རྟེན་འབྱུང་།
མི་ཁག་ཅིག་གིས་རང་ཉིད་ལ་མིང་ཚབ་བརྗིད་པོ་རེ་བཏགས་ནས་དྲྭ་ཐོག་གང་ཚར་རྒྱུ་མཚན་ཅུང་ཙམ་ཡང་མེད་པར་རང་རེའི་གཞུང་ལ་གཞི་མེད་སྐྱོན་བརྗོད་བྱེད་མཁན་དེ་དག་ནི་ཡང་ན་ཀུན་སློང་མ་དག་པའམ་ཡང་ན་ཤེས་ཡོན་གྱི་མིག་གཉིས་ལོང་ཡོད་པ་གསལ་བོ་རེད། ཁོང་ཚོ་ཁག་ཅིག་གིས་གཞིས་བྱེས་གཉིས་ཀྱི་ཤེས་ཡོན་སློབ་སྦྱོང་དང་། རྒྱ་གཞུང་ལ་ངོ་རྒོལ་གྱི་སེམས་ཤུགས། རང་བསྲེགས་ངོ་རྒོལ་སོགས་ལ་མཚུངས་བསྡུར་གྱིས་བོད་ནང་ལས་བཙལ་བྱོལ་བ་ཚོས་གང་ཅིའི་ཐད་ནས་འབྱོན་གྱི་མེད་པ་དང་། ལྷག་ཏུ་བཙན་བྱོལ་བའི་དབུ་ཁྲིད་དང་ལས་བྱེད་ཁག་ལའང་སྐྱོན་བརྗོད་ཤུགས་ཆེར་བྱེད་པ་ནི་བུ་གླེན་པས་ཕ་ཡི་ཀླད་པ་བཅོམ་ཟེར་བའི་དཔེ་ལས་མ་འདས། བཙན་བྱོལ་ནང་བོད་མི་འབུམ་གཅིག་དང་ཕྱེད་ཀ་ལས་མེད། བོད་ནང་བོད་མི་ས་ཡ་དྲུག་ལྷག་ཡོད་པ་ལ་ལྟོས་ན་བཙན་བྱོལ་བའི་གྲངས་ཀ་བརྒྱ་ཆ་གཉིས་ལས་ཟིན་གྱི་མེད། དེར་བརྟེན་བོད་མི་བརྒྱ་ཆ་གཉིས་ལས་ཟིན་མེད་པའི་བཙན་བྱོལ་བས་བོད་མི་བརྒྱ་ཆ་དགུ་བཅུ་གོ་བརྒྱད་དང་མཚུངས་བསྡུར་གནང་ན་བོད་ཀྱི་སྐད་ཡིག་དང་ཤེས་ཡོན་གྱི་རྨང་གཞི། ཆབ་སྲིད་ཀྱི་རྨང་གཞི་མཐོ་བོ་ཡོད་པ་ལོང་བས་ལྟོས་ཀྱང་མཐོང་དགོས་ཚོད་རེད། ལྷག་ཏུ་འཛམ་གླིང་འདིར་མི་འབོར་དང་དཔལ་འབྱོར། ཆབ་སྲིད། གཡོ་འཕྲུལ་སོགས་ལ་རྩེ་མོར་སོན་བཞིན་པའི་རྒྱ་ནག་ལྟ་བུ་ལ་ཁ་ཐུག་གདོང་ཐུག་བཅར་ནས་རྒྱ་ནག་གི་གཡོ་འཕྲུལ་གྱི་ཁྱབ་བསྒྲགས་སོགས་ནུས་མེད་དུ་གཏོང་བ་དང་། རྒྱ་ནག་གི་གདོང་རས་ངོ་མ་འཛམ་གླིང་མི་དམངས་ལ་གསལ་སྟོན་ཐོག་གྲུབ་འབྲས་ཧ་ལས་པ་ཐོན་དང་འཐོན་བཞིན་པའང་ཉི་འོད་སྦར་མོས་འགེབས་མི་ཐུབ་པ་ལྟར་གྱུར་ཡོད།
ད་དུང་འཛམ་གླིང་མི་དམངས་ཀྱི་རྒྱབ་སྐྱོར། སོ་སོའི་རིག་གཞུང་འཛམ་གླིང་སྟེང་རིན་ཐང་ངེས་ཅན་ཞིག་ཏུ་བསྐྲུན་ཐུབ་པ། བོད་མི་རིགས་ཀྱང་འཛམ་གླིང་རྒྱལ་ཁབ་གང་ཚར་གནས་པའམ་ཁྱབ་ཐུབ་པ། ཆོས་ལུགས་དང་ཆོལ་ཁ། གཞིས་དང་བྱེས་ཚང་མ་སྔོན་དང་མི་འདྲ་བར་མཐུན་སྒྲིལ་རྡོག་རྩ་ཆིག་སྒྲིལ་ཡིན་པ་བཅས་དེ་དག་ཐམས་ཅད་༧གོང་ས་མཆོག་གཙོས་བཙན་བྱོལ་བའི་དབུ་ཁྲིད་གསར་རྙིང་ཆེ་ཆུང་དང་མི་དམངས་ཚང་མས་ཕྱག་རྗེས་ཉག་གཅིག་ཡིན་པ་ལས་དྲྭ་ཐོག་ནང་གི་ཀླད་མེད་ཚོ་དང་ག་ནས་འདྲ། བོད་ཡིག་འབྲི་ཤེས་ཙམ་ལས་ཤེས་ཡོན་གྱིས་ཕོངས་བ། བོད་མིའི་ཤ་ཁྲག་རས་གསུམ་གྱིས་གྲུབ་ཀྱང་རང་མི་རིགས་ལ་ལག་རྗེས་ཁབ་སྐུད་ཙམ་མེད་པར་རྒྱ་མིའི་རྒྱུགས་ཁྱི་དང་དོལ་ཚོགས་ལྟར་ངོ་ཚ་ཁྲེལ་མེད་ཀྱིས་རང་སྐྱོན་རི་ལྟ་བུ་བཞག་ནས་གཞན་སྐྱོན་ཁབ་ཀྱིས་བཙལ་བའི་དཔེ་ལྟར་སོ་སོའི་གཞུང་དང་དབུ་ཁྲིད་ལ་བསྐུར་འདེབས་དང་སྒྲོ་འདོགས་བྱེད་མཁན་དག་ནི་བོད་མི་དམར་གསོད་གཏོང་མཁན་རྒྱ་གུང་བྲན་ལས་སྡིག་ཅན་ཡིན་པ་ང་ཚོས་ངོས་འཛིན་བྱེད་ཀྱི་ཡོད། མདོར་ན་བོད་མི་ཞིག་གིས་བོད་གཞུང་དང་དབུ་ཁྲིད་མི་རིགས་ལ་མཐོང་ཆུང་དང་སྐྱོན་བརྗོད་བྱེད་མཁན་དེ་རྒྱ་གུང་བྲན་ལས་ཀྱང་སྡིག་ཅན་ཡིན་པ་ཚང་མས་ཤེས་དགོས་ངེས་རེད། འདི་དང་འདི་འདྲ་བ་ནང་རྒྱ་མའི་རྒྱུགས་ཁྱི་དང་དོལ་ཚོགས་ཚོས་འདྲ་མི་འདྲ་བརྫུས་ནས་ཡོང་དང་ཡོང་བཞིན་ཡོད་པས་གཟབ་རྒྱུ་གལ་ཆེའོ།
ཡང་ཁག་ཅིག་གིས་ཤ་ཚ་དང་སེམས་འཁུར་ལྷག་བསམ་ཡོད་མདོག་གིས་ང་ཚོའི་བཙལ་བྱོལ་བའི་སློབ་གྲྭ་ཁག་ནང་བོད་ཡིག་སྐྱོ་བོ་ཡིན་པས་རྒྱུ་མཚན་བཤད་ནས་དབྱུག་པས་ལེབ་བརྡུངས་བྱེད་བཞིན་པ་ཡང་བུ་གླེན་པས་ཕ་ཡི་ཀླད་པ་བཅོམ་པའི་དཔེ་ལས་འདས་མེད། ང་ཚོའི་མ་འོངས་པའི་སོན་རྩ་སློབ་ཕྲུག་ཁོང་ཚོ་འཛིན་གྲྭ་བཅུ་གཉིས་ཐོན་རྗེས་སློབ་གྲ་ཆེན་མོ་ངེས་པར་དུ་འགྲོ་དགོས་ལ་དེ་ཡིན་ན་རྒྱ་གར་གཞུང་གི་སློབ་ཆེན་ཁག་ནང་དབྱིན་ཡིག་དང་ཚན་རིག་སོགས་སློབ་ཚན་ཚང་མ་དབྱིན་ཐོག་སྦྱོང་ནས་ཡིག་རྒྱུགས་སྤྲོད་ནས་འགྲོ་རྒྱུ་ལས་བོད་ཡིག་འགྲོ་ས་མེད། དེར་བརྟེན་མཐོ་སློབ་ནང་མ་ཞུགས་ན་ཤེས་ཡོན་ཕུན་སུམ་ཚོགས་པ་དེང་དུས་ཀྱི་འབྲས་བུ་སྨིན་མི་ཐུབ། དེ་མ་ཐུབ་ན་གང་འདྲ་ཆགས་ས་རེད། བོད་ཡིག་གལ་ཆེན་པོ་ཡིན་པ་རྩོད་མེད་ཡོངས་གྲགས་རེད། འོན་ཀྱང་ཁོར་ཡུག་དང་རྒྱུ་རྐྱེན་མང་པོ་ཞིག་གིས་དབྱིན་ཡིག་དེ་གཙོ་བོ་མ་བྱེད་རང་བྱས་ཡིན་པ་གོང་གི་རྒྱུ་མཚན་ལས་ཤེས་ཐུབ། གང་ལྟར་རྡོག་རྡོག་བཤད་ན་ང་ཚོའི་སློབ་ཕྲུག་ཚོར་མཐོ་སློབ་ཏུ་ཞུགས་དགོས་མི་དགོས་ཟེར་བ་དེ་རེད།
༢༠༡༣། ༡༢། ༡༤ ལ།
དངོས་གནས་གནས་ཚུལ་ར་སྤྲོད་ཡག་པོ་བྲིས་གནང་འདུག ག་དུས་ཡིན་ན་ངས་དེ་འདྲ་བྱེད་ནས་ར་སྤྲོད་རྒྱག་གི་ཡོད།། ཐུགས་རྗེ་ཆེ།
རེད། དེ་རང་རེད།
ཡིན་ནའང་ཁ་ལོག་ངོ་ལོག་བྱེད་མཁན་ཚོར་རྒྱུགས་ཁྱི་དང་དོལ་ཚོགས་ཟེར་བ་ནི་སྣང་བ་འགྲོ་མ་སོང་།
རྟེན་འབྱུང་ཞེས་པ་འདི་ཀླད་མེདཅིག་རེད། ཁྱེད་ཀྱིས་ཕྲུ་གུ་དབྱིན་ཡིག་སྦྱངས་ནས་མཐོ་སློབ་འགྲོ་རྒྱུ་གལ་ཆེའམ། བོད་མི་རིགས་འདི་རང་རྐང་ནས་རིག་གསར་གྱི་ཤེས་ཡོན་རྣམས་རང་སྐད་ཐོག་སྦྱངས་ཐུབ་པ་བྱས་ཏེ་འབྱུང་འགྱུར་བོད་མི་རིགས་འདི་འགྱེལ་ས་ལངས་རྒྱུ་དེ་གལ་ཆེའམ། ཐང་གི་རྡོ་བླངས་ནས་རིམ་གྱི་བྲོ་ལྷུང་ཞེས་པ་ཁྱེད་ལྟ་བུ་ལ་ཟེར་རྒྱུ་ལས་མ་འདས།
བོད་མི་རིགས་རང་གིས་རིག་གསར་གྱི་ཤེས་ཡོན་རྣམས་རང་སྐད་ཐོག་མཐོ་སློབ་འགྲོ་ས་ཞིག་མེད་ཙང་། བོད་མི་རིགས་གང་ལ་ཕྱིན་ཡང་གཞན་གྱི་བྲན་གཡོག་ལྟར་གནས་པ་རེད། འཕྲལ་ལ་ལྟོ་གོས་ཙམ་ལ་བསམས་ནས་བོད་མ་རིགས་སྤྱི་ཆུའི་གཏིང་ལ་བྱིངས་འཇུག་མཁན་ཁྱེད་ལྟ་བུ་ལ་ཀླད་མེད་ལུག་འདྲ་བ་ཟེར་རྒྱུ་མིན་ནམ། ཁྱེད་ཀྱི་ཚིག་སྦྱོར་ལ་བལྟས་ཀྱང་ཀླད་པ་མཐུག་པོ་ཞིག་ཡིན་པ་ཤེས་ཐུབ།
ཁྱེད་ཀྱིས་ཤ་ཚ་བའི་གཏམ་ལ་སྙན་པོ་མེད་པ་ཐམས་ཅད་སྐྱོན་བརྗོད་དུ་གོ་འདུག ཁྱེད་ལྟར་ནས་སྒྲིག་འཛུགས་དང་གཞུང་ཞབས་ཚོས་ལེགས་ཉེས་ཅི་བྱས་ཀྱང་། བསྟོད་པའི་མཐེ་བོང་བསྒྲེངས་ནས་ནང་སྙིང་རུལ་དུ་བཅུག་ན་ལེགས་པར་བསམ་མེད་འགྲོ། འཛམ་པོ་གླིང་གི་དམངས་གཙོ་རྒྱལ་ཁབ་མང་ཆེ་བར་གཞུང་ཚོགས་པ་མང་མང་པོ་ཡོད། གཅིག་གིས་གཅིས་ཤོས་ལ་སྐྱོན་འཛུགས་ཀྱིས་ལེགས་སྤེལ་ཉེས་འགོག་ཐུབ་ཀྱི་ཡོད། རང་རེའི་བསམ་ཤེས་ཅན་རེ་ཟུང་གིས་ལེགས་སྤེལ་ཉེས་འགོག་གིས་དགོང་ཚུལ་ཞིག་བཏོན་པ་དེ་ཡང་སྐྱོན་བརྗོད་བྱེད་ཀྱི་འདུག་ཟེར་རྒྱུ་ཡིན་ནམ།
ཡག་པོ་བྲིས་འདུག
རེད་སྤྱིར་བཏང་རྒྱུ་མཚན་མེད་པར་བསྐྱོན་བརྗོད་བྱས་པ་ཡིན་ན་གཞུང་ཞབས་ད་བཤད་མ་དགོས་མི་སྒེར་པ་ཞིག་ལ་དེ་ལྟར་བྱས་རུང་སྤྱོད་ངན་རེད། འོན་ཀྱང་སྐྱོན་ཡོད་པ་ལ་སྐྱོན་འདུག་ཅེས་བཤད་དགོས་པ་གལ་ཆེ། དེ་ལྟར་མ་བྱས་པར་གཞུང་ཞབས་ཡིན་ཚད་སྐྱོན་ལ་སྐྱོན་བརྗོད་ས་མེད་པར་དག་སྣང་ཁོ་ནས་འགྲོ་དགོས་ན་དེ་ནི་ལྐུགས་པ་ཨུ་ཚུག་དང་། རྨོངས་དད་ཁོ་ན་ལས་དུས་རབས་དང་བསྟུན་ནས་འཛམ་གླིང་སྤྱི་མཚུངས་འགྲོ་མ་ཐུབ་པར་ལུས་སྡད་པ་འདིའང་རྒྱུ་མཚན་འདི་ལས་མ་འདས། མི་མང་གི་ཆེད་དུ་བཙུག་པའི་གཞུང་དང་། དེ་འཛིན་སྐྱོང་བྱེད་མཁན་མི་མང་ནས་བསྐོས་པའི་མི་རྐྱང་རྐྱང་ཡིན་ཙང་། མི་མང་གི་བློ་དང་མ་འཚམས་པར་མི་མང་གི་མངོན་འདོད་དང་མ་མཐུན་ན། སྐྱོན་བརྗོད་བྱེད་པ་མ་ཚད་ལས་སྣེ་ལས་ཕབ་ཆོག་པའི་དབང་ཚད་ཀྱང་མི་མང་གི་ལག་ཏུ་ཡོད་པ་ཤེས་དགོས། དེ་ལྟར་མི་ན་དུས་རྒྱུན་ཁ་འགུལ་ཚད་མང་གཙོ་གླེང་བཞིན་པ་ཞལ་རྫུན་ཁོ་ན་ལས་མ་འདས་སོ།།
འཕྲིན་ལས་ཀྱི་གསུང་བ་བདེན་པ་རེད་སྨྲ་བརྗོད་རང་དབང་དགོས་ད་དགོས། འོན་ཀྱང་ངས་བཤད་ས་དེ་དག་རྒྱུ་མཚན་དང་དགོས་པ་མེད་པར་གཞུང་དང་ལས་བྱེད་ལ་སྐྱོན་བརྗོད་བྱེད་མཁན་དང་། སྐྱག་རྫུན་དང་མ་ཉེས་ཁ་གཡོག་ག་ཚོད་གནང་ཡང་ཁྲིམས་ཆད་སོགས་མེད་པར་ངན་པ་ལངས་ཤོར་ཆགས་བསྡད་མཁན་མང་པོ་ཡོད་པ་དེ་དག་རེད། ༧་གོང་ས་མཆོག་གི་གསུང་ལ་ལོག་འགྲེལ་གྱིས་དྲ་རྒྱ་ཁག་ནང་རྒྱ་གུང་བྲན་གྱི་མངོན་འདོད་སྒྲུབ་མཁན་དེ་དག་ཁྱོད་ཀྱིས་མ་མཐོང་བ་ག་སྲིད། བཙལ་བྱོལ་ནང་ཁྲིམས་ཡོད་ཀྱང་ཉེས་ཆད་གཏོང་རྒྱུའི་དབང་ཚད་དེ་ཙམ་མེད་ཙང་དེ་འདྲ་ཆགས་པ་རེད། དེར་བརྟེན་མི་དམངས་བྱིངས་ཀྱིས་ལེགས་ཉེས་ཤེས་པའི་ཐོག་ནས་གནོན་ཤུགས་སྤྲོད་དགོས་ཟེར་བ་ཡིན།
བྱམས་པ་ལགས་ཀྱིས་གསུང་བ་ཡང་བདེན་པ་རེད་བོད་མི་རིགས་འདི་རང་རྐང་ནས་རིག་གསར་གྱི་ཤེས་ཡོན་རྣམས་རང་སྐད་ཐོག་སྦྱངས་ཐུབ་པ་བྱས་ཏེ་འབྱུང་འགྱུར་བོད་མི་རིགས་འདི་འགྱེལ་ས་ལངས་རྒྱུ་དེ་གལ་ཆེ་བ་ང་ཡང་འདོད་མཁན་ཞིག་ཡིན། ལྷག་ཏུ་འཛམ་གླིང་ཤར་ནུབ་གང་སར་བོད་ཡིག་བེད་སྤྱོད་ཀྱིས་དབྱིན་ཡིག་ནང་བཞིན་གྱི་འཁོར་ཡུག་ཆེན་པོ་ཆགས་སྟེ་རང་བཙན་ཡང་མགྱོགས་མྱུར་ཐོབ་ནས་སུད་སི་ནང་བཞིན་འཁོར་ཡུག་གཙང་ལ་དཔལ་འབྱོར་འཕེལ་རྒྱས། ཞི་བདེའི་སྟི་གནས་ཤིག་ཆགས་རྒྱུ་འདོད་པ་ཧ་ཅང་ཆེན་པོ་ཡོད། འོན་ཀྱང་ཁོར་ཡུག་དང་གནས་བབས་སོགས་རྒྱུ་དང་རྐྱེན་ཚང་མ་ལ་བསམ་བློ་མ་བཏང་ན་སེངྒེ་མཆོངས་སར་ཝ་མཆོངས་བའི་དཔེ་ལས་མི་འདས་ཟེར་བ་ཡིན།།
འཇམ་དབྱངས་ནོར་བུ་དང་ཀླུ་མཁར་བྱམས་གཉིས་ཀྱིས་ཟམ་གདོང་རིན་པོ་ཆེར་སྡིག་ན་ཉེས་ཅན་དང་སྡུག་ཅག་རེད་ཟེར་གི་འདུག
ཤར་ཕྱོགས་ཁུག་རྟས་བློ་བཟང་སེང་གེར་སྡིག་ན་ཡག་པོ་རེད་ཟེར་གི་འདུག ད་དྲང་མོ་གང་རེད།
བསྟན་པ་ལ ། དེ་ནི་ཁུངས་དང་ལྡན་ཞིང་མི་མང་གི་མངོན་འདོད་དང་མཐུན་མིན་གྱིས་རེད་ལ། ཤར་ཁུག་ལ་དེ་ཚང་བ་རེད། འཇམ་ནོར་གྱིས་དབུས་གཙང་ཁོ་ནའི་རང་བཙན་ཞིག་བཤད་ཀྱི་ཡོད་པ་རེད། ཀླུ་མཁར་ཟེར་བ་དེ་གང་དྲན་དྲན་རེད། འཇུ་ཆེན་གྱིས་ཟུར་དངུལ་འདྲ་གནང་གི་ཡོད་འདུག ཁོ་ལྟ་བ་དང་ཤེས་ཡོན་ཟེར་བ་རི་བོང་ར་རེད།
དེ་ལ་སེངྒེ་མཆོངས་སར་ཝ་མཆོངས་ཟེར་གྱི་མ་རེད། ང་ཚོས་གྲ་སྒྲིག་ཚང་མ་འདི་འདྲ་བྱས་ནས་མགོ་མ་བཙུགས་ཚེ། བསྐལ་བ་མ་འཇིགས་བར་ང་ཚོ་ཝ་བྱས་ནས་སྡོད་དགོས་པ་རེད། ཁྱེད་ནས་བསམ་བློ་ཞིབ་མོ་ཐོངས། ང་ཚོ་རང་བཙན་ཤོར་བ་ཡང་དེང་དུས་ཀྱི་རིག་གསར་དཔལ་ཡོན་གྱིས་རྗེས་ལུས་ཐེབས་ནས་བྱུང་བ་རེད། ང་ཚོས་ཤེས་ཡོན་དེ་དག་རང་སྐད་ཐོག་བསྒྱུར་ནས་རང་གི་སྐད་ཡིག་འདི་སྤྱོད་སྒོ་ཇེ་ཆེ་དང་། རང་གི་སྐད་ཡིག་ཐོག་རིག་གསར་གྱི་ཤེས་ཡོན་རྣམས་ནང་འདྲེན་མ་ཐུབ་ཚེ། ང་ཚོས་ཕྱི་མིའི་སྐད་ཡིག་ཐོག་རིག་གསར་གྱི་ཤེས་ཡོན་ཅི་ཙམ་ཞིག་ཤེས་ནའང་། ང་ཚོས་མི་རིགས་གཞན་ཞིག་གི་གྱོན་པ་གོམས་པ་དང་ཁྱད་པར་ཅི་ཞིག་ཡོད། ནམ་ཞིག་ང་ཚོ་མི་རིགས་གཞན་ཞིག་གི་གྱོན་པ་གོན་མཁན་ལས་རང་ཉིད་ལ་གྱོན་པ་གཏན་ནས་མེད་པ་ཞིག་ཏུ་འགྱུར་གྱི་རེད། དཀའ་ལས་ཡོད་ཀྱང་དེ་ལ་གདོང་ལེན་དགོས་རྒྱུ་ལས་དཀའ་ལས་འཇིགས་ནས་བསྡད་ན་ག་ལ་རུང་། ང་ཚོ་བཙན་བྱོལ་ནང་སྡོད་མཁན་ཚོར་དེ་སྒྲུབ་པའི་འོས་བབ་ཧ་ཅང་ཡོད་པ་རེད། ཁྱེད་ནས་བསམ་བློ་ཞིབ་མོ་ཞིག་ཐོངས་དང་།
འོན་ཀྱང་ངས་བཤད་ས་དེ་དག་རྒྱུ་མཚན་དང་དགོས་པ་མེད་པར་གཞུང་དང་ལས་བྱེད་ལ་སྐྱོན་བརྗོད་བྱེད་མཁན་དང་། སྐྱག་རྫུན་དང་མ་ཉེས་ཁ་གཡོག་ག་ཚོད་གནང་ཡང་ཁྲིམས་ཆད་སོགས་མེད་པར་ངན་པ་ལངས་ཤོར་ཆགས་བསྡད་མཁན་མང་པོ་ཡོད་པ་དེ་དག་རེད། ༧་གོང་ས་མཆོག་གི་གསུང་ལ་ལོག་འགྲེལ་གྱིས་དྲ་རྒྱ་ཁག་ནང་རྒྱ་གུང་བྲན་གྱི་མངོན་འདོད་སྒྲུབ་མཁན་དེ་དག་ཁྱོད་ཀྱིས་མ་མཐོང་བ་ག་སྲིད། གོང་གསལ་ཁྱེད་ཀྱི་ཚིག་དུམ་འདི་ལ་རྒྱབ་སྐྱོར་ཡོད། འོན་ཀྱང་རིག་གསར་ཤེས་ཡོན་རྣམས་རང་སྐད་ཐོག་བསྒྱུར་རྒྱུར་འབད་བརྩོན་མི་བྱེད་པར། མུ་མཐུད་ཕྱི་སྐད་ཐོག་སྐྱོད་དེ་བོད་མི་རིགས་འདི་མི་རིགས་གཞན་ཞིག་གི་སྐད་ཡིག་གི་བྲན་གཡོག་བྱེད་འཇུག་འདོད་པར་མོས་མཐུན་མེད། གནད་དོན་དེའི་ཐད་ཁྱེད་ནས་བསམ་གཞིགས་ནན་མོ་བྱེད་རོགས།
རང་གཞུང་དང་ལས་བྱེད་ལ་སྐྱོན་བརྗོད་བྱེད་མི་ཆོག་པ་ཞིག་དམངས་གཙོའི་ཁྲིམས་ལུགས་གང་དུ་གསལ་ཡོད་པ་རེད། སྒེར་གཅོད་ཀྱི་གཞུང་མིན་ན་དམངས་ལས་གྲུབ་ཡོད་པ་རེད་ལ་གཞུང་གིས་དམངས་ཀྱི་ཁ་ལ་ཉན་དགོས་པ་རེད། དམངས་ཀྱིས་གཞུང་ལ་བརྩི་མཐོང་ཡོད་ན་ད་གཟོད་གཞུང་དེ་སྐྱོན་མེད་ཡང་དག་ཡིན་པ་མཚོན་ཐུབ། དེས་ན་དམངས་དཀྱུས་རང་བཞིན་གྱི་བསམ་འཆར་ཡིན་ན་གཞི་མེད་སྐྱོན་བརྗོད་ཡིན་པའི་ངེས་པ་གཏན་ནས་མེད། ལྷག་པར་དུ་ཆབ་སྲིད་དང་འབྲེལ་བའི་སྐྱོན་བརྗོད་རྣམས་གཞུང་གི་བཞེངས་ཕྱོགས་དང་མཐུན་མིན་ཇི་ལྟར་ཡང་དམངས་དཀྱུས་རང་བཞིན་གྱི་བསམ་འཆར་ལ་བརྩི་མཐོང་བྱེད་དགོས་ལ། གཞུང་རང་ཉིད་དམངས་ཀྱི་ཞབས་ཞུ་ཡིན་པར་ངོས་འཛིན་དགོས་པ་ལས་དམངས་ལ་གཉའ་གནོན་བྱེད་པོ་ཡིན་སྙམ་པ་ནམ་ཡང་བྱེད་མི་རུང་། དེ་ལྟ་བས་ན་གཞུང་གི་སྐྱོན་དམངས་ཀྱིས་བརྗོད་ཆོག་པ་དེ་དམངས་གཙོའི་ཐོབ་ཐང་དང་པོ་དེ་རེད་ལ་གཞུང་གིས་དམངས་དཀྱུས་རང་བཞིན་གྱི་བསམ་འཆར་ལ་ངོས་འཛིན་དང་བརྩི་མཐོང་བྱེད་རྒྱུ་དེ་དམངས་གཙོའི་ལམ་ལུགས་ཀྱི་ཆ་རྐྱེན་དང་པོ་དེ་རེད། དེ་མིན་བོད་པའི་སྤྱི་ཚོགས་ནང་གཞུང་དང་གཞུང་འཛིན་མི་སྣའི་ལྟ་སྤྱོད་དང་མི་མཐུན་ན་གཞི་མེད་སྐྱོན་བརྗོད་དང་དད་གཙོ་སྨྲ་བ་རིང་ལུགས་ཀྱི་མཚན་སྨོད་དང་ཟུར་ཟའི་ཞྭ་ནག་གཡོགས་རྐྱང་དང་། དད་ལོག་དང་གདོལ་ཚོགས་སོགས་མི་དེ་ནག་པོ་བཟོ་གང་ཐུབ་ཀྱིས་སྤྱི་ཚོགས་ནས་ཟུར་དུ་འབུད་སྟངས་དེ་དམངས་གཙོའི་ཁྲིམས་ལུགས་ལས་ཡོངས་སུ་འགལ་བ་རེད་ལ། དམངས་གཙོ་དང་སྨྲ་བརྗོད་རང་དབང་ནི་ཁ་གཡང་ཙམ་མོ།
མ་གཞི་ནས་ཁྱད་མཚར། སྐུ་ངོ་དེ་ཚོར་སྐྱོན་བརྗོད་བྱེད་ས་མི་འདུག ལམ་སང་་དགོངས་པ་ཚོམ་གྱི་འདུག
ངས་བསམ་ཚུལ་བྱས་ན་རྩོམ་བྲིས་པ་དང་མཆན་འདེབས་པ་ཚང་མ་ཏོག་ཙམ་སྨྱོ་ཚུབ་ཚུབ་འདྲ་ཞིག་ཆགས་ཡོང་གི་ཡོད་པར་འདྲ། གཞུང་དང་གཞུང་ཞབས་ལས་བྱེད་པ་ཟེར་ནས་ཧང་སང་མདོག་བྱས་ཀྱི་འདུག ཁྱོད་ཚོས་གཞུང་ཞེས་གང་ལ་ཟེར་གྱི་ཡོད་དམ། རྒྱ་ནག་གཞུང་དང་ལབ་པ་ཡིན་གྱི་མ་རེད་པ།་་་ཧཧ བོད་སྡེ་བ་གཞུང་ལ་ལབ་ཀྱི་ཡོད་ན་ནི་༥༩་ལོ་ནས་གུན་ཁྲན་ཏང་གིས་གཏོར་ཚར་བ་རེད། བཙན་བྱོལ་བོད་གཞུང་ལབ་ཀྱི་ཡོད་ན་ནི་༢༠༡༡ལོ་ནས་བཙན་བྱོལ་སྒྲིག་འཛུགས་ལ་སྒྱུར་ཚར་བ་རེད། ད་ཁྱོད་ཚོ་ལ་གཞུང་ཞིག་ག་ན་ཡོད་དམ།???
བཙན་བྱོལ་སྒྲིག་འཛུགས་དང་སྒྲིག་འཛུགས་ཀྱི་ལས་མི་ཞེས་བྲིས་ན་དགའ་གི་རེད། གཞུང་དང་གཞུང་ཞབས་ཅེས་བྲིས་ན་དོན་མཐུན་མ་རེད། སྒྲོ་འདོགས་རེད། སྒྲོ་འདོགས་ཟེར་ན་འདི་འདྲ་ལ་ཟེར་ལེ་རེད། གཞུང་མེད་བཞིན་དུ་སྒྲོ་བཏགས་ནས་གཞུང་དང་གཞུང་ཞབས་ཅེས་ཧང་སང་མདོག་བྱས། མེད་པ་ལ་འདུག་ཟེར་ན་སྒྲོ་འདོགས་དང་ཡོད་བཞིན་དུ་མི་འདུག་ཟེར་ན་སྐུར་འདེབས་ཟེར་ལེ་རེད་དོ། སྤྱི་ཚོགས་ཀྱི་མིག་མདུན་དུ་ཅིག་འབྲི་གི་ཡིན་མདོག་མདོག་ཡིན་ན་ཉུང་མཐའ་ཡང་སྒྲོ་འདོགས་དང་སྐུར་འདེབས་ཀྱི་དོན་ཤེས་པ་བྱོས།
རྟེན་འབྱུང་ལགས་ཀྱིས་བཤད་པར་གནས་ལུགས་ཆེན་པོ་ལྡན། འགའ་རེས་བོད་ཕྱི་ནང་གཉིས་ཀྱི་བོད་ཡིག་གི་ཆུ་ཚད་བསྡུར་བའི་བླ་བརྡོལ་བ་ནི་དགོད་བྲོ་བའི་གནས་རེད། དེ་གཉིས་ལ་གཅིག་ན་མི་འབོར་གྱི་ཧེ་བག་ཆེ་བ་དང་།གཉིས་ན་ཁོར་ཡུག་མཐུན་རྐྱེན་མི་གཅིག་པས་བསྡུར་ཐབས་མི་ཡོང་། ཕྱི་སྡོད་བོད་མི་རྣམས་ཀྱིས་འཚོ་བའི་དཀའ་ཁག་ཁྱད་དུ་གསོད་བཞིན་འཛམ་གླིང་ཡུལ་གྲུ་ཀུན་ནས་དམར་གཞུང་ལ་ཐབས་སྣ་ཚོགས་ཀྱིས་ཞི་རྒོལ་བྱས་དང་བྱེད་ཀྱིན་པར་རྗེས་སུ་ཡི་རངས་ཡོད། དེར་བསྡུར་ན་ངེད་ཚོ་བོད་ནང་གི་གཞིས་ལུས་རྒྱ་ཆེ་མི་དམངས་ལ་ལག་རྗེས་གང་ཡང་མེད། ཕྱི་སྡོད་བོད་པས་ཞི་རྒོལ་ཇི་ལྟར་ཆེ་ན་བོད་ནང་གི་རྒྱུགས་ཁྱི་ཚོས་དེ་ལྟར་དུ་༼ཁ་བྲལ་ངོ་རྒོལ་ཀྱི་ཟས་༽རེག་བཞིན་ཡོད།རྔ་བ་ཚོའི་བཀའ་དྲིན་མ་གཏོགས་བོད་ནང་གི་མི་ཕལ་ཆེན་གྱིས་ལག་རྗེས་ཁབ་སྐུ་ཙམ་འཇོག་ཐུབ་ཀིན་མེད། བོད་གཞུང་ལ་རྒྱབ་སྐྱོར་ཡོད།ཁྱེད་ཅག་གིས་ཕྱག་ལས་ཡག་པོ་བསྒྲུབ་ཀྱིན་འདུག
ཅོ་རི་ཉི་མ་ལགས། དེ་འདྲ་གསུངས་མ་གནང་། ཁྱོད་རང་སུད་སིར་སྐྱབས་བཅོལ་ཞུས་ནས་ཁྲིམས་ཀྱི་ཐོག་ནས་བོད་མི་མ་ཡིན་་པའི་ཕྱི་རྒྱལ་མི་རིགས་ཤིག་ཆགས་ཚར་ཡོད་རེད། ཡིན་ནའང་ང་ཚོ་བོད་མི་སྐྱབས་བཅོལ་བ་ཚོར་རྒྱ༌གར་རྡ་རམ་ས་ལའི་དཔེ་མཛོད་འཁྲིས་སུ་ཡོད་པའི་གངས་ཅན་སྐྱིད་པའི་གཤོངས་ཟེར་བ་དེར་ང་ཚོའི་གཞུང་གི་རྩ༌བ་གནས་ཡོད་པར་ཡིད་ཆེས་བྱ་གི་ཡོད། ང་ཚོར་ཡོད་པའི་གཞུང་འདི་ཡིན། འདི་ནི་ཕ་རྒྱུད་ནས་བདག་པའི་གཞུང་འདི་ཡིན། ཁྱོད་ལ་གཞུང་ག་པར་ཡོད། དགོངས་པ་མ་འཚོམ་ལོ། དེའི་སྒྲིག་འཛུགས་འདི་ང་ཚོའི་གཞུང་གི་རྩ༌བ་དེ་རེད་ལོ།
བཙན་བྱོལ་བོད་མིའི་སྒྲིག་འཛུགས་དང་དབུ་ཁྲིད་ལས་བྱེད་ཁག་ལ་སྐྱོན་བརྗོད་བྱེད་པ་ནི་བུ་གླེན་པས་ཕ་ཡི་ཀླད་པ་བཅོམ་ཟེར་བའི་དཔེ་ལས་མ་འདས།
དེར་མ་ཟད་རྒྱ་ནག་དང་པེ་ཅིན་སྲིད་གཞུང་། གུང་ཁྲན་ཏང་དང་། ཏང་གི་དབུ་ཁྲིད་ལས་བྱེད་ཁག་ལ་སྐྱོན་བརྗོད་བྱེད་པ་ནི་བུ་གླེན་པས་ཕ་ཡི་ཀླད་པ་བཅོམ་ཟེར་བའི་དཔེ་ལས་མ་འདས།
ཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧ
གཞུང་འཛིན་པར་བསམ་ཚུལ་དང་རྒོལ་གཏམ་འགྲོ་ས་མེད་པ་སྒེར་གཅོད་ཟེར་ཀི་ཡོད་ཀ ང་ཚོའི་སྒྲིག་འཛུགས་དེ་འདྲ་མིན་པ། སོང་ཙང་། ལེགས་སྤེལ་ཉེས་འགོག་གི་བསམ་ཚུལ་འདོན་མ་ཐུབ་ན་ཡར་རྒྱས་ཡོང་ཡ་མེད་ཀ མ་གཞི་ནས་གཞུང་འཛིན་པར་ནོར་འཚོལ་རེ་མེད་ན་་མགང་གང་དྲན་གྱིས་སྐྱོན་བརྗོད་ཡོང་གི་མ་རེད།་
རྟེན་འབྱུང་ལགས་ཀྱིས་རྒྱུག་པ་ལེབ་བརྡུང་མ་ཡིན་པར་འདི་དང་དེ་འདྲ་ཞེས་དཔེ་མཚོན་འགའ་ཤས་བཀོད་ནས་བཤད་ན་གོ་བདེ་བ་ཡོང་བ་འདུག དེ་མིན་ཁྱེད་རང་གི་དེ་ཡང་ཐུག་དཀྲུག་འདྲ་བོ་ཞིག་འདུག་ག
སྤྱིར་ན་གཞུང་དང་ལས་སྣེ་སྐྱོན་ཅན་ཡིན་ཚེ་སྐྱོན་བརྗོད་བྱེད་དགོས་ངེས་རེད། འོན་ཀྱང་ང་ཚོས་སྐྱོན་བརྗོད་བྱེད་སྟངས་ཏེ་སྤྱི་སེམས་གཞི་ལ་བཞག་ནས་བཤད་ཀྱིན་ཡོད་མེད་ལ་དོགས་པ་འདུག རང་ཉིད་ཀྱི་ལྟ་ཚུལ་དང་འདོད་ཕྱོགས་སོགས་ལ་ཅུང་ཙམ་ཡང་མ་མཐུན་ཀྱང་བརྟགས་དཔྱད་མེད་པར་ཁ་ལ་ཅི་ཡོང་ཚིག་ལག་ལ་ཅི་ཡོང་བྲིས་བྱེད་པ་འདི་བློ་ལ་འབབ་ཀྱི་མི་འདུག ད་དུང་དེ་ལས་བཙོག་ཅིག་ཡོད་པ་ནི་ཕྱོགས་ཞེན་གྱི་དབང་གིས་གཞན་གྱིས་བྱ་བ་བཟང་པོ་ཅི་ཞིག་བསྒྲུབས་དང་སྒྲུབ་བཞིན་ཡོད་ཀྱང་དེ་ལ་འགྲེལ་ལོག་སྣ་ཚོགས་ཤིག་རྒྱབ་ནས་མི་དེ་སྤྱི་ཚོགས་ཐོག་ལ་མགོ་འབུར་ས་མེད་པ་ཞིག་བྱ་ཨེ་ཐུབ་བལྟ་བཞིན་ཡོད་པ་དག་ནི་ཧ་ཅང་གི་ཐབས་སྡུག་ཏུ་འདོད། མི་སུ་ཡིན་ཀྱང་སྐྱོན་ཡོན་གཉིས་གཤིབ་བསྡུར་བྱས་ཏེ་བལྟ་དགོས་ལས་སྐྱོན་གྱི་ཆ་ཕྲན་བུ་ཙམ་ཡོད་པ་རྒྱུ་མཚན་དུ་བྱས་ན་འུ་ཅག་འདས་མ་ད་གསུམ་གང་དུ་ཡང་དཔོན་པོ་སྐྱོན་མེད་ཅིག་དང་ལས་བྱེད་སླད་མེད་ཅིག་རེག་རྒྱུ་ངོ་མ་རི་བོང་གི་རྭ་རེད།
རྟེན་འབྱུང་ལགས་ཀྱི་གོང་ནས་གསུང་དོན། འཛམ་གླིང་ཐོག་བོད་དོན་ཉི་འོད་ལྟར་ཁྱབ་ནས་ཚང་མས་མ་གོ་བ་མེད་པར་གྱུར་བ་ནི་བཙན་བྱོལ་གཞུང་ངོས་དང་གཞུང་ཞབས་ཁོ་ནའི་བྱས་རྗེས་ཡིན་སྐོར་ཡིན་བརྗོད་འདུག། བཙན་བྱོལ་ནང་བོད་ཡིག་སྦྱོང་ན་དེང་དུས་ཀྱི་ཤེས་ཡོན་ཕུན་སུམ་ཚོགས་པའི་འབྲས་བུ་ལེན་མི་ཐུབ་པ་དང། ཁོར་ཡུག་ལ་ཡང་བསྟུན་དགོས་ཚུལ་མང་ཙམ་བཤད་འདུག། དེ་ཡིན་ན་༡༩༥༩་ད་བར་བོད་ནང་ཚེ་སྲོག་དོར་ནས་བོད་དོན་ལས་འགུལ་བ་དང་བཙོན་འོག་ཏུ་ལྷག་པ་སོགས་ཁྲི་ཕྲག་མང་པོ་དེ་དག་གི་བོད་དོན་ཆེད་འཛམ་གླིང་ནང་ཁྱབ་བསྒྲགས་དང་བྱས་རྗེས་གཏེར་འབྲུ་ཙམ་ཡང་འཇོག་མ་ཐུབ་པ་ག་ལ་ཡིན། ངས་བསམ་ན་བོད་དོན་ལ་སྨན་པའི་འབྲས་བུ་གང་བྱུང་ཡོད་པ་དག་གཞིས་བྱེས་མཉམ་རུབ་ཐོག་ཐོན་པའི་གྲུབ་འབྲས་ཞིག་རེད་བསམ། བོད་ཡིག་གི་དེང་དུས་ཀྱི་ཤེས་ཡོན་ཕུན་སུམ་ཚོགས་པ་ལེན་ཐུབ་ཀྱི་མེད་ན། དེང་དུས་ཀྱི་ཤེས་ཡོན་ཐོག་མར་ཡོ་རུབ་ཁུལ་ནུབ་ཕྱོགས་ནས་དར་བ་རེད། དེ་ཡིན་དུས་ཤར་ཕྱོགས་རྒྱལ་ཁབ་བོད་ཕུད་པ་གཞན་ཚང་མའི་ནང་དེང་དུས་ཀྱི་ཤེས་ཡོན་མ་ཁྱབ་པ་གཅིག་ཅང་མེད། ཤར་ཕྱོགས་རྒྱལ་ཁབ་རྒྱ་ནག་དང་་་་ཨུ་རུ་སུ་་་ཉི་ཧོང་་་་ཀུ་རུ་ཡ་་་སོགས་ཀྱི་ནང་དེང་དུས་ཀྱི་ཤེས་ཡོན་འཛམ་གླིང་ཐོག་ཧ་ཀྱང་ཚད་མཐོ་བའི་གྲལ་ཡིན། དེ་དག་གི་རང་རང་གི་སྐད་ཡིག་ཕར་གཡུགས་ཏེ་ཚང་མ་དབྱིན་ཇི་ཁོ་ན་སྦྱོང་ནས་བྱུང་བ་ཡིན་པ་
ཁྱོད་ཀྱི་ར་སྤྲོད་བྱེད་ཐུབ་བམ། འཁོར་ཡུག་ལ་བསྟུན་ནས་བོད་ཡིག་སྦྱོང་དགོས་ཀྱི་མེད་ན་བོད་ནང་རྒྱ་ནག་ལ་ཤིན་དུ་བསྟུན་དགོས་པས་བོད་ཡིག་མི་སྦྱོང།
རྒྱ་གར་ནང་རྒྱ་གར་ལ་བསྟུན་དགོད་པས་བོད་ཡིག་སྦྱོང་མི་དགོས། བོད་ཀྱི་སྐད་དང་རིགས་གཞུང་མེད་ན་བོད་པ་ཟེར་བའི་མིང་དེ་ཡང་མེད་པར་གྱུར་ཟིན་པ་རེད། དེ་མེད་ན་བོད་རང་དབང་དང་རང་བཙན་གང་ཡང་མེད་པར་གྱུར་ཟིན་པ་རེད། ཡང་ཁྱོད་ཀྱི་གཞུང་ཞབས་པ་དག་གི་ཡག་ཉེས་གང་བྱས་ཐམས་ཅད་བྱིན་རླབས་ཏུ་སྒོམ་ནས་སྐྱོན་བརྗོད་རྒྱུན་ནས་བྱེད་མི་ཆོག་ཚུལ་བཤད་འདུག། གཞུང་ཞབས་པའི་ནང་ནས་མི་འགའ་ཤས་ཀྱི་བྱ་ངན་ཚད་ལས་འདས་པ་བྱེད་ཀྱི་ཡོད།
དཔེར་ན་་དབུ་འཛིན་དང་་དྲུང་ཡིག་སོགས་མང་དག་ཞིག་གི་གཞུང་རྒྱུ་དགེར་བདག་དང་ལྐོག་ཟ་བྱེད་པ། ལ་ལས་གསར་འབྱོར་དང་སློབ་ཕྲུག་བུ་མོ་བཙན་གཡེམ་གཏོང་བ། ཐ་ན་གཞུང་ཞབས་པ་དག་གི་རང་བཙན་ལག་དེབ་ལྐོག་ཚོང་བྱས་ནས་ད་སྐབས་་་ཁེ་ན་ཏྲ་་་་ནང་ལ་་་་ནེ་པ་ལི་་མི་རིག་༧༠༠་ཙམ་ཡོད་དེ་དག་བོད་མིང་ཁུར་ནས་བོད་དོན་ལ་བར་ཆད་ཁོ་ན་བྱེད་མཁན་ཤར་དག་རེད། དེ་འདྲའི་གཞུང་ཞབས་ལ་སྐྱོན་བརྗོད་བྱེད་མི་ཆོག་ཟེར་ན་སྔོན་་༥༩་ཡན་ཆད་་སྲིད་དབང་སྒེར་འཛིན་སྐུ་དྲག་ལམ་ལུགས་ལ་འགྲོ་དགོས་ཟེར་གྱི་ཡོད་བཟོ་འདུག། ད་ཡིན་ན་ཤི་མ་གསོན་གྱི་བོད་དེའི་ཚེ་སྲོག་ཡོངས་སུ་མེད་པར་བཟོ་བསམ་པས་མ་ཚད། གོང་ས་མཆོག་གི་མང་གཙོའི་ལམ་ལུགས་ལ་ཁ་ཕྱོགས་ནས་དེར་ཤར་སྤྱོད་བྱེད་པ་ལ་ཡང་དགག་པ་བྱེད་ཀྱི་ཡོད་པ་ནི་ཤུགས་ལས་གསལ། ཁྱེད་རང་གི་དོལ་རྒྱལ་དང་རྒྱ་ཡི་རྒྱུག་ཁྱི་ཟེར་ནས་འཇིག་སྐུལ་གྱི་བསྡིགས་ར་གཏང་བ་དེས། གོང་གི་ཚིག་དག་ལ་གནས་ལུགས་ཕེར་པའི་དོན་ཞིག་མེད་པ་གསལ་སྟོན་བྱས་པ་རེད། རྡོག་རྡོག་བཤད་ན་ང་ཚོའི་སློབ་ཕྲུག་ཚོར་མཐོ་སློབ་ཏུ་ཞུགས་དགོས་མི་དགོས་ཟེར་བ་དེ་རེད་ལབ་འདུག། མཐོ་སློབ་ཏུ་ཞུག་མཁན་ཚང་མས་རང་རང་གི་རིག་གཞུང་ཡལ་བར་དོར་ནས་དབྱིན་ཇི་ཁོ་ན་མ་གཏོགས་མི་སྦྱོང་མཁན་འཛམ་ཤར་ནུབ་རྒྱལ་ཁབ་སུ་དང་སུ་འདུག། ར་སྤྲོད་ཕེར་བའི་ལེན་ཞིག་གནང་རོགས། ཁྱེད་རང་ཡིག་ནོར་ལ་གཟབ་དགོས་འདུག། ཁག་མེད་
མཐོ་སློབ་ལ་ཞུག་ནས་བོད་ཡིག་ཤུལ་དུ་ལོས་ཡོད་ས་རེད། འཇོན་ཐང་་་་Xའབྱོན་ཐང] བལྟོས་་་་་X ལྟོས] གང་སར་་་་X གང་ཚར] ཁྲག་རུས་་་་X ཁྲག་རས]་
དོན་མེད་སྐྱོན་འཛུག་བྱས་ན་ང་ཚོའི་ནོར་འཁྲུལ་རེད་ཡིན་ན་ཡང་ནོར་འཁྲུལ་ཡོད་ཞིན་དུ་རང་ཉིད་ཀྱི་ནོར་འཁྲུལ་ལ་མཁས་ལེན་མ་བྱས་པར་དེ་ལས་ལྡོག་སྟེ་རྒྱལ་ཚོངས་འདོད་རྒྱལ་ཚོགས་པ་སོགས་ཀྱི་ཉེས་འཛུག་བྱས་ན་ཡག་པོ་མ་རེད།