ཕྱི་ཟླ་ ༧ ཚེས་ ༢༨ ཉིན་ནས་རྔ་པ་ཀིརྟི་དགོན་པའི་ནང་འགྲོ་བཞིན་པའི་རྒྱལ་གཅེས་ཆོས་གཅེས་ཀྱི་སློབ་ གསོ་ཟེར་བའི་ལས་འགུལ་ཉིན་བཅུའི་རིང་མཚམས་འཇོག་བྱས་ཏེ་དགེ་འདུན་པ་རྣམས་ལ་ གུང་སེང་སྤྲད་འདུག་ཅིང་དེ་རྗེས་མུ་མཐུད་སློབ་གསོ་ཟེར་བའི་ལས་འགུལ་སྤེལ་ དགོས་ལུགས་བརྗོད་ཡོད་འདུག དགེ་འདུན་པ་རྣམས་ཀྱིས་དགོན་པའི་ཕྱི་ནང་གི་དམག་མི་དང་ཉེན་རྟོག་པ། དམིགས་བསལ་ཉེན་རྟོག་པ་བཅས་དང་། དེ་བཞིན་དགོན་པའི་ནང་དུ་བསྡད་ཡོད་པའི་རྒྱ་གཞུང་གི་ལས་བྱེད་པ་རྣམས་ཡོངས་རྫོགས་ཕྱིར་འཐེན་མ་བྱས་པར་དགེ་འདུན་པ་རྣམས་ལ་གུང་སེང་ཞིག་རྩ་བ་ནས་མི་ཡོང་ བར་མ་ཟད། རྣམ་པ་དེ་གནས་ཚུལ་རྫུན་མ་བཟོ་བའི་རྒྱབ་ལྗོངས་ལ་བེད་སྤྱོད་ལོག་པར་གཏོང་ངེས་ པར་བརྟེན། དགེ་འདུན་པ་ཕལ་མོ་ཆེས་གུང་སེང་ལ་འགྲོ་གི་མིན་ཟེར་ནས་སོང་མེད་པ་དང། ཁག་ཅིག་སོང་ཡོད་ཀྱང་། ཕྱི་ཟླ་ ༨ ཚེས་ ༦ ཉིན་ནས་དགོན་པའི་ནང་ཚང་མ་འཛོམས་དགོས་ལུགས་བརྗོད་པ་ལྟར་འཛོམས་ཡོད་ཅིང་། རྒྱུན་ལྡན་སློབ་གསོ་ཟེར་བའི་ལས་འགུལ་གྱི་ཚོགས་འདུ་གཟའ་ཉི་མའི་ཉིན་མེད་ཀྱང་ ཕྱི་ཚེས་ ༧ གཟའ་ཉི་མའི་ཉིན་དགེ་འདུན་པ་རྣམས་སྔར་བཞིན་ཚོགས་ཆུང་ཁག་བགོས་བྱས་ཡོད་པ་ལྟར་ འཚོགས་བཅུག་ཡོད་པ་དང། དེའི་གོང་གུང་སེང་སྐབས་ཕྱི་ལ་འགྲོ་དུས་འདོགས་དགོས་ཟེར་བའི་སྐེ་འདོགས་རེ་ སྤྲད་ཡོད་པ་རྣམས་ཀྱང་ཕར་བསྡུས་ནས་མུ་མཐུད་སྔར་བཞིན་དགོན་པའི་ནང་ནས་སློབ་ གསོའི་ལས་འགུལ་ཟེར་བ་སྤེལ་དགོས་པས་ཕྱི་ལ་འགྲོ་མི་ཆོག་ཚུལ་བརྗོད་དེ་དགོན་ པའི་ལྕགས་རིའི་ནང་བཀག་སྡོམ་བྱས་ཡོད་འདུག དགོན་པའི་ཕྱི་ནང་ལ་ཉེན་རྟོག་པ་དང་དམག་མི། དམིགས་བསལ་ཉེན་རྟོག་པ་བཅས་ཀྱིས་དམ་དྲག་བསྡོམ་ཡོད་མུས་ཐོག་ཕྱི་ཚེས་ ༥ དགོང་མོ་ནས་རྔ་པའི་ཁྲོམ་གཞུང་དང་། རྫོང་མཁར་དང་ཐག་ཉེ་བའི་གྲོང་སྡེ་ཁག་གི་འགྲོ་ལམ་སོགས་ཚང་མར་དྲག་ཆས་སྤྲས་པའི་ དམག་མི་འབོར་ཆེན་བཀྲམས་ཡོད་པ་དང། བོད་ཟླ་བདུན་པའི་ཚེས་ ༣༠ ཉིན་འཚོགས་རྒྱུའི་རྔ་པ་ཀིརྟི་དགོན་པའི་རིགས་གྲྭའི་ཞོ་སྟོན་འཚོགས་མ་ཐུབ་པར་ བརྟེན་ཕྱི་ཚེས་ ༨ ཉིན་སྤྱི་ཐབ་ནས་གྲྭ་པ་རེ་རེ་བཞིན་ཞོ་སྤྲད་ཡོད་པ་དང་། གླིང་བར་གྱི་ས་སྟོང་རྣམས་སུ་འཛིན་གྲྭ་འཛིན་གྲྭ་བྱས་ཏེ་མཉམ་འཛོམས་ཀྱིས་བཀའ་ བློན་ཁྲི་འདོན་གྱི་ཉིན་མོར་བསམ་ནས་རྟེན་འབྲེལ་གྱི་རྣམ་པས་རྩེད་འཇོ་སྣ་ཚོགས་ ལ་རོལ་ཡོད་པ་དང། དགོང་མོ་འཛིན་གྲྭ་ཁག་སོ་སོས་མཉམ་དུ་དགའ་སྟོན་བྱེད་རྒྱུའི་གྲ་སྒྲིག་ཡོད་ཚུལ་ བརྗོད་ཀྱིན་འདུག འོན་ཀྱང་རྒྱ་ནང་གཞུང་གིས་རྒྱུན་དུ་ཨ་རིའི་བརྙན་འཕྲིན་ལ་ལྟ་བ་དང་། དེ་མིན་ཤོག་སྦག་བཀད་པ་སོགས་བྱས་ན་ཉེས་ཁྲིམས་ལྕི་མོ་གཅོད་རྒྱུ་ཡིན་ཚུལ་ཉི་མ་ མང་པོའི་གོང་ནས་ཡང་དང་བསྐྱར་དུ་བཤད་ཡོད་འདུག་པ་བཅས།
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས། ཕྱི་ལོ་ ༢༠༡༡ ཟླ་ ༨ ཚེས་ ༨ ལ།
རྔ་བའི་སྐོར་དེ་ཁ་བརྡ་དྲ་བས་འདིར་བཀོད་པར་བཀྲ་ཤིས་བདེ་ལེགས།
བོད་ནང་དུ་ད་ལྟ་སྡུག་སྦྱོང་མནར་སྐྱོད་ཚད་མེད་མེད་མྱོང་བཞིན་པའི་བོད་མི་ཡོངས་ཀྱི་ཚབ་བྱས་ཏེ ་ZurichནསGenfབར་ཞི་བའི་གོམ་བགྲོད་བྱ་རྒྱུ་།
གུས་པའི་རེ་བ་ལ་བོད་ནང་གི་གནས་སྟངས་ཡ་ང་བ་དེ་ལ་ཁྱེད་རྣམ་པས་དོ་སྣང་དང་བསམ་
གཞིགས་མང་ཙམ་གནང་རོགས་གནང། ལོ་ངོ་ལྔ་བཅུ་ང་གཉིས་རིང་བཙན་བྱོལ་དུ་གནས་པའི་བོད་མི་རིགས་ནི་སྐྱེ་འགྲོ་གཞན་དང་གཅིག་མཚུངས་ཀྱི་བདེ་བ་འདོད་པ་དང་སྡུག་བསྔལ་མི་འདོད་པ་ཤ་སྟག་ཡིན་སྟབས་ངའི་རེ་བ་ལ་མི་རིགས་སྟོབས་ཤུགས་དང་རྒྱུ་ནོར་དབང་ཐང་སོགས་གང་ལ་ཡང་མ་བལྟས་པར་འཇིག་རྟེན་འདིའི་སྟེང་གི་འགྲོ་བ་མི་ཡི་ཐོབ་ཐང་ཞི་བས་རྩོད་ལེན་གནང་མཁན་ཡོད་དོ་ཅོག་ལ་ཐུགས་འཁུར་དང་རྒྱབ་སྐྱོར་གནང་གལ་ཆེ་བས་ཐུགས་སྣང་
དགོས་རྒྱུ།དང་ཐོག་གུས་པ་ངོ་སྤྲོད་ཙམ་ཞུས་ན་བདག་མིང་མཁར་ནང་འཕགས་པ་དང་ཤ་
རུས་བོད་ནས་མཆེད་པའི་བོད་ཕྲུག་ཅིག་ཡིན། བོད་ནང་དུ་ཆབ་སྲིད་ཀྱི་རང་དབང་བྲལ་སྟབས་ཉིས་སྟོང་བཅུ་ལོའི་ཟླ་བདུན་པའི་ནང་སུད་སི་རུ་སྐྱབས་བཅོལ་དུ་ཡོང་བ་ཡིན། བདག་གིས་རེ་བསྐུལ་གྱི་དམིགས་ཡུལ་གཙོ་བོ་ནི་སྔོན་ལས་ད་ཆར་བོད་ནང་ཆབ་སྲིད་ཀྱི་གནས་སྟངས་ཇེ་སྡུག་ཏུ་འགྲོ་བཞིན་པ་དང་རྒྱ་དམར་གཞུང་གིེས་བོད་མིར་སྡུག་སྦྱོང་མནར་གཅོད་ཚད་མེད་གཏོང་བཞིན་ཆོས་ལུགས་རང་དབང་དང་སྨྲ་བརྗོད་རང་དབང་གིས་མཚོན་པའི་འགྲོ་བ་མིའི་ཐོབ་ཐང་ཡོངས་རྫོགས་རྡོག་བརྫིས་གཏོང་བ་ལ་མཉམ་སྦྲེལ་རྒྱལ་ཚོགས་དང་འཛམ་གླིང་རྒྱལ་ཁབ་ཡོངས་ཀྱིས་ཟློས་གར་ལ་ཅེར་བ་ལྟ་བུའི་བདག་ལ་ཚོར་སྣང་འབྱུང་བཞིན་མཆིས། ཉིས་སྟོང་བརྒྱད་ཀྱི་ཞི་བའི་གྱེན་ལང་ཆེན་མོ་དང་།ཀིརྟི་དགོན་ཆེན་གྱི་སྐུ་ཞབས་ཕུན་ཚོགས་ལགས་ཀྱིས་མཚོན་པས་རྒྱལ་གཅེས་དཔའ་བོ་དཔའ་མོ་དག་གིས་རང་སྲོག་བློས་གཏོང་གི་ཞི་རྒོལ་གནང་བ་མ་ཟད་དཀར་མཛེས་ཁུལ་དང་བོད་ས་ཡོངས་ནས་རང་སྲོག་འཛེམ་མེད་ངང་གཅིག་རྗེས་གཉིས་མཐུད་ཀྱི་ཞི་བའི་ངོ་རྒོལ་གནང་བཞིན་པ་འདི་དག་གིས་འཛམ་གླིང་ཡོངས་ལ་བདེན་པའི་ར་སྤྲོད་གསལ་པོ་བྱས་ཡོད།རྒྱ་ནག་གིས་བོད་དུ་རྒྱ་ཆེ་བའི་འཛུགས་སྐྲུན་བྱས་ཡོད་ཟེར་བ་ནི་ངོས་ལེན་བྱ་ཐབས་བྲལ་བའི་གནད་དོན་ཞིག་ཡིན།དོན་དངོས་སུ་བོད་མི་ཡོངས་ལ་ཁེ་ཕན་ལས་གྱོང་གུད་ཆེ་བ་འདུག།གང་ཡིན་ཟེར་ན།རང་གི་ཐུན་མོང་མ་ཡིན་པའི་སྐད་ཡིག་སྦྱོང་བའི་གོ་སྐབས་མེད་པར་མ་ཟད་བཙན་དབང་གིས་རྒྱ་སྐད་དར་སྤེལ་ཆེ་རུ་གཏོང་བ་ནི་བོད་ཀྱི་ངོ་བོ་དང་རིག་གཞུང་རྩ་བརླག་གཏོང་རྒྱུ་ཇུས་ངན་ཉག་གཅིག་ཡིིན། ཐ་ན་ས་འགུལ་གྱི་གོད་ཆགས་ཐེབས་པའི་ས་ཁུལ་ལ་ཁྱིམ་གཞི་སླར་གསོ་བྱ་རྒྱུའི་ཆེད་བོད་མི་ཕྱི་ནང་གཉིས་དང་འཛམ་གླིང་མི་མང་ཡོངས་ནས་ཞལ་འདེབས་ཕོན་ཆེན་གནང་ཡོད། འོན་ཀྱང་ཁུལ་དེའི་མི་མང་རྣམས་མཐུན་རྐྱེན་གང་ཡང་མེད་པར་ད་དུང་ཡང་གུར་ནང་གནས་སྡོད་བྱས་ཡོད་།
༧གོང་ས་མཆོག་གིས་ལྷག་བསམ་ཟོལ་མེད་ཀྱི་དབུ་མའི་ལམ་གྱི་སྟེང་ནས་བོད་རྒྱ་གཉིས་ཕན་གྱི་ཐབས་ཤེས་གནང་བ་ལ།
གོང་ས་མཆོག་སྐུ་སྒེར་གྱི་གནད་དོན་རེད་ཅེས་རྒྱ་གཞུང་ནས་ཁུང་ལུང་མེད་པའི་སྒྲགས་གཏམ་བྱས་པ་ནི་ངོས་ལེན་བྱ་ཐབས་བྲལ།
བོད་ཀྱི་ངོ་བོ་དང་རིགས་གཞུང་འཇིག་ཉེན་ཆེ་རུ་འགྲོ་བར་ཁོ་བོ་བློ་ཚབས་ཤིིན་ཏུ་ཆེ་བས་
བདག་༢༠༡༡་ལོའི་ཟླ་༨་པའི་ཚེས་༨་ཉིན་གྱི་ཆུ་ཚོད་༩་དང་སྐར་མ་༩་སྐར་ཆ་༩་ཐོག་འགོ་བརྩམ་སྟེ་
ZurichནསGenfབར་ཞི་བའི་གོམ་བགྲོད་བྱ་རྒྱུ་དང་། ད་ཐེངས་ཀྱི་བདག་གིས་ཞི་
བའི་གོམ་བགྲོད་འདིར་བརྟེན་རྒྱ་གཞུང་ལ་མཉམ་སྦྲེལ་རྒྱལ་ཚོགས་བརྒྱུད་ནས་གཤམ་གྱི་ཆ་
རྐྱེན་རྣམས་རང་དབང་དང་ཐོབ་ཐང་ཡོངས་སུ་ལྡན་པའི་མཉམ་སྦྲེལ་རྒྱལ་ཚོགས་སུ་བསྐུལ་མ་
ཞུས་པ་ཡིན།
༡༽མི་མང་གི་ཐད་ཀར་འདེམས་པའི་བཀའ་ཁྲི་བློ་བཟང་སེང་གེ་མཆོག་དང་རྒྱ་གཞུང་བར་ཞི་བའི་གྲོས་མོལ་གནང་རྒྱུ།
༢༽ཀུན་གཟིགས་པཎ་ཆེན་རིན་པོ་ཆེ་གཙོས་པའི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པའི་ཐོག་ནས་གློད་གྲོལ་དགོས་རྒྱུ།
༣༽བོད་དུ་གསར་འགོད་རང་དབང་དང་གནས་ཚུལ་གང་ཡིན་ཡང་ཁ་གསལ་དགོས་རྒྱུ།
༤༽སུད་སི་མི་མང་གིས་རེ་འདུན་བཞིན་མཉམ་སྦྲེལ་རྒྱལ་ཚོགས་ཀྱི་ངོས་ནས་བོད་ནང་ལ་
ངེས་པར་དུ་བདེན་པའི་གནས་ཚུལ་གང་ཡིན་མིན་གཟིགས་ཞིབ་གནང་བར་ཕེབས་དགོས།
བོད་ནང་དུ་ད་ལྟ་སྡུག་སྦྱོང་མནར་སྐྱོད་ཚད་མེད་མེད་མྱོང་བཞིན་པའི་བོད་མི་ཡོངས་ཀྱི་ཚབ་
བྱས་ཏེ་ཉམ་ཆུང་ངའི་འུ་ཐུག་ཐབས་ཟད་ཀྱི་ལས་འགུལ་འདི་སྤེལ་བ་ཡིན་པས་ཁྱེད་རྣམས་ནས་ཐུགས་ཡངས་ཆེན་པོས་གཟིགས་ཞིབ་དང་དོན་དངོས་ཀྱི་འབྲས་བུ་ཞིག་ཡོང་བའི་རེ་བ་ཡོད།
བོད་རྒྱལ་ལོ་༢༡༣ སྤྱི་ལོ་༢༠༡༡ལོའི་ཟླ་༨པའི་ཚེ ༨ གུས་པ་མཁར་ནང་འཕགས་པ་ནས།