཀྱིས་བསྒྱུར་བ་ལྟ་བུ་དེ་འདྲ་ཡི་དུས་སྐབས་ཤིག་ཤར་སྡོད་ཡོད་རེད། ད་ལྟ། བོད་མི་རིགས་ཡིན་ནའང་འདྲ། བོད་ཀྱི་རིགས་གནས་ཡིན་ནའང་འདྲ། འཇིག་རྟེན་འདིའི་ཁམས་ལ་རྒྱུན་རིང་པོའི་བར་དུ་སྐུ་ཚེ་རིང་པོའི་བར་དུ་བཞུགས་དང་མ་བཞུགས་ཀྱི་གནད་འགག་དང་འགག་ས་དེ་འདྲ་ཞིག་ལ་ཐུག་སྡོད་ཡོད་རེད།
   དེ་འདྲ་ཞིག་བཤད་དགོས་ཡག་གི་རྒྱུ་མཚན་ག་རེ་རེད་ཟེར་ན། ང་ཚོ་སྔོན་མ་སྤྱི་ཚོགས་རྙིང་པའི་སྒང་ནས་ལོ་བརྒྱ་སྟོང་མང་པོ་ཞིག་གི་རིང་ལ། ང་རང་ཚོ་ལ་རིག་གནས་བཅུ་ཕྲག་རིག་པའི་གནས་ཟེར་ཡག་གཅིག གཞན་ལ་སྨོན་མི་དགོས་པའི་རིག་གནས་ཆ་ཚང་བ་ཞིག་ཡོད་རེད། དེ་རང་གི་ངང་གི་ང་རང་ཚོས་བསྡད་བཞག་པ་རེད། བསྡད་བཞག་དུས། སྐབས་དེ་དུས་ཡིན་ན། སྤྱི་ཚོགས་དེའི་སྒང་ལ། འགྲིགས་འགྲོ་ཡི་ཡོད་རེད། ཁོ་རང་རང་གི་འདང་འགྲོ་ཡི་ཡོད་རེད། དེ་འདྲ་ཡིན་ཙང༌། ད་ཆ་ཡར་འགྲོ་མར་འགྲོ་ས་མཚམས་རྟ་ཁ་སྲབ་ཀྱིས་བསྒྱུར་བ་ལྟ་བུ་ཞིག་ཡིན་དགོས་ཡག་དེ་ག་རེ་རེད་ཟེར་ན། དེང་སང༌། ཆེ་ས་ནས་བཤད་ན་ང་རང་ཚོའི་འཛམ་གླིང༌། འབྲིང་གི་ཐོག་ནས་བཤད་ན། ང་རང་ཚོའི་རྒན་ཡོག་མི་རིགས་ཀྱི་གྲངས་ཉུང་ ༥༦ གམ་ ༥༥ ཡོད་པའི་གྲངས་ཉུང་མི་རིགས་རྒྱལ་ཁབ་ཆེན་པོ། ཆུང་ས་ནས་བཤད་ན་ང་རང་ཚོ་བོད་མི་རིགས་བོད་ཆོལ་ཁ་གསུམ། དབུས་གཙང༌། མདོ་སྟོད། མདོ་སྨད། ཆོལ་ཁ་གསུམ་གང་གི་ནང་ལ་ཡིན་ནའང༌། སྔོན་ཆད་ང་རང་ཚོ་ནང་བཞིན། ལོ་སྟོང་ཕྲག་གི་རིང་ལ་བཅུ་ཕྲག་རིག་པའི་གནས་ལ་མགོ་འཁོར་ནས་སྡོད་ཡག་གི་དུས་ཚོད་དེ་ཡོལ་བ་རེད། སྡོད་དགོས་བསམ་ནའང་སྡོད་ཐབས་མེད་པ་གཅིག་ཆགས་པ་རེད། མ་གཏོགས་མི་ཁ་ཤས་གཅིག་གིས་སྡོད་འདོད་པ་དེ་ཁག་གཅིག་གིས་སྡོད་དུ་མ་འཇུག་པ་བྱས་ནས་བཙན་པོ་བྱས་བཞག་པ་གང་ཡང་མ་རེད། དེ་ཁོ་རང་གི་འཇིག་རྟེན་གྱི་འགྲོ་སྟངས་ཤིག་རེད། འཛམ་བུ་གླིང་དེ་འདྲ་ཞིག་རེད། འཛམ་བུ་གླིང་འགྲོ་སའི་ལམ་དེ་ཁག་ཁག་གཅིག་ལ་འགྲོ་ཡི་ཡོད་རེད། དེ་འདྲ་ཞིག་ལ་ཡོད་དུས། ད་ང་རང་ཚོ་ཡར་འགྲོ་མར་འགྲོ་ས་མཚམས་ཡིན་དགོས་ཡག་ག་རེ་རེད་ཟེར་ན། ང་ཚོ་བོད་ལ་གཞན་ལ་སྨོན་མི་དགོས་པའི་བཅུ་ཕྲག་རིག་པའི་གནས་དེ་ཡོད་རེད། ཡོད་དེ་ཡོད་རེད། དེ་ཡིན་ན་ཧ་ཅང་ཕུན་སུམ་ཚོགས་པ་ཞིག་ཀྱང་རེད། སྤོབས་པ་སྐྱེ་དགོས་པའི་རིག་གནས་ཤིག་རེད། དེ་ག་དུས་རེད་ཟེར་ན། དེ་དུས་རེད། གནད་འགག་དེ་གར་སྡོད་ཡོད་རེད། ང་ཚོར་དེ་ཕན་ཐོགས་པ་གཅིག་མ་རེད། རླབས་ཆེན་མ་རེད། སྤོབས་པ་སྐྱེ་དགོས་པ་ཞིག་མ་རེད་ཟེར་གྱི་ཡོད་མ་རེད། དུས་ཚོད་ག་དུས་རེད་ཟེར་ན། དེ་དུས་རེད་ཟེར་ཡག་རེད་མ་གཏོགས་ད་ལྟ་རེད་ཟེར་གྱི་ཡོད་མ་རེད། ང་ཚོ་བཅུ་ཕྲག་རིག་པའི་གནས་དེ་ནི་ལོ་སྟོང་ཕྲག་གཉིས། ཨ། ལོ་སྟོང་ཕྲག་གཉིས་གསུམ་གྱི་གོང་གི་རིག་གནས་གཅིག་རེད། སྐབས་དེ་དུས་ཡིན་ན། ང་རང་ཚོ་གཞན་སུ་ལའང་རེ་མི་དགོས་པ་ཞིག་དང༌། ང་རང་ཚོ་སྤོབས་པ་སྐྱེ་ཆོག་ཡག་གི་ང་རང་ཚོར་རིག་གནས་ཆ་ཚང་གཅིག་ཡོད་རེད། ད་དེ་ཡི་ཁོ་རང་སྐབས་དེ་དུས་ཀྱི་སྤྱི་ཚོགས་ཀྱི་ནང་ལ་འདང་གི་ཡོད་རེད། ཡིན་ནའང༌། ད་ཆ། སྤྱི་ཚོགས་ཡར་རྒྱས་ཕྱིན་པའི་སྐབས་འདིར་ང་ཚོ་བཅུ་ཕྲག་རིག་པའི་གནས་གཅིག་པུ་ལ་མགོ་འཁོར་ནས་སྡོད་བསྡད་ན། ད་འགྲིགས་ཀྱི་ཡོད་མ་རེད། དེ་གཅིག་རེད།

6. what happaned to woser?

7. ཨ་རོགས་མདོ་འདུམ་ “རྒྱལ་བ་རིན་པོ་ཆེ་ཡང་ཁ་སྔོན་བར་དུ་ཁུ་སིམ་མེར་བཞུགས་ཡོད།” ཞེས་པའི་ནང་༸རྒྱལ་བ་རིན་པོ་ཆེ་དུས་ཚོད་ག་དུས་ནས་ག་དུས་བར་ཁུ་སིམ་མེར་བཞུགས་པ་རེད་དམ། ལན་གསལ་པོ་ཞིག་ཁྱེར་ཤོག་དང་ངེད་གཉིས་ཁ་བརྡ་ལྷོད་ལྷོད་ངང་བྱེད་ཆོག

8. Read the link below.
   http://www.tibettimes.net/news.php?showfooter=1&id=3643

9. ང་ཚོ་བོད་མི་རིགས་འདི་ཉིད་འཛམ་གླིང་གི་ས་སྒང་འདིའི་སྟེང་གནས་དགོས་ཤིང་། གནས་འདོད་ཡོད་ན་ང་ཚོས་གཅིག་གི་གཅིག་ལ་ང་ལན་ཁྱོད་ལན་བྱས་པས་མི་ཕན་པར་བོད་མི་ཞིག་ཡིན་ཕྱིན་སོ་སོའི་ནུས་ཚོད་ལ་དཔག་པའི་སྐད་ཡིག་སྲུང་སྐྱོབ་བྱ་དགོས་ཤིང་། བྱ་ཚུལ་ཡང་སོ་སོའི་གདོང་ལ་སོ་སོས་འཛུབ་མོ་འཛུགས་ནས་ང་བོད་མི་ཞིག་ཡིན་པའིོ་ངོ་བོ་ངོས་འཛིན་ཡང་དག་ཞིག་བྱས་ཏེ་དེ་ཉིད་ཡུན་གནས་ཆེད་ཚང་མས་ཕྱར་གྲུ་མཉམ་འདེགས་ཀྱིས་ལས་ལ་འབད་དགོས་སོ།།

10. མདོ་འདུམ་ཚང་ཁྱེད་རང་སུ་ཇ་སློབ་གྲྭར་ཡོད་དུས། བོད་ཡིག་ལ་དོ་སྣང་དང་སྤྲོ་སྣང་དམིགས་བསལ་བ་ཞིག་ཡོད་པའི་རྒྱུ་མཚན་ནི། བོད་དུ་ཁྱེད་རང་གི་གནས་ཡུལ་དེ་གྲོང་གསེབ་ཅིག་ཡིན་པའི་སློབ་སྦྱོང་གི་གོ་སྐབས་མ་ཐོབ་པ་དང་གཅིག སློབ་སྦྱོང་མེད་པའི་རྒྱུ་མཚན་གྱི་འཚོ་གནས་མ་ཐུབ་པ་དང་གཉིས། རྒྱུ་མཚན་འདི་གཉིས་ཀྱི་དེད་ནས་ཁྱེད་རང་བཙན་བྱོལ་དུ་ཡོང་དགོས་ཐུག་པ་རེད། བཙན་བྱོལ་གཞུང་གི་ཁྱེད་རང་ལ་རིན་མེད་ཐོག་འཚོ་གོས་གནས་མལ་དང་། སློབ་སྦྱོང་གི་གོ་སྐབས་སྤྲད་དུས་བོད་ཡིག་ལ་དོ་སྣང་དང་སྤྲོ་སྣང་དམིགས་བསལ་པ་ཞིག་བྱུང་བ་རེད།
    བོད་ནས་ཡོང་མཁན་ཚང་མ་ཁྱེད་རང་དང་གཅིག་པ་མིན། ཤེས་ཡོན་སློབ་སྦྱོང་གི་རབ་ཏུ་ཕྱུག་པའི་ཁར་བོད་ཀྱི་བསྟན་པ་ཆབ་སྲིད་སླར་གསོ་ཆེད་ཕྱི་ནང་གསང་གསུམ་སྒོ་ནས་ཕྱག་ལས་གནང་སྟེ། བོད་དུ་སྡོད་ཐབས་བྲལ་བ་མང་དག་ཅིག་འབྱོར་གྱི་ཡོད་ནའང་འདི་དག་ཁྱེད་རང་ནང་བཞིན་སུ་ཇ་སློབ་གྲྭ་རུ་སློབ་སྦྱོང་བྱེད་མི་དགོས་པར་འཕྲད་དུ་བཙན་བྱོལ་གཞུང་གི་ལས་ཁུངས་སོ་སོའི་ནང་དུ་ཕྱག་ལས་གནང་གི་ཡོད་པ་ཀུན་གྱི་ཤེས་གསལ་རེད།

11. མདོ་འབུམ་ཚང་སྐུ་ཉིད་བཙན་བྱོལ་དུ་ཁྲོན་པ་ཆུང་ཆུང་ཞིག་གཏིང་ནས་འཛམ་གླིང་ལ་རྒྱང་ལྟ་བྱས་ཏེ། ད་བར་ཁུ་སིམ་མེར་བཞུགས་ཡོད་པ་ཉིད་ཀྱིས་༧གོང་ས་མཆོག་དང་བཙན་བྱོལ་གཞུང་ལ་ཟུར་ཟ་གནང་སྟངས་ལས་ཤེས་ཐུབ་ཀྱིན་འདུག འུག་པས་ཉིན་མོ་མི་མཐོང་བ་ཉི་མའི་སྐྱོན་མིན་པ་རྣམ་དཔྱོད་ཅན་སྐྱེ་བོས་མཐུན་སྣང་དུ་གྲུབ་བས་ཁ་ནང་དུ་ཕྱོགས་ཏེ་མཛུབ་མོ་རང་ལ་གཟུགས་རྒྱུ་གལ་ཆེ །

12. རང་ཉིད་མི་རིགས་འདི་ལ་ཤ་ཚ་དང་ཆབ་སྲིད་ཀྱི་གོ་རྟོགས་ཡོད་མཁན་ཞིག་ཡིན་ན ། ཆིག་སྒྲིལ་གྱི་ནུས་པ་ཕྱོགས་གཅིག་ཏུ་སྤུངས་ཐབས་ལས་གཞིས་ལུས་སྤུན་ཟླའི་སེམས་ཤུགས་ཆག་གཞིའི་བཀའ་མོལ་མ་གནང་ན་ལེགས་པར་སེམས །

13. དང་པོ།
    སྐྱོན་རྒྱག་མཁན་དང་མོས་མཐུན་ཞུ་མཁན་གྱི་གྲངས་ལ་མ་ལྟོས་པར།
    ཕྱོགས་གཉིས་ཀར་ཐུགས་རྗེ་ཆེ་ཞུ་གི་ཡོད། བསམ་ཚུལ་མི་མཐུན་པ་ཡོང་གི་རེད། དགག་པ་རྒྱག་རེས་ཀྱང་ཡོང་གི་རེད།
    གཙོ་བོ། གནད་་དོན་ངོ་འཕྲོད་དགོས་རྒྱུ་དེ་གལ་ཆེན་པོ་རེད། གནད་་དོན་ངོ་འཕྲོད་སོང་ན། དགག་པ་རྒྱག་མཁན་ག་ཚོད་བྱུང་རུང་དེ་ལ་དགའ་བསུ་ཡོད།
    གཉིས།
    འདི་གཞིས་བྱེས་གཉིས་ཀྱི་དབར་ལ་འགལ་ཟླའི་བསམ་ཚུལ་མ་རེད། འདི་དངོས་ཡོད་གནས་ཚུལ་རེད། དངོས་ཡོད་ཡིན་པ་དེ་ཁས་ལེན་དགོས་རེད།
    དངོས་ཡོད་ངོ་མ་འཕྲོད་ནས་ཆིག་སྒྲིལ་ཟེར་བ་ལས། དངོས་ཡོད་ངོ་འཕྲོད་ནས་བསམ་ཚུལ་བཤད་ན་དགེ་ཕན་ཆེ་བར་འདོད།
    བོད་ནང་དུ་བོད་ཡིག་གི་ཆེད་དུ་རང་སྲོག་འཇོག་གི་འདུག བཙན་བྱོལ་དུ་བོད་ཡིག་ལ་བདག་པོ་རྒྱག་གི་མི་འདུག འདི་དངོས་ཡོད་རེད།
    དངོས་ཡོད་འདི་ཆིག་སྒྲིལ་ཡོད་མེད་ཀྱི་སྐད་ཆ་མ་རེད།
    གསུམ།
    བོད་མི་རིགས་ཟེར་བ་འདི་ས་སྒང་རིལ་མོ་འདིའི་སྒང་གནས་དགོས་བ་དེ་ཡང་དངོས་ཡོད་རེད། དེ་གནས་བ་ལ།
    དེའི་སྲོག་རྩ་སྐད་དང་ཡི་གེ་དེ་སྲུང་སྐྱོབ་བྱེད་དགོས་བ་ཡང་དངོས་ཡོད་རེད། སྲུང་སྐྱོབ་ཀྱི་སྲོག་ཤིང་དེ་ཆིག་སྒྲིལ་ཙམ་མ་རེད།
    གནད་དོན་ངོ་འཕྲོད་རྒྱུ་དེ་རེད། གནད་དོན་ངོ་འཕྲོད་ན་ཆིག་སྒྲིལ་ཡོང་གི་རེད། གནད་དོན་ངོ་མ་འཕྲོད་ན། ཆིག་སྒྲིལ་ཕ་རིའི་སྤང་རྒྱན་རེད།
    བཞི།
    ད་ལྟའི་གནས་སྟངས་འདི། བོད་ཕྱི་ནང་གི་དངོས་ཡོད་གནས་སྟངས་ངོ་འཕྲོད་ནས་ཕྱག་ལས་གནང་དགོས་བའི་དུས་ཚོད་ཞིག་རེད།
    ཆིག་སྒྲིལ་ཟེར་བཞིན་མགོ་རུམ་ལ་བཏང་ནས་འདུག་པའི་དུས་ཚོད་ཞིག་མ་རེད། འདི་སེམས་ལ་ཟུངས།
    དེ་ཙམ་ཡིན།

14. སྤྱི་ཡོངས་ཀྱི་བསམ་ཚུལ་དེ་བཤད་ཚར་བའི་རྗེས་སུ།
    དྲ་གྲོགས་སྒེར་བ་གཉིས་ལ་ལན་རྒྱག་གི་ཡིན། དེ་གངས་ཕྲུག་དང་ཨ་རུ་ར་གཉིས་ལ་ཡིན།
    དང་པོ།
    བོད་ནང་དུ་སློབ་མའི་ངོ་རྒོལ་དེ་བྱུང་བའི་སྐབས་སུ། ༧གོང་ས་མཆོག་གིས་ཨ་རིར་ཆིབས་བསྒྱུར་བསྐྱངས་དང་སྐྱོང་བཞིན་པའི་སྐབས་རེད།
    དེ་དུས་དེའི་སྐོར་ལ་བཀའ་སློབ་གནང་མི་འདུག དེའི་རྗེས་ནས་ཀྱང་བཀའ་སློབ་འདྲ་མི་འདུག ཉེ་ཆར་སིས་ཨན་ཨན་གྱི་གསར་འགོད་པ་ཞིག་གི་དྲི་བར་ལན་གནང་་འདུག
    འདིའི་འབྲེལ་ཐག་གོང་དུ་བཞག་ཡོད། ཁྱེད་ཚོར་ཁུངས་སྐྱེལ་དམིགས་བསལ་ཡོད་ན། འབྲེལ་ཐག་འདི་ལ་འཇོག་རོགས་གནང་།
    གཉིས།
    ང་རྒྱ་གར་དུ་༡༩༩༩ལོར་ཡོང་བ་རེད། དེ་དུས་ལོ་བཅུ་དྲུག་རེད། བོད་ནས་སླེབས་པའི་ལོ་བཅུ་དྲུག་ཅན་ཞིག། ཐད་ཀར་བཙན་བྱོལ་བོད་གཞུང་གི་དཀྱིལ་འཁོར་ལ་འཛུལ་ནས་ཕྱག་ལས་གནང་གི་ཡོད་པ།
    ངེད་ཀྱིས་མཐོང་མ་སོང་། གོ་ཡང་མ་སོང་། དེའི་ཁུངས་སྐྱེལ་རོགས།
    དེ་ཙམ་ཡིན།

15. བཙན་བྱོལ་དུ་བོད་ཡིག་ལ་ཟམ་གདོང་རིན་པོ་ཆེས་བདག་པོ་མི་བརྒྱག་ཚེ། ཆབ་སྲིད་པ་གཞན་ཚོའི་ཁྲོད་ན་བདག་པོ་བརྒྱག་མཁན་ཞིག་ཨེ་ཡོད། ཆབ་སྲིད་པ་བླ་རྒན་ཚོ་ཆོས་བཤད་ཀྱི་ནང་ནས་ལུས་པ་རེད། རྒྱ་ལོ་དང་རྒྱ་རི་སོགས་ཕྱི་སྲིད་ལ་འཐམ་པ་རེད། ད་བར་དུ་བོད་ཡིག་ལ་བརྩི་འདང་ཏོག་ཙམ་སྟོན་མཁན་ནི་བཀའ་ཟུར་སྐལ་བཟང་ཡེ་ཤེས་ལགས་རེད། གཞན་ཡང་ཡོད་སྲིད་དེ་ཤེས་ཀྱི་མེད། ཨ་ཁུ་པད་མ་འབུམ་གྱིས་དམངས་གཙོ་ཚགས་པར་དང་ལྗང་གཞོན་སོགས་བཏོན་ཏེ། བཙན་བྱོལ་གྱི་བོད་ཡིག་ལ་བྱས་རྗེས་ཆེ་ཤོས་འཇོག་མཁན་གྱི་ནང་ནས་གཅིག་རེད།

16. བྲིས་པ་ཡག་པོ་འདུག ཡིན་ནའང་མ་ཤེས་བ་ཡང་མང་པོ་འདུག
    མི་མང་གིས་ཀྱང་སྐད་ཡིག་གི་སྐོར་ནས་བཀའ་ཁྲིའི་འོས་མི་ཚོར་དྲི་བ་གཏོང་གི་མེད། ཟེར་
    བློ་སེང་གི་དྲ་ཚིགས་ནང་མང་པོས་དྲིས་འདུག་པ་བལྟ་ཉན་བྱེད་ཐུབ་གི་འདུག ད་དུང་གསལ་བོར་དྲན་པ་ཞིག་ལ་ཟློས་གར་ཁང་ནས་བཀའ་ཁྲི་བགྲོ་གླེང་སྐབས་མི་ཞིག་གིས་སྐད་ཡིག་སྐོར་ལ་དྲི་བ་དྲིས་སོང། བཀྲས་མཐོང་བསྟན་གནམ་ཀྱིས་ལན་གསུངས་སོང། ང་ལ་མགོ་ལོག་གི་སྤྲུལ་སྐུ་ཆུང་ཆུང་ངོ་ཤེས་ཅིག་ཡོད། ཁོང་གི་ཨ་མ་ལོ་དྲུག་ཅུ་་ཡིན་ནའང་བོད་ཡིག་སློབ་ཡོད་ཟེར་གི་འདུག ཞེས་ཧ་ལེ་འདུག

17. མི་རིགས་འདིའི་རང་གཤེས་གསོན་པོ་ཞིག་ལ་རང་སྐྱོན་ཁས་ལེན་གཏན་ནས་མི་བྱེད་པ་འདི་ཡ་མཚར་བོ་རེད་། ནད་པས་ན་ཚ་སྦས་ན་མཐར་སླེབ་ས་གཅིག་ལས་མེད་དེ་རེད་། ད་ནི་དངོས་ཡོད་བཤད་པ་དུས་ལ་སླེབས་པ་མ་ཚད་ཕྱི་དྲག་ཡོད་པ་རེད་། བོད་ཕྱི་ནང་གི་གི་ཁ་བཤད་ཀྱི་ཆར་གཅིག་མཐུན་དང་གཅིག་སྒྲིལ་ཡིན་མོད་། ལགས་ལེན་གྱི་ཆ་ནས་སྤད་དེ་ཐ་དད་རེད་།

18. བུ་ཁྱེད་ཀྱིས་བསམ་རྒྱ་ཆེ་བའི་འགན་ཞིག་འཁུར་ནས་འུ་ཚོའི་བོད་ཀྱི་སྐད་ཡིག་དང་དེ་སྐྱོབ་ཚུལ་སྐོར་སོགས་བསམ་འཆར་ཧ་ཅང་ཡག་པོ་ཞིག་འཁྱེར་གནང་འདུག། འོན་ཀྱང་ཁྱེད་ཀྱིས་ཚིག་ཟུར་ནས་ྋགོང་ས་མཆོག་ལ་ཟུར་ཟ་བྱས་པ་མཐོང་བྱུང༌། དེ་ནི་ཁྱེད་ཀྱི་ཞན་ཆ་ཆེན་པོ་ཞིག་རེད། བཀའ་ཁྲི་ཟམ་གདོང་གིས་ལྷོ་ཕྱོགས་སུ་ད་ནི་བཙན་བྱོལ་བོད་གཞུང་གི་ཆབ་སྲིད་དང༌། འཛིན་སྐྱོང༌། དཔལ་འབྱོར་སོགས་ལ་སེམས་ཁྲེལ་མེད་ཀྱང་ད་ཆ་སཻམས་འཚབ་ཆེ་ཤོས་སྤྱི་དང་སྒེར་པ་རེ་ཟུང་གིས་དངོས་ཤུགས་བརྒྱུད་གསུམ་ནས་མགོན་པ་གང་ལ་སྐྱོན་བརྗོད་དམ་ཟུར་ར་ལྟ་བུ་ཇེ་མང་དུ་འགྲོ་བཞིན་པ་འདི་ཡིན་གསུངས་འདུག། དེ་ནི་དགྲ་དགའ་གཉེན་སྡུག་གི་བྱ་བ་ཞིག་ཡིན་པས་ཁྱེད་ཀྱིས་དེ་ལྟར་མ་གནང་རོགས་ཞུ་རྒྱུ་ཡིན།

19. གོང་ས་མཆོག་དང་བོད་གཞུང་གིས་དེའི་སྐོར་ལས་འགུལ་དང་བཀའ་མོལ་མ་ཕེབས་པ་དེ་གནད་འགག་ཅིག་ཡོད་རྒྱུ་རེད་བསམ་ཡོད། སྔ་ལོ་ས་བྱི་ཞི་རྒོལ་ཆེན་མོའི་སྐབས་རྒྱ་གཞུང་གིས་ཞི་རྒོལ་དེར་རྡུང་བཅོམ་འཕྲོག་གསུམ་དང༌། ཏཱ་ལི་རུ་ཚོགས་ཀྱིས་ཇུས་བཀོད་བྱས་པ་རེད་ཅེས་ང་ཚོ་ལ་ནག་ཉེས་གནམ་ས་མི་གཤོང་བ་ཞིག་གཡུགས་ཡོད། ད་ལན་ཡང་ང་ཚོས་གཟབ་གཟབ་མ་བྱས་ཚེ་རྒྱ་ནག་མི་དམངས་སྤྱི་འཐུན་རྒྱལ་ཁབ་ཀྱི་རྩ་ཁྲིམས་ནང་གྲངས་ཉུང་མི་རིགས་ལ་ཐོབ་ཐང་ཡོད་ལུགས་གསལ་བ་ལྟར་བོད་ནང་གི་སློབ་ཕྲུག་ཚོས་མ་བསྐུལ་དང་བླངས་ཐོག་བོད་ཀྱི་སྐད་ཡིག་གི་རང་དབང་དང་མི་རིགས་འདྲ་མཉམ་དགོས་སྐོར་གྱི་ཞི་རྒོལ་འདི་ལའང་ཕྱི་ལོག་ནས་འཆར་གཞི་ལྡན་པའི་བརྒྱུད་སྐུལ་བྱེད་ལུགས་ཀྱི་བསྐྱར་དུ་ནག་ཉེས་ཆེན་པོ་ཞིག་གཡུགས་སྲིད། དེ་འདྲ་ཡིན་དུས་ད་ལྟའི་བོད་ནང་གི་སློབ་ཕྲུག་ཚོའི་ཞི་རྒོལ་དེ་ཆབ་སྲིད་དང་འབྲེལ་བ་ཡོད་པའི་རྣམ་པ་གང་ཡང་མ་ཐོན་ན་ལེགས་པ་དགོངས་བཞིན་ཡོད་པ་འདྲ། དེ་ལ་རྒྱུ་མཚན་འདུག ང་ཚོ་དྲ་གྲོགས་ཚོའི་ཆབ་སྲིད་ཐོག་གོ་རྟོག་ཅུང་ཞན་སྟབས་ལང་སེང་སྐད་ཅོར་མ་བརྒྱབ་པར་ཞིབ་ཏུ་བསམ་བློ་གཏོང་དགོས་པ་འདྲ།