ཨེ་ཤེ་ཡ་རང་དབང་རླུང་འཕྲིན་ཁང་གི་ཨ་མདོའི་སྐད་ཀྱི་”བུད་མེད”་ཅེས་པའི་ལེ་ཚན་དེའི་ནང་དུ། བོད་ནང་དུ་འཁྲབས་པའི་”དམ་བཅའ”་ཟེར་བའི་ཕོ་མོའི་བརྩེ་དུང་སྐོར་གྱི་གློག་བརྙན་དེ་དང་འབྲེལ་ནས་བོད་མིའི་སྤྱི་ཚོགས་ཁྲོད་ཕོ་མཆོག་མོ་དམན་གྱི་སྲོལ་རྒྱུན་བསམ་བློའི་འཛིན་སྟངས་སྐོར་ལ། ཁེ་ན་ཌར་གཏན་སྡོད་རང་དབང་རྩོམ་འབྲི་བ་མདའ་ཚན་པ་མགོན་པོ་ཚེ་རིང་ལགས་དང་ལྷན་དུ། གསར་འགོད་པ་རྡོ་རྗེ་མཚོས་བགྲོ་གླེང་ཞུས་བ་ཞིག་འདི་རུ་གསན་ཐུབ་པ་འདུག
རླུང་འཕྲིན་གསར་འགོད་པས་དྲི་བ་གནད་འགག་ཅན་ཞིག་དྲིས་སོང་།
ཡིན་ནའང་། ལན་རྒྱག་མཁན་ལ་བསམ་ཚུལ་བརྗོད་པའི་དུས་ཚོད་ཆེར་མི་སྤྲོད་པར། ལམ་སེང་ཁ་འགོག་པ་དང་གསར་འགོད་པས་བསམ་ཚུལ་ཕར་འགེབས་བྱེད། ཆུ་ཚོད་མི་འདུག་ཟེར་ན། གསར་འགོད་པས་སྐད་ཆ་དེ་་ད་དུང་རྒྱུན་ལྡན་མ་ཡིན་པའི་དབྱངས་འདྲ་ཞིག་ལ་བཀུགས་ཏེ་བཤད་ཀི། མཚོ་སྔོན་རླུང་འཕྲིན་ཁང་གི་མདོ་འཛིན་པ་ཡིན་ཟེར་མཁན་དེ་ཚོའི་བཤད་སྟངས་དང་འདྲ་སེ་འདུག དེ་ཡང་ཀྲུང་དབྱངས་བརྙན་འཕྲིན་ཁང་གི་རྒྱ་མི་དེ་ཚོའི་བཤད་སྟངས་ལ་ལེབ་མོ་རང་རེད་འདུག མཚམས་མཚམས་ལ་མ་གཏོགས་ཁྱེད་ཚང་གི་རླུང་འཕྲིན་ལ་ཉན་ཐུབ་ཀི་མེད་མོད། དེ་རིང་ཁ་བརྡ་སྟེང་བཀོད་ཡོད་ཐོག མདའ་ཚན་པ་མགོན་པོ་ཚེ་རིང་ལགས་དང་ལྷན་དུ་ཞེས་བཀོད་ཡོད་པས་ལམ་སེང་ཁ་ཕྱེ་བ་ཡིན།།
འདི་གསར་འགོད་པ་ལྕགས་མོ་ཚོ་ལ་སྐྱོན་འཛུགས་བྱེད་འདོད་ཀྱི་ཀུན་སློང་མིན་པར་རང་གི་བསམ་ཚུལ་ཙམ་བརྗོད་པ་ཡིན།
ཨ་རི་རླུང་འཕྲིན་ཁང་གི་རྡོ་རྗེ་ཚེ་བརྟན་གྱི་བཤད་སྟངས་དེ་བློར་འབབས་པ་ཞིག་འདུག
གཙོ་བོ་བཅར་འདྲིའི་དུས་ཚོད་ཐུང་དྲགས་པས་རེད་བསམས།
ད་དུང་མུ་མཐུད་དེ་གློག་བརྙན་འདིའི་སྐོར་ལ་བགྲོ་གླེང་བྱེད་ཀི་ཡིན་ཟེར་བས། ང་ཚོས་དལ་མོ་བྱས་ནས་ཉན་ཆོག་གི
འདི་ཨ་རིའི་རླུང་འཕྲིན་ཁང་གི་བགྲོ་གླེང་ནང་བཞིན་ཆུ་ཚོད་སྐར་མ་༤༥ཅན་གྱི་བགྲོ་གླེང་དེ་འདྲ་རེད་མི་འདུག
དེ་རིང་གསར་འགོད་པས་དྲི་བ་དེ་ཚོ་གནད་འགག་ལ་བཟུང་འདུག ད་དུང་གློག་བརྙན་ནང་གི་ཚིག་རྩ་ནས་བཟུང་ཏེ་དྲི་བ་བཏང་འདུག གསར་འགོད་པས་དྲི་བ་གཏིང་ལ་ཚུགས་ནས་དྲིས་སོང་དེ། མགོན་པོ་ཚེ་རིང་གིས་སྐད་ཆ་ཁ་ཤས་ཤིག་ཡིན་ལ་མིན་ལ་འདྲ་ཞིག་བཤད་སོང་། གསར་འགོད་པས་བོད་ནང་གི་གནས་ཚུལ་སྤྱི་དང་ལྷག་པར་དུ་ཉིན་རེའི་འཚོ་བ་དང་ཐག་ཉེ་བའི་གློག་བརྙན་འདིའི་སྐོར་ལ་བཅར་འདྲི་བྱས་བར་ཐུགས་རྗེ་ཆེ།
བཤད་རྒྱུ་གཅིག་བརྗེད་འདུག ཨེ་ཤེ་ཡ་རང་དབང་རླུང་འཕྲིན་ཁང་( RFA)གི་གསར་འགོད་པ་ཚོས་བོད་ནང་གི་ཉིན་རེ་ཉིན་རེའི་གནས་ཚུལ་ལ་རྣ་བ་གཏད་དེ་གསར་འགྱུར་དུས་ཐོག་ལ་གཏོང་བཞིན་པར་དགའ་བསུ་ཡོད། ཨ་རིའི་རླུང་འཕྲིན་ཁང་(VOA)གི་གསར་འགོད་པ་ཚོས་བོད་ནང་དུ་མི་གསོད་ཁྲག་སྦྱར་གྱི་གནས་ཚུལ་བྱུང་ན་་ཡང་གདོང་ལ་འཛུམ་རེ་སྟོན་བཞིན་གསར་འགྱུར་བཤད་བཞིན་པར་དགག་བྱ་ཡོད།
མ་གཞི་དྲི་བའི་ལན་འདེབས་མཁན་ལས་དྲི་བ་གཏོང་མཁན་གྱིས་དུས་ཚོད་མང་བེད་སྤྱོད་གཏོང་གིན་འདུག
འ་རོགས། voa ཚང་གིས་གདོང་ལ་འཛུམ་མ་བསྟན་ན་འགྲིག་གི་མེད་ལ། གཟུགས་མཐོང་གློག་འཕྲིན་ཡིན་པའི་སྟེང་དུ་ཆོལ་ཁ་གསུམ་ནས་འདེམས་སྒྲིག་བྱས་པའི་ཕོ་གཙོག་མོ་གཙོག་ཚོ་དེར་འཛོམས་བསྡད་ཡོད་ནི་རེད་མོ། ཧཧཧ ཀུ་རེ་ཡིན་ཀོ
དྲི་བ་གཏོང་མཁན་གྱིས་གསར་འགྱུར་གྱི་ཁ་ལོ་བསྒྱུར་དགོས་པ་རེད། དུས་ཚོད་མང་ཆེ་ཤོས་གཏོང་ད་གཏོང་། དེ་མིན་ཁ་བརྡ་དྲ་རྒྱ་ནང་གི་མཆན་བཏབ་པ་ལྟར་ལན་རྒྱག་མཁན་ནས་ལན་རྒྱ་ཡན་དུ་བཏང་བསྡད་ན་དུས་ཚོད་ཉུང་ནི་རེད། དེའི་སྟེང་ནས་གསར་འགོད་པར་རྒྱབ་སྐྱོར་ཡོད།
དེ་མིན་དྲི་བ་གཏོང་སྐབས་མཚོ་སྔོན་བོད་སྐད་གློག་འཕྲིན་ཁང་གིས་ལད་མོ་ལྟར་གདངས་འདྲ་བོ་ཅིག་ཡོད་པ་དེ་གཞན་གྱི་གསར་འགྱུར་ལས་ཁུངས་ན་མི་འདུག་པས་དང་། མཚོ་སྔོན་གྱི་དེ་ཡང་གནའ་སྔ་མོ་གསར་འགྱུར་བཤད་མཁན་ཕུར་བ་ཅན་པོས་ཀྲུང་དབྱང་གི་གསར་འགྱུར་བཤད་མཁན་དག་ལ་ལད་མོ་བྱས་པ་ཅིག་རེད་མོད། དེང་སང་གི་མདོ་འཛིན་པ་ཚེ་མགོན་ཅན་པོས་གང་ཐུབ་ཉུང་རུ་གཏོང་བཞིན་པར་མ་ཟད། ཉུང་རུ་གཏོང་དགོས་པའི་བསམ་འཆར་ཡང་འདོན་གྱི་འདུག་ཀ
ཁ་གཅུས་ནའང་གཅུས་སྟངས་ཤིག་ཡོད་རེད། ལན་འདེབས་མཁན་གྱིས་བསམ་ཚུལ་བཤད་མ་ཚར་གོང་དྲི་བ་འདོན་མཁན་གྱི་བསམ་ཚུལ་ཕར་ཁ་ནང་དུ་འཇོག་པ་དེ་མ་འགྲིག་པ་རེད།
འོ། མོ་ལྕགས་མོ་འཚོ་ཟེར་བ་དེ་མ་ཡིན་པར་རྡོ་རྗེ་མཚོ་ཟེར་བ་ཞིག་ཡིན་འདུག དགོངས་དག།
ན་ནིང་ཞིག་ནས་བཟུང་ཨེ་ཤི་ཡ་རང་དབང་རླུང་འཕྲིན་ཁང་གི་གསར་འགྱུར་ལ་རྩ་ནས་ཉན་མི་ཐུབ་གི ད་ཆི་བྱས་ཉན་གོ་རེད།
དྲི་བ་གཏོང་མཁན་གྱི་འགྲིག་མིན་དང་ལན་རྒྱག་མཁན་གྱི་འགྲིག་མིན་བཤད་ན། དེ་ཨ་རིའི་རླུང་འཕྲིན་ཁང་ལ་བཤད་དགོས་ཀྱི་འདུག
མཚམས་རེར་ཆུ་ཚོད་༤༥དེ་དོན་མེད་ལ་འཕྲོ་བརླག་གཏོང་གི་འདུག བརྗོད་བྱ་ཆེན་པོ་རེ་འཁྱེར་ཡོང་ནས་དོན་མེད་ལ་རྩེད་མོ་རྩེ་གི་འདུག
དམ་བཅའི་སྐོར་གྱི་བགྲོ་གླེང་འདི་ལྟ་བུ་ཡིན་ན་སྐར་མ་བཅུ་ཙམ་གྱི་བགྲོ་གླེང་རེད། བགྲོ་གླེང་ནི་ཧ་ཅང་ཡག་པོ་བྱས་འདུག
དྲི་བ་གཏོང་མཁན་གྱིས་གློག་བརྙན་ནང་གི་ཕོ་མོའི་སྐད་ཆ་ཡན་ཆད་བཟུང་ནས་དྲིས་སོང་། མགོན་པོ་ཚེ་རིང་གིས་གད་མོ་དགོད་ཞོར་ལ་ལན་བརྒྱབ་སོང་།
ད་དུང་ལེ་ཚན་རྗེས་མའི་ནང་དུ་མུ་འགོད་བྱེད་ཀྱི་ཡིན་གསུངས་སོང་། རྡོ་རྗེ་འཚོ་དང་ལྕགས་མོ་འཚོ་སུ་ཡིན་ན་ཡང་ཡག་པོ་འདུག རྗེས་སུ་ཡི་རངས་ཡོད།
ལྕགས་མོ་འཚོ་དང་རྡོ་རྗེ་འཚོ་གཉིས་ཀྱི་གང་རུང་ཞིག་ཀུན་གླེང་ཚང་ལ་ཡོད་ན། ཀུན་གླེང་ཚང་གི་ཞི་མོ་ལོ་ཆུང་དེ་ཚོར་མིག་དཔེ་ཡག་པོ་ཞིག་སྟོན་ཐུབ་ཀྱི་རེད།
ཀུན་གླེང་ཚང་གི་ཞི་མོ་ཚོས་ཁོང་གཉིས་ཀྱི་ས་ནས་སྦྱངས་དགོས་ཡ་མང་པོ་འདུག སྐད་འདི་གོ་ནི་ཡོད་ན་ཀུན་གླེང་ཚང་ལ་བཤད་རོགས།
གསར་འགྱུར་བཤད་སྟངས་ཐོག་ནས་ལྕགས་མོ་མཚོ་དང་སྒྲོལ་དཀར་ལགས་ལྟ་བུར་དཀོན་ཚོད་རེད། དེ་དག་ལ་བསྟོད་བསྔགས་ཇི་ཙམ་བྱས་ཀྱང་བབ་འོས་སུ་མཐོང་། ཚེ་དབང་ནོར་བུ་ཟེར་བ་དེ་དང་ཨ་ཏི་ཟླ་བ་སྒྲོལ་མ་ཟེར་བ་དེ་ཚོ་ནི་ངོ་མ་བོད་ཀྱི་སྐད་ཡིག་གཏོར་གཤིག་བྱེད་མཁན་རང་རེད་ཁོ་ཚོས་སྒྲོག་པའི་གསར་འགྱུར་གྱི་ནང་དོན་བཟང་ངན་ཇི་ལྟར་ཡིན་ཡང་ཆ་ཚང་བ་ཉན་མཁན་ཧ་ཅང་དཀོན་རྒྱུ་རེད།
བཙན་བྱོལ་དུ་ཨ་མདོའི་གསར་འགྱུར་བཤད་མཁན་གྱི་ཞི་མོ་གཉིས་བཙལ་དགོས་ན་ལྕགས་མོ་འཚོ་དང་རྡོ་རྗེ་འཚོ་གཉིས་ཡིན།
བགྲོ་གླེང་གི་གཙོ་སྐྱོང་བ་ཞིག་བཙལ་དགོས་ན་རྡོ་རྗེ་ཚེ་བརྟན་ཡིན། གསར་འགྱུར་ལ་དཔྱད་གཏམ་སྤེལ་མཁན་ཞིག་བཙལ་དགོས་ན་དཔལ་ལྡན་རྒྱལ་ཡིན།
གཞན་པ་ཚོ་གྲངས་ཀ་མང་པོ་དང་སྤུས་ཀ་ཞན་པོ་རེད།
འ་འ་འ། ད་མིའུ་ཕྲུག་ཁྱོད་ད། ཤི་རེ་ཀོ
ནུབ་ཚ་འཐུང་ཚར་བའི་རྗེས་སུ་གློག་བརྙན་དེའི་སྐོར་ལ་ཡང་བསྐྱར་ཉན་པ་ཡིན།
གསར་འགོད་པའི་དྲི་བ་ཐུང་ཐུང་རེ་རེ་ལ་མགོན་པོ་ཚེ་རིང་གིས་གད་མོ་དགོད་བཞིན་ལན་རིང་པོ་ཡག་པོ་འདྲ་བརྒྱབ་སོང་།
གཅར་རྡུང་གི་སྐོར་གྱི་སྐད་ཆ་དེ་ལ་རྣམ་དཔྱོད་བཏོན་ནས་བསམ་ཚུལ་བཤད་འདུག ལེ་ཚན་རྗེས་མ་དེ་ལ་སྒུག་སྡོད་ཀྱི་ཡིན།
ཨ་རིའི་རླུང་འཕྲིན་ཁང་གི་ཚེ་བརྟན་དབང་ཕྱུག་གྱིས་གསར་འགྱུར་དཔྱད་བརྗོད་སྤེལ་བ་ལེགས། རྡོ་རྗེ་ཚེ་བརྟན་གྱི་སྨྲ་བརྗོད་དག་ཅིང་དྲི་བ་གནད་དུ་ཁེལ། འཕྲིན་ལས་ཆོས་སྒྲོན་གྱི་གསར་འགྱུར་སྒྲོག་སྐབས་སུ་མགྱོགས་དལ་ལ་ཐང་ལྷོད་མི་འགྲོ། ཨེ་ཤ་ཡ་རང་དབང་རླུང་འཕྲིན་ཁང་གི་སྒྲོལ་དཀར་གྱིས་མདོ་འཛིན་བྱས་པ་རྣམས་ལ་བོད་དོན་གྱི་གནས་ཚུལ་གནད་དུ་ཁེལ་བ་ཡོད། ལྕགས་མོ་འཚོ་དང་རྡོ་རྗེ་མཚོ་གཉིས་ཀྱི་སྨྲ་བརྗོད་དག་ཅིང་བོད་ཞེན་ཡོད་པའི་རྣམ་པ་ཐོན་ཐུབ། ཡིན་ནའང་ལས་ཁུངས་དེ་གཉིས་ལ་ད་དུང་ཡར་རྒྱས་སུ་གཏོང་དགོས་པ་མང་པོ་འདུག་སྟེ་འདིར་དེ་ཙམ་མོ། །
མདའ་ཚན་པ་ལགས། དྲ་ཐོག་ནས་ཉན་ན་ཆོག་གི
ཨེ་རླུང་ཚང་གི་དྲ་ངོས་སུ་ཡིག་ནོར་ཅུང་མང་བ་མ་གཏོགས་གསར་འགྱུར་བཤད་མཁན་ཚོས་རང་རང་གི་འགན་འཁྲིའི་ལས་དོན་ཧུར་ཐག་གིས་སྒྲུབ་བཞིན་འདུག སྐད་གདངས་ནི་རང་རང་གི་ངག་སྒོར་རག་ལས་པ་ཞིག་དང་ཚིག་གི་གཅོད་མཚམས་སོགས་ནི་རང་རང་གི་རྣམ་དཔྱོད་ལ་རག་ལས་པ་ཞིག་རེད།
ངའི་རེ་བ་ཆེན་པོ་གཅིག་ནི་ཨ་རིའི་སྒྲ་སྐད་ཚང་གིས་ཀྱང་ཨེ་རླུང་ཚང་བཞིན་གསར་འགྱུར་བོད་ཡིག་ཏུ་སྤེལ་རྒྱུ་དེ་ཡིན།
ྐླུ་སྨྱོན་གྱི་རེ་བ་དེ་འགྲུབ་རྒྱུར་ལོ་བཅུ་ཕྲག་ཁ་ཤས་འགོར་རྒྱུ་རེད།
ཨ་རིའི་རླུང་འཕྲིན་ཁང་(VOA)ལ་བོད་ཡིག་ཤེས་ཚད་འདང་ངེས་ཀྱི་ལས་བྱེད་མེད།
ཨ་རིའི་རླུང་འཕྲིན་ཁང་གིས་ཆོལ་ཁ་གསུམ་གྱི་སྐད་ཐོག་ལ་བཤད་པའི་སྲོལ་མེད།
ཨ་རིའི་རླུང་འཕྲིན་ཁང་དེ་བོད་ནང་གི་རྒྱ་ཆེའི་མི་མང་གི་ཆེད་དུ་བཙུགས་པ་ཞིག་ཡིན་ས་མ་རེད།
ཨ་རིའི་རླུང་འཕྲིན་ཁང་གི་ཀུན་གླེང་གི་འགོར་གསར་འགྱུར་བརྙན་འཕྲིན་ཕྱོགས་བསྡུས་ཤིག་ཡོད་པ་དེ་ནི་ཧ་ཅང་ལེགས་པོ་འདུག
ད་དུང་བྱུ་རུའི་སྐེ་རྒྱན་ཞེས་པའི་གློག་བརྙན་ཐུང་ཐུང་ཞིག་འདུག དེར་གྲོགས་པོ་ཚོས་བལྟ་ཐུབ་ན་དངོས་གནས་ཡག་པོ་འཁྲབ་འདུག བལྟ་མཁན་ཚོའི་མིག་ཆུ་ནི་དབང་མེད་དུ་ལྷུང་ངེས་རེད། ཡིན་ནའང་ངས་དྲ་ལམ་ནས་རེག་ཐུབ་མ་སོང་། གྲོགས་པོ་ཞིག་གི་ཁྱིམ་ནས་ vcd ཞིག་མཐོང་བ་ཡིན། བརྗོད་བྱ་ནི་ཕོ་མོའི་བརྩེ་དུང་སྐོར་མ་ཡིན་པར་ཁྱིམ་ཚང་སྐྱོ་བོའི་བུ་མོ་ཞིག་གིས་བྱུ་རུའི་སྐེ་རྒྱན་ཅིག་རེག་ན་འདོད་པའི་སྐོར་རེད། གང་ལྟར་གློག་བརྙན་དེར་རྒྱུས་ཡོད་མཁན་རེ་ཡོད་ན་དེའང་དྲ་ལམ་དུ་འཇོག་ཐུབ་ན་དངོས་གནས་བལྟ་རྒྱུ་འདུག
ངོ་མ་ཡག་པོ་འདུག།
ང་རང་ལ་ཆགས་བཞག་ན་ལྕགས་མོ་མཚོ་དང་སྒྲོལ་དཀར།རྡོ་རྗེ་མཚོ་ཁོང་གསུམ་གྱི་གསུངས་སྐད་དེ་གོ་ཡོང་དུས་སེམས་པ་ལྷོད་ལྷོད་དང་དགའ་བའི་ཚོར་བ་ཞིག་འཔེལ་ཡོང་གིན་མ་ཟད།སྐུ་ཚེ་རིང་བ་ཤོག་ཅེས་སྨོན་ལམ་བརྒྱབ་ཤོར་གྱིན་འདུག།ད་ལྟའང་ཁོང་གསུམ་ལ་ཚེ་རིང་ནད་མེད་ཡོང་བའི་སྨོན་ལམ་ཞུ།།
ཁམས་ཕྲུག་ལགས།
ཐུགས་རྗེ་ཆེ། སྔོན་མ་ངས་དྲ་ཐོག་ནས་ཉན་གི་ཡོད། ན་ནིང་ཞིག་ནས་ཉན་མི་ཐུབ་གི ཕབ་བཤུ་ཕབ་ལེན་གང་མནན་ནའང་འབྲས་བུ་སྟོང་སངས་སེ།
ཨེ་རླུང་ཚང་གི་གསར་འགྱུར་རྣམས་ངའི་གློག་ཀླད་ནང་ནས་ཡང་ཉན་མི་ཐུབ་གི ཐབས་ཤེས་ག་རེ་བྱས་ཀྱང་སྟོང་བ་རེད། ལམ་སྟོན་གནང་མཁན་འདྲ་ཡོད་དམ།
ད་ནི་སྤུན་ཟླ་ཁྱེད་ཅག་གི་གློག་ཀླད་ཀྱི་སྐྱོན་ཡིན་རྒྱུ་རེད། ངས་འདི་ནས་ཉན་ཐུབ་ཀྱི་འདུག
དེ་ནི་སྒེར་གྱི་རྩིས་འཕྲུལ་གྱི་སྐྱོན་རེད། མ་ལག་བསྐྱར་འཇོག་བྱས་ན་ཉན་ཐུབ་སྲིད།