བཙན་བྱོལ་བོད་མིའི་གཞི་རིམ་ཤེས་ཡོན་སློབ་གསོའི་གནས་བབ།

Comments (3) on “བཙན་བྱོལ་བོད་མིའི་གཞི་རིམ་ཤེས་ཡོན་སློབ་གསོའི་གནས་བབ།”

1. བཙན་བྱོལ་བོད་མིའི་ཁྲོད་ནས་ཤེས་ཡོན་སློབ་གསོའི་སྐོར་ལ་ཚོར་བ་ཡོད་མཁན། སློབ་གསོའི་སྐོར་ལ་དོ་སྣང་ཡོད་མཁན་མང་པོ་ཤེས་རིག་ལས་ཁུངས་ཀྱིས་མཚོན་པའི་སློབ་གྲྭ་ཁག་ཏུ་མེད་པ་ནི་གྱོང་ཆེན་པོ་རེད།

   སློབ་གྲྭ་ཁག་གི་འཛིན་སྐྱོང་བྱེད་མཁན་རྣམས་ཀྱིས་ལས་བསྡོམས་ཤོག་ངོས་གང་འཚམ་ཡོད་པ་ཞིག་རྒྱག་ཐུབ་པ་དང་། རྙོག་དྲ་སླེབས་ཚེ་རིགས་པ་བཏང་ནས་མིན་པ་ཡིན་པར་སྒྲུབ་ཐུབ་པ་བྱུང་ན་འཛིན་སྐྱོང་ཡག་པོ་བྱུང་སོང་ཟེར་བ་དང་།

   དགེ་རྒན་རྣམས་ཀྱིས་སློབ་ཁྲིད་གྲྭ་སྒྲིག་ཅི་གང་མེད་པར་རང་གི་ལོ་བཅུ་གྲངས་སྔོན་སྦྱང་མྱོང་བ་ཞིག་དྲན་སོས་ལ་མ་སོས་པ་བྱས་ཏེ་སློབ་མ་རྣམས་ལ་ཤོད་སྡོད་པ།

   ཕ་མ་རྣམས་ཀྱིས་སྐད་ཆའི་མགོ་སླངས་པ་ནས་མི་ཚེ་འགྲོ་གི་མ་རེད་དཱ་་ཕོགས་ཡག་པོ་རག་གི་འདུག་ད་་ཕྱི་རྒྱལ་ལ་ལམ་ཁ་ཡོད་མ་རེད་སོགས་ལས་གཞན། མི་རིགས་ཀྱི་དོན་དང་། རིག་གཞུང་། སྒྱུ་རྩལ་སོགས་གང་ཡང་ཀླད་པར་མེད་པས་སྤྱི་ཚོགས་ཁྱོན་ཡོངས་བྲན་གཡོག་གི་སྤྱི་ཚོགས་གསར་པ་ཞིག་ཏུ་གྱུར་ཡོད།

2. བཙན་བྱོལ་ནང་གི་གཞོན་སྐྱེས་མང་པོ་ཞིག་གིས་བལྟས་མ་ཐག་འདྲ་ཆགས་པོ་དང་། ཡིན་མདོག་ཁ་བོ་བཤད་ཀྱང་། དོན་དངོས་སུ་སྐད་ཆ་དེ་དག་གི་ཤོག་བུ་དཀར་པོ་རུ་ཡི་གེ་ནག་པོས་བྲིས་ཡོད་པའི་ནུབ་ཕྱོགས་དང་ཡུ་རོབ་ལྟ་བུའི་བསམ་བློ་ཡིན་པ་དང་། རང་གིས་གང་བཤད་པ་དང་། བཤད་ཟིན་པ་དེའི་འབབ་ས་གང་ཡིན་པ། དོན་དག་ཅི་ཡིན་པ་སོགས་ཕལ་ཆེར་བོད་མི་སྐྱབས་བཅོལ་བ་གཞོན་སྐྱེས་ཚོས་ཁྱོན་ནས་ཤེས་ཀྱི་མེད་པ་ནི་བདེན་དཔང་ཁུངས་སྐྱེལ་དང་བཅས་ཏེ་བཤད་རྒྱུ་མང་ངོ་།།

   དེའི་རྒྱབ་ནས་ཅི་ཞིག་མཐོང་གི་རེད་ཅེ་ན། གཞོན་སྐྱེས་བོད་མི་འདི་དག་མགོ་བདེ་དྲན་འཕྲུལ་དང་། རིག་པ་ས་སིར་རེ་གཏོང་བ་ལ་བྱང་གོོམས་ཆེན་པ་ཡིན་པ་མཚོན་པ་མ་ཟད། ཅ་ལག་དང་མ་སོང་ན་སྤུས་ཀ་ཁྱོན་ནས་མེད་པ་བཟོ་སྐྲུན་བྱེད་བཞིན་པ་མཚོན་པ་ཡིན་པས་མི་འདི་དག་ལྟ་བུ་ལ་ཤེས་ཡོན་ལམ་ལུགས་ལྟ་བུའི་གཞི་རྟིང་ཆེན་པོའི་སྐོར་བཤད་བཅུག་ཚེ་བོད་ཀྱི་གཏམ་དཔེར། སྨྱོན་པའི་ལག་ལ་རལ་གྲི་ལས་མ་འདས་སོ།

3. ཚེ་རིང་བསམ་འགྲུབ་ཀྱིས་གསར་འགྱུར་བརྒྱུད་ལམ་ཁག་ལ་བཤད་པའི་སྐད་ཆ་ཚང་མ་འགལ་ཟླ་ཅན་རྐྱང་རེད། ཉི་མ་འཁྱོལ་ཐབས་ཁོ་ན་ཡིན་ས་རེད་འདུག