ཚེ་རིང་རྡོ་རྗེ།
ཕ་ཡུལ་གྱི་གོ་རེ་འདི་མ་ཟོས་ལོ་མང་འགོར་སོང་། གོ་ཐོས་ལ་གོ་རེའི་རྒྱུ་ཆ་དང་བྲོ་བ་ལ་འགྱུར་བ་ཆེན་པོ་འདུག་ཟེར། སྔོན་ཆད་རེབ་གོང་ན་གྲགས་ཆེ་བའི་སྨད་པའི་གྲོ་ཕྱེ་ནི་སྐྱེ་ལྡན་སོ་ནམ་ལས་བྱུང་། ཞིང་ཁ་ནས་ཐོན་པའི་འབྲུ་རྡོག་མ་གཏོགས། གཞན་ས་ཞིང་གིས་བསྐྱེད་པའི་རྩྭ་དང་ཕུབ་མ་མཐའ་དག་སྒོ་ཕྱུགས་ཀྱིས་བཟས་ཏེ་ལུད་དུ་གྱུར་ན་་ཕྱིར་ས་ཞིང་ལ་རང་བྱུང་གི་བཅུད་ཀྱི་ཚུལ་དུ་འདྲེན་པ་དང་། གོ་རེ་བསྲེགས་པའི་བོང་ཐལ་ནོར་ཁང་དུ་འགྲེམས་པ་དང་སྒོ་ཕྱུགས་ཀྱི་ཉལ་ས་སྐམ་པོར་བྱེད་པ་ཡིན། དེ་དུས་དེང་རབས་རྫས་འགྱུར་གྱི་ལུད་ཉུང་ཉུང་ལས་མི་སྤྱོད།
དེའི་དབང་གིས་གྲོ་ཕྱེ་ནི་མིའི་འཕྲོད་བསྟེན་ལ་ཕན་པ་མ་ཟད། བྲོ་བ་ལྡན། ལོ་དྲུག་བདུན་ཙམ་གྱི་སྔོན་དུ། ཞིང་ལས་བྱེད་ཐབས་ལ་འཕོ་འགྱུར་བྱུང་སྟེ། ས་ཞིང་བདེ་ཐང་བྱས། སྒོ་ཕྱུགས་རྣམས་ཕྱིར་བཙོངས་་ཏེ་ཞིང་ལས་འཕྲུལ་ཆས་ལ་བརྟེན་ནས་བྱེད་པའི་མགོ་ཚུགས། ས་ཞིང་་རྫས་ལུདགའབའ་ཞིག་གིས་གསོ། དེའི་ཕྱིར་གོ་རེ་ལ་འཕོ་འགྱུར་ཆེན་པོ་བྱུང་འདུག་སྐད། ཁ་སྟོད་ན་ནས་ཕྱེའི་གོ་རེ་ཡོད་ན་ཅི་མ་རུང་། དེ་ངོ་མ་བྲོ་བ་ཆེ། བཅུད་དང་ལྡན་པ་ཞིག་ཡིན།
བོད་རང་གི་ཞིང་བྲོག་མངས་ཚོགས་ཀྱི་ལུགས་སྲོལ་དངོས་གནས་གང་ཡོད་པ་རྣམས་འདི་ལྟར་ཡིག་ཐོག་ལ་འགོད་ཐུབ་ན་ངོ་མ་བྱ་བ་བཟང་པོ་ལོས་ཡིན། གཞན་ག་དུས་ཡིན་ནའང་ནཱ་ལེན་ཀྲ་དང་འཕགས་ཡུལ་དང་པན་ཊི་ཏ་རྐྱང་རྐྱང་གླེང་བསྡད་ན་བོད་རང་གི་ལམ་དང་ལུགས་སྲོལ་ཁ་ཡོད་ལག་ཡོད་རྣམས་ག་འདྲ་བྱས་ནས་ཤི་བ་ང་ཚོས་ཚོར་ས་མ་རེད། །
རེབ་གོང་གི་གོ་རེ་དང་སོག་པོའི་མར་དཀར་མ་ཟོས་བར་མི་ལོ་སུམ་ཅུ་འགོར་ཟིན། ད་ནི་མི་དྲན་གི་ཡ་