ཨ་འདུས་པ།
ཆོས་རྒྱལ་མེས་དཔོན་རྣམ་པའི་བཀའ་དྲིན་གྱིས། །
འདི་ཕྱིའི་བློ་རྩ་དཀོན་མཆོག་གསུམ་ལ་གཏད། །
རྒྱ་གར་ཡུལ་ནས་དམ་པའི་ལྷ་ཆོས་བསྒྱུར། །
ཕ་མའི་ཕྱིར་ཡང་སྡིག་པའི་ལས་མི་བྱེད། །
མནའ་ལ་བརྩི་ཞིང་མཐའ་བཞིའི་དགྲ་གནོན་པའི། །
ཁ་བ་ཅན་གྱི་བཙན་པོའི་དམག་དཔུང་གིས། །
ཙི་ནའི་རྒྱལ་པོ་གཡུ་འབྲུག་ཁྲི་ལས་ཕབ། །
གངྒའི་འགྲམ་དུ་ལྕགས་ཀྱི་རྡོ་རིང་བསླངས། །
གངས་རིིའི་ཕྲེང་དང་ཡངས་པའི་རྩྭ་ཐང་དུ། །
དམག་རྟ་འབུམ་ཕྲག་སྐྱོད་པའི་རྨིག་སྒྲ་དང་། །
ཀི་ཀི་བསྭོ་བསྭོའི་འཇིགས་པའི་རྔམ་ཟིལ་གྱིས། །
ཤར་ནུབ་གཏུམ་པོའི་དཔུང་ཚོགས་འདར་བྱེད་པའི། །
བཙན་པོའི་དུས་ཀྱི་མངའ་ཐང་སླར་ཡང་དྲན། །
པར་རྙིང་འདིས་རྐྱེན་བྱས་ཏེ་ཇ་ཡུན་ལ་བྲིས་སོ།།
འདས་པའི་འབྱུང་རབས།
་
སྤོ་བོའི་བུ་ཆུང་རྒྱལ་སར་བཏོན་པས་ན། །
པུར་རྒྱལ་རྒྱལ་པོའི་བརྒྱུད་པར་མཚང་ཞེས་གྲག །
དེ་ཡང་དངོས་བདེན་མི་འདོད་སྤམ་བཤད་ཙམ། །
གཉའ་ཁྲི་བོད་རྒྱལ་ཐོག་མའི་བཀའ་དྲིན་དྲན། །
ཉེར་བརྒྱད་ལྷ་བུ་ཐོ་ཐོ་མཚན་ཅན་སྐབས། །
ཡ་མཚན་ནང་ཆོས་པོ་ཏི་ཐོག་མར་བྱུང་། །
སྤྱན་རས་གཟིགས་དབང་དྲག་ཏུ་ཁྲོས་པ་ལྟར། །
སྲོང་བཙན་སྒམ་པོས་བོད་རིགས་གཅིག་ཏུ་བསྒྲིལད། །
དེ་རྗེས་ཁྲི་སྲོང་ལྡེ་བཙན་བཀའ་དྲིན་ལས། །
མཁན་ཆེན་ཞི་འཚོ་སློབ་དཔོན་པདྨ་སོགས། །
མཁས་དང་སྒྲུབ་པའི་སྐྱེས་བུ་མང་པོ་ཞིག །
རྒྱ་གར་ཡུལ་ནས་གདན་འདྲེན་བཀའ་དྲིན་བསྐྱངས། །
དེ་མཚུངས་ཕྱག་རྡོར་སྤྲུལ་པ་ཁྲི་རལ་གྱིས། །
འབངས་མི་བདུན་སོགས་ཕུལ་དང་དབུ་ཐོད་ཀྱི། །
དར་འཇམ་གཡས་ཡོན་སྒང་ལ་རབ་འབྱུང་དང་། །
གོས་དཀར་སྡེ་གཉིས་རྒྱལ་པོས་གཙུག་ཏུ་བཀུར། །
སྨོན་ལོག་གླང་དར་ཆོས་བསྣུབས་སོད་སྲུངས་དང་། །
ཡུམ་བརྟེན་རྒྱལ་སྲས་རྣམ་གཉིས་སོ་སོར་གྱེས། །
མི་ལོ་གསུམ་བརྒྱའི་རིང་ལ་བོད་ཆེན་པོ། །
བསིལ་བུར་ཐོར་ཡང་གསང་སྔགས་གསར་མ་དར། །
འཕགས་གྲུ་རི་སྤུང་རྒྱལ་དབང་ལྔ་པ་སོགས། །
སྐྱ་སེར་གཉིས་ཀའི་རྒྱལ་རབས་དཔེ་གསར་ཐོན། །
ལྔ་པ་ནས་བཟུང་བཅུ་བཞི་ཆེན་པོའི་བར། །
བོད་འབངས་བདེ་ལ་བཀོད་པའི་དུས་རབས་ཤར། །
་
ཀརྡོས།
ཕྱི་ཉན་ཁྲོད་ཀྱི་བོད་སྐད།
https://www.facebook.com/messages/t/685767503
ལོ་ཆུང་ཀྲུ་ཀྲུའི་དང་ཞབས་པའི་དམག་སར་འགྲོབ་དུས་ཀྱི།
https://www.facebook.com/messages/t/685767503