གཞུང་པ་ཚེ་དབང་བསོད་ནམས།
མང་གཙོ་དང་ཁྲིམས་ཀྱི་དབང་བསྒྱུར་ལ་འགན་འཁུར་ནས་བཙན་བྱོལ་བོད་མིའི་སྤྱི་ཚོགས་ཆུང་ཆུང་འདིའི་མང་གཙོའི་འཕེལ་རིམ་ལ་ཕྱི་མིག་བལྟ་སྐབས་འདས་པའི་མི་ལོ་དྲུག་བཅུའི་ནང་༸གོང་ས་སྐྱབས་མགོན་ཆེན་པོ་མཆོག་ནས་འཛམ་གླིང་སྤྱི་དང་མཐུན་པའི་མང་གཙོ་ཡང་དག་པའི་ལམ་ལུགས་ཁྲིམས་ཀྱི་དབང་བསྒྱུར་ནང་ང་ཚོ་འཁྲིད་ནས་དེང་སྐབས་འཛམ་གླིང་ཡོངས་ནས་ང་ཚོའི་མང་གཙོའི་ལམ་ལུགས་དེ་དག་ཚད་དང་ལྡན་པའི་མང་གཙོ་ཡངས་དག་པ་ཞིག་ཡིན་པའི་དགའ་བསུའི་རྣམ་འགྱུར་སྟོན་མཁན་དང་ཚད་མཐོའི་རྒྱབ་སྐྱོར་དང་གདེང་འཇོག་གནང་མཁན་སོགས་ལོ་རེ་ནས་ལོ་རེ་བཞིན་མང་དུ་འགྲོ་བཞིན་པ་ནི་༸གོང་ས་མཆོག་གི་རླབས་ཆེན་མཛད་འཕྲིན་ཁོ་ནར་སོང་ང་ཚོ་བོད་མི་རིགས་ལ་བསམ་ན་ཁོང་གི་བཀྲིན་ནི་ནམ་ཡང་བརྗེད་ཐབས་མེད་པ་ཞིག་ཡིན་པ་དང་འདས་པའི་སྲིད་སྤྱིའི་འོས་བསྡུའི་ལས་རིམ་ནས་ང་ཚོར་ཉམས་མྱོང་དང་བསླབ་བྱ་གང་ཐོབ་པ་དེ་གཞི་ལ་བཞག་ནས་མ་འོངས་སྲིད་སྤྱིའི་འོས་དམིགས་ལ་མི་སྣ་སྒྲ་སྒྲིག་བྱ་རྒྱུ་དེ་ང་ཚོའི་ཐོབ་ཐང་རེད་ལ་ལས་འགན་ཡང་རེད་ལ་མང་གཙོ་དང་ཁྲིམས་ཀྱི་དབང་བསྒྱུར་ཟེར་བའི་གོ་དོན་ཡང་དེ་ཡིན་པ་དང་ ཕྱི་ལོ་༢༠༢༡ ལོའི་སྲིད་སྐྱོང་གི་འོས་དམིགས་ལ་ལངས་མཁན་ད་ལྟ་ནས་ཚང་ཁ་ཤིག་ཤིག་ཡོད་པ་ནི་བོད་མི་མང་ལ་བསམ་ན་དགའ་བསུ་་ཞུ་འོས་པ་ཞིག་ཡིན་པ་ནི་སྤགས་ལ་དགོས་པ་སྤགས་ཁུ་དང་སྤགས་ཁུ་ལ་དགོས་པ་དར་ར་ཟེར་བའི་དཔེ་ལྟར་དང་སྲིད་སྐྱོང་གི་འོས་དམིགས་ལ་ལངས་མཁན་ཚོ་བཙན་བྱོལ་བོད་མིའི་བཅའ་ཁྲིམས་དང་བཙན་བྱོལ་བོད་མིའི་འོས་བསྡུའི་སྒྲིག་གཞི་དང་མ་འགལ་བའི་ཐོག་ནས་སྲིད་སྐྱོང་གི་འོས་དམིགས་ལ་ལངས་ཡོད་པའི་ཡིད་ཆེས་དང་བཅས་གལ་ཆེ་ཤོས་དེ་དབུས་བོད་མིའི་སྒྲིག་འཛུགས་ནས་གཏན་འབེབས་གནང་བའི་བོད་ཀྱི་བུད་མེད་ཀྱི་ནུས་སྟོབས་གོང་སྤེལ་ཟེར་བའི་ལས་འཆར་ལ་ང་ཚོའི་འགན་འཁུར་ནས་རྗེས་ལོའི་སྲིད་སྐྱོང་ལ་བུད་མེད་སླེབ་དགོས་པ་དེ་ཆབ་སྲིད་དང་སྤྱི་ཚོགས་དུས་ཀྱི་འཕོ་འགྱུར་རྒྱལ་སྤྱིའི་གནས་བབས་ཕོ་མོ་འདྲ་མཉམ་ཟེར་བའི་ལྟ་སྒྲུབ་སོགས་ཕྱོགས་མང་པོ་ཞིག་དང་འབྲེལ་བ་གཏིང་ཟབ་ཡོད་པ་མ་ཟད་༸གོང་ས་མཆོག་ནས་རྒྱལ་སྤྱིའི་སྟེང་བཀའ་སློབ་ལན་མང་ཕེབས་པའི་ནང་རྒྱལ་ཁབ་ཚོའི་འགོ་འཁྲིད་ལ་བུད་མེད་མང་ཙམ་སླེབས་ཐུབ་ན་འཛམ་གླིང་འདིར་ཞི་བདེ་ཡོང་རྒྱུར་ཕན་ཐོག་ཆེན་པོ་ཡོད་པའི་སྐོར་ལ་གལ་ཆེན་དོན་ཆེན་གྱི་ལམ་སྟོན་བཀའ་སློབ་མང་པོ་ཕེབས་པ་སོགས་ལ་ང་ཚོའི་འགན་འཁུར་ནས་བློ་ལྡན་བོད་མི་བཙན་བྱོལ་བ་རང་ལོ་བཅོ་བརྒྱད་ཡན་རྣམས་ནས་ཕྱོགས་གཏོགས་ཆབ་སྲིད་དང་ལུང་ཚན་ཤོག་སྒྲིལ་འགོ་འདྲེན་དང་སྐབས་ཚོལ་རིང་ལུགས་སོགས་ཀྱི་རྗེས་སུ་མ་འབྲང་པར་བོད་རྒྱལ་ཁབ་དང་བོད་མི་རིགས་ཀྱི་ཕུགས་རྒྱང་རིང་པོའི་རྩ་དོན་ལ་འགན་འཁུར་ནས་རྗེས་ལོ་༢༠༢༡་ལོའི་སྲིད་སྐྱོང་ལ་བུད་མེད་ཞིག་སླེབ་ཐུབ་པའི་འགན་འཁུར་བཞེས་དགོས་པ་ནི་གལ་ཆེའི་ནང་གི་གལ་ཆེན་དོན་ཆེན་ལ་སོང་དེ་ལྟར་འབོད་བསྐུལ་ཡང་ཞུ་འདོད་བྱུང་ལ་ཆོས་ལུགས་ཆོལ་གསུམ་དང་བཅས་པའི་བོད་མི་མང་གི་སྐུ་ཚབ་སྤྱི་འཐུས་སུ་ཆོལ་ཁ་དང་ལུང་ཚན་རྒྱབ་ལངས་ཤོག་སྒྲིལ་མ་ཡིན་པ་ན་གཞོན་ཕོ་མོ་བློ་གསར་དེང་རབས་ཕྱི་ནང་གི་ཤེས་ཡོན་སྒྲོ་ཤོག་གཉིས་ལྡན་ཚད་ལོངས་ཅན་ཕྱི་མི་དང་དཔུང་པ་མཉམ་བཤིབས་ཐུབ་མཁན་་ཤ་སྟག་སྤྱི་འཐུས་སུ་སླེབས་དགོས་པ་ནི་འདས་པའི་ལོ་རྒྱུས་ལ་ང་ཚོའི་བསླབ་ཆ་བླངས་ནས་མ་འོངས་བོད་མི་རིགས་ཀྱི་མདུན་ལམ་ལ་འོད་ཟེར་འཕྲོ་་ཐུབ་པའི་འགན་དེ་ད་ལྟའི་མི་རབས་འདིའི་ལེན་དགོས་པ་དེ་ལོ་རྒྱུས་ཀྱི་ངོ་སྤྲད་པའི་གཡོལ་ཐབས་མེད་པའི་ལས་འགན་དཱངས་མ་ཞིག་ཡིན་པའི་ངོས་འཛིན་དང་བཅས་བཙན་བྱོལ་བོད་མིའི་་བཅའ་ཁྲིམས་དོན་ཚན་བཅུ་གསུམ་ནང་འཁོད་པའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་གླེང་པ་འདིའི་ཀྱང་ཕྱི་ལོ་༢༠༢༡ ལོའི་སྲིད་སྤྱིའི་འོས་བསྡུའི་ལས་རིམ་དེ་དྲང་བདེན་དང་འདྲ་མཉམ་ཁྲིམས་ཀྱི་དབང་བསྒྱུར་འོག་བོད་མི་ཚང་མས་བཅའ་སྒྲིག་དང་མ་འགལ་བའི་ཐོག་ནས་མང་གཙོའི་འགན་དབང་སྲིད་སྤྱིའི་འོས་བསྡུའི་ལས་རིམ་ལ་ཆ་ཤས་ལེན་ཐུབ་པའི་འབོད་བསྐུལ་ཞུ་གི་ཡོད།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་ཕྱི་ལོ་ ༢༠༢༠ ཕྱི་ཟླ་ ༨ ཚེས་ ༦ ལ་ཕུལ།
མ་འོངས་པའི་སྲིད་སྐྱོང་ལ་སྤེན་པ་ཚེ་རིང་ལས་ལྷག་ཅིག་མེད་ཚོད་རེད། འོན་ཀྱང་ང་ཚོར་དེའི་བསོད་ནམས་ཨེ་ཡོད་མི་ཤེས། ་ང་ཚོའི་ལས་དབང་འདི་ཅི་འདྲ་ཞིག་སྡུག་གི་ཡ། །
རྒྱ་རི་སྒྲོལ་མ་མ་གཏོགས། སྲིད་སྐྱོང་འོས་མིར་ལངས་མཁན་མེད་པ་འདྲ། རྒྱ་སྒྲོལ་མི་ཐོབ་པ་ཕལ་ཆེར་ངེས་པ་རེད་སྙམ་མོ།།
ངའི་སྲིད་སྐྱོང་འོས་མི།
འོས་མི་རྙིང་པ་དང་། འོས་མི་དང་པོ་ཚོགས་ཟུར་སྤེན་པ་ཚེ་རིང་།
བཀའ་ཟུར་དང་བུད་མེད། འོས་མི་གཉིས་པ་རྒྱ་རི་སྒྲོལ་མ།
བཀའ་བློན་ནས་དགོངས་ཞུས་པ། འོས་མི་གསུམ་པ་འབྲོང་ཆུང་དངོས་གྲུབ།
བཞི་པ། ་་་་་་་་་་་་་་་་་་་་་་་་་་་་
ལྔ་པ། ་་་་་་་་་་་་་་་་་་་་་་་་་་་་
དྲུག་པ། ་་་་་་་་་་་་་་་་་་་་་་་་་་་་
བོད་ལ་བདེ་སྐྱིད་བྱུང་ན།རྒྱལ་པོ་ཨ་ནིས་བྱེད་ཆོག་ཅེས་པ་འདི་གཏམ་དཔེ་རྙིང་པ་ཞིག་རེད།དངོས་གནས་བྱས་ན།རྒྱལ་མོ་ཨ་ནིས་བྱེད་ཆོག་ཅེས་བསྒྱུར་ན་ལེགས།
སྲིད་སྐྱོང་ཀུན་གྱིས་ཤེས་དགོས་པའི་ཆ་རྐྱེན་ལ།
་
ཕ་བརྒྱུད་མ་བརྒྱུད་སྤྲེལ་རྒན་བྲག་སྲིན་ལས། །
མིའུ་གདུང་དྲུག་ཁ་ནས་བཟློས་ཤེས་ལ། །
བོད་ལ་རྒྱལ་ཕྲན་བསིལ་མ་དྲུག་བཅུ་དང་། །
འབྱ་རུ་ཅན་གྱི་རྒྱལ་རབས་བཅོ་བརྒྱད་ནས། །
གཉའ་ཁྲི་ནས་བཟུང་གནམ་རི་སྲོང་བཙན་བར། །
བོན་རྒྱལ་རྒྱལ་བརྒྱུད་སོ་གཉིས་ཤོད་ཤེས་ལ། །
ལྷ་ཐོ་ནས་བཟུང་ཆོས་རྒྱལ་སྲོང་བཙན་བར། །
ནད་ཆོས་བན་གཟུགས་དབུ་བརྙེས་སྲོལ་གཏོད་གོ །
ཆོས་རྒྱལ་མེས་དབོན་རྣམ་པ་གསུམ་པོ་ནས། །
གུ་གུའི་རྗེ་ལྷ་བླ་མ་ཡེ་ཤེས་འོད། །
ཚ་བོ་བྱང་ཆུབ་འོད་དང་སྐྱིད་སྡེའི་མགོན། །
མཐའ་མ་རྒྱལ་བརྒྱུད་ལྷ་ཆེན་རྒྱ་རི་དང་། །
ཆོས་མཁན་འགྲོ་མགོན་ཆོས་རྒྱལ་འཕགས་པ་ནས། །
བཀའ་བརྒྱུད་རི་སྤུང་གཙང་པ་སོགས་ཀྱི་སྐོར། །
ལོ་རྒྱུས་ཤེས་ནས་རྒྱལ་དབང་ལྔ་པ་ནས། །
སྐུ་ཕྲེང་བཅུ་གསུམ་བར་གྱི་སྐོར་ལ་བཀླགས། །
ལྷག་པར་༸རྒྱལ་མཆོག་༸སྐུ་འཕྲེང་བཅུ་བཞི་པ། །
༸བསྟན་འཛིན་རྒྱ་མཚོའི་མཛད་འཕྲིན་གཉིས་སྨན་ཀུན། །
སྲིད་སྐྱོང་བློ་ངོར་ཟླ་གཟུགས་ཤར་ལྟར་དགོས། །
ཁྱད་པར་མ་འོངས་འཆར་གཞིར་སྒྲུབ་མཁས་དགོས། །
དེ་འདྲ་བྱུང་ན་བོད་རྒྱལ་ཨ་ནེའམ། །
རྒྱ་རིགས་ཨ་ནེ་ཡིན་ནའང་རུང་མོད་ཀྱང་། །
དང་བླངས་བཅའ་ཁྲལ་མ་ཆད་འབུལ་ལ་རེམས། །
རྐང་གཉིས་སུ་རུང་སྲིད་སྐྱོང་མི་འོས་མེད། །
ཀརྡོས།