བདེན་པའི་འགྱུར་ཁུགས། ༼གླུ་གཞས།༽

Comments (4) on “བདེན་པའི་འགྱུར་ཁུགས། ༼གླུ་གཞས།༽”

1. གངས་ཅན་པའི་ཕ་གཞིས་གཙང་མ་ཞང་བོད་སྟོད་སྨད་བར་གསུམ་གང་གི་ཡང་སྐད་ཁུངས་སུ་མ་གཏོགས་པའི་གླུ་དབྱངས་འདིའི་ཚིག་དོན་གཉིས་ལ་མཁས་དབང་རྣམས་ཀྱིས་ལེགས་བཅོས་འདྲ་གནང་རྒྱུ་ཡོད་དམ། །

   མཁའ་ན་འཇོ་བའི་བདུད་རྩི་བསིལ་མ་གཅིག །
   སེམས་ན་འབབ་པའི་གཙང་ཆུ་དངས་མ་གཉིས།
   རུས་ན་ཟུག་པའི་ཕ་སྐད་དག་མ་གསུམ།
   གངས་ཆབ་ཟིགས་མའི་འགྱུར་ཁུགས་ངོ་མ་ཡིན། །

   བརྩེ་བ་ཕབ་ཡོད་ཡར་ཀླུང་གཙང་བོ་གཅིག །
   དུངས་པ་སྤུངས་ཡོད་ཇོ་མོ་གླང་མ་གཉིས།
   དམ་ཚིག་བཞེངས་ཡོད་རྡོ་རྗེ་བྲག་རི་གསུམ།
   གངས་ཆབ་ཟིགས་མའི་འགྱུར་ཁུགས་གཙང་མ་ཡིན། །

   དགའ་སྐྱོ་རི་མོ་རི་ལ་བརྐོ་བ་གཅིག །
   སྐྱིད་སྡུག་ལོ་ཟླ་ཆུ་ལ་སྐུར་བ་གཉིས།
   བདེ་སྡུག་ལས་དབང་དབྱངས་ལ་འགུགས་པ་གསུམ།
   གངས་ཆབ་ཟིགས་མའི་འགྱུར་ཁུགས་དག་མ་ཡིན། །

   ང་ནི་ཁྱོད་ཡིན་ཁྱོད་ནི་ང་ཡང་ཡིན།
   ང་ཚོ་ཚང་མ་ཁྱིམ་ཚང་གཅིག་གི་ཡིན།
   མཛའ་མཐུན་དཔུང་ཡིན་མཐུན་སྒྲིལ་དགུ་མདུད་ཡིན།
   གངས་ཆབ་ཟིགས་མའི་འགྱུར་ཁུགས་བདེན་པ་ཡིན། །

2. བོད་གངས་ཅན་པའི་སྔ་རབས་ཀྱི་ཁ་དཔེ་ལ།
   མགོ་ཡི་ཞྭ་དང་རྐང་གི་ལྷམ། ཟེར་བ་ཞིག་ཡོད་པ་འདྲ།
   དེ་འདྲ་ཡིན་དུས་བོད་ཀྱི་གླུ་བ་དང་གླུ་མ་ཚོས་མཛད་སྒོ་རྒྱ་ཆེ་སར་བོད་རང་ལུགས་ཀྱི་ཡུལ་ལུང་སོ་སོའི་ལུགས་སྲོལ་མ་ཉམས་པའི་རྐང་གི་ལྷམ་དེ་ཚོ་གྱོན་དགོས་རྒྱུ་ཤིན་ཏུ་གལ་ཆེན་དུ་མཐོང་། ཕྱི་ནས་བལྟས་པ་ཡིན་ནའང་བོད་ཀྱི་རྐང་ལྷམ་དེ་ཚོ་ཧ་ལས་པའི་འདྲ་ཆགས་པོ་འདུག ད་བར་གླུ་བ་ཕ་རྒོད་ཚོས་རྒྱ་ལྷམ་ཡུ་རིང་ཅན་རྐྱང་རྐྱང་གྱོན་སྲོལ་ཞིག་དར་ཁྱབ་ཕྱིན་འདུག་མོད། འོན་ཀྱང་རྐང་ལྷམ་དེ་ནི་རང་ལུགས་ཡིན་ནོ། །

3. འོན་ཀྱང་རྒྱ་ལྷམ་དེ་ནི་རང་ལུགས་མ་ཡིན་ནོ། ། ཞེས་སུ་བཅོ་རོགས་གནོངས། །

4. དེང་སྐབས་སྲིད་སྤྱི་གཉིས་ཀྱི་འོས་ལངས་དང་འབྲེལ་བའི་ཆབ་སྲིད་ཀྱི་སྐད་ཆ་ཕྱོགས་ཞེན་ཅན་ཉན་མི་འདོད་པ་མང་པོ་ཞིག་དྲ་སྟེགས་སུ་མཐོང་སྐབས་གླུ་དབྱངས་སྙན་མོ་འདི་འདྲ་བ་ཞིག་ཉན་རྒྱུ་བྱུང་བའང་བསོད་ནམས་ཅན་དུ་བརྩི་ལོས་ཆོག ཨ་ལ་་་་་