འདྲེ་གླེན་པ།
སྲིད་པའི་མགོ་བོ་ལས་ཀྱི་པང་ལ་བཞག །
ལས་ཀྱི་རི་མོ་འཁོར་བའི་གྲོང་ལ་འཐེན།།
འཁོར་བའི་ཟོར་ཁ་ཚེར་མའི་སྣེ་ལ་ཟུག །
འགྲེལ་མེད་འཁོར་བའི་མདོ་ལ་སུན་པ་སྐྱེས།།
རོ་དེ་མེ་ཏོག་ཅིག་གི་ཟོལ་དུ་སྐྱེས།།
སེམས་དེ་གྲོག་ཚང་ཞིག་གི་ལས་སུ་ཞུགས།།
ཉི་མ་གཉིད་ལ་ལོག་པའི་ས་སྲོད་དུ།།
ཤྭ་བ་ཆུ་འཐུང་ཞིག་གི་འཇིགས་པ་དྲན།།
ལམ་འདི་རི་ཆུ་བརྒྱ་ཡི་གཟར་སར་འཐེན།།
ཚེ་འདི་བལ་སྐུད་ཅིག་གིས་དམ་པོར་བཟུང་།།
གངས་སྨུག་བན་བུན་ཞིག་གི་ཤུལ་ལམ་དུ།།
རྟ་ཕོ་སྒྲོག་འགྲོས་ཤིག་གི་སྐྱོ་བ་དྲན།།
2/11/2016 མཚན་མོར།
སྐུ་ཉིད་ཀྱི་རྩམ་ཆོས་དེའི་མགོ་ཆོད་དེའི་དག་ཆ་དེ་གསར་པ་རེད་པས་
དམ་དུམ་ཚིག་གི་སྙན་ངག་བྲིན་པའི་དུས།།
མེས་པོའི་རྩམ་དྲི་བྲོ་བའི་སྙན་ཐུང་འདི།།
དགའ་བས་བསུ་བའི་ར་ཟླ་དཀོན་ན་ཡང་།།
ང་ཡི་མཐེ་བོང་ཁྱོད་ཀྱི་གདོང་ལ་བསྒྲེངས།།
དག་ཡིག་གསར་བསྒྲིགས།
དངན་པ། སྐྱོ་ནས་དབུགས་རིང་བོ་འབྱིན་པའི་སྒྲའི་མིང་སྟེ། དངན་པ་འཐེན། དངན་པ་ཤོར་ལྟ་བུ།
བཞི་ག་ཐིང་ཐིང་།
ཐོ་རེངས་ལངས་དུས་སྐྱ་ཐིང་ཐིང་། །
ཉིན་དགུང་ཟིན་དུས་དྲོད་ཐིང་ཐིང་། །
དགོངས་དྲོ་ཆགས་དུས་གྲང་ཐིང་ཐིང་། །
མཚན་མོ་ཉལ་དུས་འཁྱག་ཐིང་ཐིང་། །
དྲྭ་གྲོགས་ཚོས་བདག་ལ་མཆན་བཏབས་པར་དགའ་ཡོད །