ནམ་མཁའ།
ཁ་སང་དེ་རིང་པེ་ཅིན་གྱི་དབང་འཛིན་པ་ཚོའི་མདུན་ཅོག་འོག་ལ་ས་འགུལ་ཆེན་པོ་ཞིག་བྱུང་ཡོད། ས་འགུལ་འདི་ནི་སྔར་བྱུང་མ་མྱོང་བ་ཞིག་རྩ་བ་ནས་མིན། མའོ་ཙེ་ཏུང་གི་སྐབས་ནས་བྱུང་བའི་རྒྱ་ནག་དམར་ཕྱོགས་ཀྱི་ལུགས་སྲོལ་གྱི་ས་འགུལ་ཞིག་ཡིན། དཔེར་ན་མའོ་དང་ལུའུ་ཧྲོ་ཆི་གཉིས་བར་གྱི་མདུན་ཅོག་འོག་ལ་ཡང་ས་ཡོམ་ཆེན་པོ་བྱུང་བ་མ་ཟད། མའོ་ཡི་དབང་ཤུགས་དང་གཡོ་སྒྱུས་ལུའུ་ཧྲོ་ཆི་བཙོན་ཁང་དུ་བཅུགས་ཏེ་ཐ་མ་དེ་གར་མི་ཚེ་རྫོགས་པ་རེད།
སྔོན་ས་འགུལ་དེ་མ་བྱུང་བའི་སྔ་རོལ་དུ་ལུའུ་ཧྲོ་ཆི་ཡི་སེམས་ནང་དུ་ཁོ་བཙོན་ཁང་ནས་ཤི་བ་ཞིག་ཡིད་ལ་ཡང་དྲན་མྱོང་མེད་ལ། གལ་སྲིད་སྐབས་དེར་མི་ཞིག་གིས་ཁོ་རང་ལ་ཁྱོད་བཙོན་ཁང་ནས་འཆི་གི་རེད་ལབ་པ་ཡིན་ན་ལབ་མཁན་མི་དེ་ཁོས་ལམ་སེང་ནག་ཉེས་ཆེན་པོ་ཞིག་གི་ཞྭ་མོ་གཡོགས་ཏེ་བཙོན་ཁང་དང་དམར་གསོད་གང་རུང་བྱེད་སྲིད། ཡིན་ཡང་ཁོའི་རྨི་ལམ་དུ་ཡང་ཡོང་མ་མྱོང་བའི་དོན་དག་དེ་ཁོ་གཅིག་བུ་མ་ཡིན་པར་དམག་དཔོན་ཆེན་མོ་ཕིན་ཏྭེ་ཧྭེ་དང་ཏིན་ཞོ་ཕེན་སོགས་དབང་འཛིན་པ་མང་པོ་བཙོན་ཁང་ནང་བཅུགས་ཏེ་མང་པོ་ཞིག་དེར་ལྟོགས་ཤི་ཐེབས་པ་ཡང་བྱུང་ཡོད།
སྐབས་དེའི་པེ་ཅིན་གྱི་སྲིད་དོན་དབང་འཛིན་པ་ཚོའི་བར་གྱི་ས་འགུལ་དེར་གཡོ་ཐབས་ལ་མའོ་ཙེ་ཏུང་གིས་རིག་གནས་གསར་རྗེ་ཡི་ལས་འགུལ་སྤེལ་ཏེ་རྒྱ་ནག་རྒྱལ་ཡོངས་སྨྱོ་མཆོངས་བྱེད་དུ་བཅུགས། ཡིན་ཡང་སྐབས་དེར་ནག་ཉེས་མ་བྱུང་བར་མའོ་ལ་བསྟུན་གང་ཐུབ་བྱེད་མཁན་ནི་ཀྲོའུ་ཨེ་ལིན་དང་བོད་ཀྱི་སྐུ་དྲག་ང་ཕོད་འཇིགས་མེད་གཉིས་ཡིན། ༡༩༧༦ལོར་རྨི་ལམ་གྱི་ཞིང་དུ་ཡོད་པའི་མའོ་ཙེ་ཏུང་གི་བཟའ་ཟླ་ཅང་ཆིན་གྱི་བློ་ཡུལ་ལས་འདས་བའི་དོན་དག་ཞིག་བྱུང་ཡོད།དེ་ནི་མའོ་ཚེ་ལས་འདས་ཏེ་ཁོའི་ཚབ་ལ་ཧྥ་གོ་ཧྥུན་སླེབས། མ་ཟད་ཅུང་མ་འགོར་བར་ཏིན་ཞོ་ཕེན་ཐེངས་གསུམ་པ་བཙོན་ཁང་ནས་རོ་ལངས་རྒྱབ་སྟེ། མི་བཞི་ཕྱོགས་ཁག་ཞེས་བའི་གུང་ཁྲན་དང་སྤྱི་ཚོགས་རིང་ལུགས་ཀྱི་སྐྱོན་ཆ་ཚང་འགེལ་ས་ཞིག་བཙལ་ཏེ་མའོ་ཡི་ཆུང་མ་ཅང་ཆིན་སོགས་མི་བཞི་བོ་བཙོན་ཁང་དུ་བཅུགས་ཏེ་མི་ཚེ་ཡང་བཙོན་ཁང་ནས་རྫོགས། དྲང་མོར་བཤད་ན་ཏིན་ཞོ་ཕེན་གྱིས་མའོ་ཙེ་ཏུང་ལ་སྙིང་ནད་རྩད་པ་ཞིག་ཡིན་པ་ཀྲུང་གོའི་དཔྱིད་ཀའི་ཐོག་ན་ཡང་རྒྱ་མི་རིགས་ཁོང་ཚོས་བྲིས་ཡོད། ཏིན་ཞོ་ཕེན་གྱིས་ཏང་གི་དབང་ཆ་ཡོངས་རྫོགས་བཟུང་སྟེ་མི་དམངས་དང་འཛམ་གླིང་གི་མིག་མདུན་ལ་ཧའོ་ཡོ་པང་བཞག་པ་རེད། ཏིན་ཞོ་ཕེན་གྱིས་མི་བཞི་ཕྱོགས་ཁག་རྩ་རྫོགས་བྱས་ཏེ་མི་དམངས་ཀྱི་སེམས་ཁམས་དང་ཁོའི་བྱ་སྤྱོད་གཡོ་ཐབས་ཞིག་ལ། ཁོས་དེང་རབས་ཅན་བཞི་མངོན་འགྱུར་བྱེད་དགོས་ཞེས་མི་དམངས་ལ་ཀུ་ཡངས་ལྟ་བུ་སྦྱིན་ཏེ་ས་ཞིང་དང་རྒྱུ་ནོར་སོགས་སྒེར་བདག་ཏུ་བསྒྱུར་བ་རེད། མི་དམངས་ཡང་དེའི་ནང་མགོ་བོ་འཐོམས། སྐབས་དེར་དེང་སང་ཨ་རི་ན་ཡོད་པའི་རྒྱ་ནག་གི་དམངས་གཙོ་ཆེན་མོ་བ་ཝེ་ཅན་ཧྲེན་གྱིས་དམངས་གཙོ་དེང་རབས་ཅན་ཞེས་རྩོམ་ཡིག་ཞིག་སྤེལ་བས་ཁོ་ལོ་ཉི་ཤུ་ལྷག་བཙོན་དུ་བཅུགས།
ཏིན་ཞོ་ཕེན་བཙོན་ཁང་ནས་རོ་ལངས་ཐེངས་གསུམ་པ་རྒྱབ་ནས་ལག་ཏུ་དབང་ཆ་ཡོངས་སུ་བཟུང་སྟེ་ཁོ་ཨ་རིར་བལྟ་སྐོར་ལ་སོང་། དེ་དུས་ཁོའི་གྱོན་ཆས་ཡང་སུང་ཀྲོན་ཧྲན་གྱི་སྐབས་ཀྱི་སྟོད་ཐུང་དེའི་རིགས་གྱོན་ཡོད་པས།འཛམ་གླིང་གི་ཆབ་སྲིད་ཉམས་ཞིབ་པ་དང་གསར་འགོད་པ་ཡོངས་ཀྱིས་རྒྱ་ནག་ལ་བཅོས་བསྒྱུར་གནམ་ས་ལྟ་བུ་ཞིག་འབྱུང་བའི་ཚོད་དཔག་བྱས་ཡོད། མའོ་ཡི་དུས་དང་བསྡུར་ནས་བཤད་ན་བཅོས་བསྒྱུར་ཡང་ཅུང་ཟད་གུ་ཡངས་བཏང་ཡོད། ཡིན་ཡང་ཐབས་སྐྱོ་བ་ཞིག་ལ་ཕྱིར་ནུབ་ཕྱོགས་ནས་རྒྱ་ནང་ལ་འོང་སྟེ་རྒྱ་ནག་གི་ཚོགས་ཆེན་ཞིག་གི་སྟེང་ཏིན་གྱིས་ཡང་བསྐྱར་ཁོའི་གོན་པ་ཆ་ཚང་དམག་ཆས་སྦྲས་ཏེ་ཚོགས་ཐོག་ལ་ཡོང་བས་འཛམ་གླིང་གི་ཆབ་སྲིད་ཉམས་ཞིབ་པ་དང་གསར་འགོད་པ་ཡོངས་མགོ་བོ་ཐོམས་སུ་བཅུགས།མ་ཟད་བཅོས་བསྒྱུར་ལམ་ཁ་དེ་ནི་རིག་གནས་གསར་བརྗེ་ཡི་ལམ་ཁ་ལས་ཅུང་ཟད་བརྒལ་བ་ཁོ་ན་ཡིན། ཧུའུ་ཡོ་པང་དང་ཀྲོ་ཙི་དབྱངས་གཉིས་ཡང་བཅོས་བསྒྱུར་གྱི་འཁྱོགས་མཚམས་ཞིག་ནས་ཁོ་གཉིས་ཀྱི་སྟེང་ལ། གུང་ཁྲན་ཏང་གིས་མི་འདོད་པའི་མི་དམངས་རང་དབང་དང་དྲང་བདེན་གྱི་གཏམ་དེ་དག་ནག་ཉེས་སུ་བརྩིས་སྟེ་བཙོན་ཁང་དུ་བཅུགས་པས་མི་ཚེ་ཡང་དེ་ལྟར་མཇུག་སྒྲིལ།
གཉིས་པ། ཅང་ཧའོ་གཉིས་ཀྱི་བར་ལ་འགལ་ཟླ་ཅི་ལྟར་བྱུང་བ་ཡིན་ནམ།
ཕྲན་གྱིས་མི་ཕལ་བ་ཞིག་གི་ལྟ་སྟངས་ནས་བཤད་ན། ཁ་སང་དེ་རིང་ཅང་ཧའོ་བར་གྱི་འགལ་ཟླ་འདི་ནི་བཅོས་བསྒྱུར་གྱི་འཁྱོགས་མཚམས་ཞིག་ཡིན་མོད། འོན་ཀྱང་ཁོ་གཉིས་བར་གྱི་འགལ་ཟླ་རྣོ་ངར་ཅན་འདི་ནི།ཧའོ་ཆིན་ཐའོ་སྲིད་འཛིན་གྱི་གོ་གནས་ལག་ཏུ་སླེབས་མ་ཐག
དམག་གི་དབང་ཤུགས་དང་ཆ་ཚང་ཅང་ཙི་མེན་གྱིས་བཟུང་སྟེ་ལོ་གཅིག་ལྷག་ལ་ཧའོ་ཆིན་ཐའོ་ལ་སྤྲད་མེད་པ་མ་ཟད།ཚོགས་ཆེན་སོགས་ཀྱི་ཐོག་ནས་དབང་ཤུགས་བཟུང་སྟེ་གཏམ་བརྗོད་ཡང་བྱས་ཡོད། སྐབས་དེར་རྒྱ་རིགས་ཕྱི་སྡོད་དམངས་གཙོ་དོན་གཉེར་བ་ཚོས་ཧའོ་ལ་དཔེར་མཚོན་སྙིང་རྗེ་མོ་གྱི་སྒོ་ནས་ཟུར་ཟ་བྱས་བ་ཡང་མནའ་མ་གསར་བའི་ལག་ཏུ་ད་རུང་ཁྱིམ་ཚང་གི་དབང་ཆ་མེད་པར་ནང་ལས་ཆུང་ཚགས་རིགས་ལས་ཀྱི་ཡོད་པ་རེད་ཟེར་ནས་ཅང་ཧའོ་གཉིས་ཀ་དམའ་འབེབ་བྱས། མི་སུ་ཡིན་རུང་མཐོང་ཆུང་དང་འཇོན་ཐང་མེད་པའི་བསམ་བློ་ཁྱེར་སྟེ་ཟུར་ཞིག་ནས་བཀའ་བཀོལ་བྱས་ཚེ་སེམས་སུ་ན་ཟུག་འབྱུང་བ་མི་ཡི་ཆོས་ཉིད་ཞིག་ཡིན། དེས་རྐྱེན་ཁོ་གཉིས་ཀྱི་བར་ལ་རང་བཞིན་གྱིས་འགལ་ཟླ་གྱུར་བ་རེད་སྙམ།
གང་ལྟར་པའོ་ཞེ་ལེ་ལ་ནག་ཉེས་མང་པོའི་སྐྱོན་འཛུགས་བྱེད་པ་འདི་གོང་གི་གནས་ཚུལ་རིམ་པ་བྱུང་སྟངས་ནས་ཤེས་བའི་གུང་ཁྲན་ཏང་གི་དབང་འཛིན་པ་ཚོའི་བར་ལ་ས་ཡོམ་བྱུང་བའི་ལུགས་སྲོལ་ལྟ་བུ་ཞིག་ཡིན། སྐྱོན་ཆ་ཚང་མི་ཞིག་བཙལ་ནས་དེའི་ཐོག་འཇོག་པ་ཏང་གི་ལུགས་སྲོལ་རེད། དེ་མིན་གུང་ཁྲན་ཏང་ཐོག་མཐའ་བར་གསུམ་དུ་ཡང་དག་ཡིན་པ་ལས་ནོར་འཁྲུལ་མེད་པ་འདས་མ་ད་གསུམ་གྱི་ཏང་གི་དབང་འཛིན་པ་ཚོའི་ལྕེ་ཐོག་གི་རི་མོ་དེ་བསུབ་ཐུབ་མེད། བར་མཚམས་འདི་ནས་བོད་ནང་གི་བོད་མི་ཡོངས་ཀྱིས་གང་གཟབ་བྱས་ཏེ་ལྷིང་འཇགས་ཀྱིས་སྡོད་དགོས་བ་གལ་ཆེན་རེད་སྙམ།མ་གཞི་ནས་བོད་མི་ཡོངས་ཀྱིས་མཁྱེན་ཡོད་ངེས་རེད། གལ་སྲིད་ཞི་རྒོལ་ཕྲན་བུ་རེ་བྱུང་ཚེ་རྒྱ་མི་རིགས་ཀྱི་མགོ་བོ་མནོན་ཕྱིར་ང་ཚོ་བོད་མི་ཚོར་ཧའོ་ཡི་དྲག་སྤྱོད་ཚད་ལས་འདས་བ་བྱེད་ངེས་ཡིན་པས་བོད་ནང་གི་བོད་མི་ཚོས་གང་གཟབ་བྱེད་རྒྱུ་རེ་བ་ཤིན་ཏུ་ནས་ཆེ།
པེ་ཅིན་གྱི་དབང་འཛིན་པ་ཚོའི་བར་གྱི་ས་ཡོམ་འདི་ལ་བོད་མི་མང་པོས་རེ་བ་བྱེད་མི་སྲིད་པ་ཞིག་མིན།ཕྲན་གྱིས་བསམ་ཚུལ་ལ་རེ་བ་ཆེན་པོ་ཞིག་ཡོད་པར་མི་འདོད།དཔེར་ན་ཁྱིམ་ཚང་ཞིག་གི་སྤུན་གཉིས་ཀྱིས་ཕ་ཤུལ་གྱི་དབང་དང་རྒྱུ་ནོར་ལ་རྩོད་པ་རྣོ་ངར་ཅན་ཞིག་ཏུ་གྱུར་ཡོད་དུས། མི་ཚང་གཞན་ཞིག་གིས་ཁོ་གཉིས་ལ་རྙོག་དྲ་སླངས་ཚེ།ཁོ་གཉིས་མཉམ་རུབ་ཀྱིས་མི་ཚང་གཞན་དེ་རྒོལ་རྒྱུ་ཡིན་པ་བཞིན་ཐག་གཅོད་ཡིན།དེ་ཡང་འཇའ་པན་ལ་གུང་ཁྲན་ཏང་དང་གོ་མིན་ཏང་གཉིས་ཀྱི་མཉམ་རུབ་ཀྱིས་དམག་རྒྱབ་པ་ལྟ་བུ་རེད། ཐ་མའི་དྲི་བ་ཞིག་དང་བསམ་གཞིགས་ཞིག་ཡོད་པ་ནི། སྲིད་འཛིན་ལས་ཐོག་པ་ཧའོ་ཆིན་ཐའོ་དང་མ་འོངས་བའི་སྲིད་འཛིན་ཞིན་ཅིན་ཕེན་གཉིས་ཀྱི་བར་ལ་འགལ་ཟླ་ཞིག་འབྱུང་རྒྱུ་ཡིན་ནམ།གལ་སྲིད་འབྱུང་ན་ཅི་ལྟར་འབྱུང་ངམ་། ཧའོ་ཆིན་ཐའོ་ཡིས་ཁོའི་ལག་ཏུ་དབང་ཆ་ཚང་སྲིད་འཛིན་གྱི་ཉི་མ་དང་པོ་ནས་འཇོག་གི་རེད་དམ། གལ་སྲིད་ཧའོ་ཆིན་ཐའོ་ཡིས་ཞིན་ཅིན་ཕེན་ཡི་ལག་ཏུ་དབང་ཆ་ཡོངས་རྫོགས་མ་བཞག་པར་དུས་ཡུན་ཅུང་འགོར་ཚེ། དེ་རིང་གི་ཅང་ཧའོ་བཞིན་འགལ་ཟླ་འགྲོ་རྒྱུ་ཡིན་ནམ། ཡང་ན་དེ་རིང་གི་ཕྱོགས་ཁག་གཅིག་བཞིན་སྡོད་རྒྱུ་ཡིན་ནམ།
ཕྲན་ལ་ད་རུང་ཡང་ཤེས་འདོད་ཡོད་པའི་གནས་ཚུལ་ཞིག་ནི། ཞིན་ཅིན་ཕེན་ལ་རྒྱ་ནག་སྲིད་འཛིན་གྱི་ཐོབ་གོ་གནས་འདི་ཅི་ལྟར་སྤྲད་པ་ཞིག་ཡིན་ནམ། སྔོན་ཅང་ཙེ་མེན་ལ་༨༩ལོའི་དོན་རྐྱེན་བྱུང་སྐབས་ཁོ་ཧྲང་ཧེ་གྲོང་ཁྱེར་གྱི་འགོ་འཛིན་རེད།དེ་དུས་ཁོས་ཧྲང་ཧེ་ཡི་སློབ་ཕྲུག་ཚོར་ཡར་ལངས་བྱེད་དུ་མ་བཅུགས་པར་བཙན་གནོན་བྱས་བ་ལ་རྟེན་ཁོ་རྒྱ་ནག་གི་སྲིད་འཛིན་ལ་ཏིན་གྱིས་ཐག་གཅོད་བྱས་བ་ཞིག་རེད། ཧའོ་ཆིན་ཐའོ་ཡང་༨༧་ལོར་བོད་རང་སྐྱོང་ལྗོངས་ཀྱི་ཞི་རྒོལ་བྱེད་དུས་ཁོས་དམར་གསོད་ཚད་ལས་འདས་བ་བྱས་བ་དང་པཎ་ཆེན་སྐུ་གོང་མ་ཟས་དུག་གྱིས་དཀྲོངས་བ་ལ་རྟེན་ཏིན་གྱིས་ཐག་གཅོད་བྱས་བ་རྒྱ་མི་རིགས་དང་བོད་མི་རིགས་གཉིས་ཀྱིས་ཐུན་མོང་གི་ཁས་ལེན་བྱེད་ཀྱི་ཡོད། ཡིན་ཡང་སང་ཉིན་གྱི་སྲིད་འཛིན་རྐུབ་སྟེགས་ལ་སྒུགས་བཞིན་པའི་ཞིན་ཅིན་ཕེན་རྒྱུ་མཚན་གང་ལ་རྟེན་ནས་སྲིད་འཛིན་གྱི་གོ་གནས་ལ་ཐག་གཅོད་བྱས་བ་ཡིན་ནམ། དྲི་བ་འདི་དག་བདག་ལ་མཚོན་ན་གལ་གནད་ཆེན་པོ་ཞོག་ཏུ་མཐོང་།
༡༣/༤/༢༠༡༢ལ་བྲིས།
ཕྲན་གྱིས་འོག་གི་དྲི་བ་འདི་དག་ལ་བསམ་གཞིགས་བྱས་ཏེ་དྲ་གྲོགས་ཚོས་བགྲོ་གླེང་ཞིག་བྱས་ན་ལེགས་སྙམ་པས།ཕྲན་གྱིས་བསམཚུལ་ལ་ཞིན་ཅིན་ཕེན་སྲིད་འཛིན་གྱི་གོ་གནས་སྤྲད་པ་འདི་དམར་ཕྱོགས་ཀྱི་ལྟ་བ་མཁྲེགས་འཛིན་བྱེད་ཆེད་སྤྲད་པ་རེད་སྙམ།གོང་གི་ཧོ་ཆིན་ཐོ་དང་ཅང་ཙེ་མིན་གཉིས་ལ་ཡང་དེ་ལྟར་རེག་པ་རེད། ད་ཐེངས་ཕལ་ཆེརཧོ་ཡིས་འདེམས་བསྐོ་བྱས་བས་རེད་སྙམ།
ས་གཡོམ་ཤོག
ཐོགས་རྒྱོབས་ཤོག
ས་རུད་ཤོག
རྒྱ་རྒན་འདི་ཚོའི་ཁ་ཆག སྣ་རལ།
ཁོ་བོས་ཞི་ཅིན་ཕེན་སྲིད་འཛིན་ལ་བདམས་པ་ནི་ཏང་གི་ཆེས་མཐོའི་དབང་འཛིན་ཚོགས་པས་མང་མོས་ཐོག་ཐག་གཅོད་བྱས་པ་ཞིག་ལས་ཧུའུ་ཅིན་ཐོ་གཅིག་པུས་ཐག་གཅོད་བྱས་བཞག་པ་ཞིག་རེད་མི་འདོད། དེ་ལྟར་ཐག་གཅོད་བྱེད་པའི་དབང་ཆའང་ཧུའུ་གཅིག་པུར་ཡོད་པར་མི་འདོད། དབང་འཛིན་ཚོགས་པའི་ནང་དུའང་ཕྱོགས་ཁག་གཉིས་ཆགས་ཡོད་པས་གང་ཞིག་མཚོན་ཐུབ་ཅེ་ན་མི་སྒེར་བ་གཅིག་ལ་དེ་ལྟའི་དབང་ཆ་ཆེན་པོ་མེད་པ་ཤེས་ཐུབ། རྒྱ་ནག་མི་མང་ལ་དམངས་གཙོ་དང་སྲིད་འཛིན་འདེམས་རྒྱུའི་དབང་ཚད་མེད་ནའང་དབུས་གཞུང་གི་དཔོན་ཚང་ནང་དེ་འདྲ་ཡིན་མི་སྲིད། ང་ཚོའི་ངོས་ནས་རྒྱ་ནག་ཟེར་དུས་མི་གཅིག་རང་གཅིག་གིས་གང་འདོད་ལྟར་དབང་སྒྱུར་བྱེད་པ་རེད་བསམས་ན་འགྲིག་གི་མ་རེད་སྙམ།
ངའི་མཆན་འདི་རྩོམ་ཡིག་འདི་དང་དམིགས་བསལ་འབྲེལ་བ་མེད་ཀྱང་། དབུ་མའི་ལམ་གྱི་མཆན་སྒོ་ཁ་བརྡས་བཀག་ཟིན་པས། ངའི་མཆན་ལྷག་འདིར་བཀོད་རྒྱུ་ཡིན།
ཡུལ་གྱར་བ་ལགས།
ཁྱོད་ཀྱིས་ལ་རྒྱའི་བདག་པོར་ལན་འདེབས་གནང་བར་གནས་ཚུལ་དངོས་ཀྱི་འགྲེལ་བརྗོད་ཐུང་ཙམ་ཞུ་རྒྱུར།
དེ་ཡང་སྤྱི་འཐུས་ཟླ་བ་ཚེ་རིང་ལ་སྐྱོན་བརྗོད་བྱེད་སའི་གཞི་རྩ་ཡོངས་གླིང་སློབ་གྲྭའི་སྐོར།
དྷ་ས་ཡོངས་གླིང་སྔོན་འགྲོའི་སློབ་གྲྭ་ནི། སྤྱི་འཐུས་ཟླ་བ་ཚེ་རིང་ལགས་རང་ཉིད་ཀྱི་འགན་འཁུར་འོག་ཕྱི་ལོ་༡༩༨༤ ཟླ་༦ ཚེས་༡ ཉིན་ཟློས་གར་ལམ་ཆེན་སྐྱིད་གྲོང་ཇོ་ལྷག་པའི་ནང་རྒྱལ་བའི་ཡོངས་འཛིན་ྋསྐྱབས་རྗེ་རྡོ་རྗེ་འཆང་གླིང་རིན་པོ་ཆེའི་དྲན་རྟེན་དུ་དབུ་བརྙེས།
དེ་རྗེས་སློབ་གྲྭའི་ས་ཁང་ཆེད་བཙུན་དགོན་དགའ་ལྡན་ཆོས་གླིང་ནས་ས་ཆ་ཕི་ཊི་ཁ་གང་མ་༨༠༨༥ དངུལ་དམར་སྤྲད་དེ་ཉོས་ཤིང༌། སློབ་གྲྭ་གསར་འཛུགས་བྱས།
དེ་རྗེས་ཤར་པ་བློ་བཟང་དང༌། རྒྱ་གར་ས་བདག་བཅས་ནས་ས་ཆ་ཀར་ནལ་གཉིས་ཙམ་ཉོས། ས་རིན་དང་ཨར་ལས་འགོ་འཛུགས་ཆེད་སྐུ་སྒེར་ཡིག་ཚང་དང༌། དབུས་གཞོན་ལྷན། ཤེས་པར། དྷ་ས་མཉམ་འབྲེལ་ཡིག་ཚང༌། ར་ཆུ་བསོད་ནམས་སོགས་ཚོགས་སྒེར་ཁག་ནས་མ་དངུལ་སྔ་གཡར་གནང་ཞིང༌། (རྗེས་སུ་སྔ་འདོན་གནང་བའི་བུན་དངུལ་ཚང་རྩིས་འཇལ།) དེ་ཐོག་ཡོངས་གླིང་བླ་བྲང་ནས་ཞལ་འདེབས་མི་ཉུང་བ་གསོལ་རས་བསྩལ།
ཕྱི་ལོ་༡༩༨༤ ཟླ་༩ ཚེས་༢༧ ཉིན་ད་ལྟའི་ས་ཆའི་སྟེང་ཁང་པ་ཞིག་བརྒྱབ་པའི་ནང་ལོ་ཤས་རིང་འཛིན་ཁང་དང༌། གཉེར་ཚང༌། ཐབ་ཚང་གཅིག་ལྕོགས་བྱ་དགོས་བྱུང༌།
ཕྱི་ལོ་འཇར་མན་གྱི་ཨ་མ་ཝེ་སྒར་ལགས་ཀྱི་རོགས་དངུལ་གང་ཙམ་ཐོབ་རུང་འཛིན་ཁང་གསར་རྒྱག་གི་མ་དངུལ་འདང་ངེས་མ་བྱུང་སྟབས། འཛིན་ཁང་ཨ་མ་དེའི་ཐོག་རྒྱག་མ་ཐུབ་པར་ལོ་གསུམ་ཙམ་རིང་གྱང་རོ་ལྟ་བུར་ལུས། སྐབས་དེར་གང་ཅིའི་འགྲོ་གྲོན་ཐད་དཀའ་ངལ་ཧ་ཅང་ཆེ་བས་སློབ་གྲྭའི་འཛིན་ཁང་དགོང་དྲོ་མཚན་ཚོགས་ལ་གླ་གཡར་དང༌། ཨ་མདོ་བཀྲ་ཤིས་ལྷན་གློག་བརྙན་སྟོན་པ་སོགས་ཀྱི་ཐབས་ཤེས་ལ་བརྟེན་ནས་དགེ་ལས་ཀྱི་ཟླ་ཕོགས་དང་འཛིན་སྐྱོང་འགྲོ་གྲོན་འབད་སྒྲུབ་བྱས། ཕྱི་ལོ་༡༩༨༧ ལོར་SOIR-IM, Sweden རོགས་ཚོགས་ཀྱིས་འཛིན་ཁང་གསར་རྒྱག་དང༌། SCF, England ཀྱིས་སློབ་ཕྲུག་ཚོའི་ཉིན་གུང་གསོལ་ཚིགས་རོགས་རམ་ཞལ་བཞེས་ཐོབ་པ་ནས་བཟུང༌། སློབ་གྲྭ་འདིའི་འཛུགས་སྐྲུན་དང་མཐུན་རྐྱེན་གང་ཅིར་ཡར་རྒྱས་བྱུང་།
ཕྱི་ལོ་༡༩༩༠ ལོར་ IM རོགས་ཚོགས་ཀྱི་རོགས་རམ་འོག་འཛིན་ཁང་ཐོག་བརྩེགས་གཉིས་པའང་གསར་རྒྱག་དང༌། ཉལ་ཁང་གི་དཀའ་ངལ་སེལ་སླད་ས་ཆ་ཀར་ནལ་གཅིག་ཙམ་གསར་ཉོ་བྱས་པའི་ཐོག ཕྱི་ལོ་༡༩༩༨ ལོར་ཉི་ཧོང་ཨ་མ་ཡུ་ཀོ་ཀ་ཏོ་ལགས་ཀྱི་རོགས་དངུལ་དང་། སྐུ་སྒེར་ཡིག་ཚང་གི་བུ་ལོན་སྔ་འདོན་རོགས་རམ། སློབ་གྲྭ་རང་གི་མ་དངུལ་བཅས་ཀྱིས་ཚོགས་ཁང་དང༌། ཉལ་ཁང༌། སྡོད་ཤག་བཅས་ཐོག་བརྩེགས་གསུམ་ཅན་གསར་རྒྱག་གནང༌།
ཕྱི་ལོ་༢༠༠༧ ལོར་ IM རོགས་ཚོགས་དང་། ཨ་རི་བ་Westheim & Tom དང་། འཇར་མན་གྱི་ཨ་མ་ Wiebke བཅས་ཀྱི་རོགས་རམ་འོག་གསར་རྒྱག་གནང༌ནས་སློབ་གྲྭ་དེས་ད་བར་རྡ་སའི་ནང་གསར་འབྱོར་གཙོས་ཁྱིམ་བདག་ཚོར་ཕྲུ་གུ་དམར་སྦྱར་ནས་བདག་པོ་རྒྱག་སའི་ལྟེ་གནས་ཤིག་ཆགས་ཡོད། ཡོངས་གླིང་སློབ་གྲྭའི་སྔ་ཕྱིའི་ལས་དོན་ཚང་མ་སྤྱི་འཐུས་ཟླ་བ་ཚེ་རིང་རང་ཉིད་ཀྱིས་འབད་བརྩོན་བྱས་པ་ཞིག་ཡིན་པ་ལས། གཞུང་རྒྱུ་ཡིན་པ་གང་དུ་གསལ་འདུག་གམ།
གནད་དོན་ངོ་མ་དེ་དག་ཡུལ་གྱར་བ་ཁྱེད་ཀྱིས་མ་རྟོགས་པ་ཡིན་ནམ། ཡང་ན་ལོག་པར་རྟོག་པ་ཡིན། དེ་མིན་བདེ་དོན་ཟླ་བ་ཚེ་རིང་གི་ཤེས་འཇོན་ཁྱད་ནུས་ལ་མིག་ཚིག་ནས། ཕྲག་དོག་དུག་ཆུའི་དྲི་མས་བརླན་ཏེ་གཟུགས་མེད་གྲིབ་བཟོའི་སྐྱོན་བརྗོད་བྱས་པ་ནི་ཁུངས་འཁྱོལ་ཐབས་མེད་པའི་རྫུན་གཏམ་ལད་ཟློས་སྐྱར་ཟློས་བྱེད་པ་ཙམ་ལས་མ་འདས།
ད་ཐེངས་ཡུལ་གྱར་བ་ཁྱོད་ཀྱིས་ཡོངས་གླིང་སློབ་གྲྭ་གཞུང་རྒྱུ་སྒེར་བདག་བྱས་པའི་སྒྲུབ་བྱེད་ཚད་ལྡན་ཞིག་སྟོན་ན་དགའ་བསུ་ཡོད།
ཞར་དུ་ཞུ་རྒྱུར། ང་ཚོས་ཅི་མཛད་ལེགས་ལྟ་དང་། ཅི་གསུང་བཀའ་སྒྲུབ་ཞུ་དགོས་མེད་ཙང་། གཞན་སྦྱོར་ཕུན་ཚོགས་མཐོང་ཚེ་མི་བཟོད་པར་འཁྱོག་བརྗོད་དང་ཧམ་སེམས་བཅངས་མཁན་མཐོ་དམའ་གཞུང་སྒེར་སུ་ཡིན་ཡང་དྲང་པོའི་ཡུལ་ཁྲིམས་ཐོག་ནས་ཐག་གཅོད་བྱེད་དགོས་བཅའ་ཁྲིམས་དང་མཐུན་པ་རེད་ཟེར་བ་ཡིན། བཅའ་ཁྲིམས་ནང་དུ་གཞུང་རྒྱུ་སྒེར་བདག་བྱ་ཆོག་པ་གསལ་མེད་ལ། གཞན་རྒྱུ་ཧམ་འཕྲོག་དང་། ནག་མེད་ཉེས་འགེལ་བྱ་ཆོག་ཟེར་བ་དེ་བས་གསལ་མི་འདུག
སྤྱི་འཐུས་ཟླ་བ་ཚེ་རིང་ལ་ནག་མེད་ཉེས་འགེལ་དང་། གཟུགས་མེད་གྲིབ་བཟོ་བྱས་པ་མ་འོས་མ་འགྲིག་ཟེར་བ་མ་གཏོགས། སྤྱི་རྒྱུ་རྐུན་འཁྱེར་བྱེད་མཁན་ནག་ཆེན་སྤྱི་འཐུས་ཀིརྟི་སྒྲོལ་དཀར་ལྟ་བུ་དང་གཞུང་དྲང་ལྷག་བསམ་ཤེས་འཇོན་ལྡན་པའི་སྤྱི་འཐུས་ཟླ་བ་ཚེ་རིང་ལགས་གཉིས་གྲལ་གནས་མཉམ་འཇོག་བྱེད་པ་ནི། ཞྭ་དཔེ་ལྷམ་འགེབ་ཀྱི་དཔེ་ལས་འདས། སྒོར་སྒོར་ཡོད་ཚད་བག་ལེབ་ཡིན་དགོས་ན། ཁྱོད་ཀྱི་ངོ་གདོང་དེའང་བག་ཡིན་དགོས་པས་ཧ་ཅང་ཐལ་བའི་ཕྱིར།
ཨ་ར་དཀར་པོས་ང་རང་གི་མཆན་དེ་ལན་རྒྱབ་པ་ཞིག་རེད། ཡིན་ཡང་ངས་ཧོ་ཆིན་གཅིག་པོས་ཐག་གཅོད་བྱེད་ཀྱི་ཡོད་པ་ཟེར་གྱི་མེད།ཕལ་ཆེར་ཁོ་རང་གི་དམིགས་པའི་མི་ཐག་གཅོད་བྱེད་དགོས་བ་རེད་སྙམ།དེ་མིན་ཁོང་ཚོ་མི་དགུ་ཡོད་ཀྱང་ཁོང་ཚོའི་ནང་ཁུལ་མ་མཐུན་པའི་དབང་གིས་དབང་ཤུགས་སུ་ལ་ཆེ་ཚེ་དེ་ལ་ནུས་ཤུགས་ཡོད་པ་དེ་གསལ་བོ་རེད།གང་ལྟར་ནམ་མཁའི་དྲི་བ་དེ་ཞིན་ཅིན་ཕེན་ལ་རྒྱུ་མཚན་གང་ལ་རྟེན་ནས་སྲིད་འཛིན་གྱི་གོ་གནས་སྤྲད་པ་རེད་ཟེར་བའི་དྲི་བ་འདི་བསམ་བློ་གཏོང་ཕྱོགས་ཞིག་རེད་སྙམ།དྲི་བ་འགའ་ལ་བསམ་བློ་གཏོང་རྒྱུ་འདུག་སྙམ།
པེ་ཅིན་ལ་ས་ཡོམ་རྒྱབ་ལེ་མི་ཤེས་ཏེ་ རྒྱ་ནག་རྒྱལ་ས་སྤེ་ཇིང་དུ་དམར་ཤོག་དཔོན་རིགས་ནང་ཁུལ་མི་ཡོམ་བྱུང་དཀོན་པ་ཞིག་རྒྱབ་བདའ་ རྒྱལ་ས་ཆོང་ཆིང་ནང་སྐད་སྒྲགས་ཆེ་བའི་དམར་ཤོག་གི་གཙོ་འཛིན་སྤོ་ཤི་ལཡེ་ལ་མི་གསད་པའི་ནག་ཉེས་ཕོག་སྟེ་སྤོ་ཤི་ལཡེ་བཟའ་མི་གཉིས་པོ་དམར་གཞུང་གི་དམ་དྲག་འོག་ཞིབ་འཇུག་བྱེད་བཞིན་པ་རེད་ ཁོ་ནི་དམར་ཤོག་ནང་ལྟ་བ་ཁྲེག་འཛིན་པ་ཇུ་ཝན་ཁང་གི་ཤོག་ཁག་པ་རེད་བདའ།