བཙན་བྱོལ་བོད་མིའི་སློབ་གསོའི་སྐོར་གླེང་བ།

Comments (16) on “བཙན་བྱོལ་བོད་མིའི་སློབ་གསོའི་སྐོར་གླེང་བ།”

1. ང་ཚོང་སྲིད་གཞུང་ལག་ལེན་དེ་འདྲ་གནང་ན་ལེགས་ངེས་འདུག་མོད། འོན་ཀྱང་སློབ་ཕྲུགཚོར་དགོས་མེད་ཀྱི་ཆོས་རྩོད་བྱེད་ཚུལ་སོགས་གསར་རྙིང་གི་གྲྭ་སའི་སྲོལ་རྒྱུན་གྱིས་མི་མང་དང་། སྤྱི་ཚོགས་འགེབས་ཐབས་ཙམ་ལས་དོན་ལ་ཕན་ངེས་ཀྱི་ཤེས་ཡོན་ལག་བསྟར་བྱེད་རྒྱུ་ཁག་པོ་རེད།

2. མ་སྐད་ཟེར་དགོས་ནི་རེད་ཕ་སྐད་ཟེར་དགོས་ནི་རེད། ཐ་སྙད་མ་སྐད་ཅེས་པ་འདི་ཁོ་ན་ལས་བཙན་བྱོལ་གྱི་བོད་ཡིག་གྱི་ན་བའི་གནས་བབས་མཚོན་ཤག

3. ཕ་སྐད་ཟེར་བ་ནི་བོད་ཀྱི་ཤོད་སྲོལ་རེད། མ་སྐད་ཟེར་བ་ནི་མི་རིགས་གཞན་གྱི་བཤད་སྟངས་ཀྱི་ཤུགས་རྐྱེན་རེད། མ་སྐད་ལབ་པ་འདི་དེང་སང་རྒྱུན་སྤྱོད་ཀྱི་ཐ་སྙད་ཆགས་ཡོད་དུས། ཁྱད་པར་དེ་ཙམ་མེད་པ་རེད། མ་དག་རྒྱུན་འབྱམས་ཀྱི་ནང་ནས་གོ་བརྡ་འཕྲོད་ཤོས་ལྟ་བུ་རེད། སྤྱིར་མི་རིགས་སོ་སོའི་རིག་གནས་ལྟ་ཚུལ་མི་འདྲ་བ་ཡིན་པས། ཕར་བསྐྱུར་ཚུར་བསྒྱུར་རིགས་གཅིག་ལ་གཟབ་དགོས་པའང་མང་པོ་ཡོད། དཔེར་ན། རྒྱ་ནག་གི་རིག་གནས་ལྟ་ཚུལ་ལ་མགོ་ལ་ཉི་མ་དམར་པོ་ཤར་ལབ་ན་དེ་ཡག་ཤོས་སུ་བརྩི། བོད་ཀྱི་རིག་གནས་ལྟ་ཚུལ་ལ་མགོ་ལ་ཉི་མ་དམར་པོ་ཤར་ལབ་ན་དེ་སྡུག་ཤོས་སུ་བརྩི་བ་ལྟ་བུ་ཡིན། ཅོག་རོང་གི་མྱིས་བཤད་པ་དེ་གནས་ལུགས་འདུག བོད་ཀྱི་རིག་གནས་ལྟར་ན། ཕ་སྐད་ཟེར་བ་དང་ཕ་ཡུལ་ཟེར་བ་འདི་ཚོ་བེད་སྤྱོད་པ་ཡིན།

4. ཕ་སྐད་དང་མ་སྐད་ཀྱི་ཚིག་འདི་གཉིས་གསར་འབྱོར་བ་ཤེས་ཡོན་པ་དེ་ཚོས་འབྲི་འགོ་བཙུགས་སོང་། དེའི་སྔོན་ལ་རང་སྐད་དང་། བོད་སྐད། ཕ་ཡུལ་གྱི་སྐད་ཙམ་གྱིས་ཆོག་པར་བྱས་པ་རེད།
   ད་ཆ་Mother language ལས། མ་སྐད་དང་། Father languageཞེས་མེད་པས་བོད་སྐད་ཐུན་ཐོང་མ་ཡིན་པ་ཞིག་ཚོན་བྱེད་དུ་ཕ་སྐད་དུ་བཏགས་པ་དང་འདོག་བཞིན་འདུག་ལགས། འདི་རིང་དེ་ཙམ་མོ།

5. རྒན་ལགས་ཀྱི་གསུངས་ལ་མངོན་པར་བསྟོད།

   མ་སྐད་དང་ཕ་སྐད་ལ་དེ་འདྲའི་ཁྱད་པར་ཞིག་མི་འདུག་པ་མ་ཟད། ད་དུང་བྱིས་དུས་སློབ་གསོ་རིག་པར་སྦྱོང་མྱོང་མཁན་ཞིག་ཡིན་ན་མིའི་རིགས་ཀྱི་རང་སྐད་སློབ་པའི་དགེ་རྒན་ཐོག་མ་སོ་སོའི་མ་ཡུམ་ཡིན་པ་གསལ་བོ་རེད། བོད་ཀྱི་རྩོམ་ཡིག་མང་བོ་ཞིག་ན་ཕ་ཡུལ་དང་ཕ་སྐད་སོགས་བདག་པོ་ཚང་མར་ཨ་ཕའི་ཕྱོགས་སུ་སྦྱོར་བཞིན་པ་འདི་ད་ནི་ཅུང་ཟད་བསྒྱུར་ན་མི་ལེགས་སམ། གནད་དོན་འདི་སྐྱེས་བུས་བདག་ཏུ་བཟུང་བའི་སྤྱི་ཚོགས(patriarchal society)ཀྱི་ནད་རྙིང་ཡིན། མིང་ཚིག་རེ་རེས་ཀྱང་སྤྱི་ཚོགས་ལ་འགྲེལ་བརྗོད་བྱེད་བཞིན་ཡོད།

6. ( རླུང )
   འཛམ་གླིང་འདིའི་རླུང་གི་གོ་ལ་རིམ་པ་ལྔ་ཡོད། རིམ་པ་མཐོ་ཤོས་དེ་ལ་Exosphere་ཞེས་ཟེར། མཐོ་ཚད་ནི་འཛམ་གླིང་ས་སྟེང་ནས་ཡར་མཁའ་དབྱིངས་སུ་ཀི་ལོ་མི་ཊར་300་ནས་ ཡར་700་བར་དུ་ཡོད། རིམ་པ་གཉིས་པ་དེ་ལ་Thermosphere་ཟེར། མཐོ་ཚད་ཀི་ལོ་མི་ཊར་80་ནས་300་བར། རིམ་པ་གསུམ་པ་དེ་ལ་Mesosphere་ཟེར། མཐོ་ཚད་ཀི་ལོ་མི་ཊར་50་ནས་80་བར་ཡོད། རིམ་པ་བཞི་པ་དེ་ལ་Stratosphere་ཟེར། མཐོ་ཚད་10་ནས་50་བར་ཡོད། རིམ་པ་དམའ་ཤོས་དེ་ལ་Troposphere་ཟེར། མཐོ་ཚད་0 ་ནས་10 ་བར་ཡོད། རིམ་པ་མཐའ་མ་འདིའི་ནང་ལ་སྤྲིན་རླངས་ཆགས་ཏེ་ཆར་འབབ་པ་ཡིན། རླུང་གི་གོ་ལ་རིམ་པ་བཞི་པ་དེའི་ནང་དུ་རླངས་རྫས་ཁྱད་པར་ཅན་Ozone་ཞེས་པ་ཞིག་ཁྱབ་ནས་ཡོད་པ་འདིས་ཉི་མ་ནས་འབབ་པའི་གནོད་རྫས་Ultra-Violet Rays ཞེས་པའི་འོད་རླབས་འགོག་སྲུང་བྱེད་ཀྱི་ཡོད།
   (ལྷགས་རླུང)
   (Permanent winds.) རྟག་པར་གནས་པའི་ལྷགས་རླུང་། ནུབ་ལ་ཕྱོགས་པའི་རླུང་ཡང་ཟེར། (Periodical winds.) དུས་ཚིགས་ཀྱི་ལྷགས་རླུང་། (Variable winds. ) འགྱུར་སྐྱེན་པའི་ལྷགས་རླུང་། ཚུལ་དང་མི་མཐུན་པའི་རླུང་ངམ་གཅིག་ཏུ་མ་ངེས་པའི་རླུང་ཞིག་སྟེ། དཔེར་ན། Cyclones འཁོར་རླུང་དང་anti-Cyclones ཕྱོགས་ལྡོག་འཁོར་རླུང་ལྟ་བུ། (Trade winds.) བསྟུད་མར་རྒྱུ་བའི་ལྷགས་རླུང་། ཕྱོགས་བཞི་མཚམས་བརྒྱད་ནས་ཚ་ཁུལ་དུ་འཛོམས་པའི་རླུང་།
   (ནམ་མཁའི་ཁ་དོག་སྔོན་པོ ) ས་གཞིའི་རླུང་ཁམས་ལ་ཉི་འོད་ཕོག་ནས་ཉི་མའི་འོད་ཀྱི་ཁ་དོག་སྔོན་པོ་དེ་ཚུར་ལྡོག་ནས་ང་ཚོའི་མིག་ལ་ནམ་མཁའ་མདངས་སྔོན་གྱིས་ཁྱབ་པ་ལྟ་བུར་སྣང་གི་ཡོད་པ་རེད། གལ་ཏེ་ས་གཞིའི་རླུང་ཁམས་མེད་ན་ནམ་མཁའ་མུན་ནག་གིས་ཁྱབ་པ་ལྟར་སྣང་གི་རེད། གང་ཡིན་ཟེར་ན་ཟླ་བའི་སྒང་ལ་རླུང་ཁམས་མེད་པའི་སྟབས་ཀྱིས་ཟླ་བའི་སྒང་ནས་ནམ་མཁར་བལྟས་ན་ནམ་མཁའ་མུན་ནག་གིས་ཁྱབ་པ་ལྟ་བུར་སྣང་གི་ཡོད་པ་རེད། །
   ( བུ་ག་ནག་པོ ) black hole.
   བུ་ག་ནག་པོ་ནི་དགུ་ཚིགས་ཀྱི་དཀྱིལ་སྙིང་དུ་ངེས་ཤིང་ཚགས་ཧ་ཅང་དམ་པ་དང་འཐེན་ཤུགས་ཆེ་བའི་ནམ་མཁའི་དངོས་རྫས་ཤིག་ཡིན། འོད་ཡིན་ཡང་བུ་ག་ནག་པོ་ནས་ཐར་ཐབས་མེད་སྟབས་ནག་པོ་ཟེར་བ་ཡིན།
   ( Density ) མཐུག་ཚད། གོང་བུའི་དངོས་པོ་ཞིག་གི་ནང་རང་ཉིད་སྒྲུབ་བྱེད་ཀྱི་རྫས་དེ་ཚགས་དམ་ལྷོད་ཇི་ཡོད་ཀྱི་ཁྱད་པར། འཇིག་རྟེན་ཁམས་ཀྱི་ནང་བུ་ག་ནག་པོ་ནི་ཚགས་དམ་ཤོས་དང་ཉི་མའི་ཁྱིམ་རྒྱུད་ནང་ང་ཚོའི་འཛམ་གླིང་འདི་ཚགས་དམ་ཤོས་དང་ གཟའ་སྤེན་པ་ནི་ཚགས་དམ་དམའ་ཤོས་དེ་ཡིན།
   (Mass) གདོས་ཚད། དངོས་པོ་ཞིག་གི་ནང་ལ་དངོས་རྫས་ཇི་ཡོད་ཀྱི་ཚད་ཅིག་ལ་ཟེར། ཉི་མའི་ཁྱིམ་རྒྱུད་ནང་གཟའ་ཕུར་བུ་ནི་གདོས་ཚད་མང་ཤོས་དང་གཟའ་ཆུང་གཤིན་རྒྱལ་ནི་ཉུང་ཤོས་ཡིན།
   ( Revolution ) གཞན་འཁོར། གཟའ་རྣམས་ཉི་མ་ལ་སྐོར་ཐེངས་གཅིག་བྱེད་པ་ལ་ལོ་གཅིག་ཟེར། (Rotation ) རང་འཁོར། གཟའ་རྣམས་རང་འཁོར་གཅིག་བྱེད་པ་ལ་ཉིན་གཅིག་ཟེར། གཟའ་པ་སངས་རང་འཁོར་གཅིག་བྱེད་པ་ལ་འཛམ་གླིང་གི་ཉིན་གྲངས་243་སོང་བ་དང་གཟའ་རྣམས་ཀྱི་ནང་ནས་ཉིན་རིང་ཤོས་དེ་ ཆགས་ཡོད། གཟའ་ཕུར་བུ་རང་འཁོར་གཅིག་བྱེད་པ་ལ་འཛམ་གླིང་གི་ཆུ་ཚོད་9་ཙམ་སོང་བས་ཉིན་ཐུང་ཤོས་དེ་ཆགས་ཡོད།

7. སློབ་གསོའི་གནད་དོན་ཐོག་རྩོམ་ཡིག་ལེགས་པོ་ཞིག་སྤེལ་འདུག་པས་བསྔགས་བརྗོད་ཞུ།
   ཞོར་དུ་ཞུ་རྒྱུ་ཞིག་ལ་ཚིག་ལ་མི་རྩོད་པར་དོན་དམ་གོང་འཁོད་དགོངས་འཆར་རྣམས་ལག་ལེན་བསྟར་འོས་ཇི་མཆིས་སྐོར་བསམ་ཚུལ་འདྲ་གླེང་ན་མི་ཆོག་གམ།
   ཡང་གསལ་འདེབས་བྱ་འདོད་པ་ཞིག་ལ། “མ་སྐད་”དམ་ཨིན་སྐད་དུ་Mother language ཅེས་བྱ་བ་ནི་རང་གི་ཨ་མའི་སྐད་ཅེས་བྱ་བའི་དོན་མིན་ཏེ། སྐད་ཨ་མའམ་སྐད་གཙོ་བོ་ཞེས་པའི་དོན་ཡིན་ལ། དེར་སྐད་ཡིག་དང་པོ་ཞེས་ཀྱང་འབོད་པ་ཡིན་པས། དེ་ནི་རང་རེས་ཕ་མེས་ནས་ཉམས་པ་མེད་པར་བརྒྱུད་པའི་སྐད་ལ་”ཕ་སྐད་”ཅེས་འབོད་པའི་དོན་དང་ཧ་ཅང་འདྲའོ།།

8. བོད་པའི་སློབ་མ་ཚོར་བོད་ཡིག་གི་བརྒྱུད་ལམ་ནས་ཨང་རྩིས་དང་། ཚན་རིག སྤྱི་ཚོགས་རིག་གནས་སོགས་བསླབ་པ་ཡིན་ན་སློབ་མའི་སྦྱང་ཚད་དང་གོ་རྟོགས་མཐོ་རུ་འགྲོ་རྒྱུར་གདོན་མི་ཟ་བ་ཡིན།

9. བོད་པའི་སློབ་གྲྭར་བོད་སྐད་སློབ་དེབ་ཟུར་དུ་གཏན་འབེབ་བྱས་ནས་མ་བསླབས་ན་བོད་སྐད་དུས་ནམ་ཡང་ཡར་རྒྱས་འགྲོ་མི་སྲིད་པས། ལས་ཀྱི་མོ་ཚོས་ཡར་རྒྱས་གོམ་བགྲོད་མྱུར་ཚད་གང་མགྱོགས་ལ་བརྩོན་དགོས་མི་འདུག་གམ། ལགས།

10. སྤྱི་ལོ་1975་ལོར་རྒྱ་གར་གཞུང་གིས་བར་སྣང་དུ་བཏང་བའི་མཁའ་དབྱིངས་འཕུར་གྲུ་ཐོག་མ་(Aryabhata)ཟེར། Aryabhata་ནི་རྒྱ་གར་རྩིས་རིག་གི་མེས་པོ་དམ་པ་འཛམ་གླིང་ནང་སྐད་གྲགས་ཆེ་བའི་ཟུར་གསུམ་རིག་པའི་ཤིང་རྟའི་སྲོལ་འབྱེད་ཅིག་ཡིན། ཁོང་ནི་སྤྱི་ལོ་མ་ཚུགས་གོང་རྒྱ་གར་ནཱ་ལཎ་ཊའི་ཉེ་འཁྲིས་སུ་སྐུ་འཁྲུངས་ཤིང་མགྷ་དྷ་མཐོ་སློབ་ཏུ་གནའ་བོའི་སྐར་རྩིས་ལ་སྦྱངས་བས་མཁས་པ་ཆེན་པོར་གྱུར། ཁོང་གིས་སྐར་རྩིས་རིག་པའི་རྣམ་བཞག་དང་ཉི་འཛིན་ཟླ་འཛིན། ཉི་ཟླ་འཆརནུབ་དང་སྒོར་དབྱིབས་ཀྱི་འགྲེལ་བཤད་དག་དེང་དུས་གནམ་དཔྱད་རིག་པའི་རྨང་གཞི་ལྟ་བུར་གྱུར་བ་རེད།

11. Father དང་mother་ཟེར་བ་ཕ་དང་མ་གཅིག་བུར་གོ་མི་དགོས་བར་སྐབས་ཐོབ་ཀྱིས་གཙོ་བོ་དང་སྲོལ་འབྱེད་པ་པོ་ལའང་གོ་ཆོག

12. སློབ་གསོའོ་ལས་འགུལ་སྤེལ་བར་དགའ། བཙན་བྱོལ་ན་ཡོད་པའི་ཤེས་ཡོན་སྒྲིག་འཛུགས་ཀྱི་སློབ་གྲྭ། བོད་གཞུང་ཤེས་རིག་དང་། སྒེར་སློབ་བོད་ཁྱིམ་གཉིས་གུས་བརྩི་དང་བརྩེ་སེམས་ལྡན་པའི་ནང་མི་གཅིག་གི་བུ་སྤུན་གྱི་འདུ་བཤེས་བཅོས་མིན་ཞིག་དུས་ནམ་གྱི་བར་དུ་མ་སླེབས་པ་དེ་སྲིད་དུ་གནད་དོན་གལ་ཆེན་འདི་ཚོ་ཡང་འགྲུབ་ཐབས་ཡེ་ནས་མེད་པ་ཞིག་ཡིན་ནོ།།

13. སྐལ་བཟང་དབང་འདུས་ལགས་ཀྱིས་དཔེ་ལེགས་པོ་ཞིག་བྲིས་གནང་འདུག་བཀའ་དྲིན་ཆེ། ད་དངོས་ནས་ལག་ལེན་ལ་བསྟར་དགོས་རྒྱུ་དེ་གལ་ཆེན་པོ་རེད། ང་ཚོ་བོད་པ་ཚང་རྒྱ་ཆེན་པོ་ཞིག་བཤད་བསྡད་ནས་ཆུང་ཚགས་མང་པོ་འཐུས་ཤོར་ལ་འགྲོ་གི་ཡོད། དངོས་ནས་བྱས་ན་སྐད་ཡིག་སློབ་དུས་ལུང་པ་སོའི་ཕལ་སྐད་དམ་ཕ་མའི་ཁ་སྐད་དང་མ་གང་ཡོད་པ་དེ་ཡི་ཐོག་ནས་སློབ་པ་གནང་ན་ཤིན་ཏུ་དགེ་མཚན་ཆེ་བར་སེམས། དཔེར་ན་སྟོད་པ་ཚོས་སྟོད་པའི་ཁ་སྐད་དང་མ་གང་ཡོད་པ་དེ་ཡི་ཐོག་ནས་བསླབ། དབུས་པ་དང་གཙང་པ་ཚོས་སོ་སོའི་ཁ་སྐད་དང་མ་གང་ཡོད་པ་དེ་ཡི་ཐོག་ནས་བསླབ། ཁམས་པ་ཚོས་རང་རང་གི་ཁ་སྐད་དང་མ་གང་ཡོད་པ་དེ་ཡི་ཐོག་ནས་བསླབ། ཨ་མདོ་བ་ཚོས་ཨ་མདོའི་ཁ་སྐད་དང་མ་གང་ཡོད་པ་དེ་ཡི་ཐོག་ནས་བསླབ་ན་ཕྲུག་གུ་ཚོས་དཀའ་ངལ་གང་མེད་པའི་ངང་ནས་ཤེས་བསླ་བར་སེམས། ཡུལ་ལུང་སོ་སོའི་ཉམས་བསྒྱུར་མེད་པའི་བོད་སྐད་ཟེར་བ་སྐམ་པོ་ཞིག་རྒྱག་འདོད་ཡང་མེད་ལ་ཤེས་འདོད་ཡང་མེད། སྙན་ངག་ཞིག་བྲིས་པ་ཡིན་ནའང་ཉམས་ཅེས་པ་དེ་ངེས་པར་དུ་ཡོད་དགོས་པ་རེད་དེ་མེད་ན་སྙན་ངག་ཡིན་ཟེར་ནའང་བྲོ་བ་གང་ཡང་མེད། ལུང་པོ་སོ་སོའི་སྐད་གདངས་ཀྱི་ཉམས་བསྒྱུར་ཡོད་དགོས་པ་དེ་ནི་དཔེ་གལ་ཆེན་པོ་ཡིན་པར་དྲན་གྱི་ཡོད། དངོས་གནས་བྱས་ན་་ཨ་མདོ་་ཁམས་པ་་དབུས་གཙང་་སྟོད་པ་་སོ་སོའི་ཁ་སྐད་ཀྱི་ཐོག་ལ་བོད་ཡིག་གི་དག་ཆ་དང་བཅས་པ་བཟོ་དགོས་པར་འདུག། དེ་བཞིན་ཁ་སྐད་ཇི་མ་ཇི་བཞིན་བྲིས་པའི་དུས་དེབ་དང་ཚགས་པར་སོགས་མང་ཙམ་འདོན་དགོས་པ་ཡང་འདུག། གླུ་གཞས་གཅིག་བཏང་བ་ཡིན་ནའང་ལུང་པ་སོ་སོའི་ཁ་སྐད་ཀྱི་ཉམས་བསྒྱུར་ལྡན་པའི་ཐོག་ནས་བཏང་བ་ཡིན་ན་དཔེ་སྙན་པོ་འདུག།གཞན་ར་སྐད་ལུག་སྐད་མང་པོ་བསྲེས་བཞག་པ་དེ་ལ་ཆོ་གང་ཡང་མི་འདུག།

14. རྒན་ལགས་ཀྱིས་སློབ་གསོའི་སྐོར་རྩོམ་སྤུས་ལེགས་ཤིག་བྲིས་གནང་འདུག་པར་ཐུགས་རྗེ་ཆེ། ང་རང་ཚོ་བཙན་བྱོལ་སྤྱི་ཚོགས་ནང་དུ་ཁོང་དང་ཁོང་འདྲ་བ་མང་དག་ཤིག་སྐྱེ་སྲིངས་བྱེད་དགོས་ཀྱི་འདུག ང་ཚོར་སློབ་གསོའི་སྐོར་གྱི་རྩོམ་བྲིས་གནང་མཁན་ཉུང་ཞིང། དེ་ཚོར་བསྔགས་བརྗོད་གནང་མཁན་ཡང་ཉུང། ལྷག་པར་བཙན་བྱོལ་བོད་མིའི་སློབ་གྲྭ་འདྲ་མིན་ནང་དུ་ཉམས་མྱོང་ཆེ་བའི་དགེ་རྒན་རྒན་གྲས་རྣམས་ཀྱིས་རང་ཉིད་ད་བར་དུ་ཤེས་ཡོན་སློབ་པའི་རྒྱུད་རིམ་ནང་དུ་མཐོང་ཐོས་མྱོང་གསུམ་ཆ་ཚང་བ་ཡི་གེར་འགོད་ནས་སྤེལ་དགོས་པ་ཤིན་ཏུ་ནས་གལ་ཆེ།

    དེ་ནི་སློབ་གྲྭའི་འཛིན་སྐྱོང་བ་རྣམས་ཀྱིས་དགེ་རྒན་རྒན་གྲས་རྣམས་ལ་མཐོང་ཐོས་མྱོང་གསུམ་བྲིས་དགོས་པའི་་སྐུལ་མ་བྱེད་དགོས་པ་ཤིན་ཏུ་ནས་གལ་ཆེ།

15. བོན་པོས་མཆན་བུ་༡༣ནང་ལ། ་་་་་་ཡུལ་ལུང་སོ་སོའི་ཉམས་བསྒྱུར་མེད་པའི་བོད་སྐད་ཟེར་བ་སྐམ་པོ་ཞིག་རྒྱག་འདོད་ཡང་མེད་ལ་ཤེས་འདོད་ཡང་མེད།་་་ཟེར།

16. ཕ་མ་དང་ཕོ་མོ་གཉི་གའི་དབྱེ་བ་མི་གཙོ་ན་གཤམ་གྱི་མིང་ཚིག་དང་བརྗོད་སྟངས་འདི་དག་ཀྱང་དོན་མཐུན་པར་མཐོང་དགོས་སམ།
    ཕ་ས་ཕ་ཡུལ་ལ་མ་ས་མ་ཡུལ་དང་། རྗེ་ཡབ་སྲས་གསུམ་ལ་རྗེ་ཡུམ་སྲས་གསུམ་དང་། ཕོ་བྲང་ལ་མོ་བྲང་དང་། ཕོ་སྤྱོད་ཁང་ལ་མོ་སྤྱོད་ཁང་དང་། ཕོ་མཚན་ལ་མོ་མཚན་བཅས་བརྗོད་ཀྱིས་མི་ལང་བ་ཡོད་པ་འདི་དག་དོན་གཅིག་མིང་གི་རྣམ་གྲངས་སུ་བརྩི་ས་ན་ཆོག