ཡིད་འོང་འཛུམ་མདངས་རྒྱས་པའི་ཕ་མ་ཡིས། །
བརྩེ་བའི་ཐུགས་ཀྱིས་ཉིན་མཚན་མེད་པར་བསྐྱངས། །
ཞིམ་པའི་ཟས་ཀྱིས་ལང་ཚོའི་གཟི་བྱིན་བསྐྱེད། །
སྙན་པའི་གཏམ་བཟང་པི་ལྦང་དབྱངས་བཞིན་གསུང་། །
ས་མཐའི་ཡུལ་ན་འཁྱམས་པའི་བུ་མོ་ངའི། །
ཡིད་ལ་ཕ་མའི་འཛུམ་མདངས་གསལ་བར་ཤར། །
རྟག་ཏུ་བྱམས་བརྩེས་བསྐྱངས་པའི་དྲན་ཐེངས་རེར། །
མིག་ཆུ་སྦྲང་ཆར་བཞིན་དུ་ལྷུང་ལྷུང་བཞུར། །
ལུས་ཀྱི་བགྲོད་པས་གཞན་ཡུལ་འགྲིམ་ན་ཡང་། །
སེམས་ཀྱི་དུངས་པ་ཁྱོད་ཀྱི་ཕྱོགས་སུ་འཁོར། །
ལས་ཀྱི་བསྐོས་པས་ས་མཐར་གྱར་ན་ཡང་། །
རེ་བའི་རྨི་ལམ་སླར་ཡང་འཕྲད་པ་ཞིག །
༨-༢- ༢༠༡༣