ཕ་མ་དྲན་གླུ

མི་ཉག་སྐལ་བཟང་།
 
དྲིན་ཆེན་ཕ་མ་གཉིས་ཀ།
ཉི་མ་ཡིན་ན་བསམས་བྱུང་།།
ཉི་ཟེར་ལུས་ལ་ཕོག་དུས།།
ཕ་མའི་བཀའ་དྲིན་དྲན་བྱུང་།།

དྲིན་ཆེན་ཕ་མ་གཉིས་ཀ།
ཁུ་བྱུག་ཡིན་ན་བསམས་བྱུང་།།
ཁུ་བྱུག་མོན་ལ་ལོག་དུས།།
ཕ་མའི་བསླབ་བྱ་དྲན་བྱུང་།།

དྲིན་ཆེན་ཕ་མ་གཉིས་ཀ།
ནོར་བུ་ཡིན་ན་བསམས་བྱུང་།།
ནོར་བུའི་ནོར་ཉམས་ཆོད་དུས།།
ཕ་མའི་རིན་ཐང་དྲན་བྱུང་།།

དྲིན་ཆེན་ཕ་མ་གཉིས་ཀ།
མེ་ཏོག་ཡིན་ན་བསམས་བྱུང་།།
མེ་ཏོག་རླུང་གིས་སྒུལ་དུས།།
ཕ་མའི་འཛུམ་ཞལ་དྲན་བྱུང་།།

དྲིན་ཆེན་ཕ་མ་གཉིས་ཀ །
ཆུ་ཞིག་ཡིན་ན་བསམས་བྱུང་།།
ཆུ་བོ་དལ་གྱིས་བཞུར་དུས།།
ཕ་མའི་ངང་རྒྱུད་དྲན་བྱུང་།།

དྲིན་ཆེན་ཕ་མ་གཉིས་ཀ།
ཁ་བ་ཡིན་ན་བསམས་བྱུང་།།
ཁ་བ་སིབ་སིབ་འབབ་དུས།།
ཕ་མའི་ཐུགས་སེམས་དྲན་བྱུང་།།

དྲིན་ཆེན་ཕ་མ་གཉིས་ཀ།
བླ་མ་ཡིན་ན་བསམས་བྱུང་།།
བླ་སློབ་ལྷན་འཛོམས་བྱུང་དུས།།
ཕ་མའི་བྱམས་བརྩེ་དྲན་བྱུང་།།