ནང་པའི་ཚན་རིག་པ་ཆེན་མོ་ཞིག་སྐུ་གཤེགས་པ།

Comments (16) on “ནང་པའི་ཚན་རིག་པ་ཆེན་མོ་ཞིག་སྐུ་གཤེགས་པ།”

1. མཆིན་པའི་ནད་ཀྱིས་གྲོངས་བ་མ་རེད། གཉིས་སྟོང་གསུམ་གྱི་ལོ་ནས་འཚེར་སྐྲན་ཡོད་པ་ངོས་ཟིན་ཞིང་འཚེར་བའི་སྐྲན་ནད་ཀྱིས་གྲོངས་བ་རེད།

2. ༡༩༧༤ནས་༩༡༧༥ལོར་དབྱར་ཁ་རྒྱ་གར་རུ་ཕྱིན་ནས་ཤར་ཕྱོགས་ཀྱི་ཆོས་ལུགས་སྦྱང་བ་ཞིང་ཁོང་གི་མི་ཚེ་ལ་ནང་ཆོས་ཀྱི་ཞན་ཤུགས་ཐེབས་ཚུལ་དང་། ལྷག་པརརྒྱ་གར་གྱི་ལྟ་བ་བཞིན་ཁྱིམ་མཚེས་གཡས་གཡོན་དུ་རྐང་རྗེན་དུ་འགྲོ་ཚུལ། དེ་སྔོན་ཁོང་ནི་དངུལ་དངོས་མ་གཏོགས་བསམ་རྒྱུ་མེད་མཁན་ཞིག་ཡིན་ཡང་རྗེས་སུ་མེ་ཁོ་ཁྲོ་ཤི་གསར་གཏོད་མཛད་ནས་དར་རྒྱས་བྱུང་བ་ནས་བཟུང་ཁོང་གི་མི་ཚེའི་བསམ་བློ་བཏང་སྟངས་ལ་འགྱུར་བ་ཕྱིན་ནས་འཇིག་རྟེན་ལ་འགྱུར་བ་སྟངས་བའི་འདོད་འདུན་ཕྱོགས་ལ། མཚམས་མཚམས་ཤེ་ཡེ་ལོ་སར་གྱི་སྐབས་ཡང་ངལ་གསོ་མེད་པ་ཕྱག་ལས་གནང་ཞིང་བྲེལ་ཚབ་ཆེ་ཡང་། ༢༠༡༠ ལོར་བག་ཕེབས་ཀྱིས་གནས་བའི་ངང་ཚུལ་མཐོང་བ་ཁོང་ལ་འགྲོགས་ཆེ་བའི་མཛའ་གྲོགས་ཚོས་གླེང་།
   ཁོང་རྒྱ་གར་གྱི་ལམ་སྲོལ་ལ་མོས་ཤིང་ཆེ་སྐྱེས་ནས་དེ་ལ་དོགས་སྣང་བྱེད་པ་ནི་ཆུང་དུས་དཀའ་ངལ་འཕྲད་སྐབས་ཧ་རི་ཁུ་ཤི་ན་ལྷ་ཁང་གིས་ཟས་སྡོད་རིན་མེད་དུ་སྤྲད་པའི་བག་ཆགས་ཀྱིས་རེད་སྙམ།

3. ཨ་རིའི་བོད་པའི་གསར་འགྱུར་ཡག་བྱུང་། ཀློག་ཟིན།

4. ༼འོག་གི་གནས་ཚུལ་འདི་ནི་ལྷ་སའི་ཆོས་གྲོགས་དྲ་ཚིགས་ལས་བཏུས།http://www.tibetson.com/Item/Show.asp?m=1&d=1736༽

   ཀུ་ཤུ་མཐུན་གཉེར་ཁང་གི་དབུ་འཛིན་སྐུ་ཞབས་ཇོན་སི་ཊིཧྥུ་Steve Jobs མཆོག་ལ་མྱ་ངན་ཞུ།
   ཀུན་གྱིས་མཁྱེན་གསལ་ལྟར་ཀུ་ཤུ་མཐུན་གཉེར་ཁང་གི་ཅ་ལག་དག་ནི་འཛམ་གླིང་གི་འཕྲུལ་རིགས་ཀུན་ལས་རབ་དང་མཆོག་དང་ཕུལ་དུ་གྱུར་ཡོད་པ་དང་། འཕྲུལ་རིགས་དེ་དག་གི་ཁྲོད་དུ་རང་ཅག་གི་ཤི་མ་གསོན་དུ་གྱུར་བའི་བོད་སྐད་ཡིག་འདི་ཉིད་ཅི་དགར་བེད་སྤྱོད་ཐུབ་པ་ནས་བོད་མི་དག་ཀྱང་ཀུ་ཤུ་འཕྲུལ་རིགས་ལ་སྔར་ལས་རྒྱུས་མངའ་ཆེ་རུ་གྱུར་ཡོད་པ་བཤད་མ་དགོས།
   ཡིན་ཀྱང་ཡིད་སྐྱོ་བ་ཞིག་ནི་དཀའ་ངལ་དང་ཆོད་སེམས་ཁྲོད་ནས་ཀུ་ཤུ་མཐུན་གཉེར་ཁང་གསར་འཛུགས་གནང་མཁན་སྐུ་ཞབས་ Steve Jobs ལགས་2011.10.6ཉིན་ཚེ་ལས་འདས་པ་རེད། གསར་འགྱུར་འདི་གོ་མ་ཐག་བདག་གི་ཡིད་སེམས་སྐྱོ་གདུང་གི་འོབས་ཏུ་ལྷུང་ཞིང་། ཁོང་ཉིད་ད་དུང་འཇིག་རྟེན་དཀར་ངོགས་འདིར་ཡུན་རིང་ཙམ་འཚོ་གཞུགས་ཐུབ་ན་ཅི་མ་རུང་སྙམ་པའི་འགྱོད་གདུང་གི་རླབས་རྒྱུན་ཡ་ཆུང་ཁོག་ནས་དྲག་ཏུ་འཕྱུར་མོད། ཐབས་ཤེས་ག་རེ་ཡོད་དམ།
   དེ་ལྟ་ནའང་ཁོང་རང་ཉིད་ལ་མཚོན་ན་བློ་བདེ་བའི་ངང་ནས་འཇིག་རྟེན་འདི་དང་ཁ་བྲལ་ཆོག་ཆོག་ཡོད་དེ། འགྲོ་བ་མིའི་རིགས་ལ་འདི་ལྟ་བུའི་རླབས་ཆེན་གྱི་བྱ་གཞག་སྐྲུན་ཡོད་པས་རེད། ད་དུང་ཁོང་གིས་ང་ཚོར་རིན་ཐང་བྲལ་ཞིང་རིན་པ་མི་དགོས་པའི་ཤུལ་རྫས་རྩ་ཆེན་ཞིག་གནང་ཡོད་པ་དེར། འུ་ཅག་སུས་ཀྱང་ཉིན་རེའི་འཚོ་བའི་ཁྲོད་གཅེས་སུ་ཉར་ཏེ་ལག་ལེན་དུ་འདེབས་རྒྱུ་ནི། ཁོང་ཉིད་རྗེས་སུ་དྲན་པའམ། ཁོང་གི་རེ་འདོད་ལྟར་མི་སུ་ཡང་མ་ཤི་གོང་ནས་རང་རང་གི་མི་ཚེའི་དོན་སྙིང་འཚོལ་སྙེག་བྱེད་པའི་ཐབས་ལམ་ཆེས་བཟང་པོ་དེ་ཡིན་པར་འདོད་དོ།

   སྐོམ་པ་ཆུ་འདོད་ལྟར་ཤེས་བྱ་སྦྱོངས།

5. རླབས་ཆེན་གྱི་མི་སྣ་འདི་ལ་ཧ་ཅང་གི་ཕངས་སེམས་སྐྱེས་སོང༌།
   ༼ལྷ་སའི་ཆོས་གྲོགས་དྲ་ཚིགས་ལས་བཏུས།༽
   ཀུ་ཤུ་རྟགས་ཅན་གྱི་གློག་ཀླད་ཆེ་ཆུང་སྣ་ཚོགས་གསར་གཏོད་གནང་སྟེ། མི་ཡི་རིཌ་ཀྱི་འཚོ་བའི་ཁ་ཕྱོགས་འགྱུར་བ་གཏོང་མཁན་གྱི་ཨ་རི་བ་སྐུ་ཞབས་སེ་ཊེ་ཝེ་ཇོབ་སི་(Steve Jobs: Feb 24, 1955 – Oct 5, 2011)གཟའ་ལྷག་པའི་ཉིན་འདས་གྲོངས་སོང་བའི་ཡིད་སྐྱོའི་གནས་ཚུལ་ཐོན་ཡོད་པ་དང༌། དམ་པ་ཁོང་ནི་མི་དམངས་ཀྱི་དགོས་མཁོ་དང་འཚམས་པའི་དེང་དུས་ཀྱི་འཕྲུལ་ལས་རིག་པའི་སྣེ་ཁྲིད་མཁན་དང་གསར་གཏོད་མཁན། དེ་བཞིན་ཚོང་ལས་མཁས་པ། མ་འོངས་འཕྲུལ་ལས་ཐད་འཛད་མཐའ་མེད་པའི་འཆར་སྣང་སྤྲོད་མཁན་བཅས་སུ་རྩོད་མེད་ཡོངས་གྲགས་ངོས་འཛིན་བྱེད་ཀྱིན་ཡོད་པ་དང༌། ཁ་སང་ཁོང་འདས་གྲོངས་མ་ཕྱིན་པའི་སྔ་ནུབ་རང་ལ་ཀུ་ཤུ་རྟགས་ཅན་གྱི་ཨ་ཡི་ཕོན་༤་ཨསི་(iphone 4S)ཟེར་བའི་ལག་འདོགས་ཁ་པར་གསར་པ་དེ་ལེགས་གྲུབ་བྱུང་བའི་གསལ་སྒྲགས་བྱས་ཡོད་པ་རེད།
   དམ་པ་ཁོང་ནི། དེང་རབས་ཀྱི་ཚན་རིག་ལག་རྩལ་དང༌གསར་གཏོད་ཀྱི་འབྱུང་ཁུངས་ཀྱང་ཡིན་ལ། ཁོང་གི་གསར་གཏོད་དེ་དག་གི་ནུས་ཤུགས་ནི། མཐའ་དང་ཚད་ལས་འདས་པ་ཞིག་ཡིན་པ་རེད། ལྷག་པར་སྤྱི་ཚོགས་ཀྱི་གནས་སྟངས་དང་མི་ཡི་རིགས་ཀྱི་འཚོ་བའི་ཁ་ཕྱོགས་ཐད། སྟབས་བདེ་དང་ཕུན་སུམ་ཇེ་ཚོགས་སུ་གཏོང་བའི་མཛད་རྗེས་བླ་ན་མེད་པར་བཞག་ཡོད་ལ། ཆེས་རླབས་ཆེ་བའི་ཁོང་གི་མཛད་རྗེས་དེ་དག་ནི་མི་རྣམས་ཀྱི་སེམས་ཁམས་སུ་གཏན་དུ་གནས་རྒྱུ་ཡིན་པ་དང༌། ཁོང་གི་མཚན་སྙན་ནི་ནམ་ཡང་མི་ནུབ་པར་ས་ཡི་གོ་ལ་འདིར་ཉི་མ་དང་ཟླ་བ་ལྟར་འཁོར་ནས་སྡོད་རྒྱུ་ཡིན་པ་རེད།

   སྐུ་ཞབས་སེ་ཊེ་ཝེ་ཇོབ་སི་དང་ཁོང་གི་ལས་རོགས་སེ་ཊེ་ཝེ་ཝོ་ཟི་ནིཀ་གཉིས་ནས་ཨ་རིའི་ཀུ་ཤུ་ཚོང་ལས་ཁང་ཐོག་མར་འགོ་བཙུགས་ཤིང༌། སྤྱི་ལོ་༡༩༧༠་ནང་ཨེ་པོལ་ལམ་ཀུ་ཤུ་རྟགས་ཅན་གྱི་ཀམ་པུར་ཊར་དང༌། དེ་ནས་ཀུ་ཤུ་རྟགས་ཅན་གྱི་ཨ་ཡི་ཕོ་ཌི་དང༌ཨ་ཡི་ཕ་ཌི། དེ་ནས་ཨ་ཡི་ཕོམ། ཨ་ཡི་ཕོམ་ལ་ཡང་༣།༤།༤s། སོགས་སྤྱོད་སྒོ་ཇེ་མང་དང་བོང་ཚད་ཇེ་ཆུང་བཟོས་ཏེ། ཆུང་བ་འགའ་ཞིག་ལག་མཐིལ་ནང་ཁུར་ཐུབ་པ་དང༌། བེད་སྤྱོད་ཀྱི་ཐད་ནས་ཁ་པར་དང༌། པར་ཆས། བརྙན་ཆས། ཡི་གེ་འབྲི་ཀློག །ཡིག་འཕྲིན་དང་བརྙན་འཕྲིན་གཏོང་ལེན། གཞས་སོགས་སྒྲ་སྐད་ཕབ་ཉན། ཕྱོགས་སྟོན་འཁོར་ལོ་དང་དུས་སྟོན་ཆུ་ཚོད་སོགས་མ་ཚང་བ་མེད་པར་དེང་དུས་ཀྱི་ཁྱད་ཆོས་མངོན་པའི་འཕྲུལ་ཆས་ངོ་མཚར་ཅན་མང་པོ་བཟོས་ཡོད་པ་དང༌། དེ་དག་ལ་བརྟེན་ནས་མི་ཡི་འཚོ་བ་དང་། བྱེད་སྟངས་ལས་སྟངས་གང་ཅིར་སྤྱི་ཚོགས་ནང་འགྱུར་བ་ཆེན་པོ་ཕྱིན་ཡོད་པ་རེད།

   ཁོང་གིས་གསར་གཏོད་བྱས་པའི་ཕྲུལ་ཆས་རེ་རེ་ཁྱབ་བསྒྲགས་དང་ངོ་སྤྲོད་བྱེད་སྐབས་མི་ཚོགས་མང་པོ་ཚོང་ཁང་གི་སྒོ་ཁར་མཚན་གང་སྒུག་ནས་སྡོད་ཀྱིན་ཡོད་པ་དང་། འཕྲུལ་ཆས་ཀྱི་གོང་ཚད་ཆེ་ཡང་སྤུས་ཀ་ཧ་ཅང་ཡག་པོ་ཡོད་པས་མི་སེམས་རང་དབང་མེད་པར་ཀུ་ཤུའི་ཕྱོགས་སུ་བཀུག་འགྲོ་ཡི་ཡོད་པ་རེད།

   ཁོང་ནམ་རྒྱུན་ཨ་རི་ནང་གི་གྲགས་ཅན་མི་སྣ་གཞན་ལྟར་བརྒྱུད་ལམ་ཁག་ནང་མང་པོ་མཐོང་རྒྱུ་མེད་ཀྱང༌། གསར་གཏོད་བྱས་པའི་བཅའ་དངོས་རེ་ཁྱབ་བསྒྲགས་བྱེད་སྐབས་གསར་འགོད་པ་སྟོང་ཕྲག་མང་པོས་མཐའ་བསྐོར་བའི་སྡེངས་ཆའི་སྟེང་ཡུན་ཙམ་ཐོན་ཡོང་ཞིང༌། སྐབས་དེར་སྤྱིར་བཏང་གི་མི་དཀྱུས་མ་ཞིག་ལྟར་ཆས་གོས་སྟབས་བདེ་ཞིག་གྱོན་པ་དང༌། གདོང་ནས་གད་མོ་འཚེར་འཚེར་ངང་ཡོང་བ་ལས་ང་རྒྱལ་དང་ཁེངས་སེམས་གྱི་རྣམ་པ་གཏན་ནས་མཐོང་རྒྱུ་མེད་པ་དེས་ཀྱང་མི་རྣམས་སེམས་འགུལ་ཐེབས་ཀྱི་ཡོད་པ་རེད།

   ཁོང་གི་གསར་གཏོད་ཀྱི་གྲུབ་འབྲས་ལ་འཛམ་གླིང་གི་མི་ཚང་མས་དགའ་མོས་དང་བསྟོད་བསྔགས་བྱེད་བཞིན་ཡོད་པ་དང༌ཆབས་ཅིག །ལས་རྒྱུ་འབྲས་ལ་མི་བརྩི་བའི་མི་འགའ་ཞིག་ནས། ཀུ་ཤུ་རྟགས་ཅན་གྱི་དངོས་ཟོག་རྫུན་མ་བཟོས་ནས་ཁོང་གི་ཚོང་ལས་ལ་གྱོང་གུད་མང་པོ་བཏང་ཡོད་དེ། ཉེ་ཆར་རང་ཀུ་ཤུ་རྟགས་ཅན་གྱི་དངོས་ཟོག་རྫུན་མ་ཚོང་མཁན་ཁག་མང་པོ་ཞིག་ཤེས་རྟོགས་བྱུང་ཡོད་པ་རེད། འོན་ཀྱང་ད་སྐབས་ཀུ་ཤུ་རྟགས་ཅན་གྱི་བཟོ་ལས་ཁང་ནི་འཛམ་གླིང་ནང་ཕྱུག་ཤོས་ཀྱི་གྲལ་ཡིན་ལ། འཛམ་གླིང་དངུལ་ཁང་ཁག་ནང་དངུལ་དམར་འཇོག་ཚད་དེ་ཨ་རི་གཞུང་ལས་མང་བ་ཡོད་པར་ཚོད་དཔག་བྱེད་བཞིན་ཡོད་པ་རེད།

   ཀུ་ཤུ་རྟགས་ཅན་བཟོ་ལས་ཁང་ནས་ཨ་རིའི་དཔལ་འབྱོར་ཉམས་ཆག་སྐབས་དེ་སྔ་ལས་མང་བའི་མི་མང་པོར་ལས་ཀ་སྤྲད་དེ་དཀའ་ངལ་མང་པོ་ཞིག་སེལ་རོགས་བྱས་ཡོད་པ་དང༌། ཁོང་གི་གསར་གཏོད་དེ་དག་གིས་ཨ་མེ་རི་ཀའི་ཚན་རིག་ལག་རྩལ་དེ་མུ་མཐུད་འཛམ་གླིང་གི་མདུན་དུ་འགྲོ་བཞིན་ཡོད་པའི་གཟུགས་བརྙན་ཞིག་ཀྱང་མངོན་པར་བྱས་ཡོད་པ་རེད། ད་དུང་ཁོང་གི་བཀའ་དྲིན་ལས་ཀུ་ཤུ་རྟགས་ཅན་གྱི་འཕྲུལ་ཆས་དེ་དག་ནང་བོད་ཡིག་བེད་སྤྱོད་ཐུབ་པ་བཟོས་ཏེ། བོད་དང་བོད་ཀྱི་སྐད་ཡིག་རིག་གཞུང་བཅས་ལ་ཡང་བཀའ་དྲིན་བླ་ན་མེད་པ་ཞིག་བསྐྱངས་ཡོད་པ་རེད།

   མཐར་དོན་དུ། རྒྱལ་ཁོངས་ཨ་རི་དང་ཆོས་ལུགས་ནང་པ། བུ་ཕྲུག་གསུམ་ཡོད་པའི་སྐུ་ཞབས་སེ་ཊེ་ཝེ་ཇོབ་སི་ཁོང་ནི། ཆུང་དུས་བདག་མེད་གསོས་ཕྲུག་ཅིག་ནས། བར་སྐབས་སློབ་གྲྭ་མཐར་མ་ཕྱིན་པར་ཁེབས་འོག་ཏུ་ཚོང་ལས་ཆུང་ཙག་གཉེར་ནས་སྡོད་མཁན་ཞིག །ད་སྐབས་འཛམ་གླིང་ནང་གི་ཕྱུག་ཤོས་དང་མཚན་སྙན་ཆེ་ཤོས་ཀྱི་གྲས་སུ་སླེབས་ཀྱང༌། མཐར་དགུང་ལོ་༥༦་མ་བརྒལ་གོང་ནས་ང་ཚོ་དང་ཁ་གྱེས་ནས་ཕེབས་པ་ནི་འགྲོ་བ་མི་རིགས་ཀྱི་ཡར་རྒྱས་དང་གསར་གཏོད་ལ་ཕོག་པའི་གོད་ཆག་ཚབས་ཆེན་ཞིག་ཡིན་པ་རེད། གང་ལྟར་ཁོང་གིས་བརྒྱུད་མྱོང་བའི་ཀྱག་དཀྱོག་གི་བགྲོད་ལམ་དང་བརྩོན་འགྲུས་བཅས་ལ་སློབ་སྦྱོང་དང༌། གྲུབ་འབྲས་དང་མཛད་རྗེས་ལ་བསྔགས་བརྗོད་དང་དྲན་གསོ་བྱེད་བཞིན་ཡོད།

6. ཁོང་ལ་ནང་ཆོས་ཀྱི་ཤན་ཞུགས་ཐེབས་ཚུལ་ལས་ནང་པ་ཡིན་པ་ཐ་གཅིག་ཏུ་བདེན་དཔང་མི་འདུག དེ་རྟེན་ནང་པའི་ཚན་རིག་པ་ཟེར་བ་ནི་ཅུང་ནོར་འཁྲུལ་རེད།

7. i was going through the newspaper in the morning suddenly, i saw Steve Jobs’s photograph in the obituary column. I am very sorry to know that Steve Jobs is no more. He departed from us at such young age.
   He was really a very noble person. He was very intelligent too. Give him a topic and he would tell you everything about it.
   It is given only to human beings to suffer the slings and arrows of outrageous fortune. Please take heart to bear this grievous loss.
   With deep sympathy and love,

8. ཀུ་ཤུ་ལྔ་པ་སྒུག་མཁན་མང་པོ་འདུག

9. ཁོང་མ་གྲོངས་གོང་གི་ཉིན་སྔོན་མ་དེར་ངའི་ipod འཕྲོག་རླག་ཏུ་འགྲོ་སོང་། རྒྱུན་གཏན་ངས་i pod བརྒྱུད་ནས་འཛམ་གླིང་གི་གསར་འགྱུར་ཚང་མ་ཉན་ཐུབ་པ་སོགས་དེ་ནི་ངས་ཆེད་དགའ་སའི་དངོས་པོ་ཞིག་ཡིན།
   དམ་པ་ཁོང་གི་ཡང་སྲིད་སླར་ཡང་འཛམ་གླིང་འདིར་ཕེབས་པར་ཤོག ཁོང་གི་ཕ་ངོ་མ་དེང་སྐབས་རྒྱན་རྩེད་ཁང་ཞིག་གི་བདག་པོ་ཡིན་པ་འདྲ།

10. ཁོང་ནི་Technician་སྟེ་བཟོ་རིག་མཁན་ཅན་ཡིན་པ་ལས་ཚན་རིག་པ་མིན་པས་ཁོང་ལ་ཚན་རིག་པ་ཅེས་བའི་མིང་བཏགས་པ་ནི་དབྱིན་སྐད་དུ་ཁོང་གི་གྲགས་པ་བརྗོད་བཞིན་པའི་དེ་ཉིད་དང་འགལ་འདུག་སྟེ། CNN, BBC སོགས་ཁོང་གི་ལོ་རྒྱུས་ཀྱི་གསར་འགྱུར་དང་ཤོག་ལེབ་རེ་རེ་ན། ཁོང་ནི་འགྲན་ཟླ་བྲལ་བའི་བཟོ་རིག་པའམ་ལག་རྩལ་མཁན་ཅན་གྱི་གསར་གཏོད་པ་ཞིག་ཡིན་ཚུལ་ལས། ལོ་རྒྱུས་དང་རྗས་འགྱུར། དངོས་ཁམས་དང་སེམས་ཁམས་སོགས་གང་ལ་མཁས་ཤིང་བྱུང་དུ་ཆུབ་པའི་ཚན་རིག་པ་( Scientist )ཞིག་ཡིན་ཚུལ་མེད་པས་མགོ་བརྗོད་དུ་ཚན་རིག་པ་ཞེས་བརྗོད་པ་ནི་འབྲི་བ་པོས་རང་བཟོ་ཞིག་ཏུ་མཐོང་། ཡིན་ཡང་དཀའ་ལས་ཀྱིས་བྲིས་ཤིང་གནས་ཚུལ་བོད་ཡིག་ཏུ་འཁོད་པ་བཀའ་དྲིན་ཞུ་འོས་བའི་གནས་སུ་མཐོང་།

11. ཁོང་ནི་ཚན་རིག་པ་ནང་པ་ཞིག་ལས་ནང་པའི་ཚན་རིག་པ་ཡིན་མདོག་མེད། ནང་པའི་ཚན་རིག་པ་ཡིན་ན་ནང་ཆོས་ཀྱི་གནད་ཚད་ཧ་ཅང་མཐོ་བོ་ཡོད་པའི་དགེ་བཤེས་དྲག་གྲས་ཅིག་དགོས་རེད་སྙམ།

12. སྐུ་ཞབས་ཀུ་ཤུ་ལགས་དགོངས་པ་རྫོགས་པར་མྱ་ངན་ཞུ།

13. ཀུ་ཤུ་རྟགས་ཅན་གྱི་གློག་ཀླད་ཨང་རྟགས་ ༥ དེ་ག་དུས་ཐོན་གྱི་རེད་དམ།

14. ཀུ་ཤུ་དཀར་པོ།
    རྣམ་དཔྱོད་མཐའ་ཡས་ཀླུབ་པའི་པའི་སྐྱེས་བུ་ཁྱེད།།
    ཐོས་བརྩོན་ཤེས་རབ་འབབ་ཆུའི་རྒྱུན་ལྟར་བཞུར།།
    གོ་ལ་འདི་ཡི་མངོན་ཐོས་སློབ་དཔོན་ཡང་།།
    གསར་བསྟོད་ཀུ་ཤུ་དཀར་པོ་ཁོ་ན་ཡིན།།
    ནགས་ཀླུང་གསེང་ན་ལུས་པའི་ངེད་ཅག་ལ།།
    ཁྲི་གདུགས་འོད་ཟེར་འཕྲོས་ཏེ་བློ་གསར་བསྐྲུན།།
    རེ་ཞིག་དབྱིག་འཛིན་འདི་ཡི་ཆེད་ལས་མཁན།།
    འགྲན་མེད་ཀུ་ཤུ་དཀར་པོ་ཁྱེད་ལས་སུ།།
    ཚན་མཚོན་གོང་མཐོར་སོང་བའིི་རྩེ་མོ་འདིར།།
    བློ་རྡོལ་ལམ་དུ་ཁྱེད་ཀྱི་སྐུ་ཚེ་འདས།།
    འོན་ཀྱང་སྔར་མེར་མཛད་རྗེས་དེ་དག་ལ།།
    སྐྱེ་བུ་ཀུན་གྱི་འགྲམ་ཆུ་ཡིད་ལས་སྡང།།
    བུ་ཟླ་བ། ༢༠༡༡ ༡༠ ༡༠ ཉིན་བྲིས།

15. ཀུ་ཤུ་རྟགས་ཅན་གྱི་ཁ་དཔར་བཟོ་བཀོད་མཁས་དབང་སྐུ་ཞབས་ Steve Jobs མཆོག་གི་དུས་རབས་ཉེར་གཅིག་པའི་ཐོན་གསར་དམིགས་བསལ་གློག་ཀླད་ཁ་དཔར་ཀུ་ཤུ་རྟགས་ཅན་ནང་གངས་ཅན་བོད་ཀྱི་ཡི་གེའི་གཟུགས་འདི་གསར་འདྲེན་གནང་ནས་ད་ཆ་འཛམ་གླིང་འདིར་སྐྱེ་བོ་མང་པོས་སྟབས་བདེ་པོར་བེད་སྤྱོད་གཏོང་བཞིན་པས་ཁྱེད་ལ་གངས་ཅན་བོད་མི་ཡོངས་ཀྱི་ཚབ་མཚོན་ཐུགས་རྗེ་ཆེ་ཞུ་དང་། ཁྱེད་འཇིག་རྟེན་འདི་ནས་གཏན་དུ་ཞལ་གྱེས་གནང་བར་མྱ་ངན་གུས་བཏུད་ཞུ། དཀོན་མཆོག་གིས་ཁྱོད་ལ་སྐྱོབས་པར་ཤོག

16. གལ་སྲིད་ཡི་གེར་གསལ་བའི་གནས་དོན་ཁག་ངོ་མ་ཡིན་མིན་དཔྱད་པར་ད་ཡོད་དྲྭ་ཐོག་ཏུ་བཀོད་པའི་དབྱིན་ཡིག་དེ་ཉིད་གཏོང་ཡུལ་ཁག་ཅིག་བཀོད་པ་བཞིན་བསྐུར་ཡོད་མེད་དང་། བསྐུར་ཡོད་ཚེ་ད་ཡོད་ཡིག་འཕྲིན་དང་གཏོང་ཡུལ་ཁག་ཏུ་འབྱོར་བའི་ཡི་གེའི་གནས་དོན་ཇི་མ་ཇི་བཞིན་ཡིན་མིན་བལྟ་རྒྱུ་གལ་ཆེ། གལ་ཏེ་དེ་ལྟར་ཡིན་དབང་དུ་བཏང་ན། ཐུབ་བསྟན་རྒྱ་མཚོ་ལགས་ཀྱིས་༸གོང་ས་མཆོག་ལ་མི་ཕྱེད་པའི་དད་པ་ཡོད་ན། སྐུ་མདུན་ནས་ཐུགས་གསོ་གནང་བ་དེ་ཉིད་རླབས་ཆེན་ཡིན་པས། སྐད་ཆ་དེ་གར་རྫོགས་ཤད་བཀོད་པ་ལེགས་ཀྱང་། གཏམ་ཇེ་མང་བཤད་ནས་ཕན་ལས་གནོད་ཆེ་བ་ཡོང་ངེས་འདུག་སྙམ།
    ལར་ནས་འདྲེ་མགོ་རྡོ་ནས། “༸རྒྱལ་བ་རིན་པོ་ཆེར་མཛད་དཀའ་བཟོས་འདུག” ཅེས་པའི་འགོ་བརྗོད་ནས་གནས་དོན་དེ་དང་འབྲེལ་བའི་རྩོམ་སྤེལ་འདུག་ཀྱང་། གལ་སྲིད་རིན་པོ་ཆེ་༸གོང་ས་མཆོག་ལ་མཛད་དཀའ་ཟོ་མཁན་ཡིན་ཚེ། སྐུ་སྒེར་ཡིག་ཚང་དུ་ཕྱག་ལས་གནང་རྒྱུའི་སྐལ་བཟང་གོ་སྐབས་གནང་མི་སྲིད་ཀྱང་དེ་ལྟར་བྱུང་ཡོད་པའང་མཁྱེན་དགོས།
    ད་ལྟའི་རྩོམ་འདིའི་གནས་ཚུལ་ཁུངས་ལྡན་ཡིན་མིན་ཆ་མ་རྟོགས། ཐུབ་རྒྱམ་ལགས་ཀྱིས་གནས་ཚུལ་བདེན་པ་ཁུངས་སྐྱེལ་བྱེད་རྒྱུ་ཡོད་ན། ཕར་ལན་ཚུར་ལན་གྱི་ཡི་གེ་ཁག་གི་འདྲ་བཤུས་བཀོད་དགོས། དེ་མིན་གློག་འཕྲིན་ལྟ་བུ་བཀོད་པའི་བདེན་པ་དེ་ཙམ་བདར་མི་ཐུབ་སྙམ།
    འོན་ཀྱང་རྔ་བ་གཉན་རྒོད་ཅེས་པས་ཟམ་གདོང་རིན་པོ་ཆེ་ལ། “བདེན་པ་རྒྱབ་ལ་འཇོག་མཁན་ཟམ་གདོང་བླ་མ་་ལས་སྡུག་ཟིག་(ཅིག་)གང་ན་ཡོད་་་”ཅེས་གསུངས་འདུག་ཀྱང་། སྐད་ཆ་དེ་ཚོ་ཐལ་དྲགས་པ་རེད། ཟམ་གདོང་རིན་པོ་ཆེས་དབུ་འཁྲིད་པའི་ལོ་ངོ་ ༢༠ ནང་དུ་བཙན་བྱོལ་བོད་མིའི་སྤྱི་ཚོགས་ལ་ལོ་ངོ་ ༣༠ འབྲས་བུ་ལས་ལྷག་པ་བཏོན་གནང་ཡོད་པ་མིག་ཡོད་ཀུན་གྱིས་མཁྱེན་གསལ་རེད། ཁྱེད་རང་གངས་སྐྱིད་ཀྱི་བཀའ་ཤག་ཡོད་སར་རེས་གཟའ་ཉི་མ་ལྟ་བུའི་གུང་སེང་དང་། ཕྱི་དྲོ་ཆུ་ཚོད་ ༥ རྗེས་ནས་ ༨ བར་དུ་འགྲིམས་མྱོང་མེད་པ་འདྲ། གལ་ཏེ་དེ་ལྟར་སླེབས་ཡོད་ཚེ་རིན་པོ་ཆེས་སྐུ་ངལ་ག་ཚོད་བསྐྱོན་པ་ཐུགས་ལ་ལྷང་ལྷང་ཤར་ངེས་རེད། སོང་ཙང་རྒྱུ་མཚན་སྣ་གཅིག་དྲང་རྒྱུ་མེད་པར་རིན་པོ་ཆེས་བདེན་པ་རྒྱབ་ལ་འཇོག་གི་ཡོད་པ་བཤད་ཚེ། ལྷག་བསམ་ཟོལ་མེད་ཀྱི་བོད་མི་ཞིག་གིས་བྲིས་མིན་ཐེ་ཚོམ་གནས་སུ་གྱུར།
    ཡང་ཚངས་དབྱངས་ཞེས་པས་ཀྱང་ཚངས་པའི་དབྱངས་ཡིན་མིན་མི་ཤེས་ཏེ། བརྗིད་རྔམ་ལྡན་པའི་བོད་ཡིག་ཁྲོད་དུ་དབྱིན་ཡིག་ཐུང་ངུ་བཀོད་པའང་དམའ་འབེབས་བྱེད་པ་ཙམ་ལས་རྒྱུ་མཚན་མི་འདུག དེ་འདྲ་སོང་ཙང་། མཆན་འདེབས་མཁན་རྣམས་ཀྱིས་སྒེར་གྱི་ན་ཟུག་འཁྱེར་ནས་རྒྱུ་མཚན་གྱི་གཞི་རྟེན་མེད་པའམ་གཏམ་ལ་འགན་མེད་པའི་སྐྱོན་འཛུགས་མི་གནང་བའི་རེ་བ་ཡོད། ༸གོང་ས་མཆོག་གི་དབུ་འོག་ཏུ་འདས་ད་ལྟ་མ་འོངས་གང་ལ་ཡང་ཟམ་གདོང་རིན་པོ་ཆེ་ལྟ་བུའི་དབུ་འཁྲིད་ཅིག་རྙེད་དཀའ་བའི་སྤོབས་པ་དང་བཅས། གུས་བོད་འབངས་ནས།