བསུ་བ་ཞུ།

Comments (4) on “བསུ་བ་ཞུ།”

1. བཀའ་དྲིན་ཆེ་ལགས་སོ།།

2. བཀའ་དྲིན་ཆེ། དགེ་རྒན་བཟང་བོ་དག་ལ་བཀའ་དྲིན་ཞུ

3. དེ་རིང་ནི། སློབ་གྲྭ་འགྲིམ་བཞིན་པའི་སློབ་མ་རྣམས་ཀྱིས་རང་ལ་སློབ་འཁྲིད་གནང་མཁན་དགེ་རྒན་རྣམས་ཀྱི་བཀའ་དྲིན་དྲན་པའི་ཉིན་མོ་ཙམ་མིན་པར། གནམ་འོག་ན་སློབ་གསོ་ཐོབ་པའི་འགྲོ་མི་ཀུན་གྱིས་སྲུང་གཙི་བྱེད་དགོས་པའི་གལ་ཆེ་དུས་ཚེས་ཤིག་རེད། སྲུང་གཙི་བྱེད་སྟངས་ཤིག་གིས་འདས་དོན་གྱི་ཟུར་ཅིག་ད་ལྟའང་དྲན་པ་ནི། ང་བོད་ཁྱིམ་སློབ་གྲྭ་ན་ཡོད་སྐབས། དགེ་རྒན་ཉིན་མོ་ནི་སློབ་མ་ཚོས་དགེ་རྒན་བཟང་ངན་བཀར་བའི་དབྱེ་འབྱེད་ཀྱི་ཉིན་མོ་ཞིག་རེད་བསམ་མྱོང་། རྒྱུ་མཚན་ནི། ཉིན་དེའི་མཛད་སྒོ་སྐབས་དགེ་རྒན་གཙོས་པའི་ལས་བྱེད་པ་རྣམས་གྲལ་དུ་འཁོད་པའི་གཡས་གཡོན་དུ་ལག་ན་ཤིས་ཤོག་ (Card) དང་ལག་རྟགས་ཆུང་ངུ་སོགས་མང་ཉུང་ཅི་རིགས་འཁྱེར་བའི་སློབ་མས་མཐར་བསྐོར་བ་དང་། རིམ་བཞིན་སློབ་ཕྲུག་ཚོས་རང་རང་གི་ཡིད་ལ་འཐད་པའི་དགེ་རྒན་གི་དྲུང་དུ་ཤིས་ཤོག་ཕུལ་བས། དགེ་རྒན་ཚོས་(མང་ཆེ་བ་དགེ་རྒན་བུད་མེད) ང་ལ་འདི་ཙམ་བྱུང་ཟེར་བ་ལྟ་བུས་ཟུར་དུ་བཞུགས་པའི་དགེ་རྒན་རྣམས་ལ་བསྟན་རེས་བྱེད། གཡས་གཡོས་སློབ་ཕྲུག་ཚོ་ནི་གྲངས་བཤེར་གཟུར་དཔང་དང་འདྲ་བ། གྲུང་ཤ་དོད་པའི་མིག་ཟུང་གཉིས་པོ་དགེ་རྒན་ཚོའི་པང་དུ་ཡོད་པའི་སློབ་མའི་ལག་རྟགས་ལ་ལྷོད་པ་མེད་པས། དགེ་རྒན་འགའ་ཞིག་ལ་ནི་ཕྱག་གིས་ཁྱོག་ཚད་དང་། ལ་ལ་ནི་ཕྱག་སྟོང་དུའང་ཕེབས་དགོས་པ་བྱུང་བས་ང་དང་འདྲ་བ་བོད་ཁྱིམ་སློབ་གྲྭར་འགྲིམ་མྱོང་མཁན་ཞིག་ན་དེ་རིང་གི་ཉིན་མོ་འདི་ལ་འགྲེལ་སྟངས་གཞན་ཞིག་ཡོད་སྙམ། ཁ་དྲོ།

4. དུས་རིང་མོ་ནས་དགེ་རྒན་གྱི་བཀའ་དྲིན་དེ་བཞིན་ཡིག་ལམ་དུ་མདོར་བསྡུས་ཤིག་སྤེལ་འདོད་ཀྱི་འདུན་པ་ཤུགས་དྲག་བྱུང་། ད་ལྟ་མི་ཡུལ་དུ་བཞུགས་མེད་པའི་ཁོ་བོའི་དགེ་རྒན་དམ་པ་ཁོང་ནི་ཕུགས་བསམ་ཆེ་ཞིང་འདིང་གི་ཞེ་འདང་ཟབ་པའི་ཁོ་བོའི་ཕ་ཚབ་ཡིན། ཁོང་ནི་རྒྱུན་དུ་སྒང་རླིངས་ཆེ་བས་ང་རང་ཆུང་དུས་སློབ་གཉེར་ལ་སྐུལ་ལྕག་ཆེན་པོ་ཐེབས་བྱུང་། ཕྱི་ཚུལ་ཁྲོ་ཉམས་ལྡན་པའི་དགེ་རྒན་ལ་ཞེད་སྣང་དང་ཁྲོ་བ་གཅིག་ཅར་དུ་བྱུང་ནས་བསམ་མེད་ན་ཆུང་ལོ་ཟླ་ཟད་པ་དང་བསྟུན་ནས་དགེ་རྒན་ཁོང་ཡང་ང་དང་གཏན་དུ་ཁ་བྲལ་སོང་། ད་ཆ་བསམ་ན་མིག་མཐར་མཆིལ་མ་འཁོར་བ་ཙམ་ལས་མེད་པས་ཤེས་ཡོན་གྱི་གཤོག་པ་ཅུང་ཙམ་འབུར་བའི་ལོ་ཆུང་སྣང་བ་མཐོ་པོ་རྣམས་ཀྱིས་དགེ་རྒན་གྱི་བཀའ་དྲིན་སྐབས་ཐོག་ཤེས་ཐུབ་པ་བྱས་ཏེ་ཕྱིས་འབྱུང་བློ་འགྱོད་མེད་པ་གནང་རོགས་ཞུ།