བཙན་བྱོལ་བོད་མིའི་བཅའ་ཁྲིམས་པར་ཐེངས་དྲུག་པ་ཕྱི་ལོ་ ༢༠༡༩ དེབ་གྲངས་ ༢༥༠༠ ཟེར་བའི་ནང་བཅའ་ཁྲིམས་དོན་ཚན་ལྔ་བཅུ་ང་བདུན་པ། སྤྱི་འཐུས་ལྷན་ཚོགས་དང་། སྤྱི་འཐུས་བྱེ་བྲག་པ་འཕོ་འགྱུར་གཏོང་བ། ཟེར་བའི་ནང་སྤྱི་འཐུས་ལྷན་ཚོགས་དེ་གསལ་མི་འདུག་ན་དེའི་སྐོར་ལ་དཔྱད་པའི་གཏམ།

གཞུང་པ་ཚེ་དབང་བསོད་ནམས།

མང་གཙོའི་རྒྱལ་ཁབ་ག་འདྲ་ཞིག་གི་རྩ་ཁྲིམས་ལ་རྒྱུས་ལོན་གནང་མཁན་ཞིག་ཡོད་ན་གྲོས་ཚོགས་ཀྱི་འཐུས་མི་ཆ་ཚང་འཕོ་འགྱུར་གཏོང་རྒྱུའི་ཆ་རྐྱེན་དེ་རྒྱལ་ཁབ་ཀྱི་རྩ་ཁྲིམས་ནང་གསལ་ཡོད་པ་བཞིན་སྤྱི་ལོ་ ༡༩༩༡ སྤྱི་ཟླ་ ༦ པའི་ཚེས་ ༡༤ ཉིན་སྤྱི་འཐུས་སྐབས་བཅུ་གཅིག་གི་ཁྲིམས་བཟོའི་འགན་འཁུར་བླངས་ནས་བཙན་བྱོལ་བོད་མིའི་བཅའ་ཁྲིམས་གཏན་ལ་ཕབ་སྟེ་སྤྱི་ལོ་ ༡༩༩༡ སྤྱི་ཟླ་ ༦ པའི་ཚེས་ ༢༨ ཉིན་༧ གོང་ས་༧ སྐྱབས་མགོན་ཆེན་པོ་མཆོག་གི་མཆོག་མཆན་མཚན་རྟགས་ཕེབས་པའི་ཉིན་དེ་ནས་དངོས་སུ་ཁྲིམས་ཡིག་ཏུ་གཏན་འབེབས་གནང་བའི་བཙན་བྱོལ་བོད་མིའི་བཅའ་ཁྲིམས་དོན་ཚན་ལྔ་བཅུ་ང་བདུན་པའི་ནང་སྤྱི་འཐུས་ལྷན་ཚོགས་དང་། སྤྱི་འཐུས་བྱེ་བྲག་པ་བཅས་འཕོ་འགྱུར་གཏོང་རྒྱུའི་ཆ་རྐྱེན་དེ་བཞག་ཡོད་པ་འདི་ལྟར། ༼ དོན་ཚན་ང་བདུན་པ། སྤྱི་འཐུས་ལྷན་ཚོགས་དང་། སྤྱི་འཐུས་བྱེ་བྲག་པ་འཕོ་འགྱུར་གཏོང་བ།

༡ རྒྱལ་ཁབ་དང་། མང་ཚོགས་ཀྱི་ཁེ་ཕན་ཆེད་བཅའ་ཁྲིམས་འདིའི་དོན་ཚན་ཁག་ནང་གསལ་ལྟར་༧ གོང་ས་༧ སྐྱབས་མགོན་ཆེན་པོས་བཀའ་ཤག་དང་། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་། སྤྱི་འཐུས་ལྷན་ཚོགས་ཀྱི་ཚོགས་གཙོ་དང་། ཚོགས་གཙོ་གཞོན་པ་བཅས་ལ་བཀའ་བསྡུར་བསྐྱངས་རྗེས་སྤྱི་འཐུས་ལྷན་ཚོགས་གནས་སྐབས་ལས་དོན་བར་མཚམས་འཇོག་པའམ། འཕོ་འགྱུར་གནང་འཐུས། ༽ ༼ Dissolution of the Tibetan Assembly and Removal of a Member.Article no 57 . (a). In the interest of Tibet and its people , His Holiness the Dalai Lama may , in consultation with the Kashag , the Chief Tibetan Justices Commissioner, the Speaker and Deputy Speaker of the Tibetan Assembly , either prorogue or dissolve the Tibetan Assembly in accordance with the provisions of this Charter, ༽ ཅེས་གསལ་ཡོད་ན་ཡང་སྤྱི་ལོ་ ༢༠༡༩ བཅའ་ཁྲིམས་པར་ཐེངས་དྲུག་པ་དེབ་གྲངས་ ༢༥༠༠ ཟེར་བའི་ནང་དང་། ༄༅། བཙན་བྱོལ་བོད་མིའི་སྒྲིག་འཛུགས་ཀྱི་ཁྲིམས་སྒྲིག་ཁག་ཕྱོགས་བསྒྲིགས། བོད་མི་མང་སྤྱི་འཐུས་སྐབས་ ༡༦ པའི་གྲོས་ཚོགས་ཚོགས་དུས་ ༡༠ པ་བོད་རྒྱལ་ལོ་ ༢༡༤༧ སྤྱི་ལོ་ ༢༠༢༡ སྤྱི་ཟླ་ ༣ པའི་ཚེས་ ༣༠ བར་བསྐྱར་བཅོས་གཏན་འབེབས་ཕྱོགས་བསྒྲིགས། ཟེར་བའི་དེབ་ལྗང་ཁུ་ཡིག་ཆ་དེ་གཉིས་ཀྱི་ནང་དུ་བཅའ་ཁྲིམས་དོན་ཚན་ལྔ་བཅུ་ང་བདུན་པ། སྤྱི་འཐུས་ལྷན་ཚོགས་འཕོ་འགྱུར་གཏོང་རྒྱུ་ཟེར་བ་དེ་གསལ་མེད་པ་དང་། སྤྱི་འཐུས་བྱེ་བྲག་པ་འཕོ་འགྱུར་གཏོང་རྒྱུའི་ཆ་རྐྱེན་དེ་རང་འཇགས་བཞག་འདུག་པ་འདི་ལྟར། ༼ དོན་ཚན་ང་བདུན་པ། སྤྱི་འཐུས་བྱེ་བྲག་པ་འཕོ་འགྱུར། ༡ ༽ སྤྱི་འཐུས་སུ་འོས་འདེམས་ཟིན་པའི་སྐྱེ་བོ་གང་ཞིག་བཅའ་ཁྲིམས་འདིའི་དོན་ཚན་ ༣༨ པར་གསལ་བའི་སྤྱི་འཐུས་འོས་ཆོས་གང་རུང་མ་ཚང་བར་གྱུར་པའམ། སྤྱི་འཐུས་ལྷན་ཚོགས་ནས་འཕོ་འགྱུར་བྱ་རྒྱུར་རྩ་འབོར་གསུམ་ཆ་གཉིས་ཡན་གྱིས་ཐག་གཅོད་བྱུང་བ་བཅས་ཀྱི་སྐབས་རང་ཉིད་སྤྱི་འཐུས་ནས་འཕོ་དགོས། ༢ ༽ དེ་ལྟའི་འཕོ་འགྱུར་བྱུང་བ་དང་། གཞན་ཡང་སྤྱི་འཐུས་སུ་རུང་དགོངས་ཞུས་དང་། དུས་ཆོས་སུ་གྱུར་པ། བཀའ་བློན་དུ་འདེམས་ཐོན་བྱུང་བ་ཡིན་ན། འོས་བསྡུ་ཆེན་མོའི་སྐབས་སྤྱི་འཐུས་ཡོངས་ཁུངས་སོ་སོ་ནས་འོས་ཐོབ་མང་རིམ་རྩེ་བཏོག་གིས་སྤྱི་འཐུས་གྲངས་ཚད་ལོངས་རྗེས་དེའི་འོག་དགོས་ངེས་འོས་ཤོག་ཐོབ་པའི་འོས་གཞི་ལྷག་མ་རྣམས་འོས་ཐོབ་མང་ཉུང་གོ་རིམ་ལྟར་སྒུག་ཐོ་དབུས་འོས་བསྡུ་ལས་ཁང་དུ་བདག་ཉར་ཡོད་པ་དེ་ནས་གོ་རིམ་བཞིན་ཚབ་གསར་འཕྲལ་དུ་དམ་འབུལ་ཞུ་དགོས། གལ་ཏེ་སྒུག་ཐོའི་ནང་སུའང་མེད་ཚེ་ས་སྟོང་བྱུང་བའི་ཉིན་མོ་དེ་ནས་བཟུང་ཉིན་གྲངས་ ༡༨༠ ནང་ཚུན་སྤྱི་འཐུས་གསར་པའི་འོས་བསྡུ་ཟིན་པ་དགོས་རྒྱུ། གལ་སྲིད་བྱུང་རྐྱེན་རྒྱུ་མཚན་ཚད་ལྡན་བཟློག་མེད་དབང་གིས་གོང་གསལ་ཉིན་གྲངས་ནང་ཚུད་འོས་བསྡུ་མ་ཐུབ་པ་བྱུང་ཚེ། འོས་བསྡུ་སྤྱི་ཁྱབ་འགན་འཛིན་གྱིས་འོས་བསྡུ་འཕར་འགྱངས་བྱེད་འཐུས་དང་། སྤྱི་འཐུས་ལྷན་ཚོགས་འཚོགས་བཞིན་པ་ཡིན་ན་དེ་ཐོག་དང་། དེ་མིན་དེ་མ་ཐག་པའི་ཚོགས་དུས་རྗེས་མའི་ནང་འོས་བསྡུ་སྤྱི་ཁྱབ་འགན་འཛིན་གྱིས་རྒྱུ་མཚན་ཞིབ་འཁོད་ཀྱི་སྙན་ཞུ་དང་སྦྲགས་སྤྱི་འཐུས་ལྷན་ཚོགས་སུ་འོས་བསྡུ་འཕར་འགྱངས་ཆོག་པའི་བཀའ་འཁྲོལ་ཞུ་དགོས་ཤིང་། སྤྱི་འཐུས་ལྷན་ཚོགས་ཀྱི་བཀའ་འཁྲོལ་དུས་ཚེས་ནང་འོས་བསྡུ་ངེས་པར་ཟིན་པ་དགོས། ༽ ཅེས་གསལ་འདུག་ན་སྤྱི་འཐུས་ལྷན་ཚོགས་འཕོ་འགྱུར་གཏོང་རྒྱུའི་ཆ་རྐྱེན་དེ་མ་གསལ་བ་ནས་པར་བསྐྲུན་སྐབས་ཆད་ལྷག་ཤོར་བ་ཡིན་ནམ་བཅའ་ཁྲིམས་བསྐྱར་བཅོས་བརྒྱུད་ནས་ཕྱི་འཐེན་གནང་བ་ཡིན་གསལ་པོ་མ་ཤེས་པ་ནས་པར་བསྐྲུན་སྐབས་ཆད་ལྷག་ཤོར་བ་ཡིན་ན་པར་བསྐྲུན་རྗེས་མའི་སྐབས་ཆད་ལྷག་མ་ཤོར་བ་གནང་དགོས་པ་དེ་སྤྱི་འཐུས་ལྷན་ཚོགས་ཀྱི་ཐུགས་འགན་ཡིན་པའི་ངོས་འཛིན་ཞུ་གི་ཡོད། བཅའ་ཁྲིམས་བསྐྱར་བཅོས་བརྒྱུད་ནས་ཕྱི་འཐེན་གནང་བ་ཡིན་ཚེ་སྤྱི་འཐུས་ལྷན་ཚོགས་དེ་དམངས་གཙོ་གཅིག་བསྡུད་གྲལ་རིམ་དམངས་གཙོ། ༼ Proletarian ༽ ལ་ཁ་ཕྱོགས་འདོད་པ་མ་རེད་དམ། འཛམ་གླིང་གི་མང་གཙོའི་རྒྱལ་ཁབ་་ག་འདྲ་ཞིག་ཡིན་ཀྱང་མང་གཙོའི་གཞུང་འཛིན་སྐྱོང་གནང་མཁན་གྱི་ཀ་བ་གསུམ། ༼ Three Pillar of Democracy Government ༽ ༡ འཛིན་སྐྱོང་སྡེ་ཚན། ༼ Executive ༽ ༢ ཁྲིམས་བཟོ་སྡེ་ཚན། ༼ Legislature ༽

༣ ཁྲིམས་ལུགས་དབང་འཛིན་སྡེ་ཚན། ༼Judiciary ༽ བཅས་སྡེ་ཚན་གསུམ་དེ་འཕོ་འགྱུར་གཏོང་རྒྱུའི་ཆ་རྐྱེན་རྒྱལ་ཁབ་ཀྱི་རྩ་ཁྲིམས་ནང་གཏན་འབེབས་གནང་བཞིན་པ་ལྟར་ང་ཚོའི་བཅའ་ཁྲིམས་ཐོག་མ་གཏན་འབེབས་གནང་སྐབས་བཅའ་ཁྲིམས་དོན་ཚན་ཉི་ཤུ་རྩ་དགུ་པའི་ནང་གསེས་གསུམ་པའི། ༼ ཀ ༽པ་ནང་བཀའ་ཤག་འཕོ་འགྱུར་གཏོང་རྒྱུའི་ཆ་རྐྱེན་གསལ་ཡོད་པ་དང་། བཅའ་ཁྲིམས་དོན་ཚན་ལྔ་བཅུ་ང་བདུན་ནང་སྤྱི་འཐུས་ལྷན་ཚོགས་འཕོ་འགྱུར་གཏོང་རྒྱུའི་ཆ་རྐྱེན་གསལ་ཡོད་པ་དང་། བཅའ་ཁྲིམས་དོན་ཚན་ལྔ་བཅུ་ང་བཞིའི་ནང་ཆེས་མཐོའི་ཁྲིམས་ཞིབ་ཚོ་འཕོ་འགྱུར་གཏོང་རྒྱུའི་ཆ་རྐྱེན་གསལ་ཡོད་པ་ནས་འདི་དག་ནི་ང་ཚོའི་མང་གཙོ་དེ་ཡང་དག་པ་ཁྲིམས་ཀྱི་དབང་བསྒྱུར། ༼ Rule of Law ༽ཟེར་བའི་གོ་དོན་ངོ་མ་ཡང་དེ་ཡིན་པའི་གསལ་སྟོན་བྱས་ཡོད། ཁྲིམས་བཟོ་སྤྱི་འཐུས་གྲོས་ཚོགས་ནས་འཛིན་སྐྱོང་བཀའ་ཤག་དང་། ཁྲིམས་ལུགས་དབང་འཛིན་ཆེས་མཐོའི་ཁྲིམས་ཞིབ་ཁང་གཉིས་འཕོ་འགྱུར་གཏོང་རྒྱུའི་ཆ་རྐྱེན་དེ་རང་འཇགས་བཞག་ནས་སྤྱི་འཐུས་ལྷན་ཚོགས་འཕོ་འགྱུར་གཏོང་རྒྱུའི་ཆ་རྐྱེན་དེ་མེད་པ་བཟོས་པ་ཡིན་ཚེ་ང་ཚོའི་མང་གཙོ་དེ་གྲལ་རིམ་དམངས་གཙོ། ༼ Proletarain ༽ ལ་ཁ་ཕྱོགས་འདོད་པ་མ་རེད་དམ། དེ་སྔོན་སྤྱི་འཐུས་སྐབས་བཅོ་ལྔ་ནས་བཅའ་ཁྲིམས་དོན་ཚན་གསུམ་པའི་ནང་འཁོད་པའི་ཁྲིམས་མཐུན་གྱི་ཐ་སྙད་ཡུལ་མིའི་རྒྱལ་ཁབ། ༼ Republic ༽ དེ་མང་གཙོའི་སྤྱིའི་ལྟ་གྲུབ། ༼ Democracy Theory ༽ དང་ཡོངས་སུ་མ་མཐུན་པའི་ཐ་སྙད་གསར་པ། ༼ ཡུལ་མིའི་སྲིད་སྐྱོང་། ༽ ལ་ཁ་ཕྱོགས་འདུག་པ་འདི་དག་ལ་བསམ་ཞིབ་བྱ་སྐབས་ང་ཚོ་སླར་ཡང་འཛམ་གླིང་ལ་རྒྱབ་བསྟན་ནས་གངས་རིའི་ཁྲོད་ཟུར་འཚོ་བྱ་འདོད་པ་མ་རེད་དམ། ༈ སྤྱི་ལོ་ ༡༩༩༡ ཟླ་བ་ ༢ པའི་ཚེས་ ༢༨ ཉིན་གཏན་འབེབས་གནང་བའི་བཅའ་ཁྲིམས་དོན་ཚན་གསུམ་པ། ཆབ་སྲིད་ཀྱི་རང་བཞིན། མ་འོངས་བོད་ཀྱི་ཆབ་སྲིད་ནི་འཚེ་མེད་ཞི་བའི་ལྟ་བར་གཞི་བཅོལ་བའི་ཐོག་རང་དབང་དང་། སྤྱི་ཚོགས་བདེ་དོན། ཆོས་སྲིད་ཟུང་འབྲེལ། མང་གཙོ་མཉམ་འབྲེལ། ཡུལ་མིའི་རྒྱལ་ཁབ་ཅིག་བྱ་རྒྱུ་ཡིན་གཤིས། བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱ་རྒྱུ་དང་། གཤམ་འཁོད་ལེའུ་བཅུ་གཅིག་པའི་དོན་ཚན་གཞིར་བཟུང་མ་གཏོགས་བཅའ་ཁྲིམས་འདི་ལ་བསྒྱུར་བཀོད་གཏོང་རྒྱུ་མིན། ཅེས་གསལ་ཡོད། ༼ བཅའ་ཁྲིམས་པར་ཐེངས་དྲུག་པ། སྤྱི་ལོ་ ༢༠༡༩ དེབ་གྲངས་ ༢༥༠༠/ འཁོད་པའི་བཅའ་ཁྲིམས་དོན་ཚན་གསུམ་པ། ཆབ་སྲིད་ཀྱི་རང་བཞིན། མ་འོངས་བོད་ཀྱི་ཆབ་སྲིད་ནི་འཚེ་མེད་ཞི་བའི་ལྟ་བར་གཞི་བཅོལ་བའི་ཐོག་རང་དབང་དང་། སྤྱི་ཚོགས་བདེ་དོན། ཆོས་སྲིད་ཟུང་འབྲེལ། མང་གཙོ། ཡུལ་མིའི་སྲིད་སྐྱོང་ཞིག་བྱ་རྒྱུ་ཡིན་གཤིས། བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱ་རྒྱུ་དང་། གཤམ་འཁོད་ལེའུ་བཅུ་གཅིག་པའི་དོན་ཚན་ཁག་གཞིར་བཟུང་མ་གཏོགས་བཅའ་ཁྲིམས་འདི་ལ་བསྒྱུར་བཀོད་གཏོང་རྒྱུ་མིན། ཅེས་གསལ་བ་ནས། ༼ མང་གཙོ་ལས། ༽ མང་གཙོ་མཉམ་འབྲེལ། འཁོད་མི་འདུག་ལ། ༼ ༄༅། ། བཙན་བྱོལ་བོད་མིའི་སྒྲིག་འཛུགས་ཀྱི་ཁྲིམས་སྒྲིག་ཁག་ཕྱོགས་བསྒྲིགས། བོད་མི་མང་སྤྱི་འཐུས་སྐབས་ ༡༦ པའི་གྲོས་ཚོགས་ཚོགས་དུས་ ༡༠ པ་བོད་རྒྱལ་ལོ་ ༢༡༤༧ ཕྱི་ལོ་ ༢༠༢༡ ཟླ་བ་ ༣ པའི་ཚེས་ ༣༠ བར་གྱི་བསྐྱར་བཅོས་གཏན་འབེབས་ཕྱོགས་བསྒྲིགས། ༽ ཟེར་བའི་དེབ་ལྗང་ཁུ་དེའི་ནང་དུ་ཡང་བཅའ་ཁྲིམས་དོན་ཚན་གསུམ་པའི་ནང་གསལ་བའི། ༼ མང་གཙོ་མཉམ་འབྲེལ། ༽ ལ། ༼མང་གཙོ། ༽ ལས་མཉམ་འབྲེལ་འཁོད་མི་འདུག་ན་མང་གཙོ་མཉམ་འབྲེལ་ཟེར་བའི་གོ་དོན་ནི། ༼ Federation ༽ ལ་གོ་དགོས་པ་ནས་བཅའ་ཁྲིམས་ལེའུ་བདུན་པ་དེ་ཡང་མང་གཙོ་མཉམ་འབྲེལ་གྱི་འོག་ཏུ་གཏན་འབེབས་གནང་བ་ཞིག་ཡིན་པ་ནི་དབུས་དང་ས་གནས་གཉིས་དབང་ཆ་ཆ་བགོས་བྱས་ནས།༼ Decentralized ༽ སྒང་ལ་བཞག་ནས་བཅའ་ཁྲིམས་དོན་ཚན་སོ་དྲུག་པ། ཁྲིམས་བཟོའི་དབང་ཆ། སྤྱི་འཐུས་གྲོས་ཚོགས་ཀྱི་འགན་དབང་སྐོར་ཡིན་པ་དང་། བཅའ་ཁྲིམས་དོན་ཚན་གྱ་གཉིས་པ། ས་གནས་འཐུས་མིའི་ཚོགས་འདུའི་དབང་ཚད། ས་གནས་འཐུས་མིའི་འགན་དབང་སྐོར་ཡིན་པ་ནས་མང་གཙོ་མཉམ་འབྲེལ་ཟེར་བའི་ཁྱད་ཆོས་ཡང་དེ་ཡིན་པ་ནས་མ་འོངས་བཅའ་ཁྲིམས་པར་བསྐྲུན་གནང་སྐབས་སྤྱི་འཐུས་ཚོའི་ཐུགས་སྣང་ཆེ་ཙམ་གནང་དགོས་པའི་འབོད་བསྐུལ་ཡང་ཞུ་འདོད་བྱུང་། དེ་སྔོན་སྤྱི་འཐུས་སྐབས་བཅོ་ལྔ་ནས་བཅའ་ཁྲིམས་དོན་ཚན་གསུམ་པའི་ནང་གསལ་བའི་ཡུལ་མི་རྒྱལ་ཁབ། ༼ Republic ༽ དེ་ཡུལ་མིའི་སྲིད་སྐྱོང་ལ་ཁ་ཕྱོགས་པ་ནི་སྤྱི་འཐུས་གྲོས་ཚོགས་ནས་མང་གཙོ་སྤྱིའི་རིག་པའི་གཞུང་ལུགས་སམ་ལྟ་གྲུབ། ༼ Democracy Theory ༽ ལ་སྦྱང་པ་ཆུང་བའི་སྐྱོན་ཡིན་ནམ་གང་ལྟར་ཡུལ་མིའི་རྒྱལ་ཁབ། ༼ Republic ༽ ཟེར་བའི་གོ་དོན་ངོ་མ་འདི་ལྟར་ཡིན་པ། ༼ The head of Nation and head of state is elected by people is called Republic Nation ༽ རྒྱལ་ཁབ་ཀྱི་དབུ་ཁྲིད་དང་། སྲིད་གཞུང་གི་འགོ་ཁྲིད་དེ་མི་མང་ནས་འདམས་པའི་མི་ཞིག་དགོས་པའི་ལམ་ལུགས་ལ་ཡུལ་མིའི་རྒྱལ་ཁབ་ཟེར་བ་དང་། ༼ དེ་སྔོན་སྤྱི་ལོ་ ༢༠༡༡ ལོར་༧ གོང་ས་༧ སྐྱབས་མགོན་ཆེན་པོ་མཆོག་ནས་ཆབ་སྲིད་ཀྱིས་སྐུ་དབང་བོད་མི་མང་ལ་གནང་སྐབས་སྤྱི་འཐུས་སྐབས་བཅུ་བཞི་ལ་གསུང་འཕྲིན་ཕེབས་པའི་ནང་དུ་ཡང་ང་ཚོའི་བཅའ་ཁྲིམས་ནང་ཡུལ་མིའི་རྒྱལ་ཁབ་ཟེར་བའི་ཚིག་འཁོད་པའི་སྐོར་ལུང་འདྲེན་གནང་ཡོད་པ་དང་། ཡུལ་མིའི་སྲིད་སྐྱོང་ཟེར་བའི་ཐ་སྙད་དེ་མང་གཙོ་སྤྱིའི་རིག་པའི་གཞུང་ལུགས་སམ་ལྟ་གྲུབ་དང་མཐུན་མིན་ཐེ་ཚོམ་ནང་ལྷག་མི་འདུག་གམ། ང་ཚོའི་མང་གཙོའི་ལམ་ལུགས་དེ་མང་གཙོ་སྤྱིའི་རིག་པའི་གཞུང་ལུགས་སམ་ལྟ་གྲུབ་དང་མཐུན་པ་ཞིག་མ་བྱུང་ཚེ་ང་ཚོ་སླར་ཡང་གངས་རིའི་གསེབ་ཏུ་འཛམ་གླིང་ལ་ཁ་ཕྱོགས་མ་ཐུབ་ནས་ཟུར་དུ་འཚོ་བ་སྐྱོང་འདོད་པ་མ་རེད་དམ།