ནོར་གླིང་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག དེ་རིང་ཉིན་གུང་བོད་ནང་གི་ཆུ་ཚོད་ ༡༢ ཡོལ་ཙམ་ལ། མདོ་སྨད་གཙོད་གྲོང་ཁྱེར་དང་་ཉེ་ཁུལ་དུ་ཡོད་པའི་རྡོ་དཀར་དགོན་པའི་གཡོན་ངོས་མཆོད་རྟེན་ཉེ་འགྲམ་དུ། ས་གནས་དེ་གའི་ཡུལ་ཚོ་རྫེ་རོའི་སྐྱེས་པ་རང་ལོ་ ༢༧ ཡིན་པ་སངས་རྒྱས་རྒྱ་མཚོ་ལགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་དང་བཅས་རང་བསྲེག་བཏང་བའི་གནས་ཚུལ་བྱུང་བར། ཁོང་གིས་བོད་བསྟན་སྲིད་ཆེད་རང་ལུས་མེར་བསྲེག་བཏང་བར་ཡི་རང་རྒྱབ་སྐྱོར་དང་། ཤུལ་ལུས་ནང་མིར་གདུང་སེམས་མཉམ་སྐྱེད་ཆེད། ནོར་གླིང་ས་གནས་མི་མང་དང་བཙུན་དགོན་སྒྲོལ་མ་གླིང་། འཆི་མེད་དགའ་ཚལ་གླིང་བཅས་སུ་གནས་སྡོད་སེར་སྐྱ་མི་མང་བཞི་བརྒྱ་མ་ཟིན་ཙམ་ཞིག་འཆི་མེད་དགའ་ཚལ་གླིང་དུ་འཛོམས་ཏེ། མཆོད་འབུལ་སྨོན་ལམ་ཚུགས་ཡོད་པ་དང། ནོར་གླིང་ས་གནས་བོད་རིགས་སྤྱི་མཐུན་ཚོགས་པའི་ངོས་ནས་བོད་ཕྱི་ནང་དུ་ཛ་དྲག་གནས་ཚུལ་ནམ་བྱུང་སྐབས་མར་མེ་ཁྲོམ་སྐོར་དང་། མཆོད་འབུལ་སྨོན་ལམ་སོགས་སྐབས་འབྲེལ་ཞུ་སྒོ་ཁག་ཆེད་སྒྲུབ་ཞུ་ཡི་ཡོད་པ་བཅས་ཀྱི་གསར་གནས་སུ། སྤྱི་ལོ་ཉིས་སྟོང་བཅུ་གཉིས་ཟླ་བཅུ་པའི་ཚེས་དྲུག་ཉིན།
ནོར་གླིང་ས་གནས་བོད་རིགས་སྤྱི་མཐུན་ཚོགས་པ་ནས།
ནོར་གླིང་བོད་རིགས་སྤྱི་ཚོགས་ལ་ཡི་རངས་ཞུ།
ནོར་གླིང་དུ་མེ་བསྲེགས་ནམ་གཏོང་ལ་འདི་ལྟར་ན་ཎི་གསོག་སྒྲུབ་དང་མར་མེ་ཁྲོམ་བསྐོར་བྱེད་ཀི་ཡོད་ནི་རེད་མོད། དུས་བབ་དྲ་ཚིགས་ཚང་གིས་མ་གོ་ནི་རེད།