སྐར་ཁྲི་བཙན་ནམ་གངས་ཕྲུག་རྨས་མས་་་་་་་་་་
རྒྱ་མིའི་རྒྱུག་ཁྱི་བྱ་བར་འདོད་ཡོད་ན་བལ་བོའི་རྒྱལ་སའི་ཡན་ཞིག་མེད།།
རྒྱ་བོད་གཉིས་ཀྱི་ཕོགས་ལེན་འདོད་ན་བལ་བོའི་རྒྱལ་སའི་ཡན་ཞིག་མེད།།
གོང་འོག་བར་ལ་་དཀྲུགས་ཤིང་འདོད་ན་བལ་བོའི་རྒྱལ་སའི་ཡན་ཞིག་མེད།།
གསར་རྙིང་བར་ལ་མགོ་བདེ་འཁྲབ་ན་བལ་བོའི་རྒྱལ་སའི་ཡན་ཞིག་མེད།།
བཙན་པོའི་མི་ལ་ངོ་དགའ་བྱ་ན་བལ་བོའི་རྒྱལ་སའི་ཡན་ཞིག་མེད།།
གཉོམ་ཆུང་མི་ལ་ཁུ་ཚུར་ཕྱར་ན་བལ་བོའི་རྒྱལ་སའི་ཡན་ཞིག་མེད།།
ཕྱུག་པོའི་མི་ལ་སྤྲེལ་ལད་འཁྲབ་ན་བལ་བོའི་རྒྱལ་སའི་ཡན་ཞིག་མེད།།
ཉམ་ཆུང་མི་ལ་ཐུབ་ཚོད་བྱེད་ན་བལ་བོའི་རྒྱལ་སའི་ཡན་ཞིག་མེད།།
རྒྱལ་དང་ཤོ་ཡི་མི་ཚེ་བསྐྱལ་ན་བལ་བོའི་རྒྱལ་སའི་ཡན་ཞིག་མེད།།
མཛེས་མ་ཉོ་སྤྱད་སྒོར་མོ་ཡོད་ན་བལ་བོའི་རྒྱལ་སའི་ཡན་ཞིག་མེད།།
གྲྭ་བ་ཨ་ནེ་གྲལ་སྡེབ་བྱེད་ན་བལ་བོའི་རྒྱལ་སའི་ཡན་ཞིག་མེད།།
སྐྱ་མིན་སེར་མིན་ཅི་ཞིག་བཟོ་ན་བལ་བོའི་རྒྱལ་སའི་ཡན་ཞིག་མེད།།
རྒྱུན་ཆད་མེད་པར་ཞབས་རིམ་འདོན་ན་བལ་བོའི་རྒྱལ་སའི་ཡན་ཞིག་མེད།།
མཚམས་རེར་མཚམས་རེ་མཚམས་ལ་འདུག་ན་བལ་བོའི་རྒྱལ་སའི་ཡན་ཞིག་མེད།།
ནང་དགོང་གཉིས་ལ་སྐོར་བ་བྱེད་ན་བལ་བོའི་རྒྱལ་སའི་ཡན་ཞིག་མེད།།
ཉིན་མཚན་མེད་པར་འཕྲེང་བ་འཛིན་ན་བལ་བོའི་རྒྱལ་སའི་ཡན་ཞིག་མེད།།
དྲོ་གྲང་སྙོམ་བའི་གནམ་གཤིས་དགོས་ན་བལ་བོའི་རྒྱལ་སའི་ཡན་ཞིག་མེད།།
རིན་གོང་རན་པའི་ཟས་གོས་དགོས་ན་བལ་བོའི་རྒྱལ་སའི་ཡན་ཞིག་མེད།།
དཀར་ནག་རྒྱ་ཡི་ཚོང་རར་འགྲིམ་ན་བལ་བོའི་རྒྱལ་སའི་ཡན་ཞིག་མེད།།
དག་རྫུན་མང་བའི་བཅའ་དངོས་དགོས་ན་བལ་བོའི་རྒྱལ་སའི་ཡན་ཞིག་མེད།།
ནག་ཚོང་རྒྱབ་ནས་ཕྱུག་པོ་བཟོ་ན་བལ་བོའི་རྒྱལ་སའི་ཡན་ཞིག་མེད།།
དཀར་ཚོང་བྱས་ནས་དབུལ་བོ་བྱེད་ན་བལ་བོའི་རྒྱལ་སའི་ཡན་ཞིག་མེད།།
ཇག་རྐུན་བྱ་ནས་ཁྲིམས་ལ་ཐུག་ན་བལ་བོའི་རྒྱལ་སའི་ཡན་ཞིག་མེད།།
ཁྲིམས་དཔོན་བྱས་ན་སྤྱི་ནོར་ཟ་ན་བལ་བོའི་རྒྱལ་སའི་ཡན་ཞིག་མེད།།
མི་སེར་ལག་འཁྱེར་རྫུན་མ་བཟོས་ན་བལ་བོའི་རྒྱལ་སའི་ཡན་ཞིག་མེད།།
ཕྱིར་སྐྱོད་ལག་འཁྱེར་དག་མ་བཟོ་ན་བལ་བོའི་རྒྱལ་སའི་ཡན་ཞིག་མེད།།
ལག་འཁྱེར་གང་ཡང་སྟོན་རྒྱུ་མེད་ན་བལ་བོའི་རྒྱལ་སའི་ཡན་ཞིག་མེད།།
བདག་པོ་མེད་པའི་ལས་ངན་བྱེད་ན་བལ་བོའི་རྒྱལ་སའི་ཡན་ཞིག་མེད།།