བསྟན་དར།
འདི་ལོའི་ཕྱི་ཟླ་བཅུ་པའི་ཚེས་ ༦ ཉིན་ཨ་རིའི་མངའ་སྡེ་རོ་ཌི་ཨའི་ལེན་ཌིའི་གཙུག་ལག་སློབ་གྲྭ་ཆེན་མོར་བཙན་བྱོལ་བོད་མིའི་ལོ་རྒྱུས་དང་འབྲེལ་བའི་འདྲ་པར་གང་མང་ཞིག་འགྲེམ་སྟོན་བྱ་རྒྱུ་ཡིན་འདུག་པ་དང་། ཉིན་དེར་པར་པ་ཨེ་ལེ་ནོར་ནས་རང་ཉིད་བོད་མིའི་གཞིས་ཆགས་དང་དགོན་སྡེ་ཁག་ཅིག་མཇལ་བའི་མྱོང་ཚོར་འདི་ག་དགེ་སློབ་གང་མང་ཞིག་ལ་འབྲེལ་བརྗོད་དང་། མཐོ་སློབ་དེའི་འཚེ་མེད་ཞི་བའི་སློབ་གཉེར་སྡེ་ཚན་གྱི་ལས་བྱེད་ཐུབ་བསྟན་ནས་བོད་ཀྱི་ཆོས་དང་ཆབ་སྲིད་ཀྱི་ངོ་བོ་ཞེས་པའི་བརྗོདགཞི་དེའི་སྟེང་ནས་བོད་གནད་ངོ་སྤྲོད་འགྲེལ་བརྗོད་དང་བགྲོ་གླེང་བྱ་རྒྱུ་ཡིན་འདུག། གོ་སྒྲིག་པས་བརྗོད་དོན་ལྟར་ན་མཐོ་སློབ་དེར་འཛམ་གླིང་རྒྱལ་ཁབ་འདྲ་མིན་ནས་འཕེབ་པའི་སློབ་ཕྲུག་ཁྲི་གཉིས་ལྷག་ཡོད་པ་དང་། འདས་པའི་ལོ་བཅོ་ལྔའི་གོང་ནས་ལོ་ལྟར་བདུན་ཕྲག་གཅིག་རིང་མི་རིགས་དང་། རྒྱལ་ཁབ། རིག་གཞུང་འདྲ་མིན་ཕན་ཚུན་ཤེས་རྟོགས་ཡོང་ཆེད་ངོ་སྤྲ◌ོད་བདུན་ཕྲག་འདི་བཞིན་ཚོགས་བཞིན་ཡོད་ཀྱང་བོད་ཀྱི་སྐོར་ལ་བགྲོ་གླེང་ཐེངས་དང་པོ་དེ་ད་ལོ་ཚོགས་བཞིན་ཡོད་པས་ང་ཚོར་ཤེས་འདོད་ཆེན་པོ་ཡོད་ཞེས་བརྗོད་ཀྱི་འདུག། རོ་ཌི་ཨའི་ལེན་ཌི་ནི་ཨ་རིའི་མངའ་སྡེ་ཆུང་ཤོས་དེ་ཡིན་པ་དང་། ས་གནས་དེར་བོད་མི་གཏན་སྡོད་བྱེད་མཁན་ཧ་ཅང་ཉུང་བ་རེད།།
http://www.uri.edu/mcc/DiversityWeek/2011/DW%20Booklet11.pdf
www.uri.edu/nonviolence
མི་ཡིས་རང་བཙན་མ་ལོན་ན་འདྲ་པར་ཡིས་རང་བཙན་ལེན་གིན་མ་རེད།།