གཞུང་པ་ཚེ་དབང་བསོད་ནམས།
བོད་ས་ཤོར་མ་ཐག་གནས་ཡུལ་ལུང་པའི་ནང་༧ གོང་ས་མཆོག་ནས་ང་ཚོར་མང་གཙོའི་ལམ་ལུགས་གནང་ནས་སྤྱི་ལོ་ ༡༩༦༠ སྤྱི་ཟླ་ ༩ པའི་ཚེས་ ༢ ཉིན་བཙན་བྱོལ་སྤྱི་་ཚོགས་ནང་མང་གཙོ་དབུ་བརྙེས་ནས་ཆོལ་གསུམ་ཆོས་ལུགས་དང་བཅས་པའི་བོད་མི་མང་གི་སྐུ་ཚབ་སྤྱི་འཐུས་རྣམས་ནས་༧གོང་ས་མཆོག་དབུ་བཞུགས་ཐོག་མ་ཎི་བཀའ་འབུམ་མདུན་སྤྱི་འཐུས་ཀྱིས་ལས་འཁུར་དམ་འབུལ་ཞུས་ནས་ལྷན་ཁང་སོ་སོར་ལས་བགོས་ཀྱིས་ལས་འཁུར་བླངས་ནས་རིམ་པས་ཉམས་མྱོངས་བསགས་རིམ་བཞིན་སྤྱི་ལོ་ ༡༩༩༡ ལོར་སྤྱི་འཐུས་སྐབས་བཅུ་གཅིག་གི་ཁྲིམས་བཟོའི་འགན་འཁུར་བླངས་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་བརྒྱ་དང་བཅོ་ལྔ་ཡོད་པ་དེ་དག་གཏན་འབེབས་གནང་ནས་༧ ་གོང་ས་མཆོག་གི་མཆོག་མཆན་མཚན་རྟགས་དེ་སྤྱི་ལོ་ ༡༩༩༡ སྤྱི་ཟླ་ ༦ པའི་ཚེས་ ༢༨ ཉིན་ཕེབས་པ་ནས་བཙན་བྱོལ་བོད་མིའི་མང་གཙོ་དེ་ཁྲིམས་ཡིག་གིས་ལམ་སྟོན་འོག་ཁྲིམས་བཟོ་སྡེ་ཚན་དང་། འཛིན་སྐྱོང་སྡེ་ཚན། ཁྲིམས་ལུགས་དབང་འཛིན་སྡེ་ཚན་བཅས་མང་གཙོའི་སྒྲིག་འཛུགས་སྐྱོང་མཁན་གྱི་སྡེ་ཚན་གསུམ་དེ་འགན་དབང་འདྲ་མཉམ་ཐ་དད་དུ་ཡོད་པའི་བཅའ་ཁྲིམས་དོན་ཚན་བརྒྱ་དང་བཅོ་ལྔ་ཡོད་པ་དེའི་ནང་མང་གཙོ་ལས། ༼ དམངས་གཙོ ༽ ཟེར་བའི་ཚིག་གཅིག་མཇལ་རྒྱུ་མེད་པ་ནས་ང་ཚོའི་ཆབ་སྲིད་ཀྱི་ལམ་ལུགས་དེ་མང་གཙོ། ༼ Democracy ༽ ཡིན་པ་ལས་དམངས་གཙོ། ༼ Proletarian ༽ མིན་པ་ཐ་སྙད་འདི་གཉིས་ནས་ངོ་སྤྲོད་གསལ་པོ་ཐུབ་པ་ནི་མང་གཙོ་ནི་གྲངས་ཀྱི་གསལ་འབྱེད་ཡིན་པ་དང་། དམངས་གཙོ་ནི་གྲལ་རིམ་གྱི་གསལ་འབྱེད་ཡིན་པ་སྔོན་སངས་རྒྱས་ཞལ་བཞུགས་པའི་སྐབས་རིགས་བཞི་ཡོད་པ། ༡ རྒྱལ་རིགས། ༢ རྗེ་རིགས། ༣ བྲམ་ཟེའི་རིགས། ༤ དམངས་རིགས་བཅས་རིགས་བཞི་ཡོད་པའི་ནང་ནས་དམངས་ནི་རིགས་བཞིའི་མཐའ་མ་དེ་ཡིན་པ་ནས་ང་ཚོའི་མང་གཙོའི་ལམ་ལུགས་འདི་དམངས་གཙོ་མིན་པ་མང་གཙོ་ཡིན་པ་ནི་མི་མང་བའི་རྗེས་ལ་མི་ཉུང་བ་འགྲོ་བའི་ལམ་ལུགས་ལ་མང་གཙོ་ཟེར་བ་དང་། མི་ཉུང་བའི་རྗེས་ལ་མི་མང་བ་འགྲོ་བའི་ལམ་ལུགས་ལ་གྲལ་རིམ་དམངས་གཙོ་ཟེར་བ་དང་། ནུབ་ཕྱོགས་ལུང་པའི་ནང་དར་ཁྱབ་ཆེ་བའི་ཆབ་སྲིད་ཀྱི་ལམ་ལུགས་རྣམས་མང་གཙོ་ཡིན་པ་དང་། དམངས་གཙོ་ནི་གྲལ་རིམ་བྱེ་བྲག་གི་བཀའ་བཀོད་སྟངས་འཛིན་འོག་མི་མང་འཚོ་བཞིན་པའི་ད་ལྟའི་རྒྱ་ནག་གི་ཆབ་སྲིད་ལམ་ལུགས་དེ་གྲལ་རིམ་དམངས་གཙོ་གཅིག་བསྡུད་ཟེར་བ་དེ་ཡིན་པ་ནས་དམངས་གཙོ་ཡིན་ལ་གཅིག་བསྡུད་ཡིན་ཟེར་བ་དང་། མི་རིགས་འདྲ་མཉམ་ཡིན་ལ་ཐ་དད་ཡང་ཡིན་ཟེར་བ་ནས་ཏང་གུང་ཁྲན་གྲལ་རིམ་གྱི་ཁ་ཕྱོགས་ག་པར་བསྒྱུར་བསྒྱུར་ཡིན་པ་ནས་ཤེས་ཐུབ་པ་དང་། མང་གཙོ་ནི་ཁྲིམས་ཀྱི་འོག་ཏུ་མི་མང་འཚོ་དགོས་པ་ནས་གཞུང་དང་མི་མང་བཅས་པའི་ལས་དོན་ཡོངས་རྫོགས་ཁྲིམས་ཡིག་གི་ལམ་སྟོན་འོག་ནས་སྒྲུབ་དགོས་པ་ནས་ང་ཚོའི་བཅའ་ཁྲིམས་ནི་བཙན་བྱོལ་བོད་མིའི་སྒྲིག་འཛུགས་ཀྱི་ཁྲིམས་ལུགས་ཡོངས་ཀྱི་རྩ་བ་ཡིན་པ་ནས་དབུས་བོད་མིའི་སྒྲིག་འཛུགས་ཀྱིས་མང་གཙོའི་ཀ་བ་གསུམ་དང་ ལྷན་ཁང་ཁག རང་དབང་ཅན་གྱི་སྡེ་ཚན་གསུམ་དང་གཞུང་འབྲེལ་དང་གཞུང་འབྲེལ་མིན་པའི་ཚོགས་སྡེ་ཁག་དང་ཁྱབ་ཆེ་བའི་རྒྱ་ཆེ་མི་མང་བཅས་ཚང་མས་བཙན་བྱོལ་བོད་མིའི་བཅའ་ཁྲིམས་ལ་འགན་འཁུར་ནས་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་མང་གཙོའི་ཐོབ་ཐང་ལེན་དགོས་པ་ནི་མང་གཙོ་དང་ཁྲིམས་ཀྱི་དབང་བསྒྱུར་ཟེར་བའི་གོ་དོན་ཡང་དེ་ཡིན་པ་དང་། དམངས་གཙོ་ནི་གྲལ་རིམ་འོག་ཏུ་མི་མང་འཚོ་དགོས་པ་ནས་ཁྲིམས་དང་སྒྲིག་གཞི། ལམ་དང་ལུགས་སྲོལ། ཁྲེལ་དང་ངོ་ཚ། ཚེ་འདི་དང་ཕྱི་མ། ལས་རྒྱུ་དང་འབྲས་བུ།
ཡ་རབས་བཟང་སྤྱོད་སོགས་མི་ཆོས་རིང་ལུགས་གང་ལའང་བརྩི་མི་དགོས་པ་གྲལ་རིམ་གཅིག་བསྡུད་འོག་ཏུ་ཞི་བའི་མི་མང་མགོ་བོ་འབུར་ས་མེད་པ་བཟོས་ནས་ཁྲིམས་འགལ་དང་སྒྲིག་འགལ་འོག་ནས་འགོ་འདྲེན་དང་ཕྱོགས་གཏོགས་ལ་འགན་འཁུར་ནས་གྲལ་རིམ་དམངས་གཙོ་གཅིག་བསྡུད་ཟེར་བའི་ལམ་ལུགས་དེ་དུས་ནམ་ཡང་ང་ཚོར་དགོས་པ་མེད་དོ།