མཁོ་སྤྲོད་པ་སྤྱན་ཆབ།
སྤྱི་ཟླ༡༠ཚེས་༢༧ཉིན་ནོར་བུ་གླིང་གར་གནས་བསྡོད་ཆབ་སྲིད་བཙོན་ཟུར་ཕུན་ཚོགས་ཚེ་རིང་ལགས་གཙོས་རྒན་བློ་གྲོས་རྒྱ་མཚོ་མགོན་པོ་གསུམ་གྱིས་མ་སྐུལ་དང་བླང་གིས་ཚེས་༢༥ཉིན་རང་ལུས་མེར་མཆོད་བཏང་བའི་ཁམས་དཀར་མཛེས་དགོན་ཆེན་གྱི་གྲྭ་ཟླ་བ་ཚེ་རིང་ལགས་གཙོ་བྱས་བོད་ནང་གི་རྒྱལ་གཅེས་དཔའ་བོ་དཔའ་མོ་རྣམ་པར་དང་གདུང་སེམས་མཉམ་སྐྱེད་དུ་གཞི་རྒྱ་ཆེ་བའི་མར་མེའི་ཁྲོམ་སྐོར་བཀོད་སྒྲིག་བྱས་འདུག
ཕྱི་དྲོའི་ཆུ་ཚོད་དྲུག་དང་ཕྱེད་ཀའི་སྟེང་ནོར་བུ་གླིང་གའི་གཙུག་ལག་ཁང་ནས་དབུ་འཛུགས་གནངས་ཏེ་དཔལ་སྟོད་རྒྱུད་གྲྭ་ཚང་བར་དུ་མར་མེའི་ཁྲོམ་སྐོར་བྱས་པ་དང་།དེར་མཉམ་ཞུགས་གནང་མཁན་བོད་མི་དམངས་སྤྱི་འཐུས་ཀྱི་ངོ་ཚབ་མི་སྣ་དང་། གཞོན་ནུ་ཚོགས་པའི་ངོ་ཚབ།བུད་མེད་ཆོགས་པའི་ངོ་ཚབ། གཙོ་ཆེར་ནོར་བུ་གླིང་ག་བོད་ཀྱི་རིག་གཞུང་གཅེས་སྐྱོང་ཁང་གི་ལས་མི་གང་མང་དང་།འཆི་མེད་དགའ་ཚལ་གླིང་དང་སྒྲོལ་མ་གླིང་རིགས་ལམ་སློབ་གཉེར་ཁང་གི་གྲྭ་བཙུན་དང་བཙུན་མ་གང་མང་།ཤེས་རབ་དགའ་ཚལ་སློབ་གླིང་གི་སློབ་མ་ཡོངས་དང་ཉེ་འཁོར་གྱི་མི་དམངས་གང་མང་བཅས་ཁྱོན་མི་གྲངས་སུམ་བརྒྱ་སོན་པ་ཞིག་གིས་མགྲིན་གཅིག་དབྱངས་གཅིག་གིས་བྱང་ཆུབ་སེམས་མཆོག་མ་སྐྱོར་ནས་འདུ་རར་འཛོམས།
ཚོགས་ཐོག་ཏུ་བཀོད་སྒྲིག་པ་ཕུན་ཚོགས་ཚེ་རིང་ལགས་ཀྱིས་ལས་འགུལ་འདིའི་བྱུང་བ་དང་དགོས་པ་དམིགས་ཡུལ་གྱི་གཏམ་བཤད་དང་བོད་མི་དམངས་སྤྱི་འཐུས་ལྷན་ཚོགས་ནས་མདོ་དབུས་ཁམས་གསུམ་ཀྱི་ཚབ་མཚོན་མི་སྣ་གསུམ་༼རྨོག་རུ་བསྟན་པ།ལ་ཐང་འཇམ་བཟོད། ཀརྨ་ཡེ་ཤེས།༽གྱི་ཚབ་ཏུ་ཀརྨ་ཡེ་ཤེས་ལགས་ཀྱིས་གཏམ་བཤད་དང་། ཀིརྟིའི་སྒྲོལ་དཀར་ལྷ་མོས་གཏམ་བཤད། དབུས་གཞོན་ནུའི་རིག་གཞུང་འགན་འཛིན་འཇིགས་མེད་ལགས་དང་བཅས་པས་གཏམ་བཤད་གཅིག་ལས་གཅིག་བརྗིད་གནངས་རྗེས་མཐར་དཔལ་ལྡན་རྒྱུད་སྟོད་གྲྭ་ཚང་གི་ཕྱག་མཛོད་ལགས་ཀྱིས་གཏམ་བཤད་ཐུང་ངུ་བྱས་རྗེས་མི་མང་ཡོངས་ནས་བོད་རྒྱལ་ཁབ་ཆེན་མོའི་རྒྱལ་གླུ་དང་ཚད་མེད་ཡོན་ཏན་མའི་བསྔོ་སྨོན་གྱིས་འཇུག་སྒྲིལ་བ་ལགས་སོ།།
ཁར་ནུབ་ང་རང་ཡང་དངོས་སུ་སོང་བ་ཡིན་མོད་རང་ངོས་ནས་དེ་འདྲའི་མི་མང་པོ་ཞིག་མི་འདུག་བསམ་སོང་མོད་རྗེས་སུ་གྲོགས་པོ་ཚོས་གསུང་བར་གཞིག་ན་མི་གྲངས་ཆིག་སྟོང་མ་ཟིན་ཙམ་ཞིག་ཡོད་རབས་ཞེས་གསུང་བས་ན་དྲ་བདག་ལགས་ཀྱིས་དེ་ལྟར་བསྒྱུར་བཅོས་གཏོང་རོགས་ཞུ།
ཡི་རངས་བསྔགས་བརྗོད་ཞུ།
“མཉེས་གཤིན་བྱམས་བརྩེས་འགྲོགས་ཐབས་འཚེ་མེད་ལམ། །
མཐའ་གཉིས་སྤངས་པ་གཉིས་སྨན་དབུ་མའི་ལམ།།
འཇིགས་རུང་དྲག་མཚོན་མ་མཆིས་ཞི་བདེའི་ཡུལ།།
བསྐྲུན་པའི་ཐབས་ཚུལ་འགྲུབ་པའི་མཐུ་དཔུང་སྐྱེད།།”
བྱང་ཆུབ་སེམས་མཆོག་དང་ལྷན་དུ་ཡིད་བཞིན་ནོར་བུའི་ལྗགས་རྩོམ་འདི་ཉིད་ཀྱང་ཧ་ཅང་གལ་ཆེ་སྙམ། དེ་སྔར་ང་ཚོས་མཐུན་ཚོགས་ཀྱིས་མར་མེ་ཁྲོམ་སྐོར་ཅིག་གནང་དུས་འདི་ཉིད་དབྱངས་སུ་གྱེར་བ་ཡིན། ཡིན་ན་ཡང་དར་སྤེལ་གཏོང་མཁན་བྱུང་མ་སོང།
རྗེས་མ་ནས་མར་མེ་ཁྲོམ་སྐོར་དང་འཕྲེད་དར་སོགས་སུ་ཚིགས་བཅད་འདི་ཉིད་གང་མང་དར་སྤེལ་ཐུབ་རྒྱུ་ཧ་ཅང་གལ་ཆེ་བས་དེ་དོན་འབྲེལ་ཡོད་ལས་འགུལ་སྤེལ་མཁན་ཡོངས་ནས་ཐུགས་སྣང་ཡོང་བ་ཞུ།
སྤྱི་ཟླ་༡༠་ཚེས་༢༧་ཉིན་ནོར་བུ་གླིང་གར་གནས་བསྡོད་ཆབ་སྲིད་བཙོན་ཟུར་ཕུན་ཚོགས་ཚེ་རིང་ལགས་ཀྱིས་མར་མེའི་ཁྲོམ་སྐོར་བཀོད་སྒྲིག་དེར་དཔལ་ལྡན་རྒྱུད་སྟོད་གྲྭ་ཚང་གི་གྲྭ་མང་གསུམ་བརྒྱ་ལྷག་མཉམ་ཞུགས་གནང་ཡོད་པ་མ་ཟད་བཏུང་ཆུ་ཝུ་སིབ་ཁུ་ནག་རེ་མི་མང་ལ་སྦྱིན་བདག་བྱས་ཡོད།
ཟིན་བྲིས་པ་ཤིག་གིས་ཡ་མངའ་བའི་མེ་བསྲེག་གཏོང་མཁན་ཞིག་གི་ཀློག་བརྙན་ཐུང་ཐུང་ཞིག་འདིར་བཞག་
འདུག་པ་འདིས་ངེད་ཅག་ཚང་མི་སྐྱེད་བཟོས་སོང་། ངས་འདིར་བཤད་དགོས་དོན་༧གོང་ས་མཆོག་གི་སྤྱན་ལམ་དུ་འདི་འདྲ་མ་བསྟན་ན་བཟང་། པན་ཆེན་སྐུ་གོང་མ་ཡངཁོང་གི་སྐྭ་འཁོར་རྩིས་ཅན་འགའ་རླངས་འཁོར་ནས་བསད་པ་ཐོས་འབྲེལ།
ང་མེད་ན་ཡང་བོད་དོན་ཡོད། ཁྱོད་ཀྱང་མེད་ནའང་བོད་དོན་འགྲིག་འགྲོ་རྒྱུ་རེད།
འོན་ཀྱང་༧གོང་ས་མཆོག་་་་་་་་ཕྱི་ནང་ཀུན་ལ་མཁོ་བའི་དུས་རེད།
རྩོམ་པ་པོ་ལགས། ༼སྒྲོལ་མ་གླིང་རིགས་ལམ་སློབ་གཉེར་ཁང་གི་གྲྭ་བཙུན་དང་བཙུན་མ་གང་མང་།༽ ཟེར་སྲོལ་ལ་བལྟས་ན་སྒྲོལ་མ་གླིང་ལ་གྲྭ་བའང་ཡོད་པ་འདྲ། དེ་འདྲ་རེད་དམ།
ཧེ་ཧེ་ཧེ། ད་ཡིན་ན་འབྲི་རྩལ་ཆེ་བ་ལ་དཔེ་རེད། འཆི་མེད་དགའ་ཚལ་གླིང་གི་གྲྭ་བཙུན་རྣམས་སྒྲོལ་མ་གླིང་གི་སྣེ་མོར་སྦྱར། སྒྲོལ་མ་གླིང་གི་བཙུན་མ་རྣམས་ཕར་ཙམ་དེད། ཧ་ཧ་ཧ། ཨ་ཅང་སྐུ་རྩེད་ཡིན། ༼འཆི་མེད་དགའ་ཚལ་གླིང་གི་གྲྭ་བ་དང་སྒྲོལ་མ་གླིང་གི་བཙུན་མ་༽ཞེས་བྲིས་ན་བདེ་བ་མི་འདུག་གམ། བསམ་འཆར་ཡིན་དཱ།