ཚེ་དབང་བསོད་ནམས་ནས།
མང་གཙོའི་སྒྲིག་འཛུགས་ནང་རང་དབང་ཅན་གྱི་གསར་འགྱུར་རིག་པ་་ ( Media ) དེ་གལ་ཆེར་བརྩི་བཞིན་པ་ནི་འཛིན་སྐྱོང་གི་ལས་དོན་ཕྱི་གསལ་ནང་གསལ་ཐུབ་པའི་རྒྱུད་ལམ་དང་མི་མང་གི་བསམ་ཚུལ་དང་རྣམ་སྤྱོད་ཀྱིས་ནུས་པ་འདོན་སའི་རྒྱུད་ལམ་རང་དབང་ཅན་གྱི་གསར་འགྱུར་རིག་པའི་དཔུང་སྡེ་དགོས་པ་ནི་མང་གཙོའི་ཀ་བ་བཞི་པ་དེ་གསར་འགྱུར་རིག་པ་ ( Media ) དེ་ཡིན་པ་དང་ང་ཚོ་བཙན་བྱོལ་སྤྱི་ཚོགས་ནང་རང་དབང་ཅན་གྱི་གསར་འགྱུར་རིག་པའི་དཔུང་སྡེ་མེད་པ་ནས་མི་མང་གི་བསམ་ཚུལ་འདོན་སའི་གླེང་སྟེག་མེད་པ་འདིའི་བཙན་བྱོལ་མི་མང་གི་བསམ་བློའི་གནས་ཚད་དང་རྒྱལ་ཡོངས་ཀྱི་གནས་ཚུལ་ཤེས་རྟོགས་ཐུབ་པའི་རྒྱུད་ལམ་མེད་པ་ནས་བླུན་པོའི་ཆུ་སྣ་གང་འཁྲིད་བཞིན་དུ་མི་མང་འཚོ་དགོས་པ་ནི་དུས་རབས་ཀྱི་རྗེས་མ་ཟིན་བའི་སྤྱི་ཚོགས་ང་ཚོ་ལྟབུ་མང་པོ་འཛམ་གླིང་འདིར་ཡོད་སྲིད་པ་དང་གཞུང་འབྲེལ་གྱི་གསར་འགྱུར་རྒྱུད་ལམ་གྱིས་གཞུང་ངམ་སྒྲིག་འཛུགས་ཀྱི་ལས་དོན་དང་འབྲེལ་བའི་གནས་ཚུལ་ཁག་ངོ་སྤྲོད་ཐུབ་པ་ཙམ་ལས་མི་མང་གི་བསམ་བློའི་རང་དབང་དང་རྣམ་སྤྱོད་ཀྱི་ནུས་པ་སྟོན་སའི་རྒྱུད་ལམ་མེད་པ་ནས་ང་ཚོ་དུས་རབས་ཉི་ཤུ་རྩ་གཅིག་ནང་སླར་ཡང་རྗེས་ལུས་དུ་ལྷག་སྲིད་པ་དང་བཙན་བྱོལ་སྤྱི་ཚོགས་ནང་མི་མང་གི་བསམ་ཚུལ་དང་རྣམ་སྤྱོད་རང་དབང་ལ་འགན་འཁུར་ནས་དཔྱད་རྩོམ་སྤེལ་སའི་རྒྱུད་ལམ་ཁ་བརྡ་དྲ་རྒྱ་ཙམ་ལས་མེད་པ་ནི་བཙན་བྱོལ་བོད་མིའི་་སྒྲིག་འཛུགས་དང་བཙན་བྱོལ་མི་མང་ལ་བསམ་ན་མཉམ་རུབ་ཀྱི་འགན་ཁུར་དང་ནུས་པ་སྟོན་མ་ཐུབ་པ་ལ་ངོས་འཛིན་བྱས་ཆོག་པ་དང་ཨ་རིའི་བོད་སྐད་སྡེ་ཚན་དང་ནོར་ཝེལ་རླུང་འཕྲིན་དང་ཨེ་ཤ་རང་དབང་རླུང་འཕྲིན་སོགས་ཕྱིའི་སྒྲིག་འཛུགས་ཀྱི་སྟངས་འཛིན་འོག་ནས་འགྲོ་དགོས་པའི་གསར་འགྱུར་སྡེ་ཚན་ལ་སོང་མི་མང་དམངས་ཀྱི་བསམ་ཚུལ་གླེང་ས་དང་རྣམ་སྤྱོད་སྤེལ་སའི་རྒྱུད་ལམ་མེད་པ་དང་བཙན་བྱོལ་སྤྱི་ཚོགས་ནང་དེ་སྔོན་ལོ་རབས་བརྒྱད་བཅུའི་ནང་རང་དབང་ཅན་གྱི་གསར་ཤོག་མ་ཁྱོགས་དྲང་ཐིག་དང་ཟླ་གསར་དུས་དེབ་སོགས་སྐྱེས་མ་ཐག་ཏུ་ཚར་ལོངས་མ་ཐུབ་ནས་ཞི་བར་བཤེགས་་ནས་བཙན་བྱོལ་སྤྱི་ཚོགས་ནང་འགྲོ་དོན་སྐྱོང་མ་ཐུབ་པ་དང་གསར་ཤོག་ཁག་ཅིག་ཕྲད་རང་དབང་ཅན་གྱི་ངོ་བོར་གནས་ནས་མི་མང་དམངས་ཀྱིས་བསམ་ཚུལ་འདོན་སའི་སྒོ་སྐབས་མེད་པ་བཅས་ང་ཚོ་དུས་རབས་ཉི་ཤུ་རྩ་གཅིག་ནང་སླེབ་ཡོད་ན་དུས་རབས་དང་བསྟུན་ནས་ང་ཚོ་འགྲོ་མ་ཐུབ་ཚེ་སླར་ཡང་ང་ཚོ་རྗེས་ལུས་ནང་ལྷག་རྒྱུ་ཡིན་པ་ནི་ངས་ཚིག་ཐག་བཅད་ནས་བཤད་ཐུབ་ལ་རང་དབང་མང་གཙོའི་སྒྲིག་འཛུགས་ནང་གསར་འགྱུར་འགོད་མཁན་དང་རྩོམ་ཡིག་སྤེལ་མཁན་ཚོར་སྒྲིག་འཛུགས་དང་མི་མང་ནས་མཉམ་རུབ་དགོས་པ་ནི་དྲང་བདེན་དང་འདྲ་མཉམ་ཕྱི་གསལ་་ནང་གསལ་ཆེ་མཐོང་དང་གུས་བརྩི་རྒྱུད་ནས་གསར་འགྱུར་རིག་པའི་དཔུང་སྡེ་ལ་འགན་བཀུར་དགོས་པ་དེ་ཡར་འཐོན་ཅན་གྱི་རང་དབང་མང་གཙོའི་རྒྱལ་ཁབ་སྤྱིའི་འགྲོ་ལུགས་ཞིག་ཡིན་ན་ང་ཚོའི་བཟང་ཕྱོགས་ནས་ལེགས་ཆ་ལེན་དགོས་པ་བཅས་བཙན་བྱོལ་སྤྱི་ཚོགས་ནང་རང་དབང་ཅན་གྱི་གསར་འགྱུར་རིག་པའི་དཔུང་སྡེ་གང་མང་སྐྱེད་སྲིངས་མ་ཐུབ་ཚེ་ང་ཚོ་སླར་ཡང་རྗེས་ལུས་ནས་ཁ་བྲལ་མ་ཐུབ་པའི་སྤྱི་ཚོགས་ཞིག་ཡང་ལུས་དུ་ལྷག་སྲིད་པ་མ་རེད་དམ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་ཕྱོ་ལོ་ ༢༠༡༩ ཕྱི་ཟླ་ ༡ པོའི་ཚེས་ ༡༣ཉིན་མུམ་སྦེ་ཆ་ཏར་པ་ཏི་ཤི་བ་འཇིའི་མ་ཧ་ར་ཇ་གནམ་ཐང་དུ་ཟིན་བྲིས་སུ་བཏབ།