ནམ་མཁའ།
ངས་དེ་རིང་འདིར་བརྗོད་པ་ལ་དྲ་གྲོགས་ཚོས་ཕྲན་ལ་བཀའ་ཀྱོན་དང་སྡིག་དམོད་ག་ཚོད་བྱས་ཀྱང་ཆོག ངས་ཁྱེད་ཅག་གི་བསམ་ཚུལ་ལ་ཕྱོགས་གཉིས་ནས་དྭངས་ལེན་བྱེད་ཀྱི་ཡིན། ང་ཚོ་ཆ་ཚང་གིས་མཁྱེན་གསལ་ལྟར་དེ་རིང་བར་དུ་བོད་མི་ག་ཚོད་ཅིག་གིས་རང་ལུས་མེ་བསྲེགས་བཏང་བའི་གྲངས་ཀ་ངས་འདིར་འབྲི་མི་དགོས་བར་ཤེས་སྲིད་རེད།
ད་རུང་ཡང་འདི་ལྟར་མེ་བསྲེགས་ལས་འགུལ་མུ་མཐུད་སྤེལ་རྒྱུ་ཡིན་ནམ།ཡང་ན་ལས་འགུལ་གྱི་ངོ་བོ་གཞན་ཞིག་ལ་བསྒྱུར་ཐབས་བྱེད་ཀྱི་རེད།དེ་མིན་མེ་བསྲེགས་ལས་འགུལ་མཚམས་འཇོག་བྱེད་ཐབས་ལ་འབད་ཀྱི་ཡིན།དྲི་བ་འདི་གསུམ་ནི་ང་ཚོ་བོད་མི་ཡོངས་ཀྱི་སེམས་རྩར་གཉར་བའི་དྲི་བ་ཞིག་ཡིན་སྲིད།
གལ་སྲིད་མུ་མཐུད་སྤེལ་ཚེ་དེ་དང་མཐུན་པའི་ནུས་འབྲས་ཞིག་ཐོན་ངེས་ཡིན་ནམ། འགྲིག་དང་མ་འགྲིག་གང་ཞིག་བཤད་དགོས་མིན་མི་ཤེས་ཀྱང་ཚེ་སྲོག་མང་པོ་ཤོར་བའི་ས་བོན་ལ་དུས་ལ་བབ་པའི་འབྲས་བུ་ཞིག་ཐོན་དགོས་མོད།འོན་ཀྱང་འབྲས་བུའི་ཟུར་ཙམ་ཡང་གོ་ཐོས་མི་འདུག་ལ།དེ་རིང་རྒྱ་ནག་གི་ཚོགས་ཆེན་༡༨ཡི་གཏམ་བཤད་ཀྱི་ཚིག་འགོ་མཐོང་བས་འབྲས་བུ་ཞིག་ཐོན་ཐུབ་པའི་རེ་བ་ཕྲན་ལ་མི་འདུག་པས་རང་ལུས་མེ་བསྲེགས་འདི་མཚམས་འཇོག་བྱེད་དགོས་བའི་འབོད་སྐུལ་ལ་བཀའ་སྤྱིས་གསོལ་བ་ཕུར་ཚུགས་སུ་འདེབས་དགོས་བར་སྙམ།
རེད་ལགས།ངས་འདི་ལྟར་བཤད་ཚེ་ཀློག་མཁན་སྐོར་ཞིག་གིས་རྨོངས་བཤད་དང་འགན་མེད་པའི་གཏམ་གྱི་འགོ་འདི་ལྟར་བརྩམས་སྲིད།མཚམས་འཇོག་བྱེད་དགོས་ན་རྒྱ་ནག་གཞུང་ལ་བཤད་དགོས་ཅེས་ལན་དྲི་བ་དང་དོགས་པ་མེད་པའི་ཚིག་འཆལ་འགའ་འཕེན་སྲིད། དེ་ལྟར་རེད།རང་ལུས་མེ་བསྲེགས་ཀྱི་ལས་འགུལ་འདི་ནི་ཧོའུ་ཐའོ་ཡིས་ལོ་བཅུའི་རིང་བཟུང་བའི་མེ་མདའི་སོ་ཁ་ནས་འབར་བ་ཡིན་པ་རྒྱ་གཞུང་མ་ཡིན་པའི་འཛམ་གླིང་མི་དམངས་ཀྱིས་མཁྱེན་ཡོད་ལ་ཁས་ལེན་ཡང་ཡོད། ཡིན་ཡང་ང་རང་གཙོ་བྱས་བའི་ཕྱི་སྡོད་བོད་མི་ཚོས་རང་གི་ཕ་ཡུལ་དང་རང་གི་ནང་མི་ཞིག་ཡིན་ཚེ་ག་འདྲ་ཞིག་ཡིན་ནམ།ཅེས་རང་གི་སེམས་ཁམས་ལ་མྱོང་ཞོར་མཛུབ་མོ་བཅུ་བོ་བྲང་ལ་སྦྱར་སྟེ་བསམ་གཞིགས་ཞིག་བྱེད་རོགས།ང་ཚོའི་གཞི་ལུས་སྤུན་ཟླ་འདི་དག་གི་ཤུལ་ལུས་ཀྱི་ནང་མི་དང་དྭ་ཕྲུག་ཏུ་གྱུར་བའི་བུ་ཕྲུག་དགའ་སྡུག་སྐྱོ་གསུམ་བཤད་སའི་བཟའ་ཟླ་སོགས་ཀྱི་སེམས་ཁོང་གི་སྡུག་བསྔལ་འདི་དག་སུས་སེལ་ཐུབ་བམ། ཁ་ཤས་ཀྱིས་བོད་ནང་གི་བོད་མི་ཚོའི་འགན་ལས་འདི་བྱས་དང་མ་བྱས་ཅེས་གཏམ་བཤད་ཀྱི་ཐོབ་ཐང་ང་ཚོ་ཕྱི་སྡོད་བོད་མི་སུ་ཡང་མེད་ཅེས་འདི་འདྲ་བསམ་སྲིད། འདི་ལྟ་བུའི་བསམ་ཚུལ་ནི་བློ་གཟུར་བོ་གནས་བའི་གཏམ་བདེན་པ་ཞིག་ཡིན་མིན་ཕྲན་ལྟ་བུས་ཁ་ཚོན་གཅོད་དཀའ་བར་འདུག རང་ལུས་མེ་བསྲེགས་གཏོང་དགོས་ཅེས་བོད་ཕྱི་ནང་གཉིས་ཀྱི་བོད་མི་སུས་ཀྱང་སྐུལ་སློང་བྱས་མྱོང་མེད་ལ།དེ་འདྲའི་སྐུལ་སློང་ཞིག་བྱེད་པའི་སྤོབས་པ་སུ་ལ་ཡང་མེད་པ་བདེན་པ་ཡིན་པ་མ་ཟད།འདི་ནི་འཛམ་གླིང་གིས་མདུན་ནས་གསལ་བོར་བདེན་དཔང་ཡང་བྱེད་ཐུབ།
ཡིན་ཡང་རང་ལུས་མེ་བསྲེགས་ཀྱི་ལས་འགུལ་མཚམས་འཇོག་བྱེད་དགོས་བའི་འབོད་སྐུལ་ཞུས་ཚེ། རྒྱ་ནག་གཞུང་གིས་གཏམ་ཅི་ཞིག་བཤད་མིན་ལ་དོགས་ནས་ངག་བཅད་ནས་བསྡད་ཀྱང་རུང་།མ་བབསྡད་ཀྱང་རུང་རྒྱ་ནག་གཞུང་གིས་བོད་ནང་དོན་རྐྱེན་ཆེ་ཆུང་གང་ཞིག་བྱུང་ན་ཡང་ཁ་བྲལ་རིང་ལུགས་པ་ཏྰ་ལའི་རུ་ཚོགས་ཀྱིས་ངན་སྐུལ་བྱས་བ་རེད་ཅེས་འཛམ་གླིང་ཡོངས་སུ་བསྒྲགས་ཏེ་ལོ་ངོ་ལྔ་བཅུ་འདས་སོང་།ད་རུང་ཡང་མུ་མཐུད་ནས་རྒྱ་ནག་གཞུང་དང་ས་གནས་སྲིད་སྲིད་གཞུང་སོགས་སུ་ལག་པ་གཡས་སུ་མེ་མདའ་དང་གཡོན་ཏུ་གཡོ་ཐབས་ཀྱིས་ཕྱི་ཤུན་སྙིང་རྗེ་བོ་གཡོགས་བཞིན་ཡོད། ཐ་ན་ཁ་སང་དེ་རིང་གི་རེབ་གོང་དང་རྔ་བ་ཁུལ་དུ་རང་ལུས་མེ་བསྲེགས་ཀྱི་གནས་ཚུལ་རྒྱ་ནག་ཀྲུང་དབྱངས་དབང་འཛིན་པ་ཚོས་ཤེས་ཡོད་མེད་ཡང་ཐེ་ཚོམ་རེད།དེ་ནི་ས་གནས་སྲིད་གཞུང་གི་འགོ་ཁྲིད་ཚོས་རྒྱ་ནག་དབུས་སྲིད་གཞུང་ལ་སོ་སོའི་ས་གནས་ཀྱི་དོན་རྐྱེན་མང་པོ་ཞིག་རྫུན་གཏམ་ཁོ་ནས་གཡོགས་བཞིན་ཡོད།དེ་ནི་ཁོང་ཚོའི་གོ་གནས་དང་ལག་ལེན་སྲིད་ཇུས་ལ་ཕྱི་ཤུན་མཛེས་བོ་རེ་གཡོགས་སྲོལ་རྒྱུན་འཇམས་སུ་སོང་བའི་རྟགས་རེད།
གལ་སྲིད་དེ་ལྟར་གསང་བ་མ་བྱས་ཚེ་ཁོང་ཚོའི་གོ་གནས་དང་ལས་གནས་ནས་གནས་དབྱུངས་བྱེད་པ་དང་།ཡང་ན་ཁོང་ཚོའི་ཐོག་ལ་སྐྱོན་ཞིག་སླེབས་པའི་དོགས་པའི་དབང་གིས་ནམ་ཡང་རྫུན་གྱི་གོང་བུ་དེར་དམའ་རིམ་ཞང་གི་འགོ་ཁྲིད་ནས་དབུས་སྤྱི་ཁྱབ་བར་དུ་གོམས་སྲོལ་དུ་གྱུར་ཡོད། གང་ལྟར་རྒྱ་ནག་མི་རིགས་སྤྱིའི་སེམས་ཁམས་སུ་སྐྱོན་གང་ཞིག་བྱུང་ན་ཡང་མི་གཞན་ཞིག་སྟེང་འཇོག་ཐབས་བྱེད་པ་དང་། རང་དང་གཞན་གཉིས་ལས་རང་གི་འདོད་པ་དང་བདེ་བ་གཙིགས་སུ་འཛིན་པ་མི་རིགས་འདིའི་བཅོས་མིན་གྱི་གཤིས་ཀ་དངོས་དེ་རེད། དེ་ལྟར་ཡིན་དུས་རྒྱ་ནག་ནང་ཁུལ་ལ་སྐྱོན་གང་ཞིག་བྱུང་ན་ཡང་མི་ཞིག་ཐོག་འཇོག་པ་མི་རིགས་འདིའི་བསྒྱུར་མེད་གོམས་གཤིས་རེད།དེ་ནི་ང་ཚོ་བོད་མི་ཚོས་གཞན་ཞིག་ལ་རེ་བཅོལ་བྱས་བ་དང་གཅིག་མཚུངས་སུ་མཆིས། དེས་རྐྱེན་སྲིད་སྐྱོང་དང་ཚོགས་གཙོས་མེ་བསྲེགས་ཀྱི་མཚམས་འཇོག་བྱེད་དགོས་བའི་གསོལ་བ་ཕུར་ཚུགས་སུ་འདེབས་དགོས་བའི་དུས་ལ་སླེབས་པ་མ་ཟད།ཕྱིས་དྲགས་འདུག ཕྱི་སྡོད་བོད་མི་ཡོངས་ཀྱིས་རང་རང་གི་ས་གནས་སོ་སོ་ལ་ཡང་འབོད་སྐུལ་ཞུ་ཐབས་བྱེད་དགོས།
ཨ་རིའི་རླུང་འཕྲིན་ཁང་དང་ཨེ་ཤེ་ཡ་རང་དབང་རླུང་འཕྲིན་ཁང་གིས་ཀྱང་མཚམས་འཇོག་བྱེད་ཐབས་ལ་བླ་ཆེན་དཔོན་ཆེན་རིགས་ལ་བཅར་འདྲི་ཞུས་ན་ཆོག་མོད།འོན་ཀྱང་ཐབས་སྐྱོ་བ་ཞིག་ལ་སྲང་ལམ་ནས་ཡར་སྒྲིགས་པའི་གསར་འགོད་པ་འདི་ཚོ་ནམ་ཡིན་ཡང་འཕྲུལ་ཆས་ཀྱི་མི་ལྟ་བུ་རྐྱང་རེད། མི་རིགས་གཞན་ལ་བཅར་འདྲི་ཙམ་ཡང་བྱེད་མི་ཐུབ་པར་ཁོང་ཚོའི་ནང་ཁུལ་གྱི་ལས་རོགས་ཕན་ཚུན་ལ་བཅར་འདྲི་བྱེད་བཞིན་ཡོད་པས་བྱ་ཐབས་ཅི་ཞིག་ཡོད། ང་ཡང་ཁྱེད་ཅག་བཞིན་ཁ་བཙུམ་ནས་མིག་ཆུ་གཏོང་ཞོར་བསྡད་ན་ཆོག་མོད།འོན་ཀྱང་ཁ་སང་དེ་རིང་མིག་ནས་མཆི་མ་ཡང་སྐམ་ཚར་འདུག་ལ། ཁ་བཙུམ་ནས་འདུག་ཐུབ་མ་སོང་བས་དགོངས་འགལ་མེད་པར་ཞུ།
༨/༡༡/༢༠༡༢ལ།
ནམ་མཁའ་ལགས།ང་རང་ཁྱེད་ཀྱི་བསམ་ཚུལ་ལ་རྒྱབ་སྐྱོར་ཡོད་མོད།ཡིན་ན་ཡང་འདི་ཚོ་སོ་སོའི་སྒོ་རྩར་དང་རང་གི་ནང་མི་ཐོག་སླེབས་རག་བར་དུ་སེམས་སུ་ན་ཟུག་ང་ཚོ་བཞིན་ཁེགས་པོ་རེད།ཁྱེད་ལ་རྒྱབ་སྐྱོར་བྱེད་པ་ལས་ཁྱེད་ཀྱི་ཁ་ནང་གི་ལྕེ་དབང་གཅོད་ཀྱི་ཡིན་ཟེར་མཁན་རྐྱང་ཡིན།
ཚོར་བ་རང་སྟེང་ལ་དཔག་པའི་སྐད་ཆ་ཞིག་བཤད་འདུག
ད་ནི་སྲིད་སྐྱོང་གིས་གོང་ས་མཆོག་བོད་ལ་གདན་དྲངས་མ་ཐུབ་ཀྱང་། ཁ་ཚ་དགོས་གཏུགས་ལ་གཅིག་ནས་བོད་ནང་གི་རང་ལུས་མེར་སྲེག་མཚམས་ཡོང་བའི་དོན་ལྡན་གྱི་རེ་བསྐུལ་ཞུ་དགོས་པ་དང་།གཉིས་ནས་རང་ལུས་མེར་སྲེག་གི་རླབས་ཆེན་གྱི་ལས་འགུལ་དེ་རྒྱལ་སྤྱིའི་ནང་ནུས་ལྡན་གྱི་དྲིལ་བསྒྲགས་བྱེད་ཕྱོགས་ཐད་ཛ་དྲག་གི་ལས་གཞི་སྤེལ་དགོས་འདུག ང་ཚོ་མི་མང་ལ་སྣེ་འཁྲིད་མཁན་གྱི་འགོ་འཁྲིད་དགོས་ཀྱི་དགོས།
དེ་མིན་རྒྱལ་གཅེས་དཔའ་བོ་དཔའ་མོ་ཚོས་རང་གི་གཅེས་པའི་ཚེ་སྲོག་བཏང་ནས་རྒྱ་གཞུང་གི་གདུག་རྩུབ་ཀྱི་སྲིད་བྱུས་ལ་གཡོ་འགུལ་ཐེབས་རྒྱུ་སྟ་ཅི། འཛམ་གླིང་མི་མང་གིས་ཀྱང་ཤེས་རྟོགས་མེད་པར་འགྱར་ན་དེ་ནི་རྒྱུ་དག་མེད་པའི་བཙན་བྱོལ་བོད་མི་རྣམས་ཀྱིས མ་འཇོན་པ་དང་།མ་བྱས་པ། མ་ཤེས་པ་བཅས་ཀྱིས་སྐྱོན་ཡི་པ་ལས་དེ་མིན་སུ་ལའང་ཁ་འཁྲི་བཏགས་ས་མེད།
དེ་རིང་ཁ་སང་བོད་ནང་བོད་མི་ནང་ཁུལ་དུ་གཏམ་གླེང་བྱེད་དུས་༼བོད་མི་བརྒྱ་དང་བརྒྱད་ཀྱིས་རང་ལུས་མེ་མཆོད་འབུལ་ན་བོད་ལ་རང་དབང་ཐོབ་རྒྱུ་ཡིན་པ་གོང་ས་མཆོག་གིས་བཀའ་གནང་ཚུལ་༽གྱི་གཏམ་དེ་འདྲ་ཞིག་གང་སར་ཁྱབ་སྤེལ་འགྲོ་བཞིན་འདུག་ཟེར། དད་དམ་གཡོ་བ་མེད་པའི་གཞིས་བཞུགས་བོད་མིར་མཚོན་ན་གོང་གསལ་གནད་དོན་དེ་ཉེན་ཁ་དང་འཇིག་སྣང་སྐྱེས་དགོས་པ་ཞིག་མཐོང་།བ
ནམ་མཁའ་ལགས་ཀྱི་སེམས་གཏམ་ལ་འཐད་པ་ཡིན། སྐད་ཆ་ངོ་མ་འདེན་པ་རེད། འོན་ཀྱང་དྲ་གྲོགས་རྣམས་པ་བཤད་གྱི་ཞིག་ལ་ཨ་རི་རླུང་འཕྲིན་ཁང་དང་ཨེ་ཤ་ཡ་རང་དབང་རླུང་འཕྲིན་ཁང་གཉིས་ཀྱིས་ལས་བྱེད་རྣམས་པ་གསར་འགོད་པ་མ་རེད། རྒྱུ་མཚན་གང་ཡིན་ཟེར་ན་ཁོང་ཚོས་ཕྱོགས་གཅིག་མ་གཏོགས་བརྫོད་གྱི་མེད་པ་རེད། དེ་འདྲ་ཡིན་ཙང་ཁོང་ཚོ་གསར་འགོད་པ་མ་རེད། ཁོང་ཚོ་དྲི་བསྒྲགས་པ་རེད། བོད་ནང་དུ་ཕྱི་ཕྱོགས་ཀྱིས་གནས་ཚུལ་སྒྲགས་གི་ཡོད་པ་རེད། བོད་ནང་དུ་ཕྱི་ཕྱོགས་ཀྱིས་གནས་ཚུལ་བསྒྲགས་ནས་གྲུབ་འབྲས་ཐོན་ཡོད་དམ་མེད་ཟེར་ན། གྲུབ་འབྲས་ཐོན་ཡོད་པ་རེད་བསམས་ཀྱི་འདུག། གཅིག་ནི་ད་ལྟ་བོད་ནང་དུ་འགྲོ་བཞིན་པའི་རང་བསྲེག་འདི་ཡང་རླུང་འཕྲིན་ཁང་གཉིས་ཀྱིས་དྲིལ་བསྒྲགས་ལ་འབྲེལ་བ་ཆེན་པོ་ཡོད་རེད་འདོད། འོན་ཀྱང་བོད་ནང་གི་གནས་ཚུལ་དང་རང་བསྲེག་གི་ལས་འགལ་འདི་དག་ཕྱི་ཕྱོགས་ཀྱི་བོད་པ་དང་ཚོགས་པ་སྒྲིགས་འཛིག་ཡང་ན་རླུང་འཕྲིན་ཁང་བཅས་ཀྱི་ཕར་མི་རིགས་གཞན་གྱི་གསར་འགྱུར་དང་སྤྱི་ཚོགས་ལ་འགྲེལ་བྱེད་རྒྱག་མི་ཐུབ་པ་དེ་དཀའ་ངལ་ཆེ་ཤེས་རེད། ང་ཚོ་ནང་ཁུལ་ལ་བསྐོར་བ་རྒྱག་རྒྱུ་མ་གཏོགས་གཞན་ང་ཚོ་སུ་ཅིག་འཇོན་གྱི་མི་འདུག། དེ་ནི་ང་ཚོ་ཚང་མའི་དཀའ་ངལ་རེད་འདོད།
ཚེ་སྲོག་མ་གཏོང་རོགས།
ཚེ་སྲོག་རྩ་ཆེ་དྲགས་པས། རང་བཙན་དོན་དུ་ཡང་མ་གཏོང་།
ཚེ་སྲོག་རྩ་ཆེ་དྲགས་པས། གཉིས་སྨན་དབུས་ལམ་དོན་དུ་ཡང་མ་གཏོང་།
ཚེ་སྲོག་རྩ་ཆེ་དྲགས་པས། ཆབ་སྤེལ་རིག་གསུམ་གྱི་་དོན་དུ་ཡང་མ་གཏོང་།
ཚེ་སྲོག་རྩ་ཆེ་དྲགས་པས། ༸གོང་ས་མཆོག་གདན་འདྲེན་དོན་དུ་ཡང་མ་གཏོང་།
ཐུགས་རྗེས་གཟིགས།
བཀའ་སྤྱིས་གསོལ་བ་ཕུར་ཚུགས་སུ་འདེབས་ཐུབ་མིན་མི་ཤེས་ཀྱང་། ཀརྡོ་ངས་ནི། ད་ནས་བཟུང་མེར་སྲེག་ལས་འགུལ་མ་སྤེལ་བར། གཞི་རྒྱ་ཆེ་བའི་སྐད་འབོད་གནང་རོགས་གནོངས་ཞུའོ། །
ཁྱོད་ཚོས་གང་བཤད་པ་དེར་རྒྱུ་ཤིག་ཙམ་ཡང་མི་འདུག །བཀའ་ཤག་ནས་འབོད་བསྐུལ་མང་པོ་ཞུས་ཡོད་པར་མ་ཤེས་པ་འདྲ། ཡིན་ཡང་སྡུག་བསྔལ་མྱོང་མཁན་ངོ་མ་དེ་གཞིས་ལུས་སྤུན་ཟླ་ཚོ་ཡིན་པ་ཡང་ཤེས་གྱི་མེད་པ་འདྲ་འདུག །ལས་འགུལ་འདིའི་འབྱུང་རྩ་ངོ་མ་གང་ཡིན་དང་། ག་རེའི་ཆེད་དུ་ངོ་རྒོལ་གནང་གི་ཡོད་པ། སུ་ལ་ངོ་རྒོལ་གནང་གི་ཡོད་པར་སོགས་ཤེས་དགོས། མདོར་བསྡུས་ནས་བཤད་ན་རྒྱ་དམར་གྱི་གདུག་རྩིབ་ཅན་གྱི་སྲིད་ཇུས་འདི་མཚམས་འཇོག་མ་བྱས་བར་དུ་ལས་འགུལ་འདི་རིམ་བཞིན་འགྲོ་ངེས་པར་རེད། མ་ཤེས་ན་མ་བཤད་ན་མཛེས་སོ་ཞེས་བསྐུལ་ལོ། །
བཤད་མི་ཤེས་པ་དང་གནས་དུས་ཚོད་རྩིས་མི་ཐུབ་པའི་རིགས་ཀྱིས་རང་རྒྱུས་རང་གིས་ཤེས་པས་ཁ་རོགས་བསྡད་ན་ཡག དེ་འདྲའི་རིགས་ཀྱིས་ཆབ་སྲིད་ཀྱི་ལྷགས་རླུང་ཁྲོད་རང་ཉིད་གང་དུ་ཁུར་གྱི་ཡོད་མེད་ཀྱང་ཤེས་མི་སྲིད། དེ་དག་གི་སྐད་ཆ་ནི་ཕན་ལས་གནོད་ཆེ་བས་ནམ་མཁའ་ལགས་གཙོས་པའི་བྱེས་གྱར་བ་ཚོས་བསམ་བློ་ཡག་པོ་གཏོང་ནས་རང་མི་རིགས་ཀྱི་བདེ་སྡུག་ལ་སེམས་ཁུར་དངོས་གནས་ཡོད་ན། རང་རང་གང་དུ་གནས་ན་དེ་ནས་གཞིས་ལུས་བོད་མིའི་མགྲིན་ཚབ་པ་ཡག་པོ་ཨེ་འཁྱོངས་ཏེ་ཡ་ང་བའི་གནས་སྟངས་སྡུག་པོ་ཁྱབ་བསྒྲགས་དང་མི་རིགས་གཞན་གྱིས་ཤེས་རྟོག་ཡོང་འབད་བརྩོན་གནང་ན་དགོས་མཚན་ཆེ་བར་སྙམ་པས་རྩོམ་མཁན་དང་དྲ་འབུ་ཚང་མས་ཐུགས་འཇགས་གནང་བར་འཚལ།
བཤད་མི་ཤེས་པ་དང་གནས་དུས་ཚོད་རྩིས་མི་ཐུབ་པའི་རིགས་ཀྱིས་རང་རྒྱུས་རང་གིས་ཤེས་པས་ཁ་རོགས་བསྡད་ན་ཡག དེ་འདྲའི་རིགས་ཀྱིས་ཆབ་སྲིད་ཀྱི་ལྷགས་རླུང་ཁྲོད་རང་ཉིད་གང་དུ་ཁུར་གྱི་ཡོད་མེད་ཀྱང་ཤེས་མི་སྲིད། དེ་དག་གི་སྐད་ཆ་ནི་ཕན་ལས་གནོད་ཆེ་བས་ནམ་མཁའ་ལགས་གཙོས་པའི་བྱེས་གྱར་བ་ཚོས་བསམ་བློ་ཡག་པོ་གཏོང་ནས་རང་མི་རིགས་ཀྱི་བདེ་སྡུག་ལ་སེམས་ཁུར་དངོས་གནས་ཡོད་ན། རང་རང་གང་དུ་གནས་ན་དེ་ནས་གཞིས་ལུས་བོད་མིའི་མགྲིན་ཚབ་པ་ཡག་པོ་ཞིག་ཨེ་འཁྱོངས་བལྟས་ཏེ་ཡ་ང་བའི་གནས་སྟངས་སྡུག་པོ་འདི་ཁྱབ་བསྒྲགས་དང་མི་རིགས་གཞན་གྱིས་ཤེས་རྟོག་ཡོང་བར་འབད་བརྩོན་གནང་ན་དགོས་མཚན་ཆེ་བར་སྙམ་པས་རྩོམ་མཁན་དང་དྲ་འབུ་ཚང་མས་ཐུགས་འཇགས་གནང་བར་འཚལ།
བོད་ཀྱི་གཞི་སྡོད་སྤུན་ཟླ་རྣམས་ཀྱིས་མི་རིགས་དང་རྒྱལ་ཁབ་ཀྱི་ཆེད་དུ་རང་སྲོག་བློས་བཏང་གིས་ལས་འགུལ་རླབས་ཆེན་འདི་ལྟར་སྤེལ་དང་སྤེལ་བཞིན་པའི་དུས་དང་བསྟུན་ནས། རང་དབང་གི་ཡུལ་དུ་འཚོ་ཞིང་གནས་པའི་སྤུན་ཟླ་རྣམས་ཀྱིས་དེ་ལ་རྒྱབ་སྐྱོར་དང་ཐུགས་ཁུར་གྱིས་མཉམ་འབྲེལ་རྒྱལ་ཚོགས་དང་མེ་གླིང་སྲིད་གཞུང་། ཡོ་རོལ་གླིང་སྲིད་གཞུང་དག་ལ་འབོད་སྐུལ་དང་ཞུ་བ་བྱེད་ན་ལེགས། དེ་མིན་ནང་ཁུལ་ནས་གཅིག་གིས་གཅིག་ལ་ལས་བདའ་བྱས་ཏེ་བསྡད་ན་རྒྱ་རིགས་རྣམས་གད་མོ་ཤོར་རྒྱུ་དང་སྐྲ་སེར་རིགས་ཀྱིས་འཕྱ་དམོད་བྱེད་རྒྱུ་ཡིན་པ་མི་ཤེས་སམ། བོད་མི་རྣམས་ཀྱིས་ད་ལྟའི་བར་འདི་འདྲའི་ཚབས་ཆེན་གྱི་ལས་འགུལ་སྤེལ་མེད་ལ་ཕྱི་སྡོད་བོད་མིའི་མགྲིན་ཚབ་པས་ཀྱང་ནུས་བ་གཅིག་ཀྱང་ཐོན་མེད། ད་ལྟ་འཛམ་གླིང་གི་ལོ་རྒྱུས་སུ་བྱུང་མ་མྱོང་བའི་ཆེས་འུ་ཐུག་གིས་རང་ལུས་མེ་རུ་སྦར་བའི་ལས་འགུལ་ཚབས་ཆེན་འདི་ལྟ་བུ་གཅིག་མཇུག་གཉིས་མཐུད་ཀྱིས་བྱུང་དང་འབྱུང་བཞིན་ཡོད་ན་མཉམ་འབྲེལ་ར྄ླ་ཚོགས་གྱིས་ཀྱང་མ་ཤེས་ཁུལ་དང་མ་གོ་ཁུལ་བྱས་ཏེ་མི་འདུག་པར། དོན་དག་འདི་ཐག་གཅོད་བྱེད་དང་མི་བྱེད་ལ་སྐད་ཆ་གསལ་བོ་ཞིག་བཤད་དགོས་རྒྱུ་རེད། དེས་ན་ཕྱི་སྡོད་བོད་རིགས་གཞུང་དམངས་གཉིས་ཀྱིས་མཐུན་པའི་ལག་རྡང་གཅིག་སྦྲེལ་གྱིས་རྒྱལ་སྤྱ྄ིའི་སྟེང་དུ་བོད་དོན་ཐག་གཅོད་བྱ་བར་ཅི་ལྕོགས་གང་ནུས་ཀྱིས་འབད་བརྩོན་ནན་ཏན་བྱེད་དགོས།
མཆན་ཞོག་ཅེས་ཡིག་འབྲུ་གཉིས་མངོན་ཡོད་མོད། འོན་ཀྱང་མཆན་ཞོག་ཅེས་པའི་དོན་ཅི་ཡིན་དང་མཆན་ཇི་ལྟར་འཇོག་ཚུལ་ངས་མི་ཤེས། དགོངས་པ་མི་ཚོམས་པར་ཞུ།།
བཀའ་སྤྱི་གཉིས་ལ་གང་བྱས་ཡ་ཡོད་པ་ནི་དྲིལ་བསྒྲགས་དང་ལས་འགུལ་སྤེལ་ཡ་རེད།ད་གང་མགྱོག་གཞིས་བཞུགས་ཚེ་གཞི་རྒྱ་ཆེ་བའི་རྔམ་སྟོན་ཁྲོམ་སྐོར་བྱས་རན་སོང་།། སློབ་གྲ་ཚང་མཉམ་གཅིག་ལོངས་ཤོག དགོན་པ་ཚང་མ་ལོངས་ཤོག
ཚོགས་པ་ཚང་མ་ལོངས་ཤོག
བོད་ཕྱི་ན་ཡོད་མཁན་ཚོས་བོད་ནང་གི་མི་མང་ལ་མེར་བསྲེགས་ལས་འགུལ་སྤེལ་ཟེར་ནས་འབོད་སྐུལ་བྱེད་པའི་ཐོབ་ཐང་མེད་པ་དང་། མ་བསྲེགས་ཟེར་བའི་ཐོབ་ཐང་ཡང་མེད།
ང་ཚོས་ལས་ཀ་གཅིག་བྱེད་ཐུབ་པ་དེ་ནི་མེར་བསྲེགས་གནས་ཚུལ་གང་ཐོབ་བསྡུ་བསྒྲུགས་ཀྱིས་འཛམ་གླིང་མི་མང་དང་ལྷག་པར་ཡང་བོད་མི་རིགས་གྱི་མི་རབས་ཕྱི་མ་ལ་ལོ་རྒྱུས་མཁོ་སྤྲོད་ཀྱི་རྒྱུ་ཆ་བསྒྲུབ་རྒྱུ་དེ་ཙམ་རེད།
བླ་ཆེན་དཔོན་ཆེན་ཚོར་དེའི་སྐོར་གཏན་ནས་མ་འདྲི་རོགས། དེས་ནི་བླ་ཆེན་དཔོན་ཆེན་ཁོ་རང་ཚོར་ཕན་མི་ཐོགས། ང་ཚོ་ཕྱི་ན་ཡོད་མཁན་ཚོར་ཕན་མི་ཐོགས། བོད་ནང་གི་མི་མང་ལ་ཕན་མི་ཐོགས་པ་ཞིག་རེད།
མེར་བསྲེགས་ཞི་རྒོལ་འདི་བླ་ཆེན་དཔོན་ཆེན་ནས་མགོ་བཙུགས་པ་ཞིག་མིན་པའི་ཆ་ནས་བླ་ཆེན་དཔོན་ཆེན་ཚོ་འདིའི་ནང་དུ་གཏན་ནས་དྲུད་ཡོང་མི་རུང་། དེ་ལས་བླ་ཆེན་ཚོའི་ལག་ལ་བསྔོ་རྟེན་རེ་འབུལ་རོགས། ང་ཚོས་བྱེད་ཐུབ་པ་ཡང་དེ་རེད། བླ་ཆེན་ཚོ་དགྱེས་ས་ཡང་དེ་རེད། བོད་ནང་གི་མི་མང་པོས་ཀྱང་དགའ་མོས་བྱེད་ཀྱི་རེད།
སྤོབས་པ་མཐའ་ཡས་ཀྱི་སྐད་ཆ་ལ་མོས་མཐུན་ཡོད། དེ་མིན་འགན་ཁུར་མེད་པའི་སྨྱོ་བཤད་དེ་ཚོ་མ་བྱས་ན་ལེགས།
ཨ་རི་བོད་སྐད་གསར་འགྱུར་དང་ཨེ་ཤེ་ཡ་རང་དབང་བོད་སྐད་གསར་འགྱུར་འདི་གཉིས་གསར་འགོད་ཚོའི་རྒྱལ་སྤྱི་གསར་འགྱུར་མཁོ་སྒྲུབ་བྱེད་མ་ཐུབ་པ་རྟེན་ནས་དུས་ཚོད་འགྲོ་ཐབ་དང་ཁོ་རང་ཚོ་ཉི་མ་འཁྱོལ་ཐབས་བྱེད་འདུག བསྐྱར་ཟློས་དང་ཕན་ཐོགས་་མེད་པའི་་འགྲོ་གླེང་ནང་ལ་ཉི་མ་རྫོགས་ཐབས་བྱེད་འདུག བོད་མི་དམངས་ལ་ཕན་སེམས་སྤུ་རྩེ་ཡོད་མ་རེད། དུས་ཚོད་དེ་མ་སྐྱེལ་རང་སྐྱེལ་རེད་་གང་ཡིན་ཟེར་ན་་ཁོ་རང་ཚོ་གྲོད་ཁོག་སྟོང་པ་ཆགས་ཀྱི་ཡོད་རེད། དོན་མེད་སྐྱར་ཟློས་དང་འགྲོ་གླེང་མ་བྱས་ན་ཉི་མ་འཁྱོལ་གྱི་ཡོད་མ་རེད།
དེ་སང་མི་ཁ་ཤས་སོ་སོ་སྤྱང་པ་དང་འཇོན་པོ་ཡིན་མདོག་གིས་བོད་ཀྱི་དཔའ་བོདཔའ་མོ་རྣམས་ལ་ཚེ་སྲོག་གལ་ཆེ་ཚུལ་མང་པོ་བཤད་ཀྱི་འདུག་མོད། དེ་ནི་ཁོང་རྣམས་པའི་སྙིང་སྟོབས་ལ་མཐོང་ཆུང་རང་རེད། དེས་ན་ཚང་མས་གཤམ་གྱི་གནས་ཚུལ་ལ་བསམ་ན་ཚེ་སྲོག་གི་རིན་ཐང་ཤེས་མཁན་ངོ་མ་སུ་ཡིན་ཧ་གོ་གི་རེད། དང་པོ། དཔའ་བོ་དཔའ་མོ་རྣམས་ཀྱིས་ཚེ་སྲོག་གལ་ཆེན་པོ་ཡིན་པ་ང་ཚོ་ལས་ཀྱང་ལྷག་པར་ཤེས་ཏེ་བོད་མི་རིགས་ཀྱི་ཆེད་ད་དུ་གཏོང་བ་ལས་ང་ཚོ་ནང་བཞིན་རང་གི་ལྟོ་གོས་སྒྲུབ་བྱེད་ཙམ་མ་རེད། གཉིས་པ། ཁོང་ཚོའི་དགོས་འདུན་བོད་མི་ཡོངས་རྫོགས་རང་དབང་བདེ་སྐྱིད་ཡོང་རྒྱུ་དེ་རེད་མ་གཏོགས་ང་ཚོ་ནང་བཞིན་བོད་ལ་རང་དབང་བྱུང་ན་སོ་སོ་སྐྱིད་པོ་བྱུང་གི་རེད་སྙམ་པ་མ་རེད། ཁོང་རྣམས་པས་རང་གི་ཡོད་ཚད་བློས་གཏོང་བ་རེད་མ་གཏོགས་ང་ཚོ་ནང་བཞིན་རྒྱའི་གཞུང་ཚབ་མདུན་སྐད་སྐར་མ་ཁ་ཤས་རྒྱབ་པ་དང་གོམ་པ་ཆུ་ཚོད་གཅིག་གཉིས་རྒྱབ་པ་ཙམ་མ་རེད། དེས་ན་ཚེ་སྲོག་དང་རང་དབང་། མི་རིགས་དང་གཞུང་བཅས་གལ་ཆེ་པོ་ཡིན་པ་ཧ་མི་གོ་མཁན་ངོ་མ་དེ་ང་ཚོ་ཡིན་པ་ལས་དཔའ་བོ་ཚོ་མ་རེད།
ངས་འདིར་དྲ་གྲོགས་སྤོབས་མཐའ་ལགས་ལ་ལན་ཐུང་ངུ་ཞིག་འབུལ་འདོད་སྐྱེས།
ངས་བོད་ཀྱི་བླ་ཆེན་དཔོན་ཆེན་ཚོས་རང་ལུས་མེ་བསྲེགས་འགོ་བརྩམས་པ་རེད་ཅེས་ནམ་ཡང་བཤད་ཀྱི་མེད།
ངས་བསམ་པར་བོད་མི་མང་སུ་ཡིན་ཡང་བོད་ཀྱི་བླ་ཆེན་དཔོན་ཆེན་ཚོས་མཚམས་འཇོག་གི་བཀའ་སློབ་དང་བསམ་ཚུལ་ཕྲན་བུ་རེ་གསུང་པ་དང་།ང་ལྟ་བུ་ནུས་མེད་ཅི་ཡང་མི་འཇོན་མཁན་ཞིག་གིས་འབོད་སྐུལསྟོང་ཕྲག་ཞུས་པ་ལས་ནུས་པ་ཞིག་ཐོན་པར་བསམ་པ་ཡིན།དེ་ཡང་དཔའ་བོ་དཔའ་མོ་ཚོའི་ཚེ་སྲོག་དང་ནང་མི་ཤུལ་ལུས་ཚོས་སྡུག་བསྔལ་ལ་བསམ་པ་ཡིན། དེ་ཡང་ངས་འདི་ལྟར་བསམ་བློ་གཏོང་གི་ཡོད།གལ་སྲིད་སོ་སོའི་ནང་མི་དང་སྤུན་མཆེད་ཞིག་ཡིན་ཚེ་ང་ལ་སྐྱོ་གདུང་ག་ཚོད་ཅིག་ཡོད་པ་རེད།མ་ཟད་ལྷག་པར་དུ་དྭ་ཕྲུག་ཏུ་ལུས་བའི་བུ་ཕྲུག་ཚོ་དང་བཟའ་ཟླ་སོགས་ཕ་མ་སོགས་ཀྱི་སེམས་ཁོང་གི་སྡུག་བསྔལ་ལ་བསམ་ཁུལ་བྱས་བ་ཡིན།
ཐོབ་ཐང་ཡོད་མེད་ཀྱི་སྐད་ཆ་ངས་བཤད་ཀྱི་མེད།ངས་བཤད་འདོད་པ་ནི་མེ་སྲེག་མཚམས་འཇོག་དང་བྱེད་ཐབས་གཞན་གི་སྒོ་ནས་འཐབ་རྩོད་འདྲ་བྱས་ན་བསམ་པ་ཡིན།གལ་སྲིད་འདི་དག་ནོར་འཁྲུལ་ཡོད་ཚེ་དགོངས་དག་ཞུ་ཡ་ལས་གཞན་མེད།གང་ལྟར་མཆོག་ཉིད་ཕེབས་ནས་བསམ་ཚུལ་དྭངས་མོ་ཞིག་གནང་འདུག་པས་བཀའ་དྲིན་ཆེ། ད་ཡང་འགྲོ་རན་སོང་།རྗེས་མ་ཞིག་མཇལ་འདོད་ཤིན་ཏུ་ཆེ།
ང་དང་ང་ལྟ་བུ་ཚོ་ཚུད་པའི་བོད་མི་རང་ལུས་མེར་བསྲེགས་མི་ཐུབ་མཁན་ཚོས་རང་གི་མི་མང་གི་ཆེད་དུ་ཚེ་སྲོག་ཀྱང་མར་མེར་སྦར་ཕོད་མཁན་གྱི་དཔའ་བོ་རླབས་ཆེན་ཚོར་དེ་ལྟར་མ་བྱེད་ཟེར་བ་ཞིག་སེམས་ནས་དྲན་ཀྱང་ཁ་ནས་ག་འདྲ་ཐོན་ཕོད་པ་ཡིན་ནམ།
རྒྱལ་ཁབ་དང་མི་རིགས་ཀྱི་བདེ་སྡུག་ལས་མི་སྒེར་གྱི་བདེ་སྡུག་གལ་ཆེར་འཛིན་མཁན་ཞིག་ཡིན་ན་ནམ་ཡང་བརླབ་ཆེ་བའི་མི ཞིག་ཆགས་མི་སྲིད་པ་རེད། ནུབ་ཕྱོགས་ལ་ཡོད་པའི་བོད་མི་འདི་ཚོ་ལ་ནུབ་ཕྱོགས་སྒེར་གཙོ་རིང་ལུགས་ཀྱི་ལྟ་བའི་ཤུགས་རྐྱེན་ཐེབ་པ་ཡིན་ནམ། ནམ་ཡིན་ཡང་སྒེར་དོན་གཙོ་འཛིན་གྱི་སྐད་ཆ་ཀྱང་ཀྱང་བཤད་རྒྱུ་དེ་ཁོང་ཚོའི་གོམ་གཤིས་འདྲ་ཞིག་ཆགས་འདུག
ད་བར་ང་ཚོས་བློས་གཏོང་བ་ཉུང་དྲག་པ་ལས་མང་མེད། དེས་ན་སོ་སོ་ཤི་རྒྱུ་ལ་སྐྲག་ན་བློས་མ་གཏོང་ན་ཆོག་མོད། འོན་ཀྱང་གཞན་ཡང་བློས་མ་གཏོང་རོགས་ཟེར་བ་ནི་ཀུན་སློང་ཡག་སྡུག་གང་ཡིན་ཀྱང་མི་རིགས་ཀྱི་ལས་དབང་ལ་བསམ་ན་ནག་ཉེས་ཆེན་པོ་རེད། སྔ་ནས་ད་བར་རྒྱལ་ཁ་ཐོབ་པའི་མི་རིགས་ཚང་མ་བློས་གཏོང་དགོས་རེད་ཟེར་མཁན་ཤ་སྟག་ལས་བློས་མ་གཏོང་རོགས་སྒུག་བསྡད་ན་ཅིག་ཡོང་གི་རེད་ཟེར་མཁན་མེད།